رد: تعديل التأشيرة لمن لديه خطأ فيها

من طرف lobna12 في الخميس 22 أغسطس 2013, 2:07 pm

شكرا لكم وجزاكم الله الف خير

من طرف zs في الأحد 10 نوفمبر 2013, 12:46 am

السلام عليكم .....
نرجوا من الأخوة الأفاضل مساعدتي ماهو الممكن فعله ....
إكتشفت إني كتبت بالخطأ في نموذج المرافق زوجتي أن السفاره الليبية تتكفل بكل المصاريف بمافيها مصاريف أبي الدراسية ...
والمفروض كتابة أن السفاره الليبية تتكفل بكل المصاريف بمافيها مصاريف زوجي الدراسية ...

وأن موعدي بعد يومين ولاأدري كيف اندير .....

والسلام ..

من طرف Abu Mohamed في الأحد 10 نوفمبر 2013, 1:10 am

zs كتب:السلام عليكم .....
نرجوا من الأخوة الأفاضل مساعدتي ماهو الممكن فعله ....
إكتشفت إني كتبت بالخطأ في نموذج المرافق زوجتي أن السفاره الليبية تتكفل بكل المصاريف بمافيها مصاريف أبي الدراسية ...
والمفروض كتابة أن السفاره الليبية تتكفل بكل المصاريف بمافيها مصاريف زوجي الدراسية ...

وأن موعدي بعد يومين ولاأدري كيف اندير .....

والسلام ..

وعليكم السلام
قصدك مصاريف زوجتك
في أي سؤال هذه؟ أعتقد مافيش مشكلة لو أنت مرفق رسالة الدعم المالي وفيها المرافق زوجتك لأنها واضح أنها خطا مطبعي

لو أنت مصمم تبي تغيرها وخلاص الاستمارة سكرتها معناها دير وحدة جديدة وألغي الموعد الأول وأكيد في الليل وخري تحصل موعد ملغي تاخذه ومرات تحصل الموعد اللي لغيته.

من طرف صوت الحقيقه في الأحد 10 نوفمبر 2013, 11:47 pm

السلاك عليكم ورحمة الله ..

عند الحصول على التاشيره البريطانيه ,ولكن بوجود خطأ ف تاريخ الميلاد ((ف اليوم والشهر ))ما الذي يجب فعله؟؟

وهل تؤثر ف رحلتى للداراسه؟؟ ...علما انى كتبتها ف الابلكيشن صح لكن الخطا منهم هم ..

افيدونا ماجورين..

من طرف Abu Mohamed في الأحد 10 نوفمبر 2013, 11:58 pm

ما يأثر وممكن تكلمي السفارة البريطانية في طرابلس بس حتى لو ماغيرولك مش مشكلة أهم شئ عندك وثيقة مثل جواز سفرك أو شهادة الميلاد موجود فيها الاسم وتاريخ الميلاد كاملا وصحيحا.

من طرف khaled2010 في الإثنين 11 نوفمبر 2013, 12:05 am

zs كتب:السلام عليكم .....
نرجوا من الأخوة الأفاضل مساعدتي ماهو الممكن فعله ....
إكتشفت إني كتبت بالخطأ في نموذج المرافق زوجتي أن السفاره الليبية تتكفل بكل المصاريف بمافيها مصاريف أبي الدراسية ...
والمفروض كتابة أن السفاره الليبية تتكفل بكل المصاريف بمافيها مصاريف زوجي الدراسية ...

وأن موعدي بعد يومين ولاأدري كيف اندير .....

والسلام ..

وعليكم السلام ورحمة الله

تستطيعي ان تفعل ما اخبرك به ابو محمد ولكن مخاوفة ان لا تجد موعد عند الغاء الموعد واعادة النمودج .

توكل على الله لانه واضح خطأ مطبعي وخصوصا ان جميع اوراقك ان المرافق زوجتك من رسالة الدعم وحتى الجوازات الخ .

لكي يطمئن قلبك اكتب في خانة المعلومات الاضافية انك اخطاءت بالمطبعي كتابة الجملة في السؤال رقم كذا بكلمة الاب بديلا عن الزوجة مثلا .

بتوفيق لك

Abu Mohamed كتب:ما يأثر وممكن تكلمي السفارة البريطانية في طرابلس بس حتى لو ماغيرولك مش مشكلة أهم شئ عندك وثيقة مثل جواز سفرك أو شهادة الميلاد موجود فيها الاسم وتاريخ الميلاد كاملا وصحيحا.

شكرا خوى ابو محمد بارك الله فيك..

في جواز سفري ::تاريخ ميلادي فيه السنه فقط ((وهى صحيحه ف التاشيره)) ..يعني من كلامك اريد مستند ثانى ماعرفتش شن هو ..شهادة ميلاد مترجمه متلا؟؟

لك منى كل التقدير اخي..

من طرف Abu Mohamed في الإثنين 11 نوفمبر 2013, 12:09 am

صوت الحقيقه كتب:
Abu Mohamed كتب:ما يأثر وممكن تكلمي السفارة البريطانية في طرابلس بس حتى لو ماغيرولك مش مشكلة أهم شئ عندك وثيقة مثل جواز سفرك أو شهادة الميلاد موجود فيها الاسم وتاريخ الميلاد كاملا وصحيحا.
شكرا خوى ابو محمد بارك الله فيك..

في جواز سفري ::تاريخ ميلادي فيه السنه فقط ((وهى صحيحه ف التاشيره)) ..يعني من كلامك اريد مستند ثانى ماعرفتش شن هو ..شهادة ميلاد مترجمه متلا؟؟

لك منى كل التقدير اخي..

حتى أنا زمان صارتلي في جوازي السنة فقط فكتبوا السنة واليوم 1 والشهر 1 ولما أتصلت بيهم قالولي لأن في الجواز مش مذكور اليوم والسنة ومشت الأمور.

من طرف Abu Mohamed في الإثنين 11 نوفمبر 2013, 12:12 am

ممكن مايقدر يكتب توة أي شئ لو الاستمارة سكرها ولكن خطرت لي فكرة ثانية ممكن يكتب ورقة خارجية يوضح فيها الخطأ ويوقع عليها ويرفقها. وممكن لما يسحب الاستمارة يصلح الخطأ ويوقع فوق التصليح وبإذن الله مافيه مشكلة.

Abu Mohamed كتب:
صوت الحقيقه كتب:
Abu Mohamed كتب:ما يأثر وممكن تكلمي السفارة البريطانية في طرابلس بس حتى لو ماغيرولك مش مشكلة أهم شئ عندك وثيقة مثل جواز سفرك أو شهادة الميلاد موجود فيها الاسم وتاريخ الميلاد كاملا وصحيحا.
شكرا خوى ابو محمد بارك الله فيك..

في جواز سفري ::تاريخ ميلادي فيه السنه فقط ((وهى صحيحه ف التاشيره)) ..يعني من كلامك اريد مستند ثانى ماعرفتش شن هو ..شهادة ميلاد مترجمه متلا؟؟

لك منى كل التقدير اخي..
حتى أنا زمان صارتلي في جوازي السنة فقط فكتبوا السنة واليوم 1 والشهر 1 ولما أتصلت بيهم قالولي لأن في الجواز مش مذكور اليوم والسنة ومشت الأمور.

العبد لله صار لي نفس الشئ ،،، تاريخ ميلادي في الجواز مكتوب السنة بس ، وبالرغم من أني أرفقت شهادة ميلاد مع المستندات وكتبت التاريخ كاملاً في الأبليكيشن ، إلا أنني لقيت تاريخ الميلاد في التاشيرة كاتين اليوم 1 شهر 1 ، والسنة كما هي بالجواز ، طبعاً لاحطت ذلك متأخراً ولم يكن لدي علم ماذا أفعل ،،، المهم توكلت على الله وسافرت ،،، المشكلة هني أي معاملة تطلب في تاريخ الميلاد كاملاً باليوم زالشهر والسنة، وعادة ياخذوا في هذا التاريخ من الجواز ، إذا كانت مش موجودة ياخذوا في هذا التاريخ من التأشيرة ،،،

صار لي موقف بالخصوص أول ما وصلت ، مشيت لأحد المصارف بنفتح حساب، وبدأت الموطفة بإدخال البيانات ولما وصلت لتاريخ الميلاد فتحت الصفحة الإنجليزية في الجواز ، ولما ما لقتش التاريخ كاملاَ فتحت صفحة التاشيرة ولقت تاريخ الميلاد هو 1/1 بالإضافة إلى السنة ، ولما قلتلها أن اليوم والسنة في هذا التاريخ غير صحيح وأن تاريخ ميةدي الصحيح هو كدا وكدا، تغير لون وحهها وألغت كل البياتات وقالت لي متأسفة ما نقدرش نفتح لك حساب ... وتكرر ذلك مع مصرف آخر ... بعدها بأيام مشيت لفرع آخر للمصرف الأول ، ولما وصلت الموظفة لتاريخ الميلاد لم تجده كاملاً في الجواز ـ سألتني على البوم والشهر قلت لها عليهم ، وآني قعد على أعصابي لأني احتاج إلى حساب ضروري باش نستلم فيه المنحة، المهم الموظفة سجلت التاريخ اللي أعطيته لها ولم تدقق في التاريخ المكتوب في التأشيرة، وفتحت الحساب ومشت الأمور والحمدلله ... لكن كل ما ندير معاملة بهذا الجواز نقعد على أعصابي ... غير جاب ربك أن الجواز هذا غيرته هني في السفارة وأكدت لهم على كتابة التاريخ كاملاً ...

أعتقد لتفادي هذه الأشكالية ، أما تديري زي ما قالك الأخ ابومحمد تتصلي بالسفارة في طرابلس للإجراء ، أو أنك تمشي لإدارة الجوازت وتقوليلهم يكتبوا لك تاريخ ميلادك كاملاً باللغة الإنجليزية ويوقعوا ويختموا عليه ، أو ممكن تديري افإجراءين معاً ... أعبقد أن الموضوع مهم جداً .

Abu Mohamed كتب:ممكن مايقدر يكتب توة أي شئ لو الاستمارة سكرها ولكن خطرت لي فكرة ثانية ممكن يكتب ورقة خارجية يوضح فيها الخطأ ويوقع عليها ويرفقها. وممكن لما يسحب الاستمارة يصلح الخطأ ويوقع فوق التصليح وبإذن الله مافيه مشكلة.

ربما يمشي هذا الحل اللي اقترحه الأخ أبو محمد ،،،

قبل حوالي أربعة اشهر قدمت على التأشيرة من داخل بريطانيا عن طريق الجامعة ، وكان في فقرة تسأل هل سبق وأن أقمت في المملكة المتحدة في الخمس سنوات الماضية ، وإذا نعم أكتب العنوان ،،، طبعاً العبد لله جاوبت لا لأنها أول سفرية لي إلى بريطانيا ، ولي فيها سبعة اشهر فقط ذلك اليوم ،،، وحتى لما الاستشارية Student Adviser راحعت النموذج معاي ووصلت لهذه الفقرة سألتني جاوبت بكل تقة لا ... ولما بدأت هذه الموظفة تراجع في مستنداتي لقت في بطاقة الشرطة متعي مكتوب عنوان يختلف على عنواني الحالي واللي مكتوب في الأبليكيشن ، سألتني عليه ، قلتلها أني جيت لوحدي في بداية هذه السنة ووسكنت مؤقتاً في هذا العنوان لمدة أربعة اسابيع أو أقل في شهر 1 هذه السنة 2013 ، ومن ثم انتقلت للسكن الحالي ،،، قالتلي يجب أن نشير إلى هذا العنوان في ذلك السؤال ،،، لكن للأسف النموذج أغلق وتم إرسالة ودفعت الرسوم أون لاين ... سألتها ما الحل ، قالتلي ما فيش مشكلة و تو نرفق رسالة مع المستندات نوضخ فيها التفاصل ... وبالفعل قامت بإرفاق رسالة رسمية من مكتبهم بدون إجراء أي تغيير في النموذج بعد سحبه، الرسالة لم أطلع عليها ذلك الوقت ، ولكن لما استلمت التأشيرة ورحعولي جميع المستندات الأصلية وجدت هذه الرسالة من ضمنهم ،،، من يريد صيغتها أضعها له في المنتدى لاحقاً إن شاء الله ...

يوجد اقتراح آخر مش عارف هل يمشي أم لا ،،، لو يقوم الأخ بتعبئة نموذج جديد وسحبه ، ويمشي لموعده الأول ويرفع معاه النموذج الأول بالحل اللي اشار إليه الأخ ابو محمد ،،، وفي نفس الوقت يرفع النموذج الثاني الصحيح ، لما يوصل لمكتب الورلد بردج يحكي لهم شن صار معاه بالضبط ويقوللهم أنه عنده نموذج جديد يبي يقدمه مش نفس النمودج اللي رقمه موجود عندهم في المواعيد ، لربما سمحوا له تقديم هذا النموذج ،،، إذا رفضوا يقدم النموذج الأول اللي واخذ بيه الموعد ويرفق معاه الإقرار ... يمشي و إلا لا ؟؟؟

من طرف khaled2010 في الإثنين 11 نوفمبر 2013, 9:40 pm

يفضل ارفاق ورقة .

لانني لجأت لهذا الامر سابقا .

من طرف khaled2010 في الإثنين 11 نوفمبر 2013, 10:07 pm

حصلت سابقا ولا يؤثر الامر في شي .

الاهم عندهم سنة الميلاد تكون مطابق لجواز السفر .

نعم أخ خالد ،،، ذلك لا يؤثر في التاشيرة وتقدر تسافر بيها عادي جداً وما فيش أي مشكلة ،،، ولكن قد تواحهك مشكلة إذا طُلب في معاملة ما تاريخ الميلاد كاملاً بالدليل (مكتوب في مستند ما) وليس شفهياً ، وهنا أكثر شئ يطلبوا في جواز السفر كهوية لغير اصحاب البلاد... ما اقصده هنا أن التاريخ الميلاد مهم أن يكون كاملاً لإنجاز أغلب المعاملات في بريطانيا لو لاحظت ذلك ، ولو تلاحظ هنا أيضاً لو بتدير اي إجراء أو عقد أو كشف أو بتاخذ موعد أول شئ يسألوك على تاريخ الميلاد كاملاً باليوم والشهر والسنة ولا ما يسألوش على السنة فقط ...

من طرف Abu Mohamed في الإثنين 11 نوفمبر 2013, 11:01 pm

أعتقد أن الحل لو السفارة رفضت التعديل بعد إعطاء شهادة ميلاد أن يتم استخراج جواز جديد ويتم التأكيد على كتابة التاريخ كاملا ويتم لصقه مع الجواز القديم الذي توجد به التأشيرة إلى أن تنتهي صلاحية التأشيرة وبعدها يتم استخدام الجواز الجديد وهذا ماحصل لي لأن من حسن حظي أن جوازي القديم كان على وشك الانتهاء وتم تجديده من قب فتم استخراج واحد جديد.

مش عارف لعند أمتى يحطوا في موظفين عديمي المسؤولية في الجوازات.

من طرف Abu Mohamed في الإثنين 11 نوفمبر 2013, 11:13 pm

لاتستطيع أخي المتوكل أن ترفق نموذج جديد وتمشي للموعد أخذته بالرقم اللي في النموذج القديم لأن الرقم متاع النموذج لازم يتطابق مع الرقم اللي حجزت بيه وإلا تسير مشكلة.
الحل هو إرفاق ورقة كما قلت وهو خطأ بسيط ولن يسبب إشكالة.

تعديل التأشيرة لمن لديه خطأ فيها