كل مايخص خطوط طيران وتذاكر ورحلات بين ليبيا وبريطانيا

شكرأ أخي على التوضيح .

بالنسبة لرحلة لندن ، الأفريقية توصل بكري شوية ، أما الليبية ممكن توصل متأخر لأنها الساعة 11:00 تقلع من طرابلس وممكن تحتاج من 3.5 إلى 4 ساعات .

بالنسبة للأسعار ما فيش فرق هلبة، دخلت على مواقع الحجز للقطارات ، ولموقع الخطوط البريطانية للإطلاع على الرحلات الداخلية، حسبتها من جميع النواحي ما لقيتش فرق هلبة ، وبالنسبة للمواعيد فهي متوفرة طوال اليوم تقريباً ساء القطار أو الطائرة !

بالمناسبة آني بنسافر لمدة شهر وبعدين بنرجع نرفع العائلة والصغار إن شاء الله !!

هل في حد عنده وجهة نظر أخرى في الموضوع ؟

مرحبااا
بسال ...هل بدئت رحلات الخطوط الليبية من طرابلس الي لندن ؟
ومن يعرف سعر التذاكر علي الخطوط الليبية ؟
شكرااااااااااا

أخت aman تقدري تشوفي هذه الصفحة فهي تتحدث بالتفصيل عن خطوط الطيران المتجهه نحو بريطانيا

http://www.almofad.com/t11147-topic

بارك الله فيك

وموفقين ان شاء الله

شكرااااااااااا

____________________________

..رَبَّنَا آَتِنَا فِي الدُّنْيَا حَسَنَةً وَفِي الآَخِرَةِ حَسَنَةً وَقِنَا عَذَابَ النَّارِ..

هل هناك ازدحام على تداكر الطيران لبريطانيا وهل لو في ازدحام الحل يكون اني نشري تدكرة مفتوحة او محددة بموعد بعيد ومن تم تأخير او تقديم الموعد ؟ او مافيش ازدحام

ياشباب 41 مشاهد ومافيش رد وينكم ياشباب ويا اخوات

أعتقد أنه لا يوجد ازدحام باعتبار أنه توجد شركتا خطوط تسير رحلات إلى لندن وهي الليبية والأفريقية ، بالإضافة إلى رحلات مانشستر التي تسيرها الخطوط الليبية ،،، ومع هذا لو لقيت زحمة تقدر تمشي على اي خط آخر ترانزيت مثل النمساوية أو اللوفتهانزا أو الإيطالية أو المالطية أو التونسية أو التركية ، وهاذي أسعارها مش بعيدة على الليبية وأحياناً قد تجد بعضها أرخص خصوصاً لو حجزت قبل موعد السفر بفترة طويلة!

أما عن نوع التذكرة فلا علاقة له بالإزدحام ،،، فإذا أنت كنت تفكر في الرجوع قبل منتصف المدة يجب أن تقدر موعد عودتك حتى تصدر التذكرة المناسبة ، فمثلاً لو بترجع يعدين شهرين ونصف من سفرك تاخذ تذكرة ذهاب وإياب لمدة ثلاثة اشهر (في حال توافرها) ، ولو تفكر ترجع بعد ما يزيد عن 6 إلى 12 شهر من موعد سفرك هنا تاخذ تذكرة سنوية ، وفي جميع الأحوال موعد العودة يعتمد على الخطوط ، فبعضها يجبرك أن تضع تاريخ عودة ولو تقريبي على التذكرة وبعدين تغير الموعد ، وبعض الخطوط يوافقوا يخلوا العودة مفتوحة خصوصاً للتذاكر السنوية وال 6 أشهر !!

ما تنساش في منتصف المدة ليك الحق في تذكرة ذهاب وعودة من ,غلى بلد الدراسة !!!

رحلة طيبة ، وسفر ميمون إن شاء الله !!!!

السلام عليكم...... لو ممكن من الاخوة يقولي كم المدة المتوقعة من تاريخ الحجز الى السفر من ليبيا الى مانشيستر....... لان تعريف الطالب على حسب البعثاث الاربعاء القادم .... واني مش عارف هل نحجز من توا قبل او نستنى التعريف.... وبارك الله في الجميع

وعليكم السلام أخي محمد ،،،

إذا أنت مستعجل وما تبيش تستنى التذاكر ،،، دير حسبتك اعتباراً من يوم الأربعاء أمتى بتسافر وخوذ حجز مبدئي بدون دفع ثمن التذكرة ، ولو حصلت البرقية يوم الأربعاء امشي اصدر التذكرة ، ولو ما طلعتش البرقية غير موعد الحجز مرة أخرى ،،،

هو الحقيقة تقدر تحجز وتشتري التذكرة وتأكد حجزك على أساس أن برقيتك بتاخذها يوم الأربعاء ، لكن لو تأخرت البرقية قد تضطر لدفع مبلغ مالي لتغيير الحجز ، وهذا يعتمد على نوع الحجز ، من وجهة نظري الشخصية ... دير حجز مبدئي وما تصدرش التذكرة وتأكد حجزك لين تضمن البرقية في يدك !!

بارك الله فيك خوي المتوكل

وفيك بارك الله أخي الكريم !

بالتوفيق لك وللجميع إن شاء الله !!

موعد رحلة الخطوط الليبية لمانشيستر

سعر التدكرة

موعد الخطوط الليبيه كل يوم الاحد و التلاتاء و الجمعه
سعر التدكره عن نفسي نعرف الدهب فقط 532

شكرااااااااا ياأخي

ذهاب واياب يبدا من 742 دينار الا 1500 دينار

أنا حجزت على الخطوط الليبية و شريت تذكرة ذهاب فقط بـ380 دينار و رحلتي راح تكون يوم 5/1 (الجمعة)

_________________________________________

ربنا آتنا في الدنيا حسنة و في الآخرة حسنة و قنا عذاب النار

ان شاء الله توصل بالسلامة ويوفقك الله في هالرحلة الدراسية وجميع الموفدين ان شاء الله