الماجستير من دبلوم عالي في ماليزيا

السلام عليكم و رحمة الله و بركاته
اخواني و اخواتي بالله نبي منكم نصيحة الله يسلمكم
انا عندي دبلوم عالي في الحاسوب و نبي توا نقرا الماستر في ماليزيا و بعد ما بعتت اوراقي للقبول في معهد ELS قال لي شخص انه الماستر في جامعة معتمدة عند ليبيا من الدبلوم العالي ما فيش في ماليزيا
بالله عليكم نبي حد يقول لي هل الكلام هذا صح او لا ؟؟
و شنو الحل انصحوني وين نتوجه يعني بدل ماليزيا دام انه مش حنحصل قبول اكاديمي فيها من دبلوم عالي...


و بارك الله فيكم

سلام ...ونا نفس الشي بس حصلت قبول لغوي في معهد كاستوري بماليزيا بس اعتقد القبول الاكاديمي بدرجة دبلوم فيها مشاكل اللي عنده اساء جامعات تقبل بدرجة الدبلوم للحصول على الماستر يدلنا ارجوووووووكم

لو عندك رغبة في الدراسة ممكن تعادل موادك وتخش بكالوريس وبعدين منها الي الماستر

لان التسلسل الاكاديمي اعتقد هو الذي يفرض نفسه في الجامعات..واعتقد انه كان السبب في رفض القبول للدراسة


وبالتوفيق اخواني

السلام عليكم :
بالنسبة للاخ اللي يسأل عن دراسة الماجستير في ماليزيا بمؤهل دبلوم عالي هناك مشاكل بالنسبة لدراسة الماجستير لحملة الدبلوم العالي ربما المشكلة تكون في عدد الواحدات المنجزة في مرحلة الدبلوم لان الجامعات عندها عدد واحدات معينة وفي اندونيسيا حملة الدبلوم العالي يدروسون مواد استدراكية قد تصل ل 6 اشهر قبل البدء في الماجستير هدا حسب المعلومات التي لدي ولكن توكل علي الله وحاول تحصل قبول لان هناك بعض الاشخاص هم نفس موهلك وتخصصك حصلوا قبول وتمو الماجستير ورجعوا حتي الي ليبيا وبالتوفيق

خلك من الكلام .. اتصل بيبا وانا انجيبلك قبول من اي جامعة UTM او UBM او الاسلاميه كلام مضمون انا عندي دبلوم عالي كيفك بالظبط

السلام عليكم

هناك بعض الجامعات تقبل الدبلوم العالي بدون مواد استدراكيه
والجامعات معتمده

اللي عنده دبلوم عالي ويرغب في دراسة الماجستير ايراسلني عالخاص

السلام عليكم ورحمة الله وبركاته

انا عندي دبلوم عالي في الاتصالات وراسلت معهد لغة بهذا الموضوع وكان ردهم بان أحد متطلبات برنامج الماستر انه تكون ال CGPA 2.5 - 3.0 أقل حاجة(وهذه تقريبا يحسبو فيها من نسبة التخرج)في شهادة البكالوريوس .

ونرجو من اخوتنا الطلاب في ماليزيا ان يفيدونا اكثر في هذا الموضوع .

والله الموفق

اعتقد ماليزيا فيها قبولات اكاديمية للدبلوم العالي

ولو انها صعبة شوية وتبي حد فاهم بالضبط غادي

لكن الأفضل الإنتقال لساحة ثانية توفر الدبلوم العالي مثل بريطانيا افضل بكثير