بخصوص التفويض 12

سلام عليكم: أنا اسمي موجود في التفويض 12 .مشيت اليوم للخزانة, وأعطوني البرقية اللي نمشي بيها للبعثات(اللي هي موجهة أساسا للمراقب المالي في السفارة الليبية للبلد اللي انت ماشيلها يعطوك نسختين واحدة تاخذها معاك والتانية تعطيها للبعثات). يعني كل الطلبة اللي موجودة اسمائهم في التفويض 12 يقدروا يمشوا للخزانة ويستلموا برقياتهم.

اخى العزىز انا من بنغازى اكيد الاكلام هضا

الأخ من بنغازي :قلتلك أنا خذيت البرقية اليوم تحديداالساعة 1:30 (أنا من مدينةالزاوية)

ربى يفتح عليك انشالة وبتوفيق فى دراستك انشالله وهد رقمى اتمنى انك اديرلى رنة 0923007248

ياخوي مصطفى انا الاستاذ اسامة قالي معاش نعطوا في الاوراق لطلاب
بالله عليك انت اعطوها ليك بعد ما كثرت عليهم واصريت عليهم وقلتلهم انك بعيد و الخ
ام اعطوها ليك عادي جدا دون ان تصر عليهم
رانا بعيد وخايفة انجي ومايعطونيش الورقة
انا كنت في طرابلس و مشيت للخزانة مرتين و قالوا انه الاوراق ايجي مندوب البعتات يستلمها ومعاش نعطوا فيها للطالب ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


اللي نقصده مرات انت عاملوك معاملة خاصة ومش كل طالب يمشي يعطوه الاوراق
لانه لو اي حد معناها نبي نطلع توا
وكان هذا ننتظر الى يوم الاربعاء في البعتات

بالنسبة الى الخزانة فهي اتجي في الظهرة
وانت جاي من جزيرة دوران بن عاشور ( دوران القادسية )
الشارع طبعا ضيق شوية
ادخل الى تقريبا ثاني فتحة عاليمين
وهي اتجي مقابل السفارة النمساوية
المبني جديد ولونه اصفر وزجاج ازرق
وهذا رقم الخزانة لمن يريد السؤال
0213345438
وهما يفتحوا 8 الى الساعة 3 ظهرا

اخ مصطفى ياريت ترد علينا
راهو الموضوع مش مستحمل الانتظار
اما نطلع توا أو يوم الاربعاء
هل لو مشيت للخزانة حيعطوني الاوراق بدون ان اكثر عليهم ؟؟؟؟؟؟؟؟؟
او انه فعلا تعطي الاوراق لطالب بدون اي تأخير
انا المشكلة انه المسؤل قالي مافيش الاوراق مايعطوش فيها في الخزانة
وانت توا انقول في الخزانة ؟
والله حيرتونا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

تأكيدا لكلامك يا أم عائشة بعثت أحدا اليوم للخزانة وأحالوه على البعثات الأربعاء القادم

ربيييييييييي ايسمعكم خير و يرحم والديكم

@الونشريسي كتب:تأكيدا لكلامك يا أم عائشة بعثت أحدا اليوم للخزانة وأحالوه على البعثات الأربعاء القادم

حتى انا قالولي هكي
الاربعاء سيحول الى ادارة البعتات
وحيجيهم مندوب من البعتات ويأخذ الاوراق
والطالب يستلمها من ادارة البعتات

ولكن الاخ مصطفى قال استلمتهم اليوم من الخزانة ؟؟؟؟؟؟؟؟؟؟؟؟

ياربي.................شنو هالمشاكل

شنو انديرو نحنا البعاد؟؟؟؟

باهي ممكن ياخدهن اي حد قريب.........يعني لو يعطو فيهن اساسا؟؟؟؟

والاخ اللي عطوه مرات اتكون غلطة موظف؟؟؟

الأخ الونشريسي أعتذر عن التأخير في الرد.. قالولي الآن في إجراء جديد أي يعطوهن للمندوب وليس للطالب كما كان سابقاً وقالولي يوم

الأربعاء تعالي للبعثات (في بنغازي) وراجعي إما نعطوك البرقيات والتذاكر اللي يجيبهن المندوب أو انقولولك عدي جيبيهن ابروحك من الخزانة

في طرابلس يعني الخبر مش أكيد

ارجو تاكيد الاخبار لان الكلام متضارب وانا بنبعث حد ايجيبلي اوراقي ياريت تاكدونا الخبر اليقين وبارك الله فيكم جميع

السلام عليكم: لكل الأخوة حنحكيلكم كيف صار معاي بالضبط:
مشيت للخزانة . وصلتها بعد جهد لأني ماكنتش نعرف المكان. دخلت المبنى وسألت موظف الاستعلامات, قاللي أطلع الدور الأول. طلعت للدور الأول دخلت مع ممر صغير بعدين شفت جهة اليمين لقيت مكتب مكتوب عليه مامعناه أنه خاص بالتفويضات المالية دخلت لقيت 2 موظفين القيت التحية واستنيت شخص يتم في معاملة. وبعد ذلك قلت للموظف : نسأل على التفويض . 12 فسألني عن الساحة. وبعدين سألني عن الأسم. وبعد ما عرف الساحة والأسم. بحث عن الأسم في كشف موجود عنده. وبعد ما تأكد من الأسم أنه موجود قام بسحب نسختين من البرقية ووقعهم ثم أعطاهم للموظف الثاني وقعهم أيضا وختمهم, وأعطاهملي. فسألته: وين نمشي بيهم. أجاب واحدة ترفعها للبعثات والتانية تحتفظ بيها ولما تسافر تبعثها للسفارة. قلتهلم بارك الله فيكم وربي يعاونكم .
هذا اللي صار بالضبط بدون زيادة أو نقصان. يعني لا كثرت كلام ولا أصريت ولا حتى طلبت منهم برقية أو أي شيء كل ما في الأمر أني سألت عن التفويض فقاموا فورا بإعطائي البرقية.
فيه حاجة تانية: أثناء تواجدي في المكتب فيه شخص دخل وكان واضح أنه إما أن يكون زميلهم أو صديق ليهم . وهما يهدرزو. سألهم :شنو صار في التفويض 12. فأجابه واحد منهم قائلا: جونا بعض الطلبة وعطيناهم برقياتهم. للعلم لم يطلبوا مني حتى إثبات شخصية. والمكان أول مرة نمشيله وما نعرف حد منهم.
للأسف ماكنتش نتوقع يصير اللغط هذا كله والا كنت نشرت مع الموضوع صورة من البرقية, وانا الآن في البيت وماعنديش سكانر ولكن غدا بعون الله سوف أنشر صورة من البرقية. والسلام عليكم دهشتوني

يا سيدي ربي ايعينك و يفتح و يسهل على الكل و ما خاب ساعي الخير

اخي مصطفى نحن لم نكذبك .. حاشى لله والله
بس نحن مستغربين الموضوع
وسامحنا رانا نبعد عن طرابلس اقل شئ 1000 كيلو متر
يعني انت على بعدك تظل قريب على طرابلس مش زي اللي عايش في الجنوب و الشرق
وانا واغلب الشباب كنا في الخزانة وقالوا لنا نحن لانعطي التفويض للطالب
وانما ياتي المندوب ويأخذ الاوراق وانت تستلمهم من البعتات
والشخص المسؤل قال انه يوم الاربعاء ستجدونها في ادارة البعتات

وانت اليوم جيت وقلت لنا انه استلمتها بنفسك من الخزانة
والله اصبح الموضوع محير وملخبط
مانبيش انجي ونتكلف بمصاريف التذاكر و مصاريف الفندق والمعيشة من اليوم
وبعدين نمشي للخزانة ويقولي مانعطوش الورقة للطالب
ونضطر بهذا نقعد الى يوم الاربعاء

يعني يا خوي الوضع حساس بخصوص الطلاب المناطق الاخرى
وياريت تتقبل اعتذارنا لو اسئت الفهم أو تجاوزنا حدودنا معك

وعموما بارك الله فيك و الف مبروك الاوراق
وانا جاية غدا لطرابلس وان شاء الله يعطوني الورقة ومايديروش معاي جو الجديات ^_^

شكراااا مصطفى الرحيبي

بارك الله فيك علي الايضاح

السلام عليكم:
انا بعون الله بنمشي للبعثات اليوم الثلاثاء ونعطيهم البرقية وان شاء الله نقوللكم شنو يصير معاي.
بالنسبة للأخوة اللي بعاد على طرابلس ننصحكم ماتجوش لطرابلس اليوم على الأقل. شوفوا قبل كيف تكمل القصة معاي في البعثات قبل يعني الحكاية مادام فيها سفر وبهدلة مافرقتش لو استنيتوا يوم .
وفي كل الأحوال هذا تليفوني (0925463113)
باش في أسوأ الأحوال لو صارت معاي مشكلة في النت ممكن تتصلوا بيا ونقوللكم شنو صار معاي. بعد نهاية الدوام إذا مالقيتوا شيء في المنتدى. فممكن تتصلوا بيا. والسلام عليكم ورحمة الله

صباح الخير .. .انا حاليا أمام الخزانة وكلام الاخ مصطفى صحيح مية بالمية..

بس ضروري الحضور الشخصي ضروري ولاتسلم الاوراق بدون الحضور الشخصي مهما كان

بارك الله فيك اختي ام عائشة
يعني تو زوجي يقدم على التاشيرة لمصر باش نقدم ونتحصل على التذاكر

الحمد لله واخيرا تفويض رقم 12 جاهز فى الخزانه وعلى الطلبه المذكور اسمائهم فى التفويض يمشوا ياخذوا برقياتهم . موفقين موفقين