الموافقة الامنية غير مطلوبة...؟؟؟؟

السلام عليكم....اخواني الدارسين بالساحة المصرية تحياتي للجميع وامل من الله ان تكون بافضل حال .....وردني بان الموافقة الامنية غير مطلوبة على الطلبة الليبيين ...حسب اتفاق تم بين الوزير الليبي والوزير المصري ....مامدى صحة هذا الخبر ....ارجو منكم اخوتي تأكيد الخبر او نفيه .....لان الموافقة الامنية تعبتني كثيرا لي سنة كاملة وانا انتظر من 11-2011م الى 11-2012م .....وجزاكم الله خير تحياتي

ياريت كلامك ايكون صحيح لان الموافقة الامنية امتعبه هلبه طلبة واهو اغلبنا نستنوا فيها

ليس هناك خبر من كلامك

مالمقصود من الموافقة الامنية

لالا الخبر غير صحيح بل تعهد الوزير بإنهاءها خلاص شهر (7-تم مناقشة سيادتة فى تاخر صدور الموافقة الامنية للطلاب الليبين وتقبل سيادتة الامر وذكر لنا ان الموافقة الامنية ستكون منتهية فى غضون شهر من تقديم اوراق الطالب .)

هو اجراء تقوم بيه الكلية و يتم بمجرد استكمال ملفك لدى الكلية فتقوم بارسال نموذج وبيانات عن الطالب الوافد من اى جنسيه الى ادراة الوافدين بالقاهرة ومن ثم ارسالها الى وزارة التعليم العالى
ويستغرق 3 شهور وليس لكى علاقة به يعنى لا تقومى باى شئ الكلية ترسل اورقك ولا يوجد مشاكل للطلبة الليبين بالموافقة الامنيه
ان شالله تكون الامور وضحت

وضحت اخونا الحالم بارك الله فيك،،،،،الشي الغير واضح هو فقد بالنسبة للمرافق ،،،لماذا لاتقوم السفارة هنا بعمل حل للمرافق مع الموفدة وخاصة الزوج،،،،زوجي كلما نذهب لليبيا ونرجع الاجراءات معقدة ويقول له علي التاشيرة ،،،،والله العظيم سئمنا من هذا الاجراء فهل من المعقول ان يقوم باجراء التاشيرة كل شهر او كيف المفروض السفارة تقوم بحل مع الجوازات المصرية وتعمل للمرافقين اقامة،،،،،بالله قداش بيشحوروا من حاجة الطلبة الليبيين ومرافقيهم،،،

معقولة يا اختي فاطمة الزوج ماعنداش اقامة مع زوجته؟؟ هذا وضع جدا صعب بصراحة المفترض ان الطلبة يتوجهوا للسفارة بشكل دائم من اجل حل هذه المشكلة اللي ماعندهاش مبرر من الاساس....اتمني لكي التوفيق

والله اوكد لكم في هذه السنة ذهبت مرتين الي ليبيا ورجعت الي هنا مصر وفي كل مرة يشحوروا فينا المصريين في المطار ويقولوا لزوجي ع التاشيرة وانت كيف خشيت ،،،مع ان مرافق ليا ،،،،ولما كلمنا السفارة هنا قالوا لنا بالحرف الواحد احنا مدخلناش امشو للجوازات المصرية،،،،لم اعد اعرف نفسي هل انا مصرية وزوجي مصري لامشي للجوازات المصرية ،،،،،،،،،،،،نحن طلبة واعضاء هيئة تدريس بالجامعات الليبية ،،،ياعالم ياهووووووووووووو،،،،اهكدا نعامل ،،،،،،االطالب الليبي او اي ليبي تعامله بالدرجة الاولي مع سفارته،،،،،والله نحن الطلبة الليبيين متبهدلين والسفارة ،،،للاسف لم تعد تعرف ماهو دورها الحقيقي،،،وما هي اعمالها،،،،

فعلا والله الطلبة الموفدين فى منتهى الشحورة من بداية السفر واجرءات الايفاد مع البعثات والمعامله السيئه مع موظفين البعثات والسفر لطرابلس لكل ورقة وبعد جهد جهيد وتسافر تبدأ رحلتك الشاقة مع المكتب الثقافى وايضا مع الجامعه
يعنى بدل الطالب ما يركز فى دراسته يكون يجرى وراء الاوراق والاجراءات التى ان لم تهتم وتسئل على كل ورقة فلا يوجد اهتمام سواء من الكلية او المكتب الثقافى فكل ورقة لازم تدفشها دفش عشان يصير منها وايضا المنحه التى تنزل بالعافيه ونحن الان 19 فى الشهر الثانى ولم تنزل منحه الشهر الماضى
عموما ربى يسر امور كل الطلبه الدراسين فى الخارج
باللنسبه للتاشيره فعليك بالذهاب لى ادارة الجوازات فى مصر وتقديم على الاقامه سنه وتكلفك 83 جنيه انا ان شالله فى اليومين هذين ان شالله سوف اقدم عليها عشان نريح راسى من التاشيره فى كل سفره

السلام عليكم ورحمه الله وبركاته

بخصوص التأشيرة لا يستطيع الزوج اخدها الا بورقة موقعة من الدراسات العليا بانك مسجلة بالجامعة ,بالاضافة الى ورود الموافقة الامنية ..لان هناك زميلة طلبت اى ورقه تثبت انها مسجلة فى الجامعة لكى تسلمها للجوازات لكى يتحصل زوجها على التأشيرة ,فلم تتحصل الا على على ورقة اسمها اثبــــــــــــــــــــــــــــــــــــــــات حالـــــــــــــــــــــــــــــــــــــــــــة مفادها انها بدات فى اجراءات التسجيل ولم تصل مصاريف الدراسة بعد للجامعة وهى ورقة موقعة فقط وغير مختومة ..,وهذا لا يتمم الاجراء فى الجوازات

مش عارفة امتي سفاراتنا تحسسنا بأدميتنا ...وبيش نكون منصفة ني شخصيا نشكر سفارتنا هنا علي الاقل القسم اللي عندنا بيه كونتاكت قسم الشئؤن الثقافية ني نشوف فيهم جدا رائعين .

السلام عليكم اخواني :انا قدمت لتسجيل لدرجة الدكتوراه في شهر 11-2011 وتم قبول الاوراق والموافقة بمحضر القسم ومن تم محضر الكلية وبعد ذلك توقف كل شئ في ادارة الجامعة على اساس لازم من الموافقة الامنية اولا وتم احالة الاوراق في شهر 1-2012 م الى ادارة الوافدين .....وبقيت انتظر الى شهر 7-2012م ..وبعد ذلك اخباروني الجامعة لازم ان تتم اعادة بعث الاوراق للادارة الوافدين وطلبوا رسالة جديدة من الملحق الثقافي بطلب التسجيل بحجة العام الدراسي 2011-2012 م قد انتهاء واعدت الاوراق والنماذج على العام الجديد 2012-2013م وتمت الاحالة الى ادارة الوافدين والى اليوم من خلال الاتصال بالجامعة لم تاتي الموافقة الامنية اى مرة سنة لم اسجل بها بسبب الموافقة الامنية......وليس 3 اشهر اخي الحالم .....هده قصتي مع الموافقة الامنية ؟....................تحياتي للجميع

ممكن اخى حالتك استثناء يعنى قد تكون ضاعت اوراقك من البريد او من موظف
بس الاجراء يتم فى 3 اشهر او اقل
عليك بمراجعه ادارة الجامعه ومتابعة اوراقك شخصيا والذهاب لى ادارة الوافدين فى القاهرة بالعتبة وايضا بمنى وزارة التعليم العالى فى ميدان التحرير وان شالله تيسرن امورك

السلام عليكم بارك الله فيك اخي الحالم ........المشكلة ادارة الوافدين لازم من رقم رسالة الاحالة من الجامعة ولم استطيع الحصول على رقم الرسالة الخاص باحالة الاوراق الى ادارة الوافدين من جامعة المنيا ياريت اتحصل على احد يدرس بجامعة المنيا ...............؟؟؟؟

اسمعنى خويا اذهب لى ادارة الدراسات العليا فى الكليه وخذ منهم ر قم الاحالة لى ادارة الجامعه ومنه تستطيع متابعة ورقتك عن طريق ادارة الوافدين وممكن عن الاسم والتخصص تعرف رقم الاحالة من ادارة الجامعه
انت حاول واسعى وان شالله سوف تصلك ورقتك بس انت اسعى

السلام عليكم ..أختى فاطمة بمجرد إنك تاخدي تعريف من الدراسات العليا بأنك طالبة تقدري تقدمي على الاقامة ليك انتى وزوجك لمدة سنة ويتم عن طريق الجوازات المصرية بمحطة الرمل

اختى ام شهد ياريت توضحيلنى ماهو المطلوب من اوراق ومبلغ لى اتمام الااقمة لو حضرتك قمتى باستخراجها من قبل وكم مده الاستخراج
لى ان شالله بكره ماشى للجوزات

اول حاجة تعريف من الدراسات العليا ومحددة فيه السنة الدراسية مثلا 2012-2013 وصور البسبور ليك وللمدام والاطفال ومعاهم صور ختم الدخول اللي فى البسبور وصور كتيب العائلة وصور شخصية وترفع معاك البسبورات وكتيب العائلة وفيه شباك تاخد منه نماذج الواحد 16 جنيه تكتب البيانات فيهم وصوركم الشخصية وصور البسبور شهادات الميلاد والتعريف الدراسي صوره باش تحط فى كل نموذج نسخة

وبالنسبة احنى دفعنا غرامة انا وزوجي كل واحد 150لأن لينا قريب سنة لكن شفت ناس جاية جديدة دفعوا حق دمغات بس وننصحك تمشي بدري حتى مع الثمانية ونص لأنها تزحم هلبة وهي فى الدور التاني

شكرا جزيلا