ورقة الدعم المالي للتأشيرة من المكتب الكندي !!!!!!

قصدي سؤالي صعب للدرجة هادي, و الا سهل و بديهي و مفروض ما سألتاش, و الا ما حد قدم في التأشيرة المدة هادي كلها, و الا شنو ؟؟؟؟؟؟؟

الله اعلم ولكن حسب علمي انه اذا انت طالب جديد يعني اول مرة تدرس في امريكيا ... الدعم من ادارة البعثات يكفي ..

السلام عليكم :- يا أختىHAIFA
هذه رسالة ضرورى منها جدا فى الساحة الامريكية والكندية ولسفارة الامريكية فى تونس تطلب فيها من طلبة الليبين

اختي انا كانت لدي مقابلة يوم الخميس الفائت 29/11/2012 ورسالة المكتب الكندي لدعم التاشيرة لم تعود مطلوبة و السفارة الامريكية بتونس تكتفي يرسالة دعم التاشيرة الصادرة من وزارة التعليم العالي الليبية

بجديات بارك الله فيكم كلكم, و ربي يفتح عليكم و ايوفقكم و يرحم ولديكم.

أخ سالم الأكرش من فضلك نبي نسأل هل عطوك التأشيرة تاني يوم و الا مازال و بتاخد وقت, و بالنسبة للأوراق هل طلبو منك ورقة غريبة قصدي زي متلا كشف حساب و الا اي شي تاني..

بارك الله فيك اخ حفيظ عالمعلومات, لكن امتى قدمت و امتى عطوهالك, قصدي قداش خدت يوم ؟؟؟

ما شاء الله, مبروك عليك و بالتوفيق, به اخر سؤال طلبو منك بانك ستيتمنت خاص بيك (كشف حساب)

اختي انا عملت المقالة يوم 29/11/2012 و تحصلت على التاشيرة يوم 11/12/2012 و الموضوع ساهل ماتعقديش روحك وتوكلي على الله المهم اجراءاتك يكونوا تمام

[quote="HAIFA"]بجديات بارك الله فيكم كلكم, و ربي يفتح عليكم و ايوفقكم و يرحم ولديكم.

أخ سالم الأكرش من فضلك نبي نسأل هل عطوك التأشيرة تاني يوم و الا مازال و بتاخد وقت, و بالنسبة للأوراق هل طلبو منك ورقة غريبة قصدي زي متلا كشف حساب و الا اي شي تاني..[/لم يطلبوا مني اي ورقة غريبة مع اني اخذت معي شهادة راتب وافادة من جهة العمل و وضع عائلي المهم هو هي الاوراق الرئيسية مثل دعم التاشيرة من وزارة التعليم والفبول والاي تونتي والسيفيس والافادة وكشف الدرجات وتاكيد التاشيرة والموعد]

بارك الله فيك, و بالتوفيق, اني شوية كنت خايفة من لقطة الدعم المالي متاع المكتب الكندي يطلبوها, بس من دامهم ما طلبوهاش منك معناها ان شاء الله تمشي الامور.

بارك الله فيك مرة تانية و موفق.

بالتوفيق انشاء الله