المواضيع الأخيرة
» نوفر قبولات لغة و اكاديمي في كندا و سكن للعائلات
أمس في 8:37 pm من طرف ام هاجر

» إجرأت الحصول على قبول فى معاهد فى كندا
أمس في 8:36 pm من طرف ام هاجر

» المكتب الكندي ....
الخميس 21 سبتمبر 2017, 11:57 pm من طرف المبروك قنش

» قبول من جامعة في تركيا
الأربعاء 20 سبتمبر 2017, 5:55 pm من طرف ميدو علي

» مساعدة في اعداد الرساىل الجامعية ماجستير دكتوراة في الاقتصاد الاسلامي المحاسبة والتمويل التقليدي والاسلامي الادارة والتسويق
الأربعاء 20 سبتمبر 2017, 5:06 pm من طرف وسام العاني

» ISO 9001:2015 Lead Auditor Course|cairo
الأربعاء 20 سبتمبر 2017, 1:17 pm من طرف مركز ميتك

» International Trade contracts and systems of import and export course
الأربعاء 20 سبتمبر 2017, 1:16 pm من طرف مركز ميتك

» Effective #Human_Resource management course
الأربعاء 20 سبتمبر 2017, 1:15 pm من طرف مركز ميتك

» تعلم اللغة الانكليزية في ماليزيا وبأقل الأسعار
الأربعاء 20 سبتمبر 2017, 9:23 am من طرف coventrylc

» دورات في قياس العائد من التدريب ودورات مالية ومصرفية وادارية وقانون وتامين
الثلاثاء 19 سبتمبر 2017, 9:00 am من طرف مركز المجد للجودة

» دورات في البنوك التجارية تعقد في المغرب - الدار البيضاء
الثلاثاء 19 سبتمبر 2017, 8:59 am من طرف مركز المجد للجودة

» دورة بناء القدرات المؤسسية تعقد في مصر
الإثنين 18 سبتمبر 2017, 9:55 am من طرف مركز المجد للجودة

» دورة المراسلات البنكية من خلال السويفت
الإثنين 18 سبتمبر 2017, 9:54 am من طرف مركز المجد للجودة

» قرار ايفاد 313 لسنة 2014
الإثنين 18 سبتمبر 2017, 1:38 am من طرف amir libya

» قهوة الصباح
الأحد 17 سبتمبر 2017, 4:09 pm من طرف عبدُ الله

المواضيع الأخيرة
المواضيع منذ آخر زيارة لي
 استعرض مُساهماتك
 المواضيع التي لم يتم الرد عليها
الموفد على الفيس بوك ...

ماليزيا باختصار

استعرض الموضوع السابق استعرض الموضوع التالي اذهب الى الأسفل

ماليزيا باختصار

مُساهمة من طرف اجبارة في السبت 15 ديسمبر 2012, 5:56 am

السلام عليكم

انا موفد اول ماطلع تفويضي توكلت على الله وشديت الرحال لماليزيا عن طريق الاردن وصلت بحمدلله لمطار كوالالمبور وعطوني في المطار 60 يوم بناء على التأشيرة اللي خذيتها من سفارتهم وبعدها خديت حقائبي وتوكلت للفندق طبعا لو عندك حد في ماليزيا يحجزلك في فندق او تحجز عن طريق النت او عن طريق الوكالات السياحة. المهم وصلت في الليل تاني يوم توكلت للملحقية الثقافية .

السلام عليكم

وعليكم السلام

انا طالب جديد وبنفتح ملف عطوني نموذج قالولي عبيه وجيب المطلوبات اللي فيه روحت شفت المطلوبات اللي هن شهادتك وبرقية الخزانة وبرقية البعثات وتعريف الطالب المهم جهزتهن وقعدت انعبي في النموذج لين وصلت في خانة مطلوب فيها رقم الحساب قعدت نعرق ونجف وقعدت انفكر وحالتي حالة كيف اندير الملحقية يبو رقم حساب بيش يفتحولي ملف ومعهد اللغة مش حيعطيك رسالة للبنك الا لما تجيب رسالة الدعم المالي من الملحقية قررت اني بنمشي للملحقية الثقافية وايديرولي حل .توكلت على الله ومشيت خشيت داير روحي طايرتلي وقلتلهم كيف هكي قالولي احني عارفين ان ماتقدرش تفتح حساب الا لما تكون عندك اقامة مش تأشيرة سياحية يعني لو بنستنى الاقامة بنستنى قريب شهر او اكثر. المهم قالولي احني متفاهمين مع بنك انديروليك ليه رسالة وتمشيله يفتحلك حساب وهذا اللي صار فعلا قلتلهم باهي راكم قلتولي من الاول امبارح صارت فيا ليلة.

وكملت اجراءات فتح الملف وبعده باربع ايام لقيت رسالة الدعم المالي للمعهد جاهزة. ومشيت للمعهد طلبوا مني اندير كشف طبي مشيت درته واستلمته تاني يوم طبعا اديره في اي مستشفى.

توا بنبدأ اندور على شقة خشيت النت وقعدت اندور وانتصل باصحاب الشقق ونمشي انشوف المهم تشحيطه امتاعت يومين وماحصلتش ماتخافوش ماحصلتش لاني نبيها في مكان معين يعني قريب من مكان دراستي. صدفة تلاقيت اني واحد ليبي قالي تو انكلموا الجماعة انوصوهم بالك في حد ليبي بيروح ناخد شقته او يساعدوني في هالقصة اول واحد اتصلنا بيه قال في شقة تعالوا شوفوها مشيت شفتها عجبتني وتوكلت على الله وخذيتها يعني الحكاية نصيبات ورب العالمين ماينساش حد المهم دفعت شهر ايجار وشهرين عربون تستلمهم وانت طالع من الشقة والشقة حصلتها ب 500 دولار في الشهر والسكن من 400 الى مالانهاية لكن 500 دولار ثمن معقول وشقة نظيفة 3 ديار وصالة واسعة وحمامين ومجمع العمارات فيه حديقة واحواض سباحة وصالة رياضة .

انجوا لموضوع الاقامة

طبعا العزابي ماعنداش اي مشكلة في الاقامة ياخد تأشيرة شهرين واول مايوصل المعهد ايقدمله على التأشيرة او يقعد في ليبيا ويقدم للمعهد ويستنى تقريبا شهر وتطلع اقامته وايجي من ليبيا واقامته جاهزة.

اما اللي عنده مرافق زي حالتي ايامه دبر هههههههه لا ماتخافوش الحاجة الوحيدة انك بتشوف معهد يعطي في الاقامة للمرافق وتقدم في قبول عنده او انك تاخد كورس اللغة في وحدة من الجامعات ويعطوك اقامة ليك وللمرافق واذا الحكاية لا قدرالله اسكرت قدامك قدم للمرافق على قبول في اي معهد ويعطوه الاقامة لين اتريقل امورك وتحصل قبول اكاديمي وبعد اتحصل القبول الاكاديمي خلاص ترتاح وتاخد الاقامة ليك وللمرافقين حتى ولو عند 10 اصغار.

ولنفترض ان عندك اصغار وماتقدرش اتخلي زوجتك تقرأ ممكن ان هي ماتحضرش لكن هكي انت بدفع ثمن الكورس ومش حتستفاد منه. لكن في حاجة انك لما بتاخد تأشيرة شهرين تقدر اتمدد شهرين تانيات يعني المرافق عنده اربع شهور على مااعتقد كافيات بيش اتحصل قبول اكاديمي واتملهم الاقامة معالك وافضل حل انك تاخد اللغة في وحدة من الجامعات لانهم يعطوا في الاقامة وكذلك تضمن القبول عندهم بنسبة كبيرة وكل الجامعات عندهم مدارس لغة تابعتهم في وسط الجامعة .

واذا بتحمل في روحك خلي العيلة في ليبيا لين اتستف امورك وبعدين جيبهم. اللي نبي انقوله ان في اكثر من حل والحكاية ان شاءالله ساهلة اهم شيء توكلوا على الله ماتقعدوش اضيعوا في الوقت

اما بالنسبة للبلاد في حد ذاتها بلاد حلوة ماتقلقش فيها الاسواق يفتحن من 10 الى10 المقاهي يقعدن فاتحات الى وقت متأخر

الجو فيها كويس مش حرارة عالية ولاهي باردة الجو معتدل المطر يوميا لكن اول ماتوقف اتقول كذب ماكانتش في مطر ودير في حسابك السيارة ضرورية وتشري بيش ماتبي من 1000 دولار الى نص مليون يعني جيب رخصتك معاك وكل شيء متوفر المحلات العربية موجودة حتى الكسكاس قالولي مافيش جيبه معاك ورفعته انكرر فيه وليقته موجود وملابسك الشتوية احدفها على طول حدفتك خود الاحذية السبورت الخفيفة لانها مطر فتبي اكنيدرة اخفيفة لانك لو بتلبس اشبيشب كريعاتك ينبلن واي مكان بتخشله بيلاقيك المكيف فبيتاكلها بردة.

اي سؤال حاضر انرد عليكم باللي نعرفه

وربي يوفق الجميع

وماتنسوناش بالدعاء

اجبارة
موفد نشيط
موفد نشيط

ذكر عدد المساهمات : 77
نقاط : 5291
نقاط السٌّمعَة : 44
تاريخ التسجيل : 01/10/2011

الرجوع الى أعلى الصفحة اذهب الى الأسفل

رد: ماليزيا باختصار

مُساهمة من طرف محمد جنتل في السبت 15 ديسمبر 2012, 3:05 pm

انا معاي مرافق ونبي معهدلغة كويس مع العلم ان المرافق بيقرا وهل فيه ورقةمعاي نجيبها باش مايعرقلو دراسة المرافق
avatar
محمد جنتل
موفد فعال
موفد فعال

ذكر عدد المساهمات : 292
نقاط : 8506
نقاط السٌّمعَة : 20
تاريخ التسجيل : 16/08/2012

الرجوع الى أعلى الصفحة اذهب الى الأسفل

رد: ماليزيا باختصار

مُساهمة من طرف ah.shrisher في السبت 15 ديسمبر 2012, 3:59 pm

والله العظيم طريقة طرح أكثر من رائعه اخي اجبارة بجد صح لسانك والله طمنت اقلوبنا الله ايطمن قلبك وباذن الله بعد ما تريح وتستقر عندي كم سؤال حنطرحهن عليك عبر هذا الموضوع ان شاء الله

_______________________________

done
avatar
ah.shrisher
موفد نشيط
موفد نشيط

ذكر عدد المساهمات : 95
نقاط : 5444
نقاط السٌّمعَة : 12
تاريخ التسجيل : 13/10/2011

الرجوع الى أعلى الصفحة اذهب الى الأسفل

رد: ماليزيا باختصار

مُساهمة من طرف enahmad في الإثنين 28 يناير 2013, 5:21 am

بارك الله فيك

enahmad
موفد مشارك
موفد مشارك

ذكر عدد المساهمات : 35
نقاط : 3926
نقاط السٌّمعَة : 10
تاريخ التسجيل : 21/09/2012

الرجوع الى أعلى الصفحة اذهب الى الأسفل

رد: ماليزيا باختصار

مُساهمة من طرف denou في الإثنين 28 يناير 2013, 5:52 pm



بسم الله و الحمد لله على ما اعطانا الله
avatar
denou
موفد فعال
موفد فعال

انثى عدد المساهمات : 185
نقاط : 6454
نقاط السٌّمعَة : 10
تاريخ التسجيل : 28/11/2012

الرجوع الى أعلى الصفحة اذهب الى الأسفل

رد: ماليزيا باختصار

مُساهمة من طرف عبد الحميد في الثلاثاء 29 يناير 2013, 9:36 pm

أرجو منكم أن تفيدوني .. هل أستطيع تأجيل دراستي لبضعة شهور لبعض الاسباب الخاصة .. تحصلت على قبول اللغة في شهر فبراير..
هل احاول اتحصل على قبول آخر .. أم لا.ز

عبد الحميد
موفد جديد
موفد جديد

ذكر عدد المساهمات : 2
نقاط : 3418
نقاط السٌّمعَة : 12
تاريخ التسجيل : 29/01/2013

الرجوع الى أعلى الصفحة اذهب الى الأسفل

رد: ماليزيا باختصار

مُساهمة من طرف عبد الحميد في الثلاثاء 29 يناير 2013, 9:44 pm

الله يوفقكم وشكراً لكم علي هذه المعلومات Smile

عبد الحميد
موفد جديد
موفد جديد

ذكر عدد المساهمات : 2
نقاط : 3418
نقاط السٌّمعَة : 12
تاريخ التسجيل : 29/01/2013

الرجوع الى أعلى الصفحة اذهب الى الأسفل

رد: ماليزيا باختصار

مُساهمة من طرف مولان‏ ‏الشريف1 في الأربعاء 30 يناير 2013, 8:32 am

ماشاء‏ ‏الله‏ ‏علي‏ ‏سلاست‏ ‏طرحك‏ ‏حسيت‏ ‏ونا نقراء اني فعلا في ماليزيا واول مخلصت القراءة انصدمت بالواقع والقيت روحي في قعر داري!
ربي ايفرج‏ وخلاص

مولان‏ ‏الشريف1
موفد فعال
موفد فعال

انثى عدد المساهمات : 132
نقاط : 6603
نقاط السٌّمعَة : 52
تاريخ التسجيل : 28/11/2010

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى