المواضيع الأخيرة
» لكل شخص متردد بسبب اللغة الالمانية
أمس في 8:10 pm من طرف oktub

» دراسة الدكتوراة في المانيا
أمس في 7:50 pm من طرف oktub

» اجراءات تقديم التأشيرة لزوجة و الأبناء
أمس في 8:16 am من طرف أبوبكر موسى حامد

» كتاب 1000 سؤال لاختبار توفل مع إجاباتها
الأربعاء 07 ديسمبر 2016, 3:17 pm من طرف مدير المنتدى

» تعرف على الدول التي يمكن لليبيين السفر اليها دون تأشيرة دخول
الأربعاء 07 ديسمبر 2016, 2:04 pm من طرف مدير المنتدى

» اتفاق حول منح التأشيرة تشيكيه لليبيين من تونس
الأربعاء 07 ديسمبر 2016, 12:34 pm من طرف مدير المنتدى

» نصيحة الله يرحم والديكم
الأربعاء 07 ديسمبر 2016, 5:19 am من طرف Sandrik

» دكتوراة في كندا
الأربعاء 07 ديسمبر 2016, 5:04 am من طرف Sandrik

» خطاب وزير التعليم المفوض بشأن الإسراع في احالة الربع الرابع
الثلاثاء 06 ديسمبر 2016, 7:40 pm من طرف البتول محمد

» يمكنك أن تشفي نفسك
الثلاثاء 06 ديسمبر 2016, 7:31 pm من طرف NAIMA BASHER

» تفويض النقل وتغيير الساحة
الثلاثاء 06 ديسمبر 2016, 11:51 am من طرف البتول محمد

» السفارة الامريكية بتونس
الثلاثاء 06 ديسمبر 2016, 7:43 am من طرف أبوبكر موسى حامد

» قرار ايفاد رقم 628/2015
الإثنين 05 ديسمبر 2016, 1:27 pm من طرف dr.mhgb

» المراجعه علي رسائل الدعم والقبول
الإثنين 05 ديسمبر 2016, 1:20 am من طرف محمد الوحيشي

» المراجعه علي رسائل الدعم والقبول
الإثنين 05 ديسمبر 2016, 1:19 am من طرف محمد الوحيشي

المواضيع الأخيرة
المواضيع منذ آخر زيارة لي
 استعرض مُساهماتك
 المواضيع التي لم يتم الرد عليها
الموفد على الفيس بوك ...

الطلبة الموفدين إلى ماليزيا الرجاء الدخول

استعرض الموضوع السابق استعرض الموضوع التالي اذهب الى الأسفل

الطلبة الموفدين إلى ماليزيا الرجاء الدخول

مُساهمة من طرف sads في الإثنين 25 فبراير 2013, 3:18 pm

السلام عليكم
إلى الإخوة الموفدين إلى ماليزيا إن شاء الله
هل السفارة الماليزية تقدم في تأشيرة طالب أم لا وماهي الأوراق المطلوبة لذلك

sads
موفد نشيط
موفد نشيط

ذكر عدد المساهمات : 69
نقاط : 5799
نقاط السٌّمعَة : 20
تاريخ التسجيل : 19/10/2010

الرجوع الى أعلى الصفحة اذهب الى الأسفل

رد: الطلبة الموفدين إلى ماليزيا الرجاء الدخول

مُساهمة من طرف fox2000 في الإثنين 25 فبراير 2013, 3:33 pm

نصيحة لوجه الله ابتعد عن ماليزيا فهيا ليست بالساحة المثالية للدراسة .

fox2000
موفد نشيط
موفد نشيط

ذكر عدد المساهمات : 71
نقاط : 4437
نقاط السٌّمعَة : 34
تاريخ التسجيل : 29/05/2012

الرجوع الى أعلى الصفحة اذهب الى الأسفل

رد: الطلبة الموفدين إلى ماليزيا الرجاء الدخول

مُساهمة من طرف ام حواء في الإثنين 25 فبراير 2013, 6:52 pm

<P><FONT style="BACKGROUND-COLOR: #f0f0f0"><STRONG>لمادا الساحة الماليزية ليست بالساحة المثالية</STRONG></FONT></P>

ام حواء
موفد نشيط
موفد نشيط

ذكر عدد المساهمات : 58
نقاط : 3764
نقاط السٌّمعَة : 10
تاريخ التسجيل : 15/02/2013

الرجوع الى أعلى الصفحة اذهب الى الأسفل

رد: الطلبة الموفدين إلى ماليزيا الرجاء الدخول

مُساهمة من طرف ام ايمن في الإثنين 25 فبراير 2013, 7:07 pm

ياخوي فوكس 2000 ياريت اتوضح وجه نظرك لكي تعم الفائده اولاً ثانياً انا متأسفه ولكن حضرتك حتى بيناتك غامضه ؟؟؟؟؟

ام ايمن
موفد فعال
موفد فعال

انثى عدد المساهمات : 288
نقاط : 7411
نقاط السٌّمعَة : 71
تاريخ التسجيل : 10/08/2012

الرجوع الى أعلى الصفحة اذهب الى الأسفل

رد: الطلبة الموفدين إلى ماليزيا الرجاء الدخول

مُساهمة من طرف denou في الإثنين 25 فبراير 2013, 11:08 pm

ياريت اذا فيه اي حد عنده اعتراض على الساحة الماليزية ايوضحلنا السبب بالتحديد .. و بالعكس يعني اللي يشجع عليها يوضحلنا السبب عالاقل باش توضح عندنا الصورة .. وطبعا الكلام هذا موجه للمجربين مش اللي على قولت قالو

وان شاء الله في ميزان حسناتكم

______________________

بسم الله و الحمد لله على ما اعطانا الله

denou
موفد فعال
موفد فعال

انثى عدد المساهمات : 185
نقاط : 5878
نقاط السٌّمعَة : 10
تاريخ التسجيل : 28/11/2012

الرجوع الى أعلى الصفحة اذهب الى الأسفل

رد: الطلبة الموفدين إلى ماليزيا الرجاء الدخول

مُساهمة من طرف fox2000 في الثلاثاء 26 فبراير 2013, 7:28 am

السلام عليكم
واسف جداً بوصف الساحة الماليزية ليست بالمثالية وخاصا لمن لديه عائلة . وذلك لعدة اسباب منها:
1 - اللغة الانجليزية لديهم ضعيفة جدا جدا جدا , حيث تجبر في الدارسة بمعاهد ضعيفة وذلك بسبب التأشيرة .
2 - الشعب الماليزي يسيطر عليه الصينيون في كل شي وبالاخص في تجارتهم وهم في الحقيقة غير محترمين نهائياً .
3 - اللباس غير محتشم بتاتاً " اسف على التعبير" .
4 - الحياة غالية نسبيا , و اغذيتهم مثل الخضروات والفواكه واللحوم ليس لها طعم .
5 - الرائحة الكريهة في كل مكان " بالرغم من انى اسكن في مكان راقي "في العاصمة والايجار حوالي 600 دولار .
6 - السفارة وهنا الضامة الكبرى , عندما تتذهب الي السفارة والله اتقول في السجل المدني طرابلس تتفاجى بالكم الهائل من الطلبة وليس هناك اي موظف ليبي سوا سوا سوا .......... ما فيش داعي لذكر الاسامي " انه يأتي الي السفارة بعد الساعة 1 ظهرا ليوقع البريد .

هذه من وجه نظري وممكن فيه ناس أتأقلمت مع الوضع وامشي حالها .

fox2000
موفد نشيط
موفد نشيط

ذكر عدد المساهمات : 71
نقاط : 4437
نقاط السٌّمعَة : 34
تاريخ التسجيل : 29/05/2012

الرجوع الى أعلى الصفحة اذهب الى الأسفل

رد: الطلبة الموفدين إلى ماليزيا الرجاء الدخول

مُساهمة من طرف boheda88 في الثلاثاء 26 فبراير 2013, 9:39 am

حجة ضعيفة يا فوكس 2000 ولا يؤخذبها

boheda88
موفد فعال
موفد فعال

ذكر عدد المساهمات : 164
نقاط : 5169
نقاط السٌّمعَة : 45
تاريخ التسجيل : 17/06/2012

الرجوع الى أعلى الصفحة اذهب الى الأسفل

رد: الطلبة الموفدين إلى ماليزيا الرجاء الدخول

مُساهمة من طرف اجبارة في الثلاثاء 26 فبراير 2013, 1:37 pm

بنبدأ من اخر نقطة وهي الملحقية الثقافية صراحة ناس محترمة والاجراءات سريعة مثلا فتح الملف في نفس الوقت واي رسالة طلبتها منهم نلقاها جاهزة في الموعد والمستشار الثقافي مكتبه مفتوح واتخشله حتى عشر مرات في اليوم وعمري مامشيت للملحقية وقالولي فلان مش موجود.
ثانيا ماليزيا بلد سياحي بكل ماتعنيه الكلمة وصحيح ان الصينيين ماسكين الاقتصاد لكن بصراحة كان ماتغلطش في حد مايوصل فيك حد
ثالثا بالنسبة للروائح الكريهة انا شخصيا ماصادفنيش شي من النوع هذا الا بعض مطاعمهم رائحة الاكل فيها قوية وماتمشيش معانا لكن هذه في اماكن معينة وانت ماعندك ليش ماشيلها
رابعا بالنسبة للغلاء مقارنة بالساحات الاخرى زي الساحات الاوروبية ماليزيا ارخص
اللغة الانجليزية ليس قوية صحيح لكن احني الليبيين مانحبوش انجربوا وانتبعوا في بعضنا الكل يقرا في الكاستوري وفي نفس الوقت تقدر اتسجل في معهد اللغة التابعة للجامعات وتاخد تاشيرتك انت وصغارك
وبالتأكيد ان كل ساحة ليها مميزات وعيوب لكن اللي بيقرأ يركز على قرايته وكذلك راحة اسرته
وفي النهاية انا انفضل ماليزيا على بريطانيا لاني جربت الاثنين بريطانيا قريت فيها الماستر وماليزيا متواجد فيها حاليا وبصراحة بريطانيا كذبة كبيرة لان كل من يمشي يقرا غادي يقرا في جامعات ضعيفة وادور على الفلوس بس لان الجامعات القوية ماتقبلش في العرب بصفة عامة لان اساسنا التعليمي ضعيف وشروط قبولهم صعبة زيد على ذلك موضوع الايلتس اللي يبي 6 وهذه الدرجة صعب الحصول عليها في خلال 10 اشهر فقط خاصتا للي ماشي ماحي في الانجليزي

اجبارة
موفد نشيط
موفد نشيط

ذكر عدد المساهمات : 77
نقاط : 4715
نقاط السٌّمعَة : 44
تاريخ التسجيل : 01/10/2011

الرجوع الى أعلى الصفحة اذهب الى الأسفل

رد: الطلبة الموفدين إلى ماليزيا الرجاء الدخول

مُساهمة من طرف ام ايمن في الثلاثاء 26 فبراير 2013, 2:24 pm

شكراً يافوكس لتوضيح وحهه نظرك حيال الموضوع لان كل ساحه فيها مميزات وعيوب
بالنسبه لماليزيا عندي قريبتي من اوائل جامعه بنغازي درست الماجستير في ماليزيا وتصف الدراسه في ماليزيا بالقويه
وايضاً بالنسبه للغه درستها في المعهد البريطاني وجابت 6.5 في الايلتس في 4 شهور
والعلم اساساً على المتعلم

ام ايمن
موفد فعال
موفد فعال

انثى عدد المساهمات : 288
نقاط : 7411
نقاط السٌّمعَة : 71
تاريخ التسجيل : 10/08/2012

الرجوع الى أعلى الصفحة اذهب الى الأسفل

رد: الطلبة الموفدين إلى ماليزيا الرجاء الدخول

مُساهمة من طرف fox2000 في الثلاثاء 26 فبراير 2013, 2:55 pm

@اجبارة كتب:بنبدأ من اخر نقطة وهي الملحقية الثقافية صراحة ناس محترمة والاجراءات سريعة مثلا فتح الملف في نفس الوقت واي رسالة طلبتها منهم نلقاها جاهزة في الموعد والمستشار الثقافي مكتبه مفتوح واتخشله حتى عشر مرات في اليوم وعمري مامشيت للملحقية وقالولي فلان مش موجود.
ثانيا ماليزيا بلد سياحي بكل ماتعنيه الكلمة وصحيح ان الصينيين ماسكين الاقتصاد لكن بصراحة كان ماتغلطش في حد مايوصل فيك حد
ثالثا بالنسبة للروائح الكريهة انا شخصيا ماصادفنيش شي من النوع هذا الا بعض مطاعمهم رائحة الاكل فيها قوية وماتمشيش معانا لكن هذه في اماكن معينة وانت ماعندك ليش ماشيلها
رابعا بالنسبة للغلاء مقارنة بالساحات الاخرى زي الساحات الاوروبية ماليزيا ارخص
اللغة الانجليزية ليس قوية صحيح لكن احني الليبيين مانحبوش انجربوا وانتبعوا في بعضنا الكل يقرا في الكاستوري وفي نفس الوقت تقدر اتسجل في معهد اللغة التابعة للجامعات وتاخد تاشيرتك انت وصغارك
وبالتأكيد ان كل ساحة ليها مميزات وعيوب لكن اللي بيقرأ يركز على قرايته وكذلك راحة اسرته
وفي النهاية انا انفضل ماليزيا على بريطانيا لاني جربت الاثنين بريطانيا قريت فيها الماستر وماليزيا متواجد فيها حاليا وبصراحة بريطانيا كذبة كبيرة لان كل من يمشي يقرا غادي يقرا في جامعات ضعيفة وادور على الفلوس بس لان الجامعات القوية ماتقبلش في العرب بصفة عامة لان اساسنا التعليمي ضعيف وشروط قبولهم صعبة زيد على ذلك موضوع الايلتس اللي يبي 6 وهذه الدرجة صعب الحصول عليها في خلال 10 اشهر فقط خاصتا للي ماشي ماحي في الانجليزي
السلام عليكم اخي اجبارة
اول شي بالله عندي سؤال لك .
هل تلمست الفرق في المعاملة بين السفارت الاخرى أو الملحق الثقافي بماليزيا ؟
بالله اعطيني اسم واحد ليبي في السفارة الليبية في ماليزيا ايجي قبل الساعة 12 ظهرا؟
والله الشخص اللى عنده امور الطلبة في قمة الاحترام والاخلاق , وخدوم جدا
لكن متى يأتي الي الملحقية .
لقد قابلت اشخاص كيف وصلو ما ليهمش شهرين ودارو طلب بتسكير الملف وبروحو .
هذا اللى انشوف فيه
واسف جدا كان ضايقت بتعليقي
شكرا


عدل سابقا من قبل fox2000 في الثلاثاء 26 فبراير 2013, 2:59 pm عدل 1 مرات (السبب : خطأ مطبعي)

fox2000
موفد نشيط
موفد نشيط

ذكر عدد المساهمات : 71
نقاط : 4437
نقاط السٌّمعَة : 34
تاريخ التسجيل : 29/05/2012

الرجوع الى أعلى الصفحة اذهب الى الأسفل

رد: الطلبة الموفدين إلى ماليزيا الرجاء الدخول

مُساهمة من طرف اجبارة في الثلاثاء 26 فبراير 2013, 5:57 pm

انا شخصيا مايهمنيش اذا كان اللي في السفارة ليبي او لا وهذا شي طبيعي علشان العقود المحلية ولو بي وظفوا ليبي لام من قرار من الخارجية او بيكون متفرغ وبيشتغل بعقد محلي وهذا طبعا صعب.لكن مايهمني هو سير الاجراءات بشكل سريع وسلس
انا مثلا وصلت ماليزيا في اول شهر 12 الماضي ومشيت يوم الخميس للملحقية فتحت الملف وطلبت رسالة الضمان المالي و رسالة العائلة ويوم الجمعة زدت طلبت منهم رسالة للمصرف وكل الرسائل هذه لقيتها جاهزة يوم الثلاثاء باعتبار ان السبت والاحد اجازة.
والاسبوع اللي فات طلبت منهم رساالة ضمان مالي للجامعة وتاني يوم لقيتها جاهزة . ما اعتقدش ان في احسن من هكي
بالنسبة لمواعيد حضور الموظفين مانقدرش انحددلك بالزبط لكن كل مانمشي نلقى في الجماعة قاعدة وحتى لو مش قاعدين الموظفين يستلموا منك كل شي ويخدموك باي شي.
انا ماندافعش عن حد لكن والله انشوف في الجماعة مش مقصرين والله مانعرف فيهم واحد
بالعكس ياخوي ماضايقتش من ردك لان هذا ناقش عادي وكل واحد يعطي وجهة نظره

اجبارة
موفد نشيط
موفد نشيط

ذكر عدد المساهمات : 77
نقاط : 4715
نقاط السٌّمعَة : 44
تاريخ التسجيل : 01/10/2011

الرجوع الى أعلى الصفحة اذهب الى الأسفل

رد: الطلبة الموفدين إلى ماليزيا الرجاء الدخول

مُساهمة من طرف ايمن الغريانى في الثلاثاء 26 فبراير 2013, 7:13 pm

اولا السلام عليكم والله كل الكلام لقاله الاخ فوكس مزبوط مية فى المية ونزيد عليه موضوع السرقة فى ماليزيا الشنطة من على كتفك يخنبوها منك وبالقوة جماعة الموطوات اما البوليس الماليزى اول ميشوفوك اجنبى وانت فى سيارتك حيوقفوك ويديرولك الى سبلة ويخلوك تدفع رشوة باش يطلقوك وبالنسبة لموضوع الملحقية اخى اجبارة انت قلت انك جيت فى شهر 12 يعنى مازلت جديد توة تقدم شوية وتشوف الاجرائات كيف تكون انا ومن خلال وجودى قى ماليزيا لا انصح اى طالب ليبي بالدراسة فى ماليزيا وبالدات صاحب العيلة والله لو نندرى عليها هكى مانى جايها لكن الله غالب تقبلو تحياتى وشكرا

ايمن الغريانى
موفد جديد
موفد جديد

ذكر عدد المساهمات : 3
نقاط : 2936
نقاط السٌّمعَة : 10
تاريخ التسجيل : 17/12/2012

الرجوع الى أعلى الصفحة اذهب الى الأسفل

رد: الطلبة الموفدين إلى ماليزيا الرجاء الدخول

مُساهمة من طرف ابومحمد الجنوبي في الثلاثاء 26 فبراير 2013, 7:45 pm

اختيار الساحة المناسبة يعتبر تجربة شخصية يعتمد على مجموعة عوامل اهمها سهولة الاجراءات وان تكون مناسبة لمعيشة الشخص او عائلته وسهولة الحصول على قبول ثم اخيرا المستوى الاكاديمي ... هذه معاييرنا عادة لتقييم اي ساحة ... حسب اعتقادي الشخصي تعامل المجتمع الماليزي بكل مكوناته مازال دون المستوى المأمول .... المستوى الاكاديمي مازال متوسطا خصوصا لدرجة الدكتوراه .. فلحد الان لاتوجد خطوات محددة للطالب يمكنه اتباعها من بداية بحثه الى نهايته كما هو معمول به في جل جامعات الدول المتقدمة.. الامانة العلمية وخصوصا في نشر البحوث متدنية ... المشرفون الاكاديميون الجيدون قلة ..... الامور الاخرى مثل الجو والاكل فتعتمد على قابلية الشخص للتاقلم .... الغلا ظاهرة عالمية حتى في ليبيا ... اللغة الانجليزية ضعيفة لان اغلب المعاهد تستخدم مدرسين محللين ورغم ان الشعب يتكلم الانجليزية ولكن باكسنت مالاوي وصيني وهندي... هذا رأيي الشخصي

ابومحمد الجنوبي
موفد نشيط
موفد نشيط

ذكر عدد المساهمات : 79
نقاط : 5564
نقاط السٌّمعَة : 14
تاريخ التسجيل : 29/04/2012

الرجوع الى أعلى الصفحة اذهب الى الأسفل

رد: الطلبة الموفدين إلى ماليزيا الرجاء الدخول

مُساهمة من طرف اجبارة في الأربعاء 27 فبراير 2013, 6:41 am

ايمن الغرياني
العنصرية موجودة في كل مكان وبالنسبة للسرقة حتى في بريطانيا في الليل ماتقدرش تمشي بروحك لان عندهم شباب عنصريين ويلقوك اجنبي شد مايجيك
ومرة مروح انا وصديق وهو من غريان زيك في الطريق ضرباته سيارة ورجله انكسرت المهم اللوحة امتع السيارة طاحت والكميرات صورن كل شي ومع هذا الشرطة الانجليزية قعدوا ايماطلوا ومابوش ايديروا اي شي
المقصود من الكلام ان الحاجات هذه اتصير في كل دولة حتى ليبيا
وبالنسبة للمستوى التعليمي صحيح انه اقل من الدول المتقدمة لكن بصراحة هذا اللي يمشي معانا لان اساسنا ضعيف وكل اللي يقرو في بريطانيا يقرو في جامعات اقل مستوى من بعض الجامعات الماليزية

اجبارة
موفد نشيط
موفد نشيط

ذكر عدد المساهمات : 77
نقاط : 4715
نقاط السٌّمعَة : 44
تاريخ التسجيل : 01/10/2011

الرجوع الى أعلى الصفحة اذهب الى الأسفل

رد: الطلبة الموفدين إلى ماليزيا الرجاء الدخول

مُساهمة من طرف ام ايمن في الأربعاء 27 فبراير 2013, 3:22 pm

هناك جامعات في ماليزيا مصنفه من ضمن افضل 100 جامعه في العالم
وفيه جامعات في الدول المتقدمه دون المستوى ويدرسوا فيها الليبين وايروحوا من بلد الدراسه رافعين خشومهم لانهم درسوا في اوربا وامريكا صح تجربه مميزه واتمنى ان نعيشها وخصوصاً في الدول الناطقه بالانجليزيه ولكن
فيه من سافر لبريطانيا ودرس في جامعات مستواها متدني علمياً وهمها الوحيد المال ودرس 9 شهور وجاب ماستر وقعد استاذ في معاهدنا وجامعاتنا وحتى انجليزيتا ضعيفه
انما العلم على المتعلم

ام ايمن
موفد فعال
موفد فعال

انثى عدد المساهمات : 288
نقاط : 7411
نقاط السٌّمعَة : 71
تاريخ التسجيل : 10/08/2012

الرجوع الى أعلى الصفحة اذهب الى الأسفل

رد: الطلبة الموفدين إلى ماليزيا الرجاء الدخول

مُساهمة من طرف yosefkhrmane في الأربعاء 27 فبراير 2013, 10:45 pm

السلام عليكم

بالله ياشباب فيدونا بخصوص ماليزيا


yosefkhrmane
موفد جديد
موفد جديد

ذكر عدد المساهمات : 1
نقاط : 2796
نقاط السٌّمعَة : 10
تاريخ التسجيل : 15/02/2013

الرجوع الى أعلى الصفحة اذهب الى الأسفل

رد: الطلبة الموفدين إلى ماليزيا الرجاء الدخول

مُساهمة من طرف وليد الساحلى في الجمعة 13 يونيو 2014, 10:54 am

المشكلة كلها من ادارة البعثات لازم من ان توفر معاهد لغة وتجبر كل طالب موفد ان يدرس اللغة فى ليبيا وتشرط درجة معينة للنجاج وبعد ذلك تبعث الطالب للدراسة على حسب رغبة السوق الليبيى

وليد الساحلى
موفد فعال
موفد فعال

عدد المساهمات : 166
نقاط : 5953
نقاط السٌّمعَة : 27
تاريخ التسجيل : 16/10/2011

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى