رد: لماذا هذا التحامل على الساحة الهندية

من طرف focus في 23.09.10 22:30

الاخ // برج الفااتح
مربحة بيك زي ما قلت لك
الهند راهو لها وما عليها
والهند ان شاء الله لما تجي تشوف بروحك ... وتكون انت صاحب القرار اما انك تقاوم وتتحمل الشوك من اجل الهدف الاسمى وضحي زي ما صاير في باقي الساحات الدراسية الاخرى او انك تستسلم .... وان شاء الله لا .......
وكل منطقة لها عيوب ومميزات والكمال لله وحده

من طرف focus في 24.09.10 22:25

والله يا برج الفاتح انا ننصحك تشوف الله باد حسب ما حكوا انها كويسة وخيرة بكل ورخصية من كل شيء شوف شرشبيل والنمس اكيد هذيم يقدرو يخدموك غادي في الله اباد وحسب حكيهم ... ان كل التخصصات متوفرة وممكن تلاقي كل التخصصات
غادي .... وحسب معرفتي وعلمي ان الشباب يلي درسوا لغة في بونا .. بعد ما كملوا مشوا لى الله اباد وهذا يدل انها جيدة

واي حاجة تفضل ما عندك مشكلة الشباب ما يقصروا راهوا

من طرف المغترب في 25.09.10 2:30

**************************

من طرف أمتياز في 25.09.10 3:01

focus كتب:والله يا برج الفاتح انا ننصحك تشوف الله باد حسب ما حكوا انها كويسة وخيرة بكل ورخصية من كل شيء شوف شرشبيل والنمس اكيد هذيم يقدرو يخدموك غادي في الله اباد وحسب حكيهم ... ان كل التخصصات متوفرة وممكن تلاقي كل التخصصات
غادي .... وحسب معرفتي وعلمي ان الشباب يلي درسوا لغة في بونا .. بعد ما كملوا مشوا لى الله اباد وهذا يدل انها جيدة

واي حاجة تفضل ما عندك مشكلة الشباب ما يقصروا راهوا

اي شرشبيل والنمس ياراجل اي شخص يبي قبول يراسلني بس

من طرف focus في 25.09.10 3:16

المغترب كتب:*********************

********************
هدا برج الفاتح يبي قبول انا قلت له يشوف شرشبيل ولا حتى النمس لان هذيم في الله ابداية وهما ادرى بها مني
لكن كان يبي بنقالور يراسلني وما عنده مشكلة بكل

من طرف العقيد نمس في 25.09.10 3:50

السلام عليك
يا أخي فوكس انا اريد قبول من جامعلت بانقلور
واريد ان اخذ كوس انجليزي واريد في شهر 10 انجي الى الهند وتخصصي اتصالات

من طرف المغترب في 25.09.10 4:14

السلام عليكم
قصدي انا وجدة موضوع كاتب فيه انت بشكل وبعدين مغير كلامك 180 درجة ,اكيد فهمت علي شن نقصد ,يعني خليك واضح يااخي ارك انت المسؤل.
واحنى ناخذو في المعلومات منك
والله يعينك على فعل الخير

من طرف focus في 25.09.10 4:23

العقيد نمس كتب:السلام عليك
يا أخي فوكس انا اريد قبول من جامعلت بانقلور
واريد ان اخذ كوس انجليزي واريد في شهر 10 انجي الى الهند وتخصصي اتصالات

يا نمس ما عندك مشكلة دز اوراق ويجيك القبول كيف ما تبي
من بنقالور بصفة عامة وانت كان تخصصك اتصالات معناها وصلت
عارف انه بنقالور هى مدينة السيليكون
ابش نسق معاك راسلني

من طرف القناص الليبي في 29.10.10 9:07

السلام عليكم انا احد الدارسين في الهند واوكد كلام الهندي لما اراه امامي من اوساخ وقادورات وعبادة للاصنام والابقار ، ولكن لاجل العلم يجب ان يتحمل الشاب مهما كانت الظروف،فأنت تريد شهادة وتريد راحة هدان لايلتقيان ابدا، الهند بلد الغرائب لكن يجب ان نتحملو، كما قال الشاعر:وماننيل المطالب بالتمني-ولكن تاخد الدنيا غلابه،فمن رغب في الدراسة في الهند اهلا وسهلا به ولكن يضع الصبر نصب عينيه والسلام عليكم

من طرف وعد في 06.02.11 8:28

[b]الشكر لطرح الموضوع

السؤال الذي يطرح نفسه لماذا ادارة البعثات تفتح هذه الساحة أصلاً ؟؟؟وهذه المساوئ بها

لماذا يتعاون أعضاء هيئة تدريس من الهند رغم تعليمهم السئ لطلبتنا في ليبيا؟؟؟؟

كل هذا مسؤلية التعليم العالي وادارة البعثات ياساااادة
[/b]

من طرف awadmabrok في 10.10.11 9:32

يا خوتى السلام عليكم انا عندى قصة على الهند كنت قبل سنوات قليلة تراسلت مع المكتب اللى اسمه الوسيط عشان ندرس فى الهند وقالى ايش رايك تقعد مندوبنا فى ليبيا قلت له باهى وبدات انعد فى الامور هنا ختم وما يلزم ,لكن بعد ريت الناس اللى تقرض فيه وتقول المكتب مش تمام والكلام كله ملون والواقع مش نفس اللى مكتوب فى الموقع اعتذرت منه وقلت له انا اسف .
لكنى انا شخصا تلاقيت مع دكتور لكن للاسف رحل قبل الثورة وبعد ما وصل للهند نراسل فيه بالايميل ما يردش عليا مش عارف ليش !!!!!
المهم انا من ليبيا وعندى ما جستير فى ادارة الموارد البشرية ونبى ندرس دكتوراه فى الهند فى جامعة محترمة والان بعد زيادة المرتبات صارت اكثر رغبة ونبى اى حد منكم يقولى عن التكاليف وطريقة الدراسة يعنى هل الاقامة كلها فى الهند والا زيارات وكم مدة الدراسة وهل يمكن ان نجد مشرف نتواصل معاه قبل ما نجى للهند ؟؟؟
ياريت يا خوتى حد يسعفنى انا اسمى عو ضمبروك وايميلى هو نفس الاسم اللى فى المنتدى الايميل على الجى ميل ياريت حد يستفسر لى ويفيدنى وبارك الله فيكم .

من طرف الهندي في 02.11.11 0:44

يا جماعة الحكومة الفاسدة تغييرت ...ولازم اتغير معاها نظرة الليبيين....... فوتو الهند ..راهي ************* كبيـــــــــــــــــــــــــــــر
والله توخر هنا ما تقدم
واللي حاصل هنا يستنى غير امتى يكمل بيش يهرب..

وماتسمعو كلام اللي يزيين ولا يبهرج.

من طرف **مدير المنتدى** في 02.11.11 1:21

الهندي كتب:يا جماعة الحكومة الفاسدة تغييرت ...ولازم اتغير معاها نظرة الليبيين....... فوتو الهند ..راهي ************* كبيـــــــــــــــــــــــــــــر
والله توخر هنا ما تقدم
واللي حاصل هنا يستنى غير امتى يكمل بيش يهرب..

وماتسمعو كلام اللي يزيين ولا يبهرج.

خوي الهندي اولا مبارك عليك تحرير ليبيا

و رايك على العين والراس, لكن يا خوي رجاء من خوك انك تساعدني شوي في تعديل المواضيع
راهو الموضوع يبي وقت. وبيني وبينك كل ما نشوف مشاركة للهندي على طول انقرب الماوس من زر التعديل قبل ما نقراش

فأرجوك عبر عن رايك بكل حريه لكن بدون كلام خارج وتجريح.

على العموم انا جاري هندي وقبل شوي كنت معاه , لكن انت كرهتني فيه ربي يسامحك

من طرف الهندي في 02.11.11 5:48

مبروك ع الجميع ان شاء الله

حاضر يا مديرنا

باهي جارك الهندي برا عدي سلم عليه بأيدك اليسار كان ما سلم عليك بالجو السمح يبقى مش هندي

مايفرقو في السلام يمين ولا يسار يمدلك القريبة طول...
المهم اني بنشبح من بعيد بعيد.......لكن حد يقول حاجة مش حق ولا يزين الشينة..تدخل على طول