رد: الحصول على التأشيرة الكندية في ظرف 45 يوم بدون اجراء مقابلة

من طرف Mohamed13 في الجمعة 02 أغسطس 2013, 3:05 am

الخطوات تلقيها في اول الموضوع ، بالتفصيل موضحها اخونا محمد( صاحب هده المساهمة الطيبة) بارك الله فيه.

بالنسبه لي تاشيرة طالب او زيارة ... راح تكون نفسها لطالما انك تقدمي اون لاين ... يعني ميش راح تفرق لان مثل ما قبلت تاشيرة زائر اكيد راح تقبل تاشيرة طالب ... انتي توكلي علي الله وان شاء الله خير

بالتوفيق للجميع

من طرف ffabio في الجمعة 02 أغسطس 2013, 3:19 am

السلام عليكم
عندي سؤال؟؟ نحن شركتنا شركة عامة تم خصخصتها .. سؤالي هل شركة حضرتك
لاخ Mohamed13 عامة او خاصة
وهل هناك اوراق اضافية غير رسالة الدعم المالي من الشركة
ولكم خالص الدعاء

من طرف Mohamed13 في الجمعة 02 أغسطس 2013, 3:33 am

شركة خاصة

رسالة الدعم المالي ( من ظمنها رسالة الدعوة من كندا)

رسالة التوظيف

من طرف ffabio في الجمعة 02 أغسطس 2013, 3:46 am

اخ محمد13 هل تقصد برسالة الدعوى من كندا .. قبول الشركة او المعهد اللي بندرب فيه وهل نرفق كشف حسابي فقط او كشف حساب الشركة او مالهنش داعي كشوف الحسابات لان زي م انت عارف مصر تاشيرتها ساهلة كانت رسالة الدعم المالي من الشركة كافية للحصول ع للتاشيرة .
نسال الله يتم قبولك وتبلغنا ان شاء الله بالنتيجة.

من طرف Mohamed13 في الجمعة 02 أغسطس 2013, 4:03 am

نقصد الدعوه من كندا ... ضروري الجهة الي الداعياتك تكتب في الدعوه انها هيا تتكفل بمصاريفك كلها من يوم الوصل الي يوم المغادرة .. بما فيهم لاتي:

السكن ، الموصالات ، المعيشة ، التامين الصحي ... ألخ

ومهم جدا ان توضح انك ميش راح تاخد اي مرتب من كندا في الفترة الي انت قاعد فيها للتدريب ، وان مرتباتك راح تاخدهم من الشركة في ليبيا .

لو قدرت تحصل الدعوة مفصله بالكيفية هادي ... مافيش لزمة للكشف الحساب متاعك او متاع الشركة .

او ... لو ان الجهة الي بديرلك دعوة ماليهاش دخل بالمصاريف متاعك ... ضروري تذكر في الدعوه ان المصاريف الرحلة متاعك علي الشركة المرسلة ( في ليبيا)

ويجب ع الشركة الي باعتاتك الي كندا تكتب رسالة وتوضح انها تتكفلك بمصاريفك كلها وانك انت راح ترجع لي عملك في ليبيا بعدما تنهي التدريب في كندا مباشرة وانه تتحمل المسؤليه.

واي اسئله تانية اتفضل ... علي ما نعلم

موفق ان شاء الله

من طرف ffabio في الجمعة 02 أغسطس 2013, 4:27 am

شكرا على رحابة صدرك لكن في تضارب مافهمتاش
((ضروري الجهة الي الداعياتك تكتب في الدعوه انها هيا تتكفل بمصاريفك كلها من يوم الوصل الي يوم المغادرة .. بما فيهم لاتي:

السكن ، الموصالات ، المعيشة ، التامين الصحي ... ألخ

ومهم جدا ان توضح انك ميش راح تاخد اي مرتب من كندا في الفترة الي انت قاعد فيها للتدريب ، وان مرتباتك راح تاخدهم من الشركة في ليبيا .))
كيف الجهة اللي دارت الدعوى في كندا (تتكفل بجميع مصاريف معيشتي في كندا ) وكيف لازم نقول اني مش حناخد فلوس اللا من شركتي في ليبيا .
لو في امكانية نبعتلي ايميلك او تلفونك على الخاص اكن لك من الشاكرين

من طرف Mohamed13 في الجمعة 02 أغسطس 2013, 4:55 am

كيف تضارب ؟؟؟

انا وضحتلك... شن هو الي مطلوب من الشركة الداعيه ... ومن الشركة الي تخدم فيها في ليبيا

النقطه الضروري : نعم لازم لازم ان الجهة الداعية تكتب انك ميش راح تاخد مرتب في كندا ..

وفي حالة ان مجرد شركة متاع تدريب وماليهاش علاقه بي شي .. ادا ع الشركة متاعك في ليبيا تكتب الكلام هدا في الرسالة متاع الدعم المالي بس

من طرف ساجدة87 في الجمعة 02 أغسطس 2013, 4:31 pm

صح فعلا انا اليوم فتحت الموقع وعبيت بعض البيانات ولله الحمد bounce

من طرف mohamad.ali في الجمعة 02 أغسطس 2013, 4:44 pm

انا حالياًانعبي فيه!!

من طرف saed في الأربعاء 07 أغسطس 2013, 3:46 pm

لا اله إلا انت سبحانك

من طرف Mohamed13 في الجمعة 09 أغسطس 2013, 4:30 pm

ب
السلام عليكم ،
إخوتي كل عام وانتم بخير.

بشاره طيب،،،،،، في أخ اسمه Mustafa76 وهو مشارك معانا في المنتدي استلم التأشيرة الكندية وهو مقدم أون لاين يوم 23/06/2013 وتحصل ع التأشيرة يوم 7/8/2013 وقت قياسي ماشاء الله ..
ألف مبروك لي أخينا مصطفي وعقبالنا وعقبال كل الي مقدمين أون لاين

من طرف ساجدة87 في الجمعة 09 أغسطس 2013, 11:49 pm

الف مبروك خونا محمد

..والعقبه للجميع

سؤالي لو قدمت توا على التاشيره كم مدتها حتكون لانه قبولي في شهر واحد هل تسقط صلاحيتها ام انها مستمره ياريت حد ايفيدنا على المده بالضبط
ولو في اي حد يعرف مكتب ايعبي في النماذج ياريت ايدلنا عليه Question

...لانه في بعض الاشياء فيهن صعوبه
وكل عام وانتم بخير

من طرف Mohamed13 في السبت 10 أغسطس 2013, 1:05 am

الاخت ساجده ، التأشيرة خداها الأخ مصطفي ،... مبروك عليه وعقبالنا أن شاء الله .
تقدري تسأليه وان شاء الله يساعدك ، اسمه موضح في الرد في السابق.
وبالنسبة للنماذج ، فيه مكتب اسمه أغوار موجود في برج طرابلس الدور لأول .
أن شاء الله بالتوفيق

من طرف hm1897 في السبت 10 أغسطس 2013, 4:20 am

السلام عليكم
مبروك لخونا مصطفى والعقبة للي يستنو
ساجدة...مافيش داعي تمشي لمكتب فقط باش يعبيلك النماذج لان أغلب المعلومات متاحة وهم مايديرو في شي زايد
لو عندك صعوبة ممكن تطرحيها هنا وان شاء الله نساعدوك انا وزملائي في ملأها

يا ساجده اني عبيت اونلاين يوم ا اغسطس طبعا بمساعدة خوي بحكم هنده لغه لكن كنت معاه ف كل خطوه... شن اللي صعب علبك انت ممكن انساعدك انشالله. وعلي فكره حتي اني قبولي في يناير لان جماعة الكندي يبوا هكي.. (6شهور قبل الموعد يكون تاريخ القبول ) .

من طرف Mustafa76 في السبت 10 أغسطس 2013, 11:12 am

السلام عليكم,,
وكل سنة وانتم طيبين..
انى حبيبت نكتب موضوع حصولى على التاشيرة بموضوع جديد حتى يتطلع عليه كل طالب مقدم على التاشيرة..
وانى فى هده الصفحة انعيد على خوى محمد hm1897 ونقوله كل سنة وانت بخير وانى عارفك مشغول فى ملف التفويض وانشالله ربى ايسهل عليك وعلينا الاجراءات يارب العالمين.
فى ملاحظة بسطيه انحب انقوله
عند التقديم اونلين اصدار التاشيرة تحسب على مدة رسالة القبول متع الدراسة وايضا على صلاحية جواز سفرك...ادا كان قبولك فى شهر واحد يبدا..معنها حتصدر قبل شهر واحد باايام الى مدة الدراسة وبعدين لما اتكونى انشالله فى كندا..ساهل جدا انك اتمددى study permit متعك
والنمادج زى ماقال خوى محمد..تقدرى تكتبى المعلومات الغير واضح ليك بالانجليزى وانشالله انساعدوك جميعن
وبالتوفيق لكل شخص يستنا فى صدور او قدم على التاشيرة الكندية
مصطفى

من طرف Rida Ali في السبت 10 أغسطس 2013, 11:32 am

@hm1897 كتب:السلام عليكم ورحمة الله وبركاته أخوتي أعضاء المنتدي
نظرا لاستفادتي الكبيرة من منتداكم الرائع أحببت أن أشارككم تجربتي التي أدت الى حصولي على التأشيرة الكندية في ظرف قياسي وهو 45 يوم والمفاجأة هي أنه لا داعي لموعد وطابور ومقابلة, فقط جهاز كمبيوتر ومعرفة جيدة باللغة الانجليزية واجادة استخدام الكمبيوتر + طابعة
1_ فتح موقع http://www.cic.gc.ca/english/index-int.asp
2 - اختيار Apply online
3 - بعدها نختار study permit
4 - بعدها تقرأ التعليمات وتنفذ بدقة
مجرد أسألة جاوب عليها وبعدين افتح أكاونت وعبي الابليكشن وديريلهم ابلود واتبع التعليمات
انا قدمت اونلاين يوم 08/04/2013 ,الكشف الطبي 2 - 05 - 2013 وستلمت التاشيرة 06/2013
ماتغلطوش غلطي وهو ان قدمت على السفارة واونلاين الزوز
بعتولي ايميل طبعا مش من تونس قالولي عندك زوز ابليكيشن واحد اونلاين والتاني عن طريق السفارة ويجب عليك تلغي متاع السفارة لان الاونلاين جاهز
علما بأني مقدم في السفارة من يوم 24/04/2013 والى حد الان حتى الكشف مابعتوش
كنت بي نتعمق في الشرح لكن لظروفي الصحية ماقدرتش
ماتنسونيش من صالح دعائكم في اجراءات التفويض
وبالله اللي قاعدين في مونتريال ياريت يتواصلو معاي لان ان شاء الله بنمشي غادي

الأخ hm1897 بارك الله فيك لطرحك هذا الموضوع مع أن متحصل على التأشيرة الكندية بطريقة التقديم على السفارة الأ أن طريقة التقديم أون لاين من خلال متابعتي للموضوع طريقة فعالة جداً وانصح كل الزملاء باتباعها هذا اولاً.
ثانياً الى كل الزملاء اللذين تفاعلوا مع هذا الموضوع الرجاء الضغط على علامة + في صفحة الاخ hm1897 صاحب هذه البادرة لكي تزداد نقاط السمعة عنده لانه يستاهل ومن خلال مشاهدتي فأن نقاط الصمعة عند الأخ 12 وهي قليلة جداً في حقه اتمنى التفاعل لتحفيز الاخ على مزيد من العطاء وبارك الله في الجميع والله أعلم

من طرف yousefyousef في الأحد 11 أغسطس 2013, 10:01 am

الف مبروووك

من طرف shada3bdoo في الأربعاء 14 أغسطس 2013, 2:45 pm

الف مبروك وعقبالنا ان شاء الله

مشكورين الاخوة بارك الله فيهم وزيد عليها صاحب الموضوع الله يوسع عليك ياخوي ,علي كل كل واحد يخدم بنية في الطلبة

من طرف AboAhmed في الخميس 15 أغسطس 2013, 1:37 am

السلام عليكم
بارك الله فيكم على التوضيحات وجزاكم الله خيرا .
تحصلت على ايفاد دكتوراه حاسوب أود الدراسة بكندا متزوج ولدى ابناء يدرسون ابتدائي .
اريد قبول لغة بجامعة كونكورديا . كيف أحصل على القبول ؟ وهل تنصحوني بالدراسة بهذه الجامعة ؟
بارك الله فيكم

من طرف eng.mohamed في الخميس 15 أغسطس 2013, 10:18 am

السلام عليكم
انا الان أجاوب على الاسئلة في الموقع وواقف على سؤال ما عرفته
أرجوكم ساعدوني أنا عندي ايفاد من وزارة التعليم العالي وهذا هو السؤال

[b style="color: rgb(0, 0, 0); font-family: Verdana, helvetica, univers, sans-serif; font-size: 13px; font-style: normal; font-variant: normal; letter-spacing: normal; line-height: 19.1875px; orphans: auto; text-align: start; text-indent: 0px; text-transform: none; white-space: normal; widows: auto; word-spacing: 0px; -webkit-text-stroke-width: 0px; background-color: rgb(255, 255, 255);"]Are you:[/b]

[b style="color: rgb(0, 0, 0); font-family: Verdana, helvetica, univers, sans-serif; font-size: 13px; font-style: normal; font-variant: normal; letter-spacing: normal; line-height: 19.1875px; orphans: auto; text-align: start; text-indent: 0px; text-transform: none; white-space: normal; widows: auto; word-spacing: 0px; -webkit-text-stroke-width: 0px; background-color: rgb(255, 255, 255);"]- A recipient of a Commonwealth scholarship; or [/b]

[b style="color: rgb(0, 0, 0); font-family: Verdana, helvetica, univers, sans-serif; font-size: 13px; font-style: normal; font-variant: normal; letter-spacing: normal; line-height: 19.1875px; orphans: auto; text-align: start; text-indent: 0px; text-transform: none; white-space: normal; widows: auto; word-spacing: 0px; -webkit-text-stroke-width: 0px; background-color: rgb(255, 255, 255);"]- A recipient of a full bursary (covering all expenses) from the Canadian International Development Agency (CIDA), including Francophonie scholarships; or[/b]

[b style="color: rgb(0, 0, 0); font-family: Verdana, helvetica, univers, sans-serif; font-size: 13px; font-style: normal; font-variant: normal; letter-spacing: normal; line-height: 19.1875px; orphans: auto; text-align: start; text-indent: 0px; text-transform: none; white-space: normal; widows: auto; word-spacing: 0px; -webkit-text-stroke-width: 0px; background-color: rgb(255, 255, 255);"]- A participant in a Canadian aid program for developing countries[/b]

من طرف eng.mohamed في الخميس 15 أغسطس 2013, 10:26 am

اسف يبدو ان عندي مشكلة في النسخ واللصق
ولكن السؤال هو

are you
- a recipient of a commonwealth scholarship; or
a recipient of a full busary (covering all expenses) from the canadian international development agency (CIDA)' including francophonie scholarships; or
a participant in a canadian aid program for developing countries ?
الاجابة نعم أو لا؟؟
أرجوكم ساعدوني

من طرف adnanbrasali في الخميس 15 أغسطس 2013, 10:41 am

جاوب بلا لان السؤال بخصوص دعم مالي او حد يغطي مصاريفك في كندا

من طرف ام أنس في الجمعة 16 أغسطس 2013, 6:03 pm

http://www.cic.gc.ca/english/my_application/apply_online.asp?s=1

eligible to apply. click here بمعني مؤهلا للتقدم بطلب.

start

http://onlineservices-servicesenligne.cic.gc.ca/eapp/eapp.do

next

ومن تم تعبيئة الابليكيشن