الحصول على التأشيرة الكندية في ظرف 45 يوم بدون اجراء مقابلة

أخي hm1897 : ماعليش أخي الكريم بارك الله فيك علي مجهوداتك و كتابتك لهذا الموضوع يدل علي أن معدنك أصيل وكريم كنت تقدر تحتفظ بالموضوع فقط لنفسك فلا تبالي القافلة تسير والـ ........ مش عارف شني ادير ........ مانبيش نذكر ألفاظ مايليقش المقام لذكرها أنت بموضوعك فتحت لنا ابواب الأمل ونورتنا زادك الله نورا ومعرفة و جعله في ميزان حسناتك لا تسمع لكلام العقليات المريضة والنفوس البائسة ... وفقك الله أخي الكريم .

اخ  HM1897 

بالله ممكمن بس تورينا شن الاوراق اللي درتلها ابلود؟؟
يعني هل نفس الشي زي السفارة و لا كيف
تحديدا ,,, الدعم المالي و رسالة الابراق و رسالة المكتب الكندي للدعم المالي؟؟ هل بعتت كل هادا او فقط رسالة الدعم المالي الصادرة من البعتات؟؟
ارجو لو عندك اي تفاصيل اضافية تنورنة بها يا سيد
شكرا

الشكر الجزيل الى الاخ mostafa76 والاخ hm1897 للافادة وان شاء الله في ميزان حسناتكم ....

السلام عليكم
أختي Joy Libya لا شكرا على واجب وبارك الله فيك على كلماتك الطيبة
أخي  C.P الامر يتوقف عليك انت ...لكن نحكيلك تجربتي , انا قدمت اونلاين وفي السفارة وبعد الكشف الطبي متاع الابليكشن اللى اونلاين بعتولي وقالولي الغي الابليكيشن متاع السفارة
يعني قدم على واحدة منهم وان شاء الله ربي يقدرلك اللي فيه الخير


أخي Mr.cold بارك الله فيك وشكرا جزيلا ليك على ثقتك وكلامك الطيب بحقي...ياريت لو نبعدو على التشاحن والمشاجرات الافتراضية لان المنتدى هدا مكان يلتقي فيه القاصي والداني من الطلاب الليبين لتبادل الخبرات وايجاد حلول وانا عن نفسي لازلت مدينا بالكثير لهذا المنتدي الاكثر من رائع واضع نفسي تحت تصرفكم اذا احتجتم لاستفسار او مساعدة استطيع ان اقدمها
أخي ibroo84 عفوا وتفضل في اي وقت وتحت تصرفكم 


أخي MMatoug سؤالك مهم جدا ويستفيدو منه غيرك.....نفس الاوراق والمستندات المطلوبة , في البداية هو يطلب منك الاوراق العادية المطلوبة من السفارة لكن رسالة الابراق مش مطلوبة مطلوب الدعم المالي من المكتب الكندي , بعد ماتديرلهم ابلود معاش في مكان لرسالة الدعم المالي من البعثات....هم يراسلوك لما يفتحو ملفك ويقولولك ديرلها ابلود ويفسحولك خانة جديدة ومرات يسالوك عدة اسالة وخلاص

يا شباب لو في حد في مونتريال او بيمشي مونتريال ياريت يتواصل معاي احتاج مساعدة في الخطوات الاولى بارك الله فيكم

دخلت لموقع الهجرة الكنديhttp://www.cic.gc.ca فلقيت هذه:

الجمعية المهنية لموظفي وزارة الخارجية (PAFSO) الاتحاد يجري حاليا الإضراب. أعضاء الاتحاد PAFSO المسؤول عن معالجة طلبات الحصول على تأشيرة تم خروجه من مكاتب في كندا والخارج.

أوقات المعالجة نشرها للتطبيقات كلا المؤقتة والدائمة تأشيرة الإقامة لا تأخذ في الاعتبار التوقف عن العمل.

يجب على أي شخص التقدم بطلب للحصول على تأشيرة توقع تأخير وتقديم طلباتهم في أبعد وقت ممكن.

خطط الطوارئ موجودة بالفعل لضمان بقاء جميع المكاتب مفتوحة ويتم توفير ما لا يقل عن مستوى الحد الأدنى من الخدمة. سيتم منح الأولوية للتطبيقات الإنسانية العاجلة.

تواصل CIC لمراقبة الوضع عن كثب.

شكرا أخي علي المعلومات والله معلومات قيمة جدا وسوف يستفيد منها الجميع, وربي انشاء يشفيك ويفتحة في وجهك ان شاءالله

الله يبارك فيك خوي Gooner Arsenal وشكرا هلبا على دعواتك الصادقة اللى انا في امس الحاجة ليها
لو احتجت مساعدة او اي استفسار انا في الخدمة

عفوا يا أخ,,انا حاولت نعبي,,بس وجدت المتطلبات خالية من letter of acceptance
مع إنها موجودة للمرافق,,فهل صادفك نفس الشي
بارك الله فيك

اختي maloka اعتقد انها ثاني خانة يطلبها منك او انك مقدمة على اذن دراسة
اقتراحي انك تعاودي الابليكيشن من جديد وتختاري بدقة لان الابليكيشن لا يعتبر ان تقدم الا بعد استيفاء جميع المسوغات ودفع الرسوم معناها عادي تقدري تعاودي من جديد لكن دققي اكثر من مرة في اختياراتك واجاباتك للاسئلة
بالتوفيق ان شاء الله

السلام عليكم   ارجوا معكم الشرح كيفية انشاء الحساب اولا لانه ما مشاش معى   ولكم منى جزيل الشكر

أخي hm 1897 :
متأسفة جدا جدا جدا علي ما بدر مني أرجو أن تسامحني ظلمتك بتسرعي أرجو ان تسامحني وفقك الله

السلام عليكم...

انا موعدي يوم الاربعاء....معاش عرفت نمشي لموعدي والا نقدم اونلاين!!!

انا ياخوي والله مصدقك...لكن بالك بالحظ طلعتلك بسرعه! ....خايف نفوت موعدي ونقدم اونلاين ونندم بعدين.....

لان في نفس الموقع اللي انت حاطه.....حاطين مدة اصدار التأشيرة (10 اسابيع -تونس) 
http://www.cic.gc.ca/english/information/times/temp/students.asp

السلام عليكم
أختى Miss-Reema حصل خير وما فيش مشكلة وانا أيضا أعتذر لان بالغت بانفعالي 

محمد بن يونس تعرضت لنفس الموقف لما جيت بنقدم وموعدي قريب,حسمت أمري وقدمت على الزوز بدون طبعا مانقوللهم ومشت الامر وفي النهاية واحدة من الطريقتين نجحت, الامر بين ايدك ويرجعلك, وقدم في الزوز علاش لا

أخي mmmhz : حاضر باذن الله راح نزل طريقة بالشرح كيف تدير الحساب

[rtl]السلام عليكم جميعا.. [/rtl]

[rtl]اخي بارك الله فيك ع الموضوع الرائع و في ميزان حسناتك . [/rtl]

[rtl]بخصوص التقديم اونلاين بالفعل الخدمة احسن و اسرع و غالبا معظم الطلبة اللي في كندا و عائلاتهم يستخدمو في هالخدمة لتجديد اوراق اقامتهم سواء كطلبة او مرافقين .. [/rtl]

[rtl]بخصوص المستندات اللي لازم تعبيها ممكن تختلف من شخص لآخر لسبب بسيط انه قبل ما تقدم اونلاين يسألوك مجموعة من الاسئلة و حسب اجابتك تطلعلك قائمة الاوراق اللي لازم تعبيها في الموضوع بس عموما ما فيهاش ورقة غريبة او جديدة .. المتزوجين يجهزو عقد الجواز المترجم و مثلا كل صور جوازات السفر ( الصفحة العربي و الانجليزي ) لكل فرد من العيلة تكون مرفقة في نفس ملف البي دي اف ... [/rtl]

[rtl]ايضا رسالة الدعم المالي من البعثات و المكتب لو مازالو يطلبو فيها تكون مرفقة في نفس الملف.. [/rtl]

[rtl]يعني باختصار الاوراق المتشابهة ترفق في ملف بي دي اف واحد و تعبى تحت نفس الخانة.. [/rtl]

[rtl]مافيش داعي لشهادات الميلاد .. [/rtl]

[rtl]طبعا اي طالب في ليبيا راح يخنار خيار التقديم من خارج كندا و يجاوب الاسئلة و بعدين يقدم .. [/rtl]

[rtl]الدفع مافيش الا بالفيزا او الماستر كارد للأسف.. [/rtl]

[rtl] [/rtl]

[rtl]بس للأسف توا في اضراب و حتى اوراقنا احني اللي بنقدمو على تجديد تصريح دراسة ممكن تتعطل  بس ان شاء الله خير .. [/rtl]

[rtl]نصيحة مهمة اذا استمر الاضراب الاحسن تقدمو في السفارة في طرابلس و اذا انتهى على خير التقديم اونلاين احسن ان شاء الله .. [/rtl]

[rtl]واذا في اي اخبار ثانية عن الاضراب نحاول نبلغكم بيها بإذن الله و لأي سؤال تفضلو و دعواتكم عندي امتحانات و الله ولي التوفيق... [/rtl]

[rtl]تحياتي اختكم حنان [/rtl]

شكرا أخت حنان على المعلومات القيمة والتوضيح
بما أن الموضوع لقى اقبال معظم الطلبة كنت نجهز في شرح بالصور لكل خطوة مهما كانت صغيرة باش يستفيد الجميع لكن لقيت ان المنتدي لا يمكن ادراج الصور فيه مباشرة يعني كان نبي ندرج صورة في موضوع لازم نديرلها ابلود لموقع رفع صور وبعدين ناخدها لنك!!! طويلة العملية هدا علاش مادرتهاش وياريت لو في حد عنده اقتراح اخر
للاسف ياريت لو ان الدفع يتم بالفيزا او الماستر كارد الصادرة في ليبيا وهدي مشكلة مجموعة من الطلبة منهم السيد مصطفى لان المواقع الكندية والامريكية للاسف ماتخدش غالب في اي فيزا
ياريت ايضا لو حد عنده اقتراح لحل المشكلة هادي

الشكر للجميع 

                                                 

شكرا اخي معلومات قيمه جدا ....

شكرا لك يا أخي
وشكرا لي أستاذ عبدالناصر الذي دلني على هذه المعلومه
ان شاء الله في ميزان حسناتكم

عفوا يا أخي
لا يوجد مكان لإرفاق كشف الدرجات والإفادة
فما الراي

There is no need to upload your transcript and certificate dear maloka because you have an acceptance letter to study ESL or any English language program and that is what matters.
Good Luck all