طريقة التقديم علي التأشيرة الامريكية , تعبئة النموذج DS-160 وتحديد موعد المقابلة

بسم الله الرحمن الرحيم

السلام عليكم ورحمة الله وبركاته

الموضوع واضح من عنوانه وهو خطوات التقديم والحصول على التأشيرة الامريكية''F1 '' الخاصة بالدراسة ,تعبئة الابليكيشن والحصول على موعد للمقابلة

يتم التقديم عن طريق نموذج DS-160 تتم تعبئته اون لاين

قبل تعبئة النموذج اون لاين لازم ما تكون استلمت خطاب القبول من المعهد او المدرسة اللي بتقرا فيها ومعاه الاي تونتي وتكون دفعت رسوم سيفيس 200 $

أول شي نخشو لموقع السفارة , خدمات التاشيرة "دراسة "

من هنا

في هذه الصفحة تلقي معلومات عن التقديم للتأشيرة والمستندات المطلوبة للتأشيرة ,للبدء في تعبئة الابليكيشن

الوصول لنموذج التقديم ,من هنا

تم كما هو موضح في الصور



في الخطوة التالية يطلب منك إدخال صورتك الشخصية , ابعاد الصورة معروفة عند المصورين غير قوللهم صورة للتأشيرة الامريكية ويعطيك نسخة من الصورة على الفلاش
خلفيه الصورة بيضاء والوجه يكون واضح وما تكون منسوخه من صوره قديمه وباهتة











بعد ما انتهينا من الصورة الشخصية


نبدأ في تعبئة الابليكيشن في حال اخترت اللغة العربية ,بمجرد وضع الماوس على اى سؤال تطلعلك الترجمة بتاعه .

طبعاً توة الخطوات اللي في الصور الآتية هي نفس الموجودة في الموقع غير هاذي سحبت على ورق, يعني نفس الأسئلة أهم شي كل ماتكمل خطوة راك تنسي تخزينها وزي ماهو موضح في الصورة التالية




نبدو


















والخطوة اللي بعدها تقوم بإدخال رقم السيفيس ويبدأ بــ ******Noo

بعد ماتكمل تطلعلك صفحة التأكيد



تقوم بسحب صفحة التأكيد لانها مطلوبة في السفارة

والخطوة اللي تليها تقوم باختيار وقت لحضور المقابلة الشخصية طبعاً يطلعلك جدول وفيه الأيام اللي تقدر تجي ادير فيهم مقابلة , تختار يوم وتختار الوقت وحتي هي لازم ما تسحبها

لتحديد موعد للمقابلة ,من هنا

ثم كما هو موضح في الصور











هكي كملنا الابليكيشن وتحديد موعد المقابلة



يوم المقابلة بترفع معاك:

1- جواز السفر

2- رسوم التأشيرة للدراسة 140 دولار أو مايعادلها بالدينار , 190 دينار تقريبا

3- الصفحة التأكيدية بتاع النموذج DS-160 الصفحة هاذي فيها بعض المعلومات الشخصية المبدئية والصورة و"الباركود"

4- صورة شخصية , ابعادها 2 انش في 2 انش خلفيتها بيضاء , أغلب المصورين عارفين ابعادها , غير قوللهم صورة للتأشيرة الامريكية .وفي السفارة مرات مايخدوهاش منك .

5- صفحة تأكيد الموعد

6- I-20 والايصال المالي بتاع الــ SEVIS

7- خطاب القبول


نجو للمقابلة


المقابلة كيف ماتبي بالعربي ولا الانجليزي .

في أسئلة انت معبيها في النموذج وهما بيسألوك فيها مرة ثانية زي هل أنت متزوج أم أعزب يعني تأكيد لما تم تعبئته في النموذج

, من ساعدك في تعبئة الابليكيشن ,الخدمة العسكرية , كم المدة اللي تبي تقعدها في امريكا ومرات يقولوك لو حصلت فرصة أنك

تقيم في أمريكا هل توافق , كيف راسلت المعهد أو المدرسة,عندك أقارب في أمريكا , كيف بتخلص الرسوم الدراسية , وين كنت تقرأ

ولا تخدم , الفترة اللي بعد التخرج شن درت فيها , وين سافرت في الخمس سنوات الماضية . الاسئلة اللي فاتت خذيتها من ناس دارو

مقابلة .الأسئلة أنت وحظك . أنا سألوني عن المدة اللي بنقعدها غادي وبعد اللغة شن بتقرا وسألوني عن تخصصي وقالي عطيني

نبدة عليه , اعزب أم متزوج والاثبات المالي وبس


لما تكمل يعطوك عنوان تراجعه لين تطلع تأشيرتك وهو

من هنا

لما تفتح الموقع دخل رقم الجواز , بتطلعلك الصفحة هاذي يعني قاعده تحت الاجراء




ولما تجهز التأِشيرة تطلعلك الصفحة هاذي



يعني تأشيرتك جاهزة وابعت الجواز للسفارة عن طريق الفيدكس والف مبروك

الفيدكس ياخدو عشرة دينار عن ارسال الجواز وإرجاعه


الـتأشيرة مرات تطلعلك في نفس يوم المقابلة ومرات تقعد شهر على حسب ,انا طلعتلي ثالث يوم .




لو نسيت شي أو في عضو عنده إضافة ياريت يتفضل بها لتعم الإستفادة

لو لقيتو الموضوع فيه إستفادة كبيرة للموفدين ياريت المشرفين يقومو بتثبيته

شكراً ,,, وربي يوفقنا ويوفق كل موفد















الساعة 3وربع , وقت السحور

abdo كتب:مشكور اخى وجزاك لله الف شكر وجلعه فى ميزان حسناتك

وفقك الله لما يحب ويرضى

الغريب كتب:بارك الله فيك

وفيك بارك الله أخي الغريب

وفيك بارك الله أختي opened eyes

الله يسلمك أخي مدير المنتدى ووفقك الله

وشكراً لمرورك الكريم

في نوع اخر من التأشيرة وهي B1\B2 وهي للزائر أو السياحة أو عمل ومدة الاقامة بتاعها تكون من 3 شهور الي 6 شهور وتقدر تمدد


العفو خوي محمد

بارك الله فيك

تسلم أخي عبدالسلام

العفو أختى وفيك بارك الله

وان شاء الله ربي يوفقنا أجمعين


-------------------------------

سؤال يــ موفدين .. هل يتم تفتيش الكمبيوتر المحمول في المطار بأمريكا يسألو عن البرامج أصلية وهكي ؟؟