اطلبوا العلم في الهند

الهندي كتب:يـــــــــا سلام على .. نسخ لصق....كوبي باست

مصدر معلومات امتياز

سبق وقلنا المواقع لا تقول الحقيقة

موقع الوسيط سبق واطلعت عليه وللاسف كله كذب....... الموقع حاليا ما يشتغل مش عارف ليش لكن حطيتلكم وصلة البروفايل متاع الموقع

وفيه معلومات اخرى اكثر من اللي حطها امتياز ..والي بيصدق هو حر.....

هذه معلومات بسيطة واما الرابط فأي شخص يريد ان يتصحصل على فرصة للدراسه في الهند ماعليه الا ان يتصل بيا ومافيه داعي لاي موقع او رابط لايعمل

الهندي كل عام وانت بخير ..............ز انت بالضبط شن قصتك هل تخرجت من لا هند ام انك في الهند .... يا اخي اعلم ان لكل شيء اذا تم نقصان
وكفى

انا لا اعرف ماذا اقول. البعض يشكر في الهند والبعض الاخر لا. ربي ايوفك الجميع.
الاخ الهندي انت ليش ناقم علي الهند انت حتي اسمك الهندي

السلام عليكم
في امريكا معضم الخبرات والكفاءات هندية.. صحيح... اللي نبي انقوله إنه مش مقياس إنك تلاقي الشركات الكبرى في امريكا يخدموفيها هنود وهذا راجع لحركة الهجرة والواسطات اللي ايديرو وكانو ايديرو فيها الهنود لبعضهم منذ عشرات السنين وهدا واقع ملموس وبرا اسال أي طبيب ليبي قاعد يقرا للمعادلة الامريكية في الطب ,قمة العنصرية يتعرضولها الليبيين لما يقدمو للماتش لأي مستشفى 10أطباء 9 ليبيين و1 هندي ياخدو الهندي حتى لو درجاته أقل منهم وهذا راجع لان اللي يختارو اصلا هنود ومعضم الهجرات الهندية للخارج هي هجرات عقول ومع العدد الهائل للمواطنين الهنود المنتشرين في العالم واللي يتوسطو لبني جلدتهم يوم من الايام حتلاقي الشركات والمستشفيات العالمية كلها هندية مش لانهم تعليمهم راقي واكفاء لانهم زي النمل ومش طالقين شي وهدا مش كلامي بس حتى المنتديات اللي فيها باكستان وايرانيين وشرق اوروبيين يشكو من الهنود.ولوكانت شهادة الهند بريطانية ..حتى شهادة أمريكا أمريكية وأستراليا أسترالية وألمانيا المانية وهدي دول معروفه جدا برقي تعليمها العالي وهي ساحات مفتوحة للإيفاد .

انا شخصيا نعتبر في الهنود مهاف .. والله الهندي تلاقيه مهف ومكبش بي سنونه ومستعد يرقا للقمر .. بركشه طبعا !!!!

يا إمتياز ويا هندي أهم شي إنكم اتكونو خوت وما تخلوش الإختلاف في الاراء اينسيكم إنكم ليبيين وخوت والدنيا تجارب ووجهات نظر


تحياتي ليكم

الهندي يا عبدو مجرد اسم خطر في بالي واشتركت بيه..واني مش ناقم .. بس اني لما جيت للهند انصدمت بالوافع ..تعرف مهما يقولولك مش حاتصدق لين تجي تشوف بعينك.. تي حتى طريق مسقمة مافيه..تكسرن بايكاتنا( مونطوات) يا راجل.
واني سألت كم سؤال وسألتهم بالله يقولوا الحق ومافيش حد جاوب... صدقوني الكل انصدم بحقيقة الهند..بس ما يبوش يكونوا متناقضين.

والله با عماد اني مانكره حد و...تعرف اني متأكد ان لو الشباب يفصحو عن شخصياتهم نطلعو نعرفو بعضنا ..بس خليها هكي احسن ما حد يعرف الثاني.. عشان نتكلمو على براحتنا..

( ولمن خاف مقام ربه جنتان)

السلام عليكم
واضح ياهندي وكنشيللو إن مافيش حد في المنتدى موجود حاليا في الساحة الهندية إلا إنتم فعلا لأن كلامكم واضح أنه ناتج عن تجارب واقعية وملموسة . على العموم ياريت تكونو في الهند تجمع للطلبة الليبيين ادللو فيه الصعاب واتنورو باقي الطلبه اللي مازال مامشوش للهند لأن واضح إن الهند بلاد يمشيلها الغافل وايروح منها
إنشالله ربي ايوفقكم ويسهل عليكم أموركم
واشالله لاباس عالموطو ياهندي

مشكور ياخونا عماد وبارك الله فيك

نا اويد الهندي.................لان في الواقع بلاد متسخة مافيها كان البقر والغربان بس ...........والله اتندمت لاني جيت نقرا في الهند
بس الله غالب.......... قدر الله وماشاء فعل

العلم وين كان علم ... ويلي يبي يتحمل يجي للهند ولا حتى الصين زي بعضهم ما فيه اي فرق