المواضيع الأخيرة
» دورة تطبيق معايير اليورجاب في منتج الزراعة العضوية
الأربعاء 17 يناير 2018, 2:11 pm من طرف المركزالدولي

» شهادة ايلتس و توفل للبيع 00962796031550 في السعودية الامارات الكويت قطر عمان
الأحد 14 يناير 2018, 3:29 pm من طرف almasar75

» شهادة ايلتس و توفل للبيع 00962796031550 في السعودية الامارات الكويت قطر عمان
الأحد 14 يناير 2018, 3:27 pm من طرف almasar75

» شهادة ايلتس و توفل للبيع 00962796031550 في السعودية الامارات الكويت قطر عمان
الأحد 14 يناير 2018, 3:26 pm من طرف almasar75

» شهادة ايلتس و توفل للبيع 00962796031550 في السعودية الامارات الكويت قطر عمان
الأحد 14 يناير 2018, 3:23 pm من طرف almasar75

» في الخليج شهادات توفل او ايلتس للبيع 00962796031550
الخميس 11 يناير 2018, 3:04 am من طرف almasar75

» شهادات توفل ايلتس للبيع 00962796031550 معتمد
الخميس 11 يناير 2018, 3:03 am من طرف almasar75

» شهادات ايلتس من المعهد 00962796031550 توفل الاصلي
الخميس 11 يناير 2018, 3:02 am من طرف almasar75

» شهادات ايلتس اصلية معتمدة للبيع 00962796031550 بدون اختبار
الخميس 11 يناير 2018, 3:01 am من طرف almasar75

» شهادات توفل و ايلتس للبيع 00962796031550 في الامارات وكافة دول الخليج‏
الخميس 11 يناير 2018, 2:59 am من طرف almasar75

» شهادات توفل و ايلتس للبيع 00962796031550 في الامارات وكافة دول الخليج‏
الخميس 11 يناير 2018, 2:59 am من طرف almasar75

» شراء شهادة ايلتس في دبي 00962796031550 بيع شهادة توفل
الخميس 11 يناير 2018, 2:58 am من طرف almasar75

» شهادات توفل ايلتس للبيع 00962796031550 مضمون ودولي
الخميس 11 يناير 2018, 2:57 am من طرف almasar75

» شهادة ايلتس و توفل للبيع 00962796031550 في السعودية الامارات الكويت قطر عمان
الخميس 11 يناير 2018, 2:57 am من طرف almasar75

» شهادات توفل ايلتس للبيع 00962796031550 معتمد دولي
الخميس 11 يناير 2018, 2:56 am من طرف almasar75

المواضيع الأخيرة
المواضيع منذ آخر زيارة لي
 استعرض مُساهماتك
 المواضيع التي لم يتم الرد عليها
أفضل 10 أعضاء في هذا الأسبوع
المركزالدولي
 

الموفد على الفيس بوك ...

رحلة طرابلس - بريطانيا - كندا بالتفصيل

صفحة 1 من اصل 3 1, 2, 3  الصفحة التالية

استعرض الموضوع السابق استعرض الموضوع التالي اذهب الى الأسفل

رحلة طرابلس - بريطانيا - كندا بالتفصيل

مُساهمة من طرف osama44 في الخميس 15 أغسطس 2013, 11:33 pm

السلام عليكم ورحمة الله وبركاته ,, كيف حالكم اخوتى واخواتى اعضاء المنتدى الكرام 
حقيفة أحببت مرة اخرى أن أشارككم تجربة اخرى من تجاربى وهيا خطة السفر من طرابلس حتى الوصول إلى تورنتو . أملا منكم الدعاء لى , وراجيا أن يكون الموضوع مفيدا لكم ولمن قررالسفر بواسطة الخطوط البريطانية . 
خط الرحلة ( طرابلس - هيثرو لندن - تورنتو )
نبدأ بعون الله .
* البداية :
كانت البداية بإختيار شركة الطيران وخطة السفر هل اختار التركية , ام الانجليزية ام الايطالية ام الالمانية .
طبعا لم انتظر حتى صدور التذاكر , كنت فى عجلة من امرى فحجزت على حسابى الخاص تدكرتين ( ذهاب فقط ) على أمل استرجاع قيمتهم لاحقا Sad .
كنت محتار الحقيقة بين الخطوط التركية لتجربتى الواسعة معها ( الاكل حلال وجيد والخدمات مريحة وراقية ) وبين الخطوط الانجليزية ( تجربة جديدة تم شكرها من العديد من الاخوة فى المنتدى ) .وعلى هذا الاساس اخترت الخطوط الانجليزية .
مكان الحجز كان من مكتب الخطوط الانجليزية فى برج طرابلس . كان الموظف راقى فى التعامل ويوضح لك بعض الامور مثل نوع الفندق نوع الطائرة وغيره .
حجزت على درجة رجال الاعمال وكان سعر التذكرة 1200 دينار تقريبا . 
وخط الرحلة هوا طرابلس - لندن -تورنتو 
مع البقاء ليلة فى فندق على حساب الشركة .
بعض الامور المهمة 
- مسموح بتلات حقائب للشخص الواحد ومجموع وزنهم 93 كيلو . على درجة رجال الاعمال.
- الفندق اختار ( سوفتيل داخل المطار)
-لا تطلب مسلم ميل ( وجبة مسلمين لانها سوف تكون اما خضروات وسلطات او سمك فقط والبعض ما ياكلش فى السمك زى حالاتى بتقعد الرحلة كلها صيام ) وتحرم من جميع الوجبات الاخرى خصوصا انها درجة رجال الاعمال . البعض قد يتسائل باهى مسلم اكيد بناكل سمك او خضرة , نقولك الدجاج واللحم حسب ما سألت انه يدبحو فيه حتى هوا . فعلى الاقل وجبه دجاج وارز تسمى وتاكل افضل من ورق سلاطة ومعدنوس وجبنة مالحة .
- حاول تحجز الرحلة اللى تطلع من هيترو الساعة 3 او اربعة ما تختارش رحلة الصبح ,, باش يكون عندك متسع من الوقت تمشى لمكان الرحلة ,, او تدهور فى المطار.

تم الحجز بنجاح وفى انتظار السفر .

* فى مطار طرابلس العالمى !


فى مطار طرابلس ظهرا تلقى الزحمة كالعادة وقلة النظام للاسف ,, عموما مش راح نكترو دوة عليه بس بعض النقاط المهمة :
1- اللى زوجته حامل : ترتدى جلباب واسع لا يظهر الحمل لان فيه اجراء يتخدو فيه فى المطار يمنعو الحامل من السفر مع احترامى بكل استعباط سواء الشهر الاول أو فى منتصف فترة الحمل او فى الاخير مافيش معايير على التوكة اللى شادة . ويفضل توتى تقرير تبرز فيه حالة الزوجة الصحية أنها بحالة جيدة ويمكنها السفر . 
على فكرة زوجتى كانت حامل فى منتصف السابع ووصلنا الحمد لله الامور تمام مافيش خوف على الحمل رغم خوفونى هلبى الاصدقاء وحتى من اعضاء من المنتدى , المهم درجة رجال الاعمال وشرب الماء وتتحرك وتمشى الامور ان شاء الله .
2- الحقائب سوف يأخدو منك حقيبة للتفتيش الشخصى . ويسألك موظف الجمارك ( هل فيها سوائل - زيت - رب ) ممنوع راهو .. وراح يحدرك أن شناطيك راح يوقفو فى المطارات التانية وتصيرلك مشكلة لو فيه متلا شويشة رب والا زيت زيتون مدرقها هنا والا هنا . فا مش لازم هنا كل شى متوفر حتى الرب .
3-تعالى بكرى شوية باش ادير اجراءات الصعود بكرى ,, ولو فيه اشكالية ما تعطلكش لان انت واخد الوقت بزيادة .
طبعا طائرة الخطوط الانجليزية اللى تتطلع من مطار طرابلس المفترض تكون درجة رجال الاعمال . الحقيقة حسيتها اى حاجة تانية الا درجة رجال الاعمال . مش على قدر المستوى عادية جدا وحتى تكييف ما فيهاش .طاقم الطائرة ماليهمش علاقة بالانجليز ( سمر تحسهم من الهند او بنغلاديش )
المهم هذا شكل الطائرة من الخارج A 330

الرحلة تستغرق حوالى 3 ساعات حتى مطار هيثرو لندن . والرحلة كانت جميلة من ناحية المناظر وصور جبال الالب , ولكن الاكل لم يعجبنى ابدا . حوت او سلاطة . (درجة رجال الاعمال ) تخايلتها على التركية كيف كانت راح تكون الوجبه ,, ولكن قدر الله وما شاء فعل والحمد لله .

وهذه صورة من الجو :

* فى  مطار هيثرو لندن :
وصلنا والحمد لله مع الساعة 5 تقريبا عصرا . 
المطار ماشاء الله والطائرات مستفات ,, طبعا اللى بتوصله اسمه ( ترمنال 5 termanal)
وهذا شكل المطار :

ترمنال 5



 * إجراءات الوصول لمطار هيثرو :
أول ما توصلو ان شاء الله بالسلامة للمطار تبعو الناس اللى ماشين وأقرو لين توصلو لمكان الصالة الواسعة اللى تلقو يافطات مكتوب عليهم ( مواطنين بريطانيا - ترانزيت - others) المهم ما تخشوش غادى وتشدو الطابور اوكى ,, اهو قولتلكم ,, لان قبل هدا الاجراء لازم تكمل طول وين فيه ترانسيت يو كا بوردر . راح نحط صورة عموما ,, وقبل هذا فيه على اليسار تلقى هندى واقف وقدامه اوراق . خود منهم ورقة وعبيها ,, ساهلة المعلومات اللى فيها رقم الجواز منين جاى ووين ماشى . بعد تعبى النموذج  على الطاولة الطويلة __________ تكمل طول لين توصل لدسك تلقى فيه ناس شادين الطابور شد الطابور زيهم لين يوصل فيك الدور . 
الغرض من هذا الطابور أن1- يحجزولك فى فندق ليلة 2- يعطوك زوز بطاقات اوراق للباص  هادو تمشى بيهم للهوتيل ( طبعا بتغيرهم توا نتكلمو عليهم ) دهاب اياب ورد بالك يريحو منكم .
طبعا لاحظت للاسف ان بعض الليبين ما يعرفوش وين يمشو ومنين يجو ,, وفيه للأسف يقولولهم لا والله ما عندكمش حجز وتمشى عليهم . ويقعدو فى المطار وصادفت حالة هكى ولكن ولو وحصلو بعد العبد الضعيف وليت وتكلمت مع اللى يحجز . سبحان الله حتى الاجانب ولو عندهم الخبث وكانا ما تعرفش يغشوك على اساس راقين . قالك شنو ما عندناش فندق فاضى فى المطار ,, طبعا انا قالى نفس الكلام قولتله شوفلى اى فندق . حولنى لفندق سوفيتل فى مطار تانى . ومشت الامور . 
- تاخد هادو الاوراق وتمشى للطابور الكبير الطويل فى الصالة الكبيرة باش تطلع من المطار وتمشى للفندق ,, راح تلاحظ كل الموظفين هنود تقريبا . وتحسهم ما يحبوش العرب . هذا اللى حسيته . 
راح يسألك الهندى بو عمامة : علاش جيت لبريطانيا ,, بتقوله انا طالب ماشى لكندا ,, يقولك عندك فيزا طالب ؟ تقوله ايه .. توا هيا قدامه ويسأل فيا . 
لا وانا قالى عندك فيزا لبريطانيا ؟ قولتله انا ترانزيت مش قاعد فيها بريطانيا ,, قعد يدير فى روحه يتصل ويتأكد ,, بعدين أعطانى ورقة عبيتها ,, ختملى وقالى لغدوة الفيزا مؤقتة لازم تجى غدوة للمطار ههههه . ضحكنى الصراحة . 
 هذا المكان اللى تاخد من الكروت متاع الباص ويحجزولك فى الهوتيل  :

بعد هذا تمشى لمكان الباص باش تركب ,, يقولك السواق هدا الكرت غير صالح ,,ما اطيرلكش وواسع بالك ( انا طبعا قريب لوحت الشنطة اللى فى ايدى Smile  ) تمشى تولى لمكان فى الدور الارضى أسمه : ناشيونال اكسبرس  أو بعدين تمشى تولى لمكان الباصات وتسأل على الباص اللى ماشى لمطار قاتويك فندق سوفيتل . وتركب يمشى بيك حوالى ساعة .
لهذا انا ننصح ان كانا تقدر تحجز من الاول فى فندق سوفتيل اللى فى هيترو يكون افضل .
هذا المكان اللى تغير فيه الكروت لكروت باص صالحة للذهاب ,, 

أسمه ناشيونال اكسبرس ( راح يغيرولك متاع الدهاب فقط ) ومتاع الرجوع دسهم باش تغيرهم من مطار قاتويك بنفس الطريقة . ساهلة العملية ان شاء الله .
بعد ما تكمل تطلع على طول من باب المرش اللى يقابلك من هنا زى ما فى الصورة الجاية وتلقى الباصات 
وهذا المنظر وين تطلع 

 لاحظ انك طلعت من الجيهة اللى تقابلك وخديت الصورة هادى وتوا تتلفت تلقى الباصات 
وهذا منظر تانى 

توا تسأل على الباص اللى ماشى للمطار اللى قولنا عليه الفندق اللى قولنا عليه ,, تعطى السائق الكرت وتركب .
وهذا شكل الباص ,, وهوا تقول طيارة مش باص ومريح لابعد حدود ,, لا والسائق راح يقولك اربط حزام الامان . لاحول ولاقوة الا بالله 

تمام لحد هنا ان شاء الله ,, نحاول نكمل القصة على الاقل لحد مغادرة بريطانيا باش يكون الموضوع متواصل Smile 
بعد هدا يمشى بيك الباص حوالى الساعة تقريبا لين توصل للفندق ,, ووين طلعنا شوفت الهوتيل اللى مفروض كنت نقعد فيه فى المطار نفسه خسارة قريب تمشيلها على رجليك . بس مش مشكلة حتى التانى كان كويس وفيه كيف تدهور فى المطار التانى .متصل بيه بممر راح نرفق الصورة لاحقا .
هذه صورة مطار سوفتيل هيترو اللى ماصارش منه 

عند الوصول للفندق توجه للدور الاول فورا تلقى اللوبى ( الرشبشن ) اوقف عليهم ووريهم الورقة اللى عطوهالك فى المطار والتكت ,, راح يعطيك ورقة تعبيها وبعدين يعطيك مغلف فيه مفتاح الكترونى للغرفة وفيه بعض التعليمات مكان العشاء مكان الفطور ,, مكان حوض السباحة Smile ,, ويقولك العشى قريب يتم وقته راهو خف روحك كانا تبى تلحق , 
الشخص هدا كان بكستانى عاملنا برقى كبير وين عرف ان ليبين ومسلمين وقال اى خدمة كلمونى انا مدير هنا وهده بطاقتى . بارك الله فيه حتى مسلم . 
هذه منظر لمكان اللى ادير فيه تشك أن . وتشك اوت 



نتركم شوبة مع بعض صور من الهوتيل ,, 



وهذا الممر اللى يوصل لمطار قوتيك كانا بتتدهور شوية ,, واصلا بتمشى تغير فيه الكروت باش تركب الباص اللى يرفع لهيترو لندن .

صورة دورة المياه اكرمكم الله ,, للى ما يبى شى يفوته حتى التفاصيل الدقيقة على الفندق  Smile 


وهذه صورة من نافذة الغرفة ,, الطائرات نازلات راكبات واليوم كان ممطر خيالى الصراحة . رغم انى كنت نفكر فى موضوع حمل زوجتى وهل زعمى يركبونا والا يردونا ,, لان خوفنى خوتى الليبين هلبى من الموضوع Smile 

العشى لحقنا عليه تلحيق ,, للاسف كان عشى كله لحم وشربة خبزة ,, ما قدناش ناكلو حتى مع وجود فتوة انك تسمى وتاكل . فيه رز مشينا بيه الحال وخبزة وشوية خضرة وخلاص .الحمد لله . ( هذه احد الاسباب اللى خلت رحلة الانجليزية ما عجبتنيش راح تتقيد فى الاكل هلبى الصراحة ) .
ولكن تم التعويض فى وجبة الفطور ,, وفى صالة رجال الاعمال ( لانج ) اللى راح نحط خريطة لمكانها فى المطار ,, وخريطة للمطار كله بأدن الله تعالى .

وهذا طبعا فطور تانى يوم فى الفندق .




تانى يوم تمشى تغير الكروت متاع العودة فى المطارقاتويك وتركب من المطار بالباص نفسه الى هيترو لندن . ساعة تقريبا . ادا خود باص الصبح باش توصل بالوقت المناسب ,, يعنى انا رحلتى الساعة 4 أفطرت وقعدت للساعة 11:30 فى الفندق وخديت باص الساعة 12:30 . 
طبعا وين تغير الكرت راح يكتبولك فيه وقت الباص ضرورى تختار الوقت المناسب اللى بينكتب فى الكرت متاع الباص .
توصل لمطار هيثرو لندن .
لو كنت على الدرجة السياحية راح تقعد تراجى فى الرحلة وخلاص ,, لو درجة رجال الاعمال او الدرجة الاولى ,, فيه صالات فى المطار تقعد فيها وتستريح ,, وبوفى مفتوح فيه كيكات ورز وخبز وتن وعصائر وفواكه ,, الصراحة الحاجة الوحيدة اللى عوضت حالة الجوع اللى صابتنى طوال الرحلة هيا صالة رجال الاعمال .

ملاحظة هامة :فى المطار فيه واى فاى نت فرى تخش عليه وتختار متلا تبيه ساعة نص ساعة  ,, وكدالك فى صالة رجال الاعمال فيه واى فاى تاخد الرقم السرى من الموظف الاستقبال فى الصالة ,, يعنى تقدر تكلم العيلة او صديق بالفايبر او ترسل ايميل او فيس بوك . 
 
راح نحط صور توضح خريطة المطار ترمنال 5 فيه الاماكن اللى تكلمت عليها ,, لاحظ اللنجن فيه منه اكثر من واحد باللون الازرق . طبعا او ما توصله ما عليك الا ان توريله تكت الطيارة ياخد بيناتك وتخش تقضى الوقت فى الصالة المريحة لحين موعد الطيارة يقرب . 

هذا وين بتغادر المطار 

نسيت صور المطار من الداخل نحطو شوية صور 


لاحظو المطار كله ستيل ستركشر حاجة من الاخير 


تمشى للدور او الليفل اللى منه المغادرة زى ما الصور اللى فاتو الدور التانى ,, وتراقب لوحات الرحلات زى اللى فى الصورة ,, يطلعلك ام دسك تمشيله A - B -C تمشيلهم باش اتخلص اجراءات الصعود طبعا ما عندكش شناطى تقريبا كلهم بيمشو طول لكندا ,, ادا تشوف اللوحة اما بوابة فيها رحلتك والساعة ورقم الرحلة ,,
ملاحظة هامة :
فى الرحلة اللى مشيت فيها انا اعلنو ان الرحلة  تأخرت لنظرا لاجراء لتأخر الطائرة القادمة والتحميل البضائع يحتاج وقت ,, وكانت الساعة 6 تقريبا بدل الساعة 4 ,, مشى انا فتها قولت خلى ندهورو شوية فى السوق الحرة ,, وفجأة خطر عليا خلى ندير تشك على لوحة الرحلات ,, لقيتها ان ردوها لوقتها الاصلى اللى هوا الساعة اربعة ,, وانا كانت عندى الساعة تلاتة ونص ,, قعدت نجرى وندور فى القيت ( البوابة اللى بنركب منها ) لدا ديرو فى بالكم الحاجة هادى . 
هاذى اللوحة متاع الرحلات للى ما يعرفهاش Smile وفيها رقم الرحلة والساعة المغادرة


 وهذا شكل امكان اللى تلقى فيهم مكان الاجراءات اللى تكلمنا عليهم وين تفتح الرحلة يقولك وين تمشى باش ادير اجراءاتك قبل البوردينق باص متاع الطيارة .


بعد ما تكمل الاجراءات وتمشى للبوابة اللى بتركب منها ,, راح يكون فيه تفتيش شخصى قبل الركوب للطائرة ,,
طبعا انا كنت خايف من موضوع حمل زوجتى !! خصوصا انهم مدايرين تفتيش شخصى أمرأة تفتش . قعدت انا مرتبك رغم انى رافع معاى تقرير وبالانجليزى ,, المهم اللى صار لتوا قاعد نتفكر فيه وما فهمتش كيف صار ,, كل الناس فتشوهم شخصى حتى انا نساء ورجال تم تفتيشهم من جميع الجنسيات ,, ولكن عندما وصل الدور فى زوجتى كان فيه رجل واقف فى البوابة قالى ( اتس اوكى سير يو كان قو ) ,, يعنى ما فتشوهاش شخصيا . ركبنا طول , لم استوعب تلك اللقطة لدرجة كنت ماشى للطيارة ونتلفت نستنى فى حد يقولى ولى انتو ما فتشتوش , وهذا اللى صار والحمد لله .
المهم الطائرة كانت فى الانتظار وهيا طائرة بوينج 747 (جامبو )  
فى المرة الجاية نستكمل رحلة هيترو - تورنتو ,, نتكلمو على الطائرة من الداخل ,, شن الوجبات برنامجها - ممبزات الطائرة وامكانياتها - النماذج اللى يتعبو قبل الوصول - لحظة الوصول الى المطار الكندى واجراءات الدخول . 
وهذه الصورة نختمو بيها الجزء هذا . ( تصويرى Smile ) ولا تنسونا من الدعاء 


عدل سابقا من قبل osama44 في الجمعة 16 أغسطس 2013, 11:21 pm عدل 1 مرات (السبب : تصحيح معلومة)
avatar
osama44
موفد فعال
موفد فعال

ذكر عدد المساهمات : 155
نقاط : 5169
نقاط السٌّمعَة : 67
تاريخ التسجيل : 13/03/2013

الرجوع الى أعلى الصفحة اذهب الى الأسفل

رد: رحلة طرابلس - بريطانيا - كندا بالتفصيل

مُساهمة من طرف MMatoug في الخميس 15 أغسطس 2013, 11:58 pm

في ميزان حسناتك اخ اسامة,,,

MMatoug
موفد مشارك
موفد مشارك

ذكر عدد المساهمات : 36
نقاط : 4714
نقاط السٌّمعَة : 10
تاريخ التسجيل : 27/07/2012

الرجوع الى أعلى الصفحة اذهب الى الأسفل

رد: رحلة طرابلس - بريطانيا - كندا بالتفصيل

مُساهمة من طرف mohalzenad في الجمعة 16 أغسطس 2013, 12:30 am

الموضوع يستاهل التثبيت

mohalzenad
موفد فعال
موفد فعال

ذكر عدد المساهمات : 157
نقاط : 8494
نقاط السٌّمعَة : 14
تاريخ التسجيل : 01/01/2012

الرجوع الى أعلى الصفحة اذهب الى الأسفل

رد: رحلة طرابلس - بريطانيا - كندا بالتفصيل

مُساهمة من طرف sltan_2006 في الجمعة 16 أغسطس 2013, 12:45 am

أنشاء الله ربي يجعلك في كل خطوة سلامة ويعينك علي كل خير :: ماقصرت والله أبداع كمل بارك الله فيك؟؟

sltan_2006
موفد مشارك
موفد مشارك

ذكر عدد المساهمات : 27
نقاط : 3998
نقاط السٌّمعَة : 10
تاريخ التسجيل : 13/12/2012

الرجوع الى أعلى الصفحة اذهب الى الأسفل

رد: رحلة طرابلس - بريطانيا - كندا بالتفصيل

مُساهمة من طرف aimen في الجمعة 16 أغسطس 2013, 1:14 am

الله يبارك يك موضوع كبير ربي يعطيك الصحه

aimen
موفد فعال
موفد فعال

ذكر عدد المساهمات : 282
نقاط : 8606
نقاط السٌّمعَة : 19
تاريخ التسجيل : 09/11/2011

الرجوع الى أعلى الصفحة اذهب الى الأسفل

رد: رحلة طرابلس - بريطانيا - كندا بالتفصيل

مُساهمة من طرف hamuda في الجمعة 16 أغسطس 2013, 3:55 am

السلام عليكم ورحمة الله وبركاته 
شكرا أخي أسامة على المعلومات القيمة والهامة ، والحقيقة الموضوع رائع جدا ويستحق التثبيت .

hamuda
موفد مشارك
موفد مشارك

ذكر عدد المساهمات : 44
نقاط : 4648
نقاط السٌّمعَة : 12
تاريخ التسجيل : 09/04/2012

الرجوع الى أعلى الصفحة اذهب الى الأسفل

رد: رحلة طرابلس - بريطانيا - كندا بالتفصيل

مُساهمة من طرف أم منتهى في الجمعة 16 أغسطس 2013, 4:12 am

بارك الله فيك اخى الكريم على هذه المعلومات القيمة و ان شاء الله توصل بالسلامة و يحفظكم ربى.

أم منتهى
موفد فعال
موفد فعال

انثى عدد المساهمات : 135
نقاط : 4865
نقاط السٌّمعَة : 9
تاريخ التسجيل : 12/04/2013

الرجوع الى أعلى الصفحة اذهب الى الأسفل

رد: رحلة طرابلس - بريطانيا - كندا بالتفصيل

مُساهمة من طرف hanan_canada في الجمعة 16 أغسطس 2013, 7:07 am

تم التثبيت..... مع الشكر لصاحب الموضوع

سلمت يداك
avatar
hanan_canada
عضو إداره
عضو إداره

مشرفة قسم كندا


الأوسمة:
  • وسام الإدارة


انثى عدد المساهمات : 1474
نقاط : 20282
نقاط السٌّمعَة : 313
تاريخ التسجيل : 24/11/2010

الرجوع الى أعلى الصفحة اذهب الى الأسفل

رد: رحلة طرابلس - بريطانيا - كندا بالتفصيل

مُساهمة من طرف على الدين الديب في الجمعة 16 أغسطس 2013, 9:13 am

بارك الله فبك وشكرا يا اسامه

على الدين الديب
موفد فعال
موفد فعال

ذكر عدد المساهمات : 368
نقاط : 7446
نقاط السٌّمعَة : 118
تاريخ التسجيل : 27/05/2013

الرجوع الى أعلى الصفحة اذهب الى الأسفل

رد: رحلة طرابلس - بريطانيا - كندا بالتفصيل

مُساهمة من طرف Rida Ali في الجمعة 16 أغسطس 2013, 11:09 am

بارك الله فيك على هذا الأسلوب والسرد الرائع واسئل الله العلي القدير أن يوفقك في دراستك

Rida Ali
موفد فعال
موفد فعال

ذكر عدد المساهمات : 318
نقاط : 7768
نقاط السٌّمعَة : 89
تاريخ التسجيل : 01/02/2011

الرجوع الى أعلى الصفحة اذهب الى الأسفل

رد: رحلة طرابلس - بريطانيا - كندا بالتفصيل

مُساهمة من طرف Mustafa76 في الجمعة 16 أغسطس 2013, 11:43 am

والله وانى نقراء فى الموضوع متعك..قلت موسع بالك ههههه 
ياعطيك الصحة يااسامة...وجاى اقريب انشالله تقريبا فى يوم 7 من شهر 9 ماشى لتورنتو...
وانشالله امور المنحة امتعك انحلت ومشت الامور...

Mustafa76
موفد فعال
موفد فعال

ذكر عدد المساهمات : 195
نقاط : 5791
نقاط السٌّمعَة : 41
تاريخ التسجيل : 04/04/2013

الرجوع الى أعلى الصفحة اذهب الى الأسفل

رد: رحلة طرابلس - بريطانيا - كندا بالتفصيل

مُساهمة من طرف hanan_canada في الجمعة 16 أغسطس 2013, 3:58 pm

الوزن لكل حقيبة 93 كيلو ؟؟؟؟ متأكد من المعلومة يعني مش 39 كيلو ؟؟؟
avatar
hanan_canada
عضو إداره
عضو إداره

مشرفة قسم كندا


الأوسمة:
  • وسام الإدارة


انثى عدد المساهمات : 1474
نقاط : 20282
نقاط السٌّمعَة : 313
تاريخ التسجيل : 24/11/2010

الرجوع الى أعلى الصفحة اذهب الى الأسفل

رد: رحلة طرابلس - بريطانيا - كندا بالتفصيل

مُساهمة من طرف Abdelsalam Abugharaa في الجمعة 16 أغسطس 2013, 4:18 pm

الحمد لله بالسلامة. و بالتوفيق إن شـاء الله .
الغريب ان لي صديق سافر معي الي كندا قبل 3 ايام قال لي ان موظف لفتهنزا فب طرابلس طلب منه قرابة 100 دولار علي الحقيبة الثالثة و الوزن كلة لم يتجاوز 40 كيلوا جرام! استغربنا الاجراء ولكن هذا الذ حصل.

علي العموم ننتظر بقية مغامرة رحلتك الممتعة و الاسلوب الشيق في السرد...

Abdelsalam Abugharaa
موفد فعال
موفد فعال

ذكر عدد المساهمات : 271
نقاط : 6907
نقاط السٌّمعَة : 93
تاريخ التسجيل : 29/11/2011

الرجوع الى أعلى الصفحة اذهب الى الأسفل

رد: رحلة طرابلس - بريطانيا - كندا بالتفصيل

مُساهمة من طرف alshanta في الجمعة 16 أغسطس 2013, 4:50 pm

مشكور وجزاك الله كل خير
avatar
alshanta
موفد فعال
موفد فعال

ذكر عدد المساهمات : 268
نقاط : 6317
نقاط السٌّمعَة : 32
تاريخ التسجيل : 18/01/2013

الرجوع الى أعلى الصفحة اذهب الى الأسفل

رد: رحلة طرابلس - بريطانيا - كندا بالتفصيل

مُساهمة من طرف osama44 في الجمعة 16 أغسطس 2013, 9:54 pm

السلام عليكم .. شكرا لجميع من مر على الموضوع بارك الله فيكم جميعا من غير ما نذكر الاسماء ,,وصلت ان شاء الله Smile  ,, 
الاخت ام منتهى انا وصلت على فكرة ليا شهرين Smile 

الاخ مصطفى هههههه رسمى ما فضى بالى ,, نبو الاجر يا خوى ادعينا بالله . بس والله بجديات نقول بالك حد يستفيد من اللى صار فى الرحلة . هذا علاش نحاول ما ننساش ادق التفصيل ,, ولو فيه حاجة ناقصة او نسيتها تفضلو ما عندكمش مشكلة ,, التأمين الصحى مافيش والقراية بالهون ,, يعنى على الاقل نحصل ان شاء الله أجر الدعاء من الاخوة والاخوات .

الاخت حنان : شكرا للتثبيت وان شاء الله يكون موضوع يضفى على المنتدى شى جديد ويكون ذو فائدة للجميع .بارك الله فيك 
( بالنسبة للوزن لاحظو ان الدرجة كانت بزنس كلاس درجة رجال الاعمال مش الدرجة العادية ) 


بس اسف مجموع الاوزان 93 تقريبا ,, شكرا للتصحيح يا اخت حنان 

وشكرا مرة اخرى لكل من مر وعلق على الموضوع ,, بارك الله فيكم على الكلام المشجع ونستكملو باقى الرحلة على بركة الله .


عدل سابقا من قبل osama44 في الجمعة 16 أغسطس 2013, 11:18 pm عدل 1 مرات (السبب : خطأ فى المعلومة)
avatar
osama44
موفد فعال
موفد فعال

ذكر عدد المساهمات : 155
نقاط : 5169
نقاط السٌّمعَة : 67
تاريخ التسجيل : 13/03/2013

الرجوع الى أعلى الصفحة اذهب الى الأسفل

رد: رحلة طرابلس - بريطانيا - كندا بالتفصيل

مُساهمة من طرف osama44 في الجمعة 16 أغسطس 2013, 11:14 pm

مغادرة بريطانيا عن طريق طائرة البوينق 747 :
كما فى الصورة اللى فاتت للطائرة فهى جامبو ( دورين ) تقدر تحجز من مكتب الخطوط اما دور تبيه على درجة رجال الاعمال طبعا ,, يعنى اللى جاى عن طريق حجز البعتات راح تكون الرحلة على الدرجة السياحية ,, وتقريبا مش مريحة . 
تدخل من باب الطائرة وتلقى هديكا الابتسامة المشجعة من المضيفة Smile تشوف كرت الصعود وتقولك وين مكانك ,, طبعا احسن حاجة فى درجة رجال الاعمال ان الكرسى يولى سرير تقدر تتكى وترقد يعنى حاجة واو ,, ننصح الاخوات الحوامل ,, او اللى عنده المرا حامل يحجز على درجة رجال الاعمال او الاولى سواء الخطوط الانجليزية او غيرها , باش توصل زوجتك تلبس نفس المقاس متاع الكنادر ,, اما السياحية متأكد ان المقاس بيولى من 30 متلا الى 46 Smile ,, ان شاء الله لا طبعا .
عموما هذه صور لشكل الطائرة من الداخل :

لاحظو ان فيه فاصل للخصوصية ,, يعنى تقعمز مقابل الشخص التانى ولكن تقدر ترفع المرش بيناتكم فى حالة ما تبيش تشوف الشخص الاخر 


الصورة الجاية توضح بالزبط الرفاهية فى النوم والاسترخاء واللى مسافر رحلات طويلة راح يعرف شن معنى الواحد يقعد مقعمز لفترة طويلة 



* مميزات الطائرة :
- واسعة 
- فيه خصوصية فى المقاعد خصوصا للى ما يبى حد يشوفه وهوا ياكل متلا ههههه
-فيها تلفزيون شخصى قابل للطى والتعديل وتقدر تقربه لقدام او تباعده فيه كل شى تقريبا والمتتبعين متلا للسينما راح يلقو اخر افلام هليوود اللى فى يو اس بوكس ,, فيه حتى افلام عربية - العاب فيديو قيم - ميوزيك ,,( للمعلومة ) 
-المضيفات محترمات وراقيات فى التعامل . 
-راح يعطوك شنطة صغيرة فيها مستلزمات صحية كهدية مثل معجون وفرشاة اسنان - لوشن كريمات  ,, السيدات راح تعجبهم اكيد Smile 
- انسى حاجة اسمها سبيدرو او كندرة ,, يعطوك شخشير تلبسه وتتدهور بيه فى الطيارة وكأنك فى صالة حوشكم . 
- فى خدمة اتصال وكدالك انترنت لو تبى ولكن بالفلوس تقريبا معاش نتدكر .
- تقدر تتسوق بالمجلة لو عجباتك حاجة يجيبوهالك . 
* العيوب :
بالنسبة ليا الاكل ثم الاكل ,, لم يعجبنى بتااااااااااااااتا 
تستغرق الرحلة حوالى 6 ساعات ,, تتخللها مطبات هوائية احيانا مزعجة ,, لكن احسن حاجة اللى راح يرقد مش راح يندرى على شى ,, غيبوبة من الاخير 
أما اللى بيمشى لفانكوفر راح ينزل فى تورنتو تم يكمل على الطيران الكندى ستة ساعات تانيات وتكلفة التدكرة حولى 300 دولار ,, عموما فيه خط مباشر على الانجليزية لفانكوفر للمعلومة .

اوكى توا نجو لى لقطة ما يحبوهاش هلبى ليبين اللى هيا : ( تعبئة نماذج قبل الوصول ) 
* تعبئة نماذج ما قبل الوصول لمطار تورنتو :
يا جماعة الخير حسب ما نعرف من خبرتى الشخصية واللى شوفتها من خوتنا الليبين دائما يعبى فى النماذج فى اخر لحظة ,, زى ما نقولو يلحق عليه بالموس ,, نصيحة اول ما تاخد النماذج فوت التلفزيون وفوت اى حاجة ادير فيها وعبى النمادج بالشوية عليك وبروية ووتى بيرو كويس . ولو ما وزعوش النماذج بكرى اطلبهم انت بالوسع ,, رغم ان فى درجة رجال الاعمال يوزعو فيهم بعد ما تركب الطائرة بفترة وجيزة .
حاولت نجد ترجمة للنماذج  لكثرة الاسئلة عليهم فى المنتدى 
وهذه صور مترجمة راح نحط شكل النموذج بشكل عام بعدين .



طبعا النموذج راح يكون باللغة الانجليزية ,, وانا جزأت النموذج مترجم هنا باش نقدر نحطه وتعرفو المحتويات ,, شكل النموذج كالتالى :

نصيحة فى حالة ما فهمتش احد الخانات او صارلك تلخبيط زى متلا ( زعما شن قصدهم بالنقطة هادى ) ما تكتبش حاجة او تأشر على حاجة انت مش متأكد منها ,, خليها فاضية لين توصل لكندا وأسال موظف الهجرة قوله انا ما فهمتش معنى الخانة هادى ,, 
زى متلا اللى جايب فاصوليا جافة ,, وفى النموذج كاتبين متلا حبوب جافة زعمى الفاصوليا حبوب او بسيسة Smile فهمتونى شن نقصد تقريبا ,, لان مافيش تسامح لو كاتب حاجة غلط وبعدين تقعد تقول سامحنى يا عمى الشرطى ما كنتش فاهم .. نصيحة اخوية .
تقدرو تطلبو المساعدة من المضيفين ومش راح يردوكم وراح يسيبو كل شى ويقعمز بحداك لين تكمل تعبئة الاوراق . 
والنموذج هدا مهم جدا فى المطار الكندى عند الدخول حافظ عليه . 
* الوصول لمطار تونتو :
بالنسبة اللى خايف من اجراءات الوصول ,, نحب نطمنه انه أسهل مطار شوفته فى اجراءات الدخول ,, لحظة توقف يسألك الموظف بعض الاسئلة ومن ثم يقولك كلمة توا نقولها بعدين شوية . مليحة الكلمة تحسها معبرة Smile 
اول ما توصل للمطار وتى اوراقيك اللى هما :
- جوازات السفر 
-رسالة دخول كندا اللى بعتوهالك السفارة 
-قبول اللغة ( مجدد ) 
-النموذج اللى عبيته فى الطيارة 
-ورقة الدعم المالى متاع المكتب الكندى .
امشى مع الماشين لين توصل لمكان بنقسمو الماشين قسمين ,, راك تمشى مع اللى ماشين يفتشو وبيطلعو ,, لا خود على اليسار مكان كله مرش مكتوب عليه ( اميرقريشن ) الهجرة 
خش فى الطابور لين يوصل فيك الدور ,, توقف على موظف الهجرة وبيسألك بعض الاسئلة منها :
1- شن سبب قدومك لكندا 
2-كم المدة المتوقعة لبقائك هنا 
3-قداش المبلغ اللى جايبه معاك ( مفروض ما يفوتش عشرة الاف دولار ) 
4-هل زوجتك حتى هيا بتقرأ او لا ( طبعا قوله ايه غير نستقر انا قبل وبتبدأ حتى هيا ) علاش ؟ باش يعطيها تصريح دراسة حتى هيا .
5- فيه حاجات جايبها تبى تصرح عليها ,, راح يسألك متلا جايب لحم مجفف . ممنوع راهو 
6-شن بتقرأ هنا ( تقوله لغة وبعين دكتوراة او ماستر على حسب ايفادك )
7- هل راح تقعد فى المدينة هادى او ممكن بتحول ( بتقوله ايه بنحول بعدين على حسب الجامعة ) باش يعطيك التصريح لكل كندا .

طبعا اللى مداير برنامجه فى مدينة تانية وماصارلاش عادى جدا ,, يقدر يقوله انا بنقعد اسبوع هنا وبعدين بنطير للمدينة التانية ,, او يقوله ماصارش بنقرأ هنا ,, المهم قبل الوقت متاع الدراسة بفترة . 
هادى أغلب الاسئلة اللى نتفكر فيها ,, وبعدها يقولك الكلمة اللى امبكرى اشرتلها وهيا (((( ولكم تو كندا ))))
وخلاص ,, يعطيك النموذج اللى عبيته فى الطائرة موقع عليه ومختوم ,, تسلمه لمكتب تانى على طريقك وانت طالع . وتمت القصة 
قصة المرأة الحامل خلاص معاش حد ليه علاقة مادام وصلت هنا . ومش راح يكلمك حد . 
ملاحظة 
فى المطار اول ما تطلع قد تجد احد من الصوماليين او الارتريين يتكلم عربى ويقولك تبى مساعدة يا اخى ؟ 
قصده شناطيك ندورهملك ونقيمهم على العربة ونوصلك للتاكسى ,, طبعا هدا مش ببلاش تقريبا 13 دولار . بس الواحد لو واصل تاعب كويس ان يديرها الحاجة هادى , راح ياخد شناطيك ويرفع لمكتب تخلص فيه ,, عموما لاحظت انهم ينحو فى الشناطى ويحطو فيهم على جنب بعيد شوية على السير ,, تقعد انت ادور فى السير وما تلقاهمش ,, يجيك الشخص هدا يدير روحه يدور فيهم فى زحمة الشناطى وبعدين يدير لقطة اووو ماى قود  ويقول ( حى اهما شناطيك محطوطات هنا ) تفرح عاد انت  ,, لو ما تبيش يصيرلك هكى ما لقيتش شناطيك فى السير دورهم فى الشناطى المستفات على جنب تلقاهم ان شاء الله 
, تطلع من المطار تاخد تاكسى للمكان اللى لنت ماشيله فندق - شقة - صديق .

 بعد ذلك تجى قصة التواصل مع المكتب الكندى ,, تعبى نماذج وتبعتهم لجمانة وتطلب منك بعض المستندات متلا تصريح الدراسة وصورة الختمة متاع الدخول ورقم حساب البنك وعنوانك الدائم . وهذه الخطوات تكلمنا عليها فى الموضوع السابق الخاص بمدينة تورنتو
وهذه هيا تجربتى ان شاء الله تلقو فيها ما يفيدكم .وادعو لاخوكم بالتوفيق بارك الله فيكم
ملاحظة 2 :
ما نحبش نحبط حد ولكن فى نفس الوقت نحط الامور فى الصورة ,, ما نبيش نزين الوضع للجايين ونقوللهم الامور مش عادية هنا نقطة مهمة هيا :
 التأمين ما يغطيش مصاريف الحمل ولا الولادة حسب ما قالولى  المانيو لايف والمكتب الكندى الا لو الحمل حصل فى كندا !!! 
ولاى استفسار تفضلو نجاوب على قدر ما نعرف . 
تقبلو تحياتى وفائق احترامى لكل أعضاء المنتدى وكل الاصدقاء والاحباب اللى راسلونى على الخاص أو اللى وجهلى كلمة فى الصفحة .
السلام عليكم ورحمة الله وبركاته .



عدل سابقا من قبل osama44 في السبت 17 أغسطس 2013, 1:07 am عدل 1 مرات
avatar
osama44
موفد فعال
موفد فعال

ذكر عدد المساهمات : 155
نقاط : 5169
نقاط السٌّمعَة : 67
تاريخ التسجيل : 13/03/2013

الرجوع الى أعلى الصفحة اذهب الى الأسفل

رد: رحلة طرابلس - بريطانيا - كندا بالتفصيل

مُساهمة من طرف serag.aldean في الجمعة 16 أغسطس 2013, 11:35 pm

ربي يفتح عليك ياخوي ،لكن بعد أذنك عندي تعليق علي موضوع الفتوة انك تسمي علي الوجبة اللي بها لحم وتاكل....هذا اللحم لم يذكر عليه أسم الله عند ذبحه وبالتالي لايجوز للمسلمين  أكله
والله اعلم

serag.aldean
موفد مشارك
موفد مشارك

ذكر عدد المساهمات : 29
نقاط : 4087
نقاط السٌّمعَة : 11
تاريخ التسجيل : 24/01/2013

الرجوع الى أعلى الصفحة اذهب الى الأسفل

رد: رحلة طرابلس - بريطانيا - كندا بالتفصيل

مُساهمة من طرف osama44 في الجمعة 16 أغسطس 2013, 11:56 pm

@serag.aldean كتب:ربي يفتح عليك ياخوي ،لكن بعد أذنك عندي تعليق علي موضوع الفتوة انك تسمي علي الوجبة اللي بها لحم وتاكل....هذا اللحم لم يذكر عليه أسم الله عند ذبحه وبالتالي لايجوز للمسلمين  أكله
والله اعلم
شكرا يا خوى سراج الدين على مرورك وملاحظتك ,, تناقشت فى الموضوع هدا مع عدة شيوخ الصراحة , وزدت شوفت فتاوى فى مواقع بعض العلماء , وحتى انا بكل امانة ما جتنيش النية فيه حتى فى المطار خصوصا اللحم  ,, وقد استعنت بالاية الكريمة فى مناقشة من أحل لحم الدجاج خاصة ,,
 بسم الله الرحمن الرحيم  ( أنما حرم عليكم الميتة والدم ولحم الخنزير وما اهل به لغير الله ) صدق الله العظيم 
فقيل لى أن أهل به لغير الله بمعنى تم دبحه لغرض معين اصنام متلا ,, او لشخص او كائن معين والعياد بالله والمراد بالإهلال رفع الصوت. واشترط الامر الضرورة ( ومن أضطر غير باغى ) يعنى فى حالة عدم توفر لحم حلال .وفيه اللى زاد وقال هل الدجاج اللى يندبح فى ليبيا يقولو عليه بسم الله ,, لاحول ولاقوة الا بالله .واكثر شى حللو فيه الدجاج لان يتم دبحه بنفس الطريقة فى ليبيا المكينة ,, اما البقر فيه شك كبير رغم ان المدابح فى الغرب بدت تدبح بنفس طريقة المسلمين لانهم ايقنو فوائد الدبح مقارنة بالخنق او القتل .
ومع هذا زى ما قولت النية اصلا ما تجيش سبحان الله . وانا لا افتى والعياد بالله ,وانما نقلت ما قيل لى , فإن كان فى كلامى خطأ فأستغفر الله واتوب اليه .
 بارك الله فيك على الملاحظة . 
والله أعلم .
avatar
osama44
موفد فعال
موفد فعال

ذكر عدد المساهمات : 155
نقاط : 5169
نقاط السٌّمعَة : 67
تاريخ التسجيل : 13/03/2013

الرجوع الى أعلى الصفحة اذهب الى الأسفل

رد: رحلة طرابلس - بريطانيا - كندا بالتفصيل

مُساهمة من طرف waled في الجمعة 16 أغسطس 2013, 11:59 pm

بارك الله فيك اخى اسامة عندى سؤال بخصوص النمودح الخاص للهجرة الدى سوف تاخده في الطائرة هل ناخده في الوجه الاخيرة متلا لندن مونتريال على الخطوط البريطانية بعدبن داخلية الى لندن اونتاريا وين نعبى في مونتريال او لندن اونتاريا بارك الله فيك
avatar
waled
موفد فعال
موفد فعال

ذكر عدد المساهمات : 158
نقاط : 5669
نقاط السٌّمعَة : 26
تاريخ التسجيل : 15/12/2012

الرجوع الى أعلى الصفحة اذهب الى الأسفل

رد: رحلة طرابلس - بريطانيا - كندا بالتفصيل

مُساهمة من طرف osama44 في السبت 17 أغسطس 2013, 12:07 am

@waled كتب:بارك الله فيك اخى اسامة عندى سؤال بخصوص النمودح الخاص للهجرة الدى سوف تاخده في الطائرة هل ناخده في الوجه الاخيرة متلا لندن مونتريال على الخطوط البريطانية بعدبن داخلية الى لندن اونتاريا وين نعبى في مونتريال او لندن اونتاريا بارك الله فيك
فيك بارك الله ,, والله يا وليد اببى نعرفه ان النموذج تعبيه لاول محطة توصلها وهوا مطار تورنتو , او متلا لو نازل فى فانكوفر طول ,, يعنى اغلب الرحلات الدولية تنزل فى تورنتو ,, اما الرحلات التانية تعتبر داخلية لا تحتاج .( اول مطار بتنزله هوا اللى بتعبى فيه النموذج )  هذا حسب معلوماتى المتواضعة .
avatar
osama44
موفد فعال
موفد فعال

ذكر عدد المساهمات : 155
نقاط : 5169
نقاط السٌّمعَة : 67
تاريخ التسجيل : 13/03/2013

الرجوع الى أعلى الصفحة اذهب الى الأسفل

رد: رحلة طرابلس - بريطانيا - كندا بالتفصيل

مُساهمة من طرف waled في السبت 17 أغسطس 2013, 12:14 am

بارك الله فيك اخى اسامة بالتوفيق
avatar
waled
موفد فعال
موفد فعال

ذكر عدد المساهمات : 158
نقاط : 5669
نقاط السٌّمعَة : 26
تاريخ التسجيل : 15/12/2012

الرجوع الى أعلى الصفحة اذهب الى الأسفل

رد: رحلة طرابلس - بريطانيا - كندا بالتفصيل

مُساهمة من طرف Om Ahmed في السبت 17 أغسطس 2013, 12:58 am

الموضوع شيق بما انى مريت بنفس التجربة لكن طريقة العرض عجبتنى.
ممكن تعطينى اللينك متاع نماذج المكتب الكندى لتفعيل الملف لان جمانة مارسلتهمليش.

Om Ahmed
موفد فعال
موفد فعال

انثى عدد المساهمات : 269
نقاط : 6788
نقاط السٌّمعَة : 35
تاريخ التسجيل : 21/12/2012

الرجوع الى أعلى الصفحة اذهب الى الأسفل

رد: رحلة طرابلس - بريطانيا - كندا بالتفصيل

مُساهمة من طرف osama44 في السبت 17 أغسطس 2013, 1:15 am

@Om Ahmed كتب:الموضوع شيق بما انى مريت بنفس التجربة لكن طريقة العرض عجبتنى.
ممكن تعطينى اللينك متاع نماذج المكتب الكندى لتفعيل الملف لان جمانة مارسلتهمليش.
الحمد لله على السلامة اختى ام احمد ,, بارك الله فيك على المرور ,, الملفات اللى طلبتهم فى الرابط التالى اختارى منهم 
- كونتاكت انفورميشن 
-اكادميك كونسينت فورم 
- راح تطلب معلومات البنك ( تمشى للبنك تطلبى فويد تشك - او بنك ستاتمنت ) هدا باش يودعو الفلوس عن طريقه .
- فيه نمودج منحة الاستقرار ,, متوقفة للاسف 
تسحبيهم تعبيهم وبعدين تعاوديى ادخليهم بالسكانر توقعى عليهم وترسليهم كملف بى دى اف .
ونستغرب كيف ما بعتتلكش الموقع مفروض تبعتلك اول ما توصلى وتكلميهم . ان شاء الله خير 
http://www.cbie-bcei.ca/what-we-do/student-portal/libya/forms/
avatar
osama44
موفد فعال
موفد فعال

ذكر عدد المساهمات : 155
نقاط : 5169
نقاط السٌّمعَة : 67
تاريخ التسجيل : 13/03/2013

الرجوع الى أعلى الصفحة اذهب الى الأسفل

رد: رحلة طرابلس - بريطانيا - كندا بالتفصيل

مُساهمة من طرف osama44 في السبت 17 أغسطس 2013, 1:15 am

@waled كتب:بارك الله فيك اخى اسامة بالتوفيق
شكرا يا وليد ,, موفق ان شاء الله .
avatar
osama44
موفد فعال
موفد فعال

ذكر عدد المساهمات : 155
نقاط : 5169
نقاط السٌّمعَة : 67
تاريخ التسجيل : 13/03/2013

الرجوع الى أعلى الصفحة اذهب الى الأسفل

رد: رحلة طرابلس - بريطانيا - كندا بالتفصيل

مُساهمة من طرف moh_te في السبت 17 أغسطس 2013, 1:39 am

مشكور اخي وبارك الله فيك ويسر لك امورك دنيا واخرة
عندي استفسار بخصوص التامين الطبي لا يغطي الحمل والولادة اذا كان تم الحمل خارج كندا
هذي بجد قصة يعني حتي متابعة الدكتورة الروتينية عليك وكذلك مصاريف الولادة ؟؟؟؟؟؟؟؟؟
ياريت لو عندك فكرة علي التكلفة الخاصة بامتابعة وكذلك الولادة تقول كم المبلغ!!!!!
هل حاولت تناقشهم او تستفسر منهم علي شن الحل في هذا الموضوع بالنسبة لشركة التامين او المكتب الكندي؟؟؟؟
وبارك الله

moh_te
موفد فعال
موفد فعال

ذكر عدد المساهمات : 310
نقاط : 9052
نقاط السٌّمعَة : 99
تاريخ التسجيل : 03/10/2011

الرجوع الى أعلى الصفحة اذهب الى الأسفل

صفحة 1 من اصل 3 1, 2, 3  الصفحة التالية

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى