رد: موقع معاهد اللغة المعتمدة و التابعة للجامعات او الكليات في كندا

من طرف الشعاع في الأربعاء 12 فبراير 2014, 12:51 pm

بارك الله فيك وجعله فى ميزان حسناتك معليش استفسار مركز فانكوفر سنتر هل هو معتمد او لا وشكراااا

من طرف hanan_canada في الثلاثاء 18 فبراير 2014, 8:27 am

الحقيقة ما عندي فكرة عن كل مراكز اللغة لاني قريت في واحد بس ... ان شاء الله تلقى من يفيدك

من طرف simao dando في الثلاثاء 18 فبراير 2014, 2:22 pm

اخت hanan_canada والاخوة الكرام اعضاء المنتدي
الله يرحم والديك ويبارك فيك اريد ان اسئل عن مركز global village اكون شاكرا كان عندك معلومات عليه هل مربوط بجامعة او معهد ممكن نحصل بعدها منه قبول اكاديمي

من طرف ورقة في الأحد 23 فبراير 2014, 11:18 pm

السلام عليكم ورحمة الله وبركاته
سؤال لو سمحتم : اريد أن اتحصل على قبول لغة في نفس الجامعة التى ارغب بدراسة بها؟ كيف ؟ علما باني تخصص ماجستير هندسة ميكانيكية ؟ ارغب بجامعة معتمدة علميا ؟ ارجوا النصح بارك الله فيكم.

من طرف hanan_canada في الإثنين 24 فبراير 2014, 5:15 pm

@simao dando كتب:اخت hanan_canada والاخوة الكرام اعضاء المنتدي
الله يرحم والديك ويبارك فيك اريد ان اسئل عن مركز global village اكون شاكرا كان عندك معلومات عليه هل مربوط بجامعة او معهد ممكن نحصل بعدها منه قبول اكاديمي

الله يبارك فيك ... ما عندي عليه فكرة يا خوي و زي ما ذكرت في تعليقاتي اني درست في معهد واحد و كان تايع لجامعة يعني معتمد و الباقي ما عندي عليهم معلومات كافية
بالتوفيق

من طرف hanan_canada في الإثنين 24 فبراير 2014, 5:18 pm

@ورقة كتب:السلام عليكم ورحمة الله وبركاته
سؤال لو سمحتم : اريد أن اتحصل على قبول لغة في نفس الجامعة التى ارغب بدراسة بها؟ كيف ؟ علما باني تخصص ماجستير هندسة ميكانيكية ؟ ارغب بجامعة معتمدة علميا ؟ ارجوا النصح بارك الله فيكم.

و عليكم السلام
بعد ما تحددي الجامعة اللي تبي تقري فيها شوفي اذا عندهم مركز لغة او لا و اذا عندهم تقدري تراسليهم بالايميل او تتصلي و تشوفي متطلبات قبول اللغة و بخصوص الجامعات المعتمدة علميا جامعات كندا كلها معتمدة علميا
بالتوفيق

من طرف ورقة في الإثنين 24 فبراير 2014, 9:47 pm

بارك الله فيك حنان

من طرف algomati82 في الإثنين 24 فبراير 2014, 11:31 pm

السلام عليكم ....
أنا محتاج قبووووووووووووووووووووووووووول لغة لو فيه حد يقدر يساعدني ...

من طرف Hisham Elhabishi في الخميس 27 فبراير 2014, 1:32 am

أخت حنان
ما رديتي عليا بخصوص سؤالي عن مدى امكانية القبول أو التسجيل بالمكتب الكندي CBIE للموفد اللي مستواه الأكاديمي مقبول بس لغته الإنجليزية جيدة.
أرجو منك الرد
وشكرا جزيلا

من طرف hanan_canada في الخميس 27 فبراير 2014, 5:06 am

@Hisham Elhabishi كتب:أخت حنان
ما رديتي عليا بخصوص سؤالي عن مدى امكانية القبول أو التسجيل بالمكتب الكندي CBIE للموفد اللي مستواه الأكاديمي مقبول بس لغته الإنجليزية جيدة.
أرجو منك الرد
وشكرا جزيلا

رديت عليك يا خوي و هذا كان ردي

الاخ هشام الله يبارك فيك على كلامك الطيب و بخصوص سؤالك الموضوع مش في يدي و لو نقدر اندير شيء و الله ما نقصر بس نسبتك حسب القرار الاخير ما تاهلك تقرأ في كندا للأسف بس ع القبول اني نعرف طلبة تم قبولهم في امريكا بنسبتك و في كندا اذا حصلت مشرف و عندك خبرة ممكن يتغاضوا عن قصة النسبة

بالمختصر انت عندك مشكلتين توا ... الأولى قرار المكتب الكندي و البعثات اللي يخص النسبة و الثانية لو وصلت كندا وين الجامعات اللي ممكن تقبلك لانك مرات توصل و ما تحصل قبول و تضطر تغير الساحة

استخير الله و ربي يفتح عليك

من طرف Hisham Elhabishi في الجمعة 28 فبراير 2014, 3:17 am

الأخت حنان,,,,
شكرا جزيلا على ردك والله الحقيقة مازلت محتار ونفكر كيف انحصل القبول لان عندي رغبة كبيرة في الدراسة بكندا لكن مشكلتي مشكلة
على العموم مافهمتش شن قصدك بالمشرف وهل الخبرة في العمل قصدك؟
والله مازلت نحاول مع إدارة البعثات هنايا في ليبيا ولو عندك كيف توجهيني كيف ممكن نحصل قبول المكتب الكندي وقبول معهد اللغة نبدا مشكور ليك جزيل الشكر والإحترام وبعدها ربي يسخر انشالله واندير جهدي على القبول الأكاديمي
تحياتي

من طرف hanan_canada في الجمعة 28 فبراير 2014, 11:11 pm

العفو يا خوي

اني قصدت بالمشرف اللي راح يشرف على رسالة الماستر و الخبرة خبرتك في مجال تخصصك يعني سنوات الخدمة مثلا او ابحاث او محاضرات او غيرها

يعني لما تحصل مشرف يقبلك ممكن الجامعة تتغاضى عن نسبتك و الله أعلم

بخصوص المكتب الكندي للأسف مافيش كيف تحصل موافقتهم الا بموافقة البعثات او بقبول اكاديمي يعني لو حصلت قبول اكاديمي و انت في ليبيا راح يوافقوا اكيد

و الله ولي التوفيق

من طرف Romar في الجمعة 07 مارس 2014, 9:45 pm

السلام عليكم

بالله فيه حد عنده معلومة عن معهد اللغة في كوين يونيفرستي Queen's University في مدينة كينجستون Kingston أي معلومات عن المعهد والمدينة؟

وأي معهد لغة جيد تنصحوني اني انقدم فيه في مقاطعة اونتاريو؟ لأني قدمت على معهد كلتشر ووركس وبعتولي رسالة اني ضروري انسجل في الجامعة وانقدم على قبول مشروط وندفع... واني حاليا نبي قبول لغة فقط ومانبيش القبول المشروط لان عندي شرط اللغة!

بالله اللي عنده اي معلومة يقوللنا برحمة الوالدين

موفقين

من طرف future2015 في الخميس 13 مارس 2014, 2:58 pm

شكرا لك على الموضوع الرائع

من طرف ly.earthqueen في الجمعة 02 مايو 2014, 8:46 pm

ممكن اعرف كم المده التي تستغرق لدراسه اللغه وياريت لو في دراسه اللغه لمده سنه فقط تكتب لي المعاهد ولكم جزيل الشكر

السلام عليكم و رحمة الله تعالى و بركاته،

إخواني الطلاب الليبيين،
لي شَرَف تقديم نفسي إليكم في هذا المنتدى الممتاز و الذي يضم أعضاء تَسُود بينهم الأخُوَّة و التَّعاون على طلب العلم.
اسمي هشام و أنا أعمل كمستشار للطلاب النَّاطقين بالعربية في مدرسة اللغة VGC بمدينة فانكوفر (إقليم كولومبيا البريطانية) الكندية.

و السلام

من طرف gmaa45 في الثلاثاء 03 يونيو 2014, 8:13 pm

مشكور

من طرف Ahmed Ramadan في الإثنين 11 أغسطس 2014, 12:17 am

بارك الله في كل من أعطى معلومة صادقة

من طرف almahdi.noori في الأربعاء 17 ديسمبر 2014, 6:41 pm

بارك الله فيك

من طرف med aymen في الأحد 28 ديسمبر 2014, 1:09 am

مرحبا بالل لله عليكم في=نبي تشال كيف نتحصل على قبول للدراسة في واحد من الجامعات في كندا الي يعرف ياريت لو يفيدني

من طرف salem_it249 في الأحد 15 فبراير 2015, 3:44 pm

شكرا بارك الله فيك

من طرف hanan_canada في الثلاثاء 18 أغسطس 2015, 6:33 am

فيكم بارك الله

من طرف Lamman. Libya في السبت 22 أغسطس 2015, 9:16 pm

السلام عليكم طلب بالله نبي معاهد لغة في مدينة أدمنتون البرتا ، و ياريت تكون قريبة من داون تاون ،،،،، ارجوكم رود اعليا