معلومة عن التأشيرة الامريكية

من طرف mohamed shikhe في السبت 05 أكتوبر 2013, 11:07 pm

السلام عليكم بالله عندي استفسار وياريت من عنده معلومة مايبخلش بها انا عندي قرار ايفاد ماجستير و إن شـاء الله بنقدم علي التأشيرة الامريكية لكن حاليا ما نشتغلش وسمعت انهم يطلبوا في رسالة من جهة العمل تثبت انك بعد دراستك حاترجع فهل حا تكون فها مشكلة فعلا وشن تنصحوني اندير ياريت اي حد مر عليه نفس هالموقف يقولنا شن صار معاه وجزاكم الله كل خير

من طرف Ismail 1980 في الأحد 06 أكتوبر 2013, 11:16 am

@mohamed shikhe كتب:السلام عليكم بالله عندي استفسار وياريت من عنده معلومة مايبخلش بها انا عندي قرار ايفاد ماجستير و إن شـاء الله بنقدم علي التأشيرة الامريكية لكن حاليا ما نشتغلش وسمعت انهم يطلبوا في رسالة من جهة العمل تثبت انك بعد دراستك حاترجع فهل حا تكون فها مشكلة فعلا وشن تنصحوني اندير ياريت اي حد مر عليه نفس هالموقف يقولنا شن صار معاه وجزاكم الله كل خير

وعليكم السلام
خوي محمد لا داعلي لكل هذا القلق،،، رسالة من جهة العمل ليست شرطاً أساسياً، وليست من المستندات المطلوبة، إنما من المستندات الداعمة.
شوف خوي محمد إنت عندك قرار إيفاد، يعني عندك دعم مالي من الدولة الليبية وهذا المهم، ولما تتقدم للتأشيرة عندك مجموعة من المستندات الاساسية كالتالي:
- رسالة الدعم المالي
- قبول لغة ونموذج I-20
- جواز السفر
- صورة من الابليكيشن
- صورة من صفحة تأكيد الموعد
- ما يفيد تسديد رسوم التأشيرة
بعدها أي مستند تقدر تقدمه يكون في صالحك، وأكثر شئ يهمهم أنك فعلاً ماشي بتدرس، وأنك رح ترجع لليبيا، وبالتالي عندك مجموعة من المستندات كالتالي:
- شهائد التخرج وتكون مترجمة ومصدقة من الخارجية، الثانوية، البكالوريوس، الماستر
- رسالة من جهة العمل إذا أمكن تثبت أنك موظف ولا يوجد مانع من سفرك لاستكمال دراستك.
- صور شخصية نفس اللي بتحطها في الابليكيشن مقاس 5 في 5 خلفية بيضاء و80% للوجه
- كشف حساب مصرفي مترجم ومصدق من الخارجية لو أمكن، وحتى فيزا كارت مافيش مانع.
وغيرها من المستندات التي تثبت علاقتك واعتزازك وتصميمك للرجوع لبلدك

إن شاء الله نكون وضحت الأمر بالشكل المطلوب،،، وتفضل أي استفسار حاضر

والله ولي التوفيق

من طرف طرابلس2011 في الأحد 06 أكتوبر 2013, 11:36 am

أنا لم تطلب من رسالة العمل ... ولا ورقة المكتب الكندي ... الحظ يلعب دور .. أنا في تونس كان يوجد لي نواقص وساعدني

من طرف mohamed shikhe في الأحد 06 أكتوبر 2013, 4:09 pm

بارك الله فيكم على الرد وجعله الله في ميزان حسناتكم

من طرف السبهاوى في الأحد 06 أكتوبر 2013, 5:05 pm

@طرابلس2011 كتب:أنا لم تطلب من رسالة العمل ... ولا ورقة المكتب الكندي ... الحظ يلعب دور .. أنا في تونس كان يوجد لي نواقص وساعدني

السلام عليكم
خوى امتى خديت التاشيرة الامريكية وهل تونس تعطى فيها توا انى سمعت انها مقفلة للتاشيرات فهل فتحوها

السلام عليكم
بالله كشف الحساب المصرفي ترجمته ولكن لم اعتمده من الخارجية فهل من الضرورري نعتمده؟؟

عندي حساب فيزا هل نرفع البطاقة نفسها ولا كشف حسابها بس ؟؟

هذه هيا المستندات اللي جهزتها

1 تاكيد الحجز
2 ورقة الموعد
3 الافادة وكشف الدرجات من الكلية بالانجليزي
4 وتيقة نجاح وكشف التانوي مترجم
5 شهادة خيرة من جهة العمل
6 شهادة تعهد بالعودة من جهة العمل و الجهة الاعلى منها
7 شهادة تعريق موظف من جهة العمل
8 شهادة وضع عائلي مترجمة
9 شهادة اقامة مترجمة
10 شهادة ميلاد مترجمة
11 شهادة مرتب من جهة العمل
12واصل دفع رسوم السيقس
13 رسالة قبول معهد اللغة في الجامعة
14 نمودج الاي 20 من الجامعة
15 رسالة الدعم المالي لغرض التاشيرة
16 شهادة الحالة الجنائية
17 شهادة حسن سيرة وسلوك من الكلية بالانجليزي
18 كشف حساب مصرق مترجم 10 شهور
19رسالة تاكيد الدعم من المكتب الكندي موجهة للجامعة

علما باني اعزب

من طرف Ismail 1980 في الأربعاء 09 أكتوبر 2013, 9:39 am

@سامي الصابري كتب:السلام عليكم
بالله كشف الحساب المصرفي ترجمته ولكن لم اعتمده من الخارجية فهل من الضرورري نعتمده؟؟

عندي حساب فيزا هل نرفع البطاقة نفسها ولا كشف حسابها بس ؟؟

وعليكم السلام ورحمة الله وبركاته

يا خوي أي ورقة مترجمة من العربي لازم تتصدق من الخبرة القضائية قبل،،، وبعدين تتصدق من الخارجية

وكانها ورقة بالانجليزي من الأول تصدقها من الخارجية طول من غير الخبرة القضائية

بالنسبة للفيزا كارت معنديش علم بضرورة كشف الحساب أو لا،، بالنسبة ليا بنرفع الفيزا كرت فقط من غير كشف حساب،،، لان جميع البيانات موجودة ع البطاقة، الاسم حسب الجواز، والأهم من ذلك تاريخ إنتهاء البطاقة، طبعاً اني كرديت كارد، يعني مربوطة بحسابي المصرفي، ورح يكون معاي كشف حساب المصرف

أما للبطاقات الأخرى من مصرف الامان أو التنمية حسب علمي إنها ديبت كارد،،، يعني ضروري تودع فيها مبلغ كل مرة،، وبالتالي قد تحتاج اصحاب كشف حساب البطاقة.

وبالتوفيق إن شاء الله

أنا تحصلت علي تأشيرة الامريكية السنة الماضية بدون ورقة مكتب كندي ولم يطلب مني رسالة العمل و فيه ورقة ناقصة ساعدني السفير في تونس لدرجة فيه ناس مش مصدقتني الحظ يلعب الدور أهم شئ كون عادي كأنك تقدم علي تأشيرة مصر الارتباك وتغير وجهك يخافو منك كون مرتاح مبتسم بس مش ابتسامة صفراء يعني كأنك تهدرز مع صديق تأنق مثل بدلة كن شخصية له حضور فعلنا الطالب الليبي ماشي يدرس في الخارج و تجده داخل السفارة بسباط (( شبشب)) يعني هو ينظر اليك ويقول في نفسه هذا طالب ويكون في مسقبل أستاذة جامعة فانت مراقب في سفارة حتي في أنتظارك
..... If you need any thing , don't hesitate to send me

معلومة عن التأشيرة الامريكية

معلومة عن التأشيرة الامريكية

رد: معلومة عن التأشيرة الامريكية

رد: معلومة عن التأشيرة الامريكية

رد: معلومة عن التأشيرة الامريكية

رد: معلومة عن التأشيرة الامريكية

رد: معلومة عن التأشيرة الامريكية

رد: معلومة عن التأشيرة الامريكية

رد: معلومة عن التأشيرة الامريكية

رد: معلومة عن التأشيرة الامريكية