رد: خطوات الحصول على التأشيرة الأمريكية من السفارة الأمريكية بعمان الأردن

من طرف TARIQ SALEM في الخميس 13 فبراير 2014, 9:15 pm

وشني جو الدراسة في امريكا وهل في مواد تكميلية

كم تكلفني الرحلة هذي ؟

من طرف TARIQ SALEM في الجمعة 14 فبراير 2014, 5:08 pm

السلام عليكم ياشباب
بالله يا شباب عندي سؤال علي قصة المواد التكميلية بالنسبة للطلبة الدبلوم العالي مع العلم اني درست 125 وحدة . وهل في جامعات معتمدة تقراء فيها ماجستير علي طول

من طرف brazil_85 في الأربعاء 19 فبراير 2014, 4:22 pm

السلام عليكم

بالله نبي نصيحتكم..انا موفد عن طريق وزارة العمل والتأهيل لتعلم اللغة الإنجليزية في أمريكا..

متحصل على دبلوم عالي ختمته من الجوده وترجمته وبعدها القضائيه و الخارجيه..شهادة الميلاد والوضع العائلي من السجل المدني ترجمتهم وختمتهم من القضائيه والخارجيه..شهادة مرتب الوالد وكشف حسابه ختمتهن في القضائيه بس..خديت ورقه من وزارة العمل تثبت إني مانخدمش لكن مش مترجمه..

أول شي هل ضروري من شهادة الثانوية وكشف الدرجات معتمدات ومختومات في المقابله ؟

وبالله لو في حاجه ناقصه فكروني فيها..

خلصت المصرف في الأردن في إنتظار موعد المقابله..

يعني كم يوم الاقامة حتكون في الاردن من اجراءات للمقابلة باش نبي نحجز ذهاب واياب ؟

من طرف brazil_85 في الثلاثاء 25 فبراير 2014, 3:43 pm

الله أعلم..

في ناس يومين بعد المقابله و استلموا التأشيره..و في ناس وصلت بيهم لأكثر من شهر..

الشهادة الجامعية يبيها مترجمة او بالعربي فقط ؟

من طرف brazil_85 في الثلاثاء 25 فبراير 2014, 4:34 pm

ختم الجوده وبعدها الترجمه..بعدها تمشي للقضائيه مكانهم في جنب باب فندق الودان..بعدها تمشي للخارجية والخارجيه اخر حاجه ختمتهم وانت واقف نفس اليوم

من طرف ahmed sawidi في الخميس 06 مارس 2014, 2:54 pm

السلام عليكم
انا اتحصلت علي التاشيره الامريكيه ف 4-3-2014
وعندي استفسار انا دراستي في شهر سته وب نقعد سنه لكن عطوهالي من شهر 3 نقدر انجدد غادي او لا

من طرف bsahara في الأربعاء 12 مارس 2014, 8:11 am

السلام عليكم
انا دفعت sevis واكملت تعبئة الابليكيشن ,,, لكن المواعيد لاتظهر عندى
فهل هناك رسوم اخرى على ان ادفعها

من طرف السبهاوى في الأربعاء 12 مارس 2014, 10:25 am

السلام عليكم
فيه رسوم التاشيرة 160دولار ضرورى تدفعهم لكى تفتح المواعيد

من طرف bsahara في الأربعاء 12 مارس 2014, 4:03 pm

أخى السبهاوي ,,, بارك الله فيك ,,,, وين نقدر ندفعهم ,,, سامحنى على الاطالة عليك
أقصد هل يجب ان يدفعهم شخص فى الاردن للسفارة او اونلاين
لانى لم اجدهم اونلاين

من طرف السبهاوى في الأربعاء 12 مارس 2014, 4:33 pm

اذا ماشى للاردن تدفعهم نقدا لاحدى فروع مصرف القاهرة بعمان واذا تعرف حد بيمشى غادى يدفعهم عنك .... وبعد الدفع ب 24 ساعة تفتح المواعيد وفالعادة اقرب موعد يكون بعد 8 ايام من دفع رسوم التاشيرة 160دولار والدفع يكون بالينار الاردنى اللى يساوى 113.6 دينار الاسبوع اللى فات كنت فالاردن وقدمت على التاشيرة والحمدلله صار منها ,,, عموما عندى صديق بكرى ماشى للاردن بيقدم على التاشيرة اذا تبى نكلمه لك