المواضيع الأخيرة
» احتاج اخر روابط لملىء التأشيرة البريطانيه والتأمين الطبى
اليوم في 4:54 pm من طرف sky_libya

» دورة تنمية مهارات أعضاء الإدارات القانونية تعقد في فيينا
الخميس 16 نوفمبر 2017, 11:57 am من طرف مركز المجد للجودة

» دورة صياغة إتفاقيات الشراكة المؤسسية والوثائق القانونية ذات الصلة تعقد في لبنان
الخميس 16 نوفمبر 2017, 11:56 am من طرف مركز المجد للجودة

» دورة طرق و اساليب تحسين الانتاجية و زيادة الربحية تعقد في المغرب
الأربعاء 15 نوفمبر 2017, 12:00 pm من طرف مركز المجد للجودة

» دورة ادارة الوقت وتنظيم العمل تعقد في لبنان - بيروت
الأربعاء 15 نوفمبر 2017, 11:59 am من طرف مركز المجد للجودة

» #دورة_تطوير_الهياكل_التنظيمية_والوصف_الوظيفي المركزالدولي itcc
الثلاثاء 14 نوفمبر 2017, 2:53 pm من طرف المركزالدولي

» دورة التدريب المبنى على الجدارات من المركز الدولي itcc
الثلاثاء 14 نوفمبر 2017, 11:15 am من طرف المركزالدولي

» دورة فن الصياغة القانونية تعقد في بيروت
الإثنين 13 نوفمبر 2017, 10:25 am من طرف مركز المجد للجودة

» دورة مهارات التعامل مع الزملاء و الرؤساء و تقوية العلاقات تعقد في دبي
الإثنين 13 نوفمبر 2017, 10:24 am من طرف مركز المجد للجودة

» دورة التقنيات والاستراتيجيات الحديثة لاخصائي الإمدادات والمشتريات والعقود تعقد في ماليزيا
الأحد 12 نوفمبر 2017, 12:29 pm من طرف مركز المجد للجودة

» دورة المشاكل التطبيقية لأنشطة الشراء والتخزين وسبل مواجهتها تعقد في الامارات - دبي
الأحد 12 نوفمبر 2017, 12:28 pm من طرف مركز المجد للجودة

» المدرب / جمعة محمد سلامة يختتم أول دوراته التخصصية مع شركة أزاد للتدريب والتأهيل
السبت 11 نوفمبر 2017, 5:33 pm من طرف salama2004

» دورة ضبط جودة الخدمات و المنتجات تعقد في الامارات - دبي
الثلاثاء 07 نوفمبر 2017, 11:44 am من طرف مركز المجد للجودة

» دورات في تأكيد الجودة ودورات في مالية واداريةوقانون وتدريب وتخطيط
الثلاثاء 07 نوفمبر 2017, 11:41 am من طرف مركز المجد للجودة

» شارك رأيك حول جامعتك وكن سبب في مساعدة طلاب المستقبل
الثلاثاء 07 نوفمبر 2017, 2:49 am من طرف mohamed canada

المواضيع الأخيرة
المواضيع منذ آخر زيارة لي
 استعرض مُساهماتك
 المواضيع التي لم يتم الرد عليها
أفضل 10 أعضاء في هذا الأسبوع
مركز المجد للجودة
 
المركزالدولي
 
sky_libya
 

الموفد على الفيس بوك ...

لاخاب من استشار (دراسة الطب مصر)

استعرض الموضوع السابق استعرض الموضوع التالي اذهب الى الأسفل

لاخاب من استشار (دراسة الطب مصر)

مُساهمة من طرف morningglory007 في الأحد 05 سبتمبر 2010, 7:12 am

السلام عليكم ورحمة الله وبركاته وكل العام والجميع بخير
لجميع الليبين في كل مكان
أولا الشكر لكل الاعضاء في المنتدى لما يقدموا من جهود لتوفير المعلومة الصحيحة واعطاء الصورة الحقيقة للامور
تانيا لدي استفسار واستشارة وان شاء الله اجد الا جابة عندكم

أنا طبيب بشري خريج سنة 2009لي الان حوالي سنة وبعض الشهور أريد ان نتخصص وتكملة تعليمي والحقيقة انا داهب على حسابي الخاص وانسب مكان بنسبه ليا هو مصر من ناحية الاماكانيات والقرب من الوطن بالاضافة ان مسالة الايفاد او اني انتظر بعته تاخد مدة طويله

مع العلم اني اريد ان اتخصص قي مجال الاشعة التشخصية diagnostic radiology بالمختصر هو اختصاص طبي يتعامل مع تشخيص الامراض والحالات باستخدام الاجهزة الطبية وهي الموجات الفوق صوتية والتصوير المقطعي والرنين المغنطيسي
بالاضافة ايضا عندي زميلي يبي يتخصص نساء و ولادة

حيت قمت بمراسلة جامعة عين شمس واستفسرت عن برنامج الدراسات العليا
حيت كان كالاتي
الدبلوم المهني في الاشعة لمده سنة

الدبلوم العالي في الاشعة لمدة سنتين مع العلم انه يحق للطبيب الحاصل على الدبلوم العالي الحصول على درجة الماجستير بشرط اتمام الرسالة في غضون مدة لاتزيد عن 4سنوات من تاريخ الحصول على الدبلوم العالي

الماجستير في الاشعة التشخصية ومدة الدراسة سنتين بما فيها الرسالة حيت ينقسم الى جزاين الجزء الاول لمدة6شهور والجزء التاني لمدة سنة والرسالة لمدة 6شهور

استفساري هو
جتني هده الفرصة ونبي منكم تنصحوني هل مصر مكان جيد للتحصيل علمي في هدا المجال مانبيش انقول زي امريكا او كند او المانيا عارف في فرق بس اهم حاجة الاستفادة او انتظر في ليبيا حتى ربي يفرجها بعد الله اعلم من الوقت ويمكن يفتحوا ساحات او لا بالاضافة الى مشكلة القبولات لي صديق حاليا لية سنة وتمانية شهور في امريكا ماحصلش قبول رغم سكور المعادلة واللغة عنده عالي

هل الدراسة في جامعة عين شمس جيدة رغم ان العديد من الدكاترة المصريين شكروا الجامعة ونظام تدريسها بس اني نبي من وجهة نظر حد ليبيى يقرا فيها بلاضافه ماهي افضل التخصصات الطبية التي يمكن دراسته في مصر

أيضا بالنسبة لسكن والمعيشة حيت ان الجامعة تقع في منطقة العباسية الممتد من ميدان العباسية الي روكسي وامكانية توفر السكن وسعره وخاصة ادا كان بايجار اكتر من 6 اشهر

وهل الشهادة متلا الماجستير معترف بيها في ليبيا ؟ويمكن معدلتها رغم اني سالت وقالوا عادي معترف وتتعادل زي الزمالة المصرية معترف بيها في ليبيا

بالله ياخواني ادا اي حد يعرف حد يقرا اويحضر في المجال الطبي في مصر يساله او لو في امكانيه نتواصل معه حتى هاتفيا لان الامور اللي مكتوبة في نت ماتعطيش احيانا صورة كاملة ميش شكل حد عاش الواقع لان الحق الواحد حاير وهده خطوة بيبني عليها حاجات القدام

وانكون شاكر ليكم وبارك الله في الجميع

ملاحطة هدا رابط ل لا ئحة الدراسات العليا في الطب البشري لجامعة عين شمس لاطلاع عليه ملف بصيغة pdfبتفصيل لكل تخصص

mic.shams.edu.eg/moodle/file.php/1/regulation.pdf

morningglory007
موفد جديد
موفد جديد

ذكر عدد المساهمات : 13
نقاط : 5412
نقاط السٌّمعَة : 10
تاريخ التسجيل : 05/09/2010

الرجوع الى أعلى الصفحة اذهب الى الأسفل

رد: لاخاب من استشار (دراسة الطب مصر)

مُساهمة من طرف dentist2009 في الثلاثاء 07 سبتمبر 2010, 6:54 am

السلام عليكم اخي morningglory007
انا طبيب اسنان خريج جامعة الفاتح و اخذت امتيازي في مصر

اولا : بما انك على حسابك الخاص توكل على الله وامشي مصر وماتستناش الدولة وبعدين تقدر ادير الدكتوراة في مكان تاني

تانيا : مصر فيها اطباء على مستوى من العلم ماشاء الله لان احتكاكهم باوروبا وامريكا قوي ويحبوا يقروا بالاضافة الى انه عندهم كثير من المؤتمرات

ثالثا : عيب مصر هو انه مافيهاش نظام زي دول العالم الاول وعندهم الامبالاة والدكاترة مايهتموش بيك لانهم مش منظمين

رابعا : اي مكان حتمشيله وتبدل فيه مجهود وناوي تتعلم حتتعلم مهما كان حتى لو تعبت بس لو لقوك ماتقراش مش حيدورك حد...مثال احنا مشينا مجموعات لمصر فيه جروبات تقرا وتبي تستفيد والحمد لله استفادوا ومستوياتهم كويسة وجروبات شادينها نوم وتدهوير زي مامشوا زي ماروحوا
خامسا :بالنسبة للجامعات مافيش فرق كبير ولو بتقرا اقرا في جامعة القاهرة او عين شمس
بالنسبة للاسنان القاهرة افضل لانها اكبر وعدد الدكاترة اكثر

سادسا :بالنسبة لRadiology سمعته كويسة في مصر وانا نعرف كذا ليبي مشي كورس بس وقال انهم يشوفوا اكثر من 80 حالةMRI وCT في اليوم

سابعا : بالنسبة للسكن القاهرة نوعا ما اغلى من الاسكندرية ولو حتقرا في عين شمس اسكن في مدينة نصر ..ولو في القاهرة اسكن في المنيل مع العلم ان مدينة نصر انظف و اهدا ولكن المسافة بعيدة من مدينة نصر الى جامعة القاهرة
بالنسة للايجار في حالة انك اعزب ممكن تحصل ايجار في حدود 2000 او 2500 جنيه مصري اي حوالى 450 دينار ليبي

ثامنا : نصيحتي انك تمشي بروحك لمصر لانها مش بعيدة ولو سالت حتلقى هلبة ليبيين يقروا ... امشي بروحك واسال وشوف الوضع بعينك وجيب قبولك معاك لان القبول ساهل ينجاب من غادي وما دورش النت بس حاول تسرع شوية لان اعتقادي العام هذا مرات متلحقش تقرا لان الدراسة تبدا شهر 9

اخير ربي يوفقك ويسهلك طريقك واي استفسار انا جاهز
والسلام عليكم ورحمة الله وبركاته

اخوكم dentist2009
avatar
dentist2009
عضو إداره
عضو إداره

مشرف القبولات الدراسية


الأوسمة:
  • وسام الإدارة



ذكر عدد المساهمات : 871
نقاط : 13756
نقاط السٌّمعَة : 191
تاريخ التسجيل : 01/09/2010

الرجوع الى أعلى الصفحة اذهب الى الأسفل

رد: لاخاب من استشار (دراسة الطب مصر)

مُساهمة من طرف morningglory007 في الثلاثاء 07 سبتمبر 2010, 5:42 pm

بارك الله فيك اخي dentist2009
كفيت ووفيت
بالنسبة ليا ان شاء الله ناوي على عين شمس وكلمتهم قالوا التسجيل يتم في اخر 8 بس مفتوح للموفدين والاخوة العرب لغاية بداية شهر 10 والقراية تبدا في منتصف شهر 10
وكلمتهم قالوا القبول مافيش اي مشكلة شهادة الايفاد مصدقة من الخارجية وشهادة الامتياز والرسوم الدراسية
وانشاء الله بقدرة الله ماشي بعد العيد

وعند سوال بالنسبة لسكن اني سالت عن موقع الجامعة قالو في منطقة العباسية وهي في مصر الجديدة الافضل ليا نحصل سكن قريب من الجامعة وبالنسبة لمدينة مصر بعدها عن عين شمس كبير يعني كم المسافة
وبالنسبة على السكن سالت عليه وتقريبا نفس المبلغ اللي قلت عليه يعني بالمبلغ هدا تحصل شقة محترمة تستريح فيها؟ مع العلم يمكن ناخد 6 شهور مقدم

بالنسبة لي الدراسة بناخد ان شاء الله ماجستير رغم في الاول كنت ناوي على الدبلوم العالي بعتالي ادير الواحد الرسالة وان شاء الله ربك يصخر الامور

يعني الواحد بصراحة قعدت نحسب فيها لو قعدت هني سنتين هل الواحد حيستفيد او يقعد مكانك السر زي مانت عارف

وبارك الله فيك لوفي امكانية نتواصل معاك اخي ونسالك على شوية حاجات ادا مافيش ازعاج

morningglory007
موفد جديد
موفد جديد

ذكر عدد المساهمات : 13
نقاط : 5412
نقاط السٌّمعَة : 10
تاريخ التسجيل : 05/09/2010

الرجوع الى أعلى الصفحة اذهب الى الأسفل

رد: لاخاب من استشار (دراسة الطب مصر)

مُساهمة من طرف dentist2009 في الثلاثاء 07 سبتمبر 2010, 7:23 pm

السلام عليكم ورحمة الله وبركاته

بالنسبة للعباسية قريبة من مدينة نصر يعني جنب بعضهم ... بالنسبة لجميع الشباب الي مشوا لعين شمس وانا من ضمنهم سكنا في مدينة نصر لان العباسية يعتبر من الاحياء الشعبية والقديمة ومش حترتاح فيه و بالنسبة للمواصلات من مدينة نصر الى عين شمس بسيطة وتاخد حوالي 10 دقايق في الطريق وكلفة الاجرة في ميكرو باص جنيه مصري يعني اقل من ربع دينار ليبي...
عندك كذا شارع ممكن تسكن فيهم قراب من الكلية
1) طريق النصر وهذا طريق رئسي يتفرع منه باقي الطرق والاجار فه اغلى من غيره
2) شارع الطيران
3)شارع عباس العقاد
4)شارع مكرم عبيد
5)شارع صلاح سالم
كلها قريبة وسهلة المواصلات وحاول تبعد عن العباسية باش تقدر ترتاح ومافيش فرق كبير في المسافة واليكرو ترميك عند باب الكلية
بالنسبة للسكن ديما انتبه وماتاجرش مدة طويلة الا لما تتاكد انك استقريت على الكلية اللي تبيها..يعني تقدر تاجر بالشهر وتمدد ومش حيقولوا لا
وخلي بالك من المصريين لانهم يستغلوا في حد يبدا مش فاهم
بالنسبة للتواصل عاي تفضل مافيش مشكلة لكن اعتقادي انه ممنوع اني نعرض ايميلي او رقم هاتفي في المنتدى

والسلام عليكم ورحة الله وبركاته
avatar
dentist2009
عضو إداره
عضو إداره

مشرف القبولات الدراسية


الأوسمة:
  • وسام الإدارة



ذكر عدد المساهمات : 871
نقاط : 13756
نقاط السٌّمعَة : 191
تاريخ التسجيل : 01/09/2010

الرجوع الى أعلى الصفحة اذهب الى الأسفل

رد: لاخاب من استشار (دراسة الطب مصر)

مُساهمة من طرف dentist2009 في الثلاثاء 07 سبتمبر 2010, 7:26 pm

عفوانقطة مهمة نسيت نقولها
العباسية منطقة لوحدها وليس لها علاقة بمصر الجديدة
مصر الجديدة ابعد من مدينة نصر بالنسبة للبعد عن الكلية
مدينة نصر انسب مكان للسكن بالنسبة ليك

تحياتي
avatar
dentist2009
عضو إداره
عضو إداره

مشرف القبولات الدراسية


الأوسمة:
  • وسام الإدارة



ذكر عدد المساهمات : 871
نقاط : 13756
نقاط السٌّمعَة : 191
تاريخ التسجيل : 01/09/2010

الرجوع الى أعلى الصفحة اذهب الى الأسفل

رد: لاخاب من استشار (دراسة الطب مصر)

مُساهمة من طرف اهلين وسهلين في الأربعاء 08 سبتمبر 2010, 1:14 am

انا ماعندش معلومة بس حبيت ان قول وفقك الله

اهلين وسهلين
موفد فعال
موفد فعال

ذكر عدد المساهمات : 277
نقاط : 9220
نقاط السٌّمعَة : 110
تاريخ التسجيل : 12/03/2010

الرجوع الى أعلى الصفحة اذهب الى الأسفل

رد: لاخاب من استشار (دراسة الطب مصر)

مُساهمة من طرف morningglory007 في الأربعاء 08 سبتمبر 2010, 2:17 am

بارك الله فيك خوي زيدة معاك كفيت ووفيت وتوه انحاول نبعتلك رساله حاصة فيها رقم تلفوني وايميلي او ترسلي ايميلي وتلفونك خلي ننفخولك راسك اشوية كان ماعندكش مانع وبارك الله فيك مرة تانية وكل عام وانت بالف خير

morningglory007
موفد جديد
موفد جديد

ذكر عدد المساهمات : 13
نقاط : 5412
نقاط السٌّمعَة : 10
تاريخ التسجيل : 05/09/2010

الرجوع الى أعلى الصفحة اذهب الى الأسفل

رد: لاخاب من استشار (دراسة الطب مصر)

مُساهمة من طرف d.who في الثلاثاء 27 نوفمبر 2012, 10:57 pm

ان شالله تيسرت امورك يا خوى, لكن عندى استفسار بخصوص الماجستير لو بديت فيه شن انطباعك عليها توا؟ وكم مدته بالزبط؟ ولما ترجع الى ليبيا هل تعامل كطبيب اخصائى؟ وعلاش متلا ماخديتش الزمالة ولا تكلمت عليها فى خياراتك؟ وشن الفرق ببينها وبين الماجستير من كل النواحى؟

d.who
موفد نشيط
موفد نشيط

ذكر عدد المساهمات : 78
نقاط : 4571
نقاط السٌّمعَة : 12
تاريخ التسجيل : 25/11/2012

الرجوع الى أعلى الصفحة اذهب الى الأسفل

رد: لاخاب من استشار (دراسة الطب مصر)

مُساهمة من طرف tmisellati في الأربعاء 28 نوفمبر 2012, 5:36 pm

بالنسبة للماستر و معادلته في ليبيا
مجلس التخصصات الموقر يعادل كل الشهادات الكلينيكي بالزمالة الليبية و لكن يجب ان تكون سنوات الدراسة من اربعة سنوات و اكثر
يعني مثلا ماستر في الباطنة او اي تخصص من ماليزيا تعادل في ليبيا لانها برامج كلينيكية و جلها اكثر من اربعة سنوات
الي نعرفه ان الماستر من مصر تعادل بماستر في ليبيا و لازم تخش لامتحان السيكند بارت في الزمالة الليبية عشان ترقي الي درجة اخصائي و الكلام هذا سألت عليه قبل مجيئي لمصر

اما بالنسبة للعلم و المعرفة فزي ماتكلموا خوتنا الي فوق. كان تبي تتعلم حاتتعلم. الحالات موجودة و ذوي العلم موجودين و مش حايبخلوا عليك في اي حاجة لو لقوك تخدم و تقرا بقلب

بالنسبة للسكن ايضا زي ماتفضلوا الشباب و قالوا عن مدينة نصر. بس نبي نزيد عليهم ان حتي مصر الجديدة حلوة و قريبة خاصة لجامعة عين شمس و اقرب لجامعة عين شمس من مدينة نصر و خاصة لو سكن علي شارع خليفة المأمون و ما حوله و بس الايجارات اغلي حبة عن مدينة نصر

بالنسبة للاخوة الي تسأل عن الفرق بين الزمالة المصرية و برامج الماستر
الماستر في مصر تؤخد من مستشفيات جامعية و الزمالة هي شهادة كلينيكية تأخدها من وزارة الصحة و تعادل كأخصائي طول في ليبيا,
بالنسبة ليا و لاني جراح الزمالة احسن لانك حاتخدم بيديك هلبة و الجراحة في الاول و الاخير عبارة عن صنعة تتعلمها.
بس اني سامع ان دراسة طب الاشعة في الماستر احسن و الله اعلم

tmisellati
موفد نشيط
موفد نشيط

ذكر عدد المساهمات : 95
نقاط : 6003
نقاط السٌّمعَة : 15
تاريخ التسجيل : 13/09/2010

الرجوع الى أعلى الصفحة اذهب الى الأسفل

رد: لاخاب من استشار (دراسة الطب مصر)

مُساهمة من طرف d.who في الجمعة 30 نوفمبر 2012, 3:42 am

بارك الله في الجميع كفيتو ووفيتو, ولينا عودة مع المزيد من الاستفسارات

d.who
موفد نشيط
موفد نشيط

ذكر عدد المساهمات : 78
نقاط : 4571
نقاط السٌّمعَة : 12
تاريخ التسجيل : 25/11/2012

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى