رد: رحلة شقاء: من قرار الإيفاد، والحصول على التاشيرة، وحتى السفر والاستقرار

من طرف C.P في الإثنين 06 يناير 2014, 9:05 am

قبل كل شيء أسأل الله لك كل التوفيق يا خوي
..
ع المهم نتمني انك تسامحني في كلمتي بس للأمانة ما عرفتش وين جت رحلة الشقاء اللي قلت عليها ؟؟؟
كلمة شقاء كلمة كبيرة جدا جدا جدا جدا جدا جدا جدا جدا جدا جدا جدا
بالعكس امورك مشت تمام التمام وأسأل الله العلي القدير ان يهنيك ويسعدك في كل حياتك ياارب
هل تعلم فيه ليبيين اجراءاتهم هذه اخذت اكثر من سنة ونصف وسنتين باش جو لأمريكا او حتي كندا حتي بريطانيا نعرف صديق قدم ع التأشيرة البريطانيا 11 مرة والله 11 المرة وحاليا في بريطانيا ومتفوق جدا ..
والعبد لله التأشيرة الامريكية استنيتها 4 شهور ونصف ولأني مقدم علي معهد تابع لجامعة فأنا مربوط بجدول زمني ومواعيد معينة وبهكي عطلت عليا اجرااءاتي والحمد لله رغم كل شيء انا حاليا في امريكا ومشت الامور تمام التمام..
ع المهم صفوة الحديث الواحد المفرووض ما يركزش في التفاصيل هذه ويكون عنده طموح كبير وبهكي تكون عنده ارادة فولاذية حتي مع الصعوبات اللي حتواجهه سواء قبل السفر او بعد الوصول .. الواحد باش يرتاح في هالدنيا لازم يخلي ثقته بالله كبيرة ..
أسأل الله لك كل التوفيق يا خوي

من طرف Ismail 1980 في الإثنين 06 يناير 2014, 9:54 am

@C.P كتب:
قبل كل شيء أسأل الله لك كل التوفيق يا خوي
..
ع المهم نتمني انك تسامحني في كلمتي بس للأمانة ما عرفتش وين جت رحلة الشقاء اللي قلت عليها ؟؟؟
كلمة شقاء كلمة كبيرة جدا جدا جدا جدا جدا جدا جدا جدا جدا جدا جدا
بالعكس امورك مشت تمام التمام وأسأل الله العلي القدير ان يهنيك ويسعدك في كل حياتك ياارب
هل تعلم فيه ليبيين اجراءاتهم هذه اخذت اكثر من سنة ونصف وسنتين باش جو لأمريكا او حتي كندا حتي بريطانيا نعرف صديق قدم ع التأشيرة البريطانيا 11 مرة والله 11 المرة وحاليا في بريطانيا ومتفوق جدا ..
والعبد لله التأشيرة الامريكية استنيتها 4 شهور ونصف ولأني مقدم علي معهد تابع لجامعة فأنا مربوط بجدول زمني ومواعيد معينة وبهكي عطلت عليا اجرااءاتي والحمد لله رغم كل شيء انا حاليا في امريكا ومشت الامور تمام التمام..
ع المهم صفوة الحديث الواحد المفرووض ما يركزش في التفاصيل هذه ويكون عنده طموح كبير وبهكي تكون عنده ارادة فولاذية حتي مع الصعوبات اللي حتواجهه سواء قبل السفر او بعد الوصول .. الواحد باش يرتاح في هالدنيا لازم يخلي ثقته بالله كبيرة ..
أسأل الله لك كل التوفيق يا خوي

قبل كل شيء السلام عليكم ورحمة الله وبركاته،،، هذا أولاً

أما ثانياً،،، أني مسامحك خوي دنيا وأخرة ما تفكرش بكل،،

ثالث شيء أني لما قولت كلمة شقاء قياساً من وجهة نظري،،، معنديش علم بالناس اللي ذكرتها،، وبالفعل طلعت أني ولا شيء قدامهم كلهم،،، يعني طلعت محظوظ الحمد لله كملت في ثلاث شهور،، بالرغم أني محكيتش كل التفاصيل اللي فيها جزء من المعاناة،،،

وأني لما قولت رحلة شقاء كنت نقصد بها إن الجهات العامة هيا سبب هذا الشقاء،، برا وتعالى، واللي متلقاشي، واللي يقولك ارجع بعد أسبوع، والشرمولة اللي في اتمام الاجراءات اللي عارفينها كلكم

وبنزيدك من الشعر بيت الحصول على التأشيرة مش أخر الطريق،،، في هلبا أمور جدت معاي ومعرقلة السفر كله،،، يعني رحلة الشقاء لا تنتهي

وبعدين يا محترم أنت مدايرلي عريضة ما شاء الله على التفائل والارادة الفولاذية وتجاوز الصعوبات، من قال أن اني عكس هكي، أو أني مريت ببعض الشقاء في الرحلة هاذي معناها فقدت الارادة والتفائل،،، الحمد لله عندي تفائل وإرادة ماليهاش حد،،، وثقتي بالله بلا حدود، وهذه نعمة من رب العالمين.. والشقاء اللي حكيت عليه نتمنى يمر بيه اي شخص لانه رح ايزيد يعرف قيمة الله،،، ويعرف أن بعد الضيق الفرج

ربي يوفقك يا خوي في دراستك وفي سفرك ويفتحها قدامك،،، وإن شاء الله حتى انت تسامحنا

من طرف TARIQ SALEM في الجمعة 14 فبراير 2014, 11:57 pm

السلام عليكم ورحمة الله وبركاته
مبروك عليك خوي اسماعيل وعقبالنا كلنا ناخدو التاشيرة ونسافرو
بالله معليشي خوي اسماعيل ممكن استفسار بسيطلو سمحت
انا دارس دبلوم عالي هندسة كهربائية والاكترونية وانجزت الوحدات بالكامل وعددهم 125 وحدة هل في مواد تكميلية وشرط انكون منجز عدد وحدات معينة ؟
السؤال التاني هل في جامعات معتمدة ندخل لدراسة الماجستير علي طول ؟
السؤال الثالث اني موفد من قبل التعليم العالي ومكتوب فترة الدراسة 36 شهرأ هل تكون الفترة الزمنية مناسبة ؟

من طرف روبين في الخميس 20 فبراير 2014, 5:01 am

ألف مبروك يا أخ إسماعيل وبالله بنسأل أنا بإذن الله راح نبدأ الإجراءات لدراسة في أمريكا وأخي سيكون مرافق لي أود الإستفسار ما هي الإجراءات لما يكون الأخ هو المرافق فأرجو المساعدة ومن لكم جزيل الشكر

من طرف صلاح عاشور في الخميس 20 فبراير 2014, 2:56 pm

السسلام عليكم ورحمة الله وبركاته
مشكور هلبا هلبا يا خوى اسماعيل على رحابة صدرك وعلى كل المعلومات المفيده اللى قدمتها

اسال الله ان تكون فى ميزان حسناتك يارب

من طرف Ismail 1980 في الخميس 20 فبراير 2014, 7:48 pm

@TARIQ SALEM كتب:السلام عليكم ورحمة الله وبركاته
مبروك عليك خوي اسماعيل وعقبالنا كلنا ناخدو التاشيرة ونسافرو
بالله معليشي خوي اسماعيل ممكن استفسار بسيطلو سمحت
انا دارس دبلوم عالي هندسة كهربائية والاكترونية وانجزت الوحدات بالكامل وعددهم 125 وحدة هل في مواد تكميلية وشرط انكون منجز عدد وحدات معينة ؟
السؤال التاني هل في جامعات معتمدة ندخل لدراسة الماجستير علي طول ؟
السؤال الثالث اني موفد من قبل التعليم العالي ومكتوب فترة الدراسة 36 شهرأ هل تكون الفترة الزمنية مناسبة ؟

وعليكم السلام ورحمة الله وبركاته

ابعثلك رسالة على الخاص خوي طارق،،، وربي يوفقك إن شاء الله

من طرف Ismail 1980 في الخميس 20 فبراير 2014, 7:55 pm

@روبين كتب:ألف مبروك يا أخ إسماعيل وبالله بنسأل أنا بإذن الله راح نبدأ الإجراءات لدراسة في أمريكا وأخي سيكون مرافق لي أود الإستفسار ما هي الإجراءات لما يكون الأخ هو المرافق فأرجو المساعدة ومن لكم جزيل الشكر

الله يبارك فيك إن شاء الله

والله ما عندي فكرة على الموضوع هذا، لان اني الموفد والمرافق زوجتي وطفلي،،، وزيادة ع ذلك قرار إيفادي مش من وزارة التعليم، يعني في اختلاف في الاجراءات،،،، بس سؤالك اكيد رح تلقي اجابته لو تبحثي عليه في المنتدى، او تعيدي طرحه في القسم المحدد

والله ولي التوفيق

من طرف Ismail 1980 في الخميس 20 فبراير 2014, 7:58 pm

@صلاح عاشور كتب:السسلام عليكم ورحمة الله وبركاته
مشكور هلبا هلبا يا خوى اسماعيل على رحابة صدرك وعلى كل المعلومات المفيده اللى قدمتها
اسال الله ان تكون فى ميزان حسناتك يارب

وعليكم السلام ورحمة الله وبركاته

العفو يا طيب،،، وتفضل اي استفسار اني حاضر

من طرف smartstudent في الجمعة 21 فبراير 2014, 9:33 pm

السلام عليكم

يمكننا توفير قبولات من أمريكيا ويمكننا ايضا دفع السيفيز كما يمكننا تسديد رسوم السفارة في عمان وأخذ مواعيد وهذا والطالب موجود في ليبيا ولا يذهب الى الاردن الا قبل موعد المقابلة بيوم

لاي استفسار ارجو التواصل معي عبر الايميل او الخاص

من طرف smartstudent في الجمعة 21 فبراير 2014, 9:43 pm

@روبين كتب:ألف مبروك يا أخ إسماعيل وبالله بنسأل أنا بإذن الله راح نبدأ الإجراءات لدراسة في أمريكا وأخي سيكون مرافق لي أود الإستفسار ما هي الإجراءات لما يكون الأخ هو المرافق فأرجو المساعدة ومن لكم جزيل الشكر

السلام عليكم
أستطيع ان أوكد لكي ان المرافق كان من مدة ماضية يصدرون له المعاهد والجامعات مايسمى بال I - 20 بس للاسف الان تم ايقاف هذا لان المكتب الكندي اخبر المعاهد والجامعات بان الاخ لايعتبر مرافق من الدرجة الاولى
لديك طريق واحد لكي تتحصلي على ال I - 20 وهو ان يكون لدى الاخ حساب بنكي يوجد به رصيد يغطي فترة اقامته في أمريكيا .

لاي استفسار الرجاء التواصل معي عبر الايميل

من طرف Ismail 1980 في الأحد 23 فبراير 2014, 10:27 am

بسم الله الرحمن الرحيم،،،، والصلاة والسلام على أفضل الانبياء والمرسلين

أشكر إدارة المنتدى ومشرفي القسم على تثبيت الموضوع

وإن شاء الله أكون عند حسن الظن ونساعد الجميع بقدر المستطاع، ولا أسعى بذلك إلاّ لدعوة طيبة، عسى أن تدفع عنا بلاء الدنيا

من طرف ORicAigOs في السبت 01 مارس 2014, 5:21 pm

اخي اسماعيل ، قمت بعمل الموضوع بصيغة PDF حتى يتمكن الجميع من قراءة الموضوع بشكل اسهل حتى في عدم توفر الانترنت ، او اي سبب

الكتيب رفعته على ميديا فاير ، وتفضلوا

http://www.mediafire.com/download/876r5e4hup2339s/%D8%B1%D8%AD%D9%84%D8%A9_%D8%B4%D9%82%D8%A7%D8%A1.pdf

تحياتي

من طرف Ismail 1980 في السبت 01 مارس 2014, 8:59 pm

@ORicAigOs كتب:اخي اسماعيل ، قمت بعمل الموضوع بصيغة PDF حتى يتمكن الجميع من قراءة الموضوع بشكل اسهل حتى في عدم توفر الانترنت ، او اي سبب

الكتيب رفعته على ميديا فاير ، وتفضلوا

http://www.mediafire.com/download/876r5e4hup2339s/%D8%B1%D8%AD%D9%84%D8%A9_%D8%B4%D9%82%D8%A7%D8%A1.pdf

تحياتي

ما شاء الله وتبارك الرحمن،،، مجهود أكثر من رائع والله،،، مبدع

ربي يفتح عليك إن شاء الله على مساعدتك لاخوتك الطلبة، وإن شاء الله في ميزان حسناتك يارب

مع العلم أن الرحلة مزال لم تنتهي وسأروي جميع تفاصيلها في إنتظار محطاتها القادمة،،، وممكن نتعاون في وقت أخر ويتم تطوير الملف بمعلومات أخرى عن المدينة والولاية والجامعة،،، لكسب المزيد من الأجر والثواب إن شاء الله

وللعلم أكثر ولجميع الأعضاء هذا مجهودك أنت أخي ORicAigOs وتستحق عليه كل التقدير...

والله ولي التوفيق

من طرف Ismail 1980 في الأحد 23 مارس 2014, 9:51 am

المرحلة السادسة والأخيرة: قدر الله وما شاء فعل

يؤسفني عدم استكمال هذا الموضوع لمراحله الأخيرة التي وعدتكم بها والمتمثلة في ما بعد السفر من دراسة واستقرار وما يصاحبها من إجراءات، فمن بعد الحصول على التأشيرة الامريكية في شهر نوفمبر الماضي واجهتني ظروف عديدة وجدت نفسي مجبراً على طلب تأجيل الدراسة لمرتين، وللاسف لم تنجلي هذه الظروف التي تصاحبت مع بعضها البعض، وكأن الله لم يكتب لنا نصيب في السفر والدراسة، ولا راد لقضاء الله، فعسى أن تكرهوا شيئاً وهو خيراً لكم، والخيرة فيما أختاره الله،،

كما وعدت في السابق سأتواجد دائماً في المنتدى، وسألبي طلب المساعدة أو تقديم المشورة والمعلومة حسب توفرها، راجياً بذلك دعوات طيبة فحسب..

وفق الله الجميع إن شاء الله

من طرف ahmed sawidi في الأحد 18 مايو 2014, 12:45 am

السلام عليكم اخوتي عندي سوال وياريت اتساعدوني
انا موعد دراستي يبدا ف 2-6-2014 في بوسطن زي ما مكتوب في التاشيره
بس انا حجزت التدكره الي واشنطن للدهاب الي السفاره الليبيه هناك وبعد اربع ايام حجزت تدكره من واشنطن الي بوسطن هل يوجد اي خطأ هنا او يجب عليا النزول في بوسطن اولا

من طرف Ismail 1980 في الثلاثاء 27 مايو 2014, 1:52 pm

@ahmed sawidi كتب:السلام عليكم اخوتي عندي سوال وياريت اتساعدوني
انا موعد دراستي يبدا ف 2-6-2014 في بوسطن زي ما مكتوب في التاشيره
بس انا حجزت التدكره الي واشنطن للدهاب الي السفاره الليبيه هناك وبعد اربع ايام حجزت تدكره من واشنطن الي بوسطن هل يوجد اي خطأ هنا او يجب عليا النزول في بوسطن اولا

وعليكم السلام ورحمة الله وبركاته
أسف على التأخير في الرد
بس لا اعتقد توجد مشكلة في ذلك الأمر، فأنت مخير بأن تصل لأي مطار في أمريكا، طالما ستكون نقطة النهاية المدينة التي ستدرس بيها، وحتى إن تم الاستفسار من قبل سلطات مطار واشنطن يمكن أن توضح الأمر وأنك في صدد إكمال بعض الاجراءات بالسفارة الليبية، وسيكون الأمر على ما يرام

كل الأماني لك بالتوفيق

من طرف almokrabi2014 في الأحد 13 يوليو 2014, 7:48 pm

السلام عليكم جميعا وكل عام وانتم بالف خير بمناسبة شهر رمضان المبارك وإن شـاء الله من عواده واسأل الله العزيز القدير ان يحفظ بلدنا الغالي ليبيا ويعم فيها الرخا والامان والاستقرار وشكر خاص للاخوه القائمين علي هذا المنتدي وبارك الله فيهم ورمضانكم مبارك .. اخوتي الاعزاء ارغب في الحصول علي قبول من معهد في ولايه اريزونا مدينة توسان (tucson) او ولاية كولورادو .. ولو كان المعهد خاص يكون افضل لانني ذاهب علي حسابي الخاص ويهمني ان اجد معهد رخيص لاكمال كرس اللغه ... وان تيسر الحال ابدي في الاكاديمي بعد ذلك ارجو ممن لديه اي معلومه يفيدني بيها ولكم الشكر والتقدير .. وماتفعلو من خيرا تجدوه عند الله .....؟؟؟

من طرف kaml في الثلاثاء 16 ديسمبر 2014, 3:39 am

انشالله موفق يا خوي اسماعيل

من طرف Ismail 1980 في الثلاثاء 16 ديسمبر 2014, 9:30 am

@kaml كتب:انشالله موفق يا خوي اسماعيل

بارك الله فيك خوي كمال،،، رديت عليك ع الخاص وحاولت نفيدك باللي نعرفه من معلومات.

والله ولي التوفيق