بخصوص المرافقين الابن والأخ

حالة خاصه ، واموري متلخبطه وقريب نتنازل عليه الايفاد ونقول معاش نبيه !!!! (( مطلقه وبطفل   ومتحصله على ايفاد ضمن الطلبه الاوائل للمعاهد  دبلوم عالي ، تخصص حاسب الي  وارغب في استكمال الماستر في بريطانيا )) 

السلام عليكم، انا مطلقه وبطفل وعمره سنة فقط، ارغب في استكمال دراستي. في بريطانيا ،وبالنسبه للمرافق  حيكون خوي الصغير لي مع نهاية السنة يتحصل عالشهادة الثانوية ،   في حالة بنقدم على بريطانيا ونبي نسافر ليها ومعاي ولدي لي عمره سنه ، وخوي مرافق عمره ١٨ سنه ، كيف بيكون وضع التأشيره في هالحاله ؟؟؟؟؟؟ وهل خوي يقدر يدرس انجليزي فقط او يقدم  في اي معهد  يستكمل فيها دراسته لمدة ٣ سنرات ؟؟؟  وبالنسبه لولدي نبي نحطه في روضه لما نسافر لبريطانيا ، كيف يكون وضعه ؟؟؟؟ ، م الاخير فهموني شن ندير لان اكيد اهلي مش حيخلوني نسافر بدون محرم، وزيدها القانون الجديد ان المرأة ما تسافرش بدون محرم ، وطليقي  شارط لو بيرجعني اني نفوت الايفاد، وانا واجعتني القرايه لي قريتها وتعبت فيها ،

اخر سطرين يا وخيتي ماعجبنويش ... مش العائلة ولا القانون الجديد الي تشرط المحرم .هذا ديننا يقول هكي ... وكون طليقك يبيك تفوتي الايفاد باش يرجعلك ..مرات انسب لولدك يتربي مع بوم وامه خير من القراية ومن الدنيا باللي فيها ..راجعي نفسك في قرارك ...الرجوع لزوجك او تكملة الحياة بدونه بغض النظر علي الايفاد..وماتخلطيش الامور..وبعدين لو بيدرس خوك شن المشكلة ..استفسري علي دراسة المرافقين في بريطانيا واكيد مافيهاش مشكلة ...والحضانة نفس الشيء مافيهاش مشكلة ما اكتر الجاليا ت العربيةفي بريطانيا...

لاتعليق
عجز قلمي عن التعليق عن وضعك
ولكن لعلي اكتفي بهذة الكلمات
ضعي في ميزان اختياراتك الايفاد في كفه وان تعيشي مع زوجك وابنك وتكوني عائله في الكفه الثانيه
وانظري اين من الكفتين ترجحين وايهما الافضل لك ولابنك
ووفقك الله لاختيار الافضل لك ولابنك
وقبل كل شئ اختاري مايرضي الله

بسم الله والحمد لله 
      والصلاة والسلام علي أشرف الانبياء والمرسلين نبينا محمد صلي الله عليه وسلم 


الايفاد مدة وجيزة وسينتهي .....

        أما مستقبل طفلك فهو سنين ما أعنيه فهو عمر ( ايام تواليها شهور ومن بعدها تصبح سنون وابنك 
       سيكبر ويحتاج الي ابوه فتريتي واختاري ما هو اصلح بك ولابنك أي ما يرضي الله عز وجل )

   وفقنا الله واياكم الي طريق الحكمة والصواب 

فإن أخطأت فمن نفسي ومن الشيطان  واستغفر الله

ضل راجل ولا ضل حيطه \ والله الموفق

من ترك شيئا لله عوضه الله خيرا منها .

يا اختي ما الفائدة من شهادة الماستر واذا كانت الوضع العائلي

مستقرا وسعيدا !