اريد اجابة على مهزله اللى انا فيهاااااااااااااااااااااااااااااااااااا

ياريت لو حد يعرف اجابه يجاوبنى؟؟؟


القسم مايبيش ايوقع عقد التجديد رغم انى قدمت تبرير الغياب هو كنت فى طرابلس نجرى على اوراق الدعم المالى وقالو التبرير غير مقنع بالله عليكم شن انديرمعاه وقالولى خلى الجهه العليا اللى رشحاتك للايفاد هى اللى توقعلك العقد التجديد لان اسم نزل قى قرارا الافاد عشان من اوائل ونزلتى فى المعيدين من غير علمنا ياريت تفهمونى وين نمشى وين ونجى ولو فى حد يعرف اى جهه او اى شخصيه مهمه تقدر تساعدنى تقول لان الوقت يمشى ونخاف يتعطل السفرية

السلام عليكم
اخت التفاح الاخضر فرج الله عليك وازال همك ولين قلوب اعدائك .
ولكن ماعلاقة القسم بتجديد العقد
اظن ان الحاجة الوحيدة للقسم هى ورقة الاستمرارية فى العمل
واظن اخلاء طرف افضل من هدا كله لا تجديد عقد ولا هم يحزنون
واكرر فرج الله عليك

يارب يفرج هم الجميع\..
يعنى لودرت اخلاء طرف من غير تجديد لااعقد عادى مايقولوليش الماليه ما الماليه توقف وحتى لو وقف المرتب المهم عندى يصير من سفريه والله حرام عليهم


حسبى الله ونعم الوكيل

والله اللى بنقوله اسالى اللى سبقوك اكيد عندهم حل وانت ادرى بامور جامعتكم وربى يعين

ربى يعيين الجميع

واللى عنده اجابه او مساعده ياريت يفيدنى....

أختي انت عندك قرار ايفاد صح هدا على حسب مافهمت وبعدين توقيع العقود يتم في ادارة البعثات في الجامعة على حسب النظام في جامعتنا القسم يوقع لك تقرير كفاءة بس ... مش قضية انت كملي اجراءات ايفادك و خلاص وين المشكلة في النهاية انت بتجيبي اخلاء طرف بتجيبيه ...

السلام عليكم ورحمة الله وبركاته
اختي التفاح الاخضر
تجديد العقد ضروري ومهم 100% لان تجديده هو اللذي سيضمن لك مكانك عند رجوعك من الدراسة
ثانيا اعتقادي لن يتم اخلاء طرفك بدون تجديد عقد لان عقدك منتهي واخلاء الطرف ضروري فالتفويض المالي

حاولي انك تحلي المشكلة بالطرق الدبلوماسية
ربي يسهلك وتنحل المشكلة

اولا رئيسة القسم قالت ماتبيش توقع وقالت انى انعدى ندور اللى نزلنى فة قرار معيدين هو اللى وقعلى ارجوكم شن اندير عادى

وقعي توقيعة العميد وفوتيه القسم او امشي لعميد الجامعة واحكيله

باذن الله وشكرا على اهتمامكم لان فعلا مهزله واحباط شعور ربى مايجيبها الواحد

حســــبى الله ونــــعم الوكيل

تفاح الاخضر كتب:اولا رئيسة القسم قالت ماتبيش توقع وقالت انى انعدى ندور اللى نزلنى فة قرار معيدين هو اللى وقعلى ارجوكم شن اندير عادى

صار هي حـــــــــــــواء يا تفاحتنا الخضراء ؟؟؟؟ ....ربي يهدي من خلـــــــق
بس حاوللي معاها.
موفقة ان شاء تعالي

تفاح الاخضر كتب:اولا رئيسة القسم قالت ماتبيش توقع وقالت انى انعدى ندور اللى نزلنى فة قرار معيدين هو اللى وقعلى ارجوكم شن اندير عادى

صار هي حـــــــــــــواء يا تفاحتنا الخضراء ؟؟؟؟ ....ربي يهدي من خلـــــــق
بس حاوللي معاها.
موفقة ان شاء تعالي

نحن لا نعرف التفصيل الدقيقة في هدا الموضوع ممكن تكون الاساءة بدت منك اتجاة راس القسم كما قلت لكن ممكن ان تتوجة الي امين اللجنة الشعبية للكلية ويتم ايضاح هدا الموضوع لنة نادر ان حدث مثل هدا الموقف وفي حالة عدم حصولك علي اجابة مقنعة يكون الحل لدي امين اللجنة الشعبية للجامعة او الامين المساعد للشؤون العلمية ومعك طلب كتابي يوضح فية سبب مثل طلب تضلم و انا اعتقد انة لايوجد اي تعقيد