تعزية للأعضاء والمشرفين .

اخي السلام عليكم

كان ممكن يكون معاك الحق لو احتفظت باخر سطر لنفسك

بس خلي نقولك شيء يا وخيي

في اللي يقرا الموضوع ومايعرفش بشن يفيدك

انت بروحك يا اخي لو حد سألك علي موضوع وماتعرفش او ماعندكش الاجابة الوافية والاكيدة ..كنت حتجاوب

او نقولك حنسألك سؤال ومن رده حتعرف ردود غيري

كم موضوع خشيتله وقريت محتواه وطلعت من غير ماتكتب ولا رد ؟؟؟

التمس لاخيك المؤمن العذر

وفي ياما مواضيع يقعدو بالشهور ومافيش ولا اجابة وفي اللي يقرا موضوعك ومايعرفش بس في داخلة يقول ان شاء الله يوقفله من يعاونه ومن يساعده ... او مايصيرش؟؟؟
المنتدي مفتوح اللي بيشارك وبيحط معلومة وحتي اللي بيدعي بالخير لحد استفاد منه ووراه ونصحه

قداش استحقيت لحد من اصدقاءك او الناس المحيطة بيه ومالقيتاش وقتها بس بعد وقت جاك وبررلك بعد حكمك اللي زي السيف

وخيي خلي بالك واسع وتبي المعلومة حاول دور عليها وربي يعاونك يوفقك

السلام عليكم

اولا ياسراب ندعو الله تكوني حقيقة بدلا من السراب والوهم

ثانيا لو ماكتبث تعزية للاعضاء والمشرفين ماكان فيه حد رد والان شخصين ردو انتي وبنت ثانية .
ولكن مازال مافي جواب على استفساري لطلبته !
ومانبي حد يلتمس اعذار حد وكل نفسء بماكسبت رهينة

انا لاقريت مقالات ولاتفرجت ومارديت . واصلا يوم درت اشتراك ف الموفد هو نفس اليوم لكتبث طلب مساعده واستفسار

المهم انا صديق لي نصحني بموقعكم لكن الباين انه غالط ف شكره لخدماتكم .

وبعدين ياسراب بدل من اللتماس الاعذار وطرحك للاسئلة ساعديني وما تخليش الحوار يطلع عن المألوف والمطلوب .

ولو ماعندك ماتقدمي فشكرا فيه رب كريم

واخيرا يا اخت احلام حتى وان كانت ساحتك كندا انا طلبت استسفار عن ادارة البعتاث ف ليبيا

خلي تفكيرك international مش محصور في ساحة او موقع وسؤالي لم يكن عن موقع


بالسلامة

السلام عليكم ... مضى على وجودي في هذا المنتدى ما يقارب العام ومهما قلت ومهما عبرت من كلمات شكر لكل من في المنتدى فلن أوفيهم حقهم لمساعدتهم لي في كل خطوة كنت أخطوها في إجراءاتي ... كونك كتبت موضوعا لم يرد عليه أحد فهذا شئ يحصل لأي شخص وأنا أولهم فقد كنت أحيانا أكتب إستفسارات ولا أحصل على جواب ولكنني أكون متأكدة من أن لو كان بإمكان أحد مساعدتي فلن يتردد في الرد كما يحصل في أغلب المشاركات ... لا يمكن تقييم منتدى كامل فيه 24063 عضو وأكثر من193807 مساهمة استنادا على مشاركة واحدة .... لا تنظر إلى نصف الكأس الفارغ بل انظر الى النصف المملوء ( وفي الحقيقة في منتدانا الرائع الكأس شبه مملوء بالكامل ولله الحمد ) وأعدك بأنك ببقاءك في المنتدى سترى الكثير مما يسرك وستجد الكثير من المساعدة والمساندة بإذن الله تعالى فقط اصبر قليلا وحاول ان تكتب مساهمات أخرى حول أي سؤال في ذهنك و ستجد من يجيبك إن شاء الله ..
وفقك الله ويسر أمرك ...