تجمع تفويض 11 + اخر الاخبار ..

ان شاء الله خير اختي عزف المطر

ايش صار طلع كشف الأسماء الخاص بتفويض 11 اللي عنده صورة يبعثها لنا

علي حسب الكلام يوم الاحد يطلع من البعتات يعني المفروض يكون كشف الاسماء طلع والله اعلم

يوم الأحد يطلع تفويض 10 والأسبوع اللي بعدها 11 بس نبي نتأكد
اللي يراجع في طرابلس يبلغنا

تفويض 10 طلع من البعثات وتوا في الوزارة يا خوي ، من قال بيطلع الاحد

أنا من جامعة عمر المختار درنة وكل يوم احد يغلقوا في اسماء ورقم التفويض والأحد اللي فات كان تفويض 9 لا يوجد احد من الجامعة ما علقوا سماء فأنا قلت الأحد لان هذا ما وجدته بجامعة عمر المختار
وَبَارِكْ الله فيك لو تسمع اي جديد بلغنا

            اين انت ياتفويض 11 اتمنا ان تكون قد طلعت من البعتات

امتى موعد دراستك يا خالد ؟

انا ان شاء الله علي بداية شهر 7

ان شا الله نلحقو .. لاني ان شا الله نبدا 25-6 ،، وبالتوفيق للجميع

ان شاء الله خير يعني اليوم مافيه اي خبر عن تفويض قبل شوية علي صفحة الموفد علي فيس فبه واحد قال ان تفويض قعد في البعتات في الطباعة والكلام علي اروي والله اعلم

ياريت حد يفيدني تفويض 11 نقل هذا والا تفويض عادي

السلام عليكم ...انا قبل شوي كيف طلعت من البعثات و سألت بخصوص التفويض 11 فقالي الموظف الي على جهاز الكمبيوتر بأن مازال يعدو في القوائم...وان مازال شوي ...امتى يطلع من البعثات قال..مش معروف ...اسأل الله العلي القدير ان الموضوع مايطولش...بس نصيحة يجب من الجميع التأكد من الاسم نازل فى الجهاز او لا ...للان القوائم سوف تطبع قريبا إن شـاء الله ....بس حبيت نفيد خصوصا الاخوة الى خارج مدينة طرابلس و اني واحد منهم ...للاني عارف مشوار الطريق و بعد المسافة ...كما اشكر الاخ moda.pierre و kalid2010 على مجهوداتهم في هذا التجمع...اما بخصوص استفسار الاخت صرمانية حرة ..على ما اعتقد بأن قرار او تفويض النقل بروحه على ما اعتقد ..بس ياريت تزدي تتأكدي و شوفي اسمك ايضا..تمنياتي بالتوفيق للجميع

تاكيد للكلام السابق تفويض 11 ما زال في البعثات و الموظف المسؤول جازاه الله خيرا قالي ان في احتمال يطلع اليوم او غدوة و بالتوفيق للجميع

الله يبشركم بالخير جميعاً .. وان شا الله ما يطول الموضوع وتمشي الامور والبال مرتاح ..

ربي يسخرله ويتحرك من البعثات لأن الكلام هذا من يوم الأحد وهما يقولوا فيه

بارك الله فيك اخي assa وان شاء الله يتحول ت 11 وبارك الله في جميع لقرورب وان شاء الله نسمعو الاخبار في الايام الجيه ويد الله مع الجماعه...................السيلام

اسف جدا وشكرا كل شكر الي اخي moda علي كل مجهوداته وبارك الله فيه

الله يبارك في الجميع ،، اليوم سمعت من الموظف قالي ان تفويض 11 الاسبوع الجاي يتحول للوزارة .. الشكر لله وحده

السلام عليكم
الموظف قاللي امس انه مازال مادخلش الاسماء في الكمبيوتر بالنسبة لتفويض النقل، والشباب في المنتدى يقولوا تاكد انه اسمك نازل في الكمبيوتر، ماعاد فهمت شي ؛؛؛

بارك الله فيك اخي حمزه لاحظ ان الموظف هلي قالك االاسماء ما دخلت في الكمبيوتر هي لتفويض النقل ولكن نحن نتكلام عن التفويض للطلبة الجدد وهدا الاسماء موجوده في الكمبيوتر \\\\\\\ولكن تفويض النقل يقصد به الطلبة الدين يريدون تغير ساحة الدراسة من دوله الي دوله .......... والله اعلم

بارك الله فيكم علي المتابعه وبالله ما تحرموناش من اخباركم الحلوه لاني سافرت قبل التفويض وقاعدين نستنو في رحمة ربي

سلام عليكم
اخي kalid ارسلتلك علي الخاص ياريت تراسلني اريد مساعدتي ولك لكل الشكر والتقدير

اخي moda سلام عليكم ارسلتلك علي الخاص اريد مساعدتك

وشكرا

بارك الله فيك اخي خالد ولكل الشباب على التواصل. يعني نفهم ان تفويض 11 حيكون طلبة جدد مش نقل؟
انا سألت اول امس الموظف على تفويض 11 قاللي مازال مافيش حاجة اسمها تفويض 11 !!