نصيحة لكل من يريد ان يدرس في الخارج

السلام عليكم
كيف الحال
موفقيين ان شاء الله في دراستكم
اخواني الشخص المسافر وخاش على دولة ما يعرفش فيه حتى حاجة زي اللي خاش على غرفة مظلمة ويفتش على مفتاح المصباح
وقبل ما تلقى المفتاح سوف تتعتر وتصطدم وتعفس على عدة اشياء وتتخبط يديك يمن ويسار زي الغارق.
والحل قبل دخول هذه الغرفة هو جلب معك مصباح اخر لينير لك الغرفة او سؤال صاحب الغرفة عن مكان المفتاح فتعرف طريقك.
في الواقع اخي الكريم انك عند دخول هذه الدول فانك لا تعرف شئ عنها فبمجرد دخولك المطار انت شخص غريب في نفسك قبل الاخريين
لا تعرف وين تمشي والا شنو تعمل معرض لجميع الامور من نصب واحتيال وسرقة وصرفة مالك في اشياء ممكن الاستغنا عنها

لكي تكون على بينة لكم هذا القصة الحقيقة

شخص موفد اول ما ا نزل في المطار تلاقفته الايدي فاولا واحد صاحب التاكسي ضحك عليه المسافة من المطار و المكان اللي نزله فيه حقة 20 دينار اخد منه 200 دينار
اوصله لسمسار شقق ضحك عليه بشقة الليلة 400 دينار وهي لا تسحق 150 دينار ومش هكي بس اجرها يوم وليلة وعند الخروج منها دفعوه حق الكهرباء اللي لم يستخدمها وليلة ثانية 200 +400 دينار + 100 دينار للسمسار
والمشكله ان معها 12 الحقيبة ,(ليييش)
وبعد اكمال الليلة هذه بحث على شقة ثانية وضحك عليه بشقة اجراها في الشهر 3000 دينار واجارها الحقيقة 2000 دينا ر
المهم هذا الرجل تبهدل حتى وجدناه والحمد لله الان مستريح معانا
هذه القصة جعلتني افتح هذا الموضع حتى لا تكونو مثل هذا الاخ وبهدل روحه هو وعيالة
خونا هذا صرف 1100+200+3000 =4300 دينار

المهم لو طبقنا النظرية التي قلتها بتعت الغرفة المطلمة والمصباح ما حصل هذا
فلو ان هذا الاخ سئل او اتصل باحد في هذه الدولة ما حصل هذا

كا ن يستقبله في المطار هو عارف كان اجرا التاكسي ===20 دينار
واستقبله في شقته او جهز له شقة 150 دينار
واستاجر له شقة 2000 دينار
20 + 150 +2000 =2170 دينار
يعني حوالي 2100 دينار خسارة
هنا حسبنها فلوس بس من غير تعبه واتشحويره هو وعيلته
اخواني قبل ما تسافر اسئل حد استفسر خود ارقام تلفونات معروفة يساعدوك خش على النت وابحث على الدولة اللي تبي تسافر لها شوف ثقافتهم او اي معلومات قد تفيدك فهي متوفره بكثرة خفف من الشنط لتسهل حركتك استخدم الشنط الكروسه او شنط الطهر
وفي الاخير فلوسكم ياجماعة رزقة من الله ما اتحطوهاش لا في مكانها واللي يستاهلها

ان شاء الله على خير نلتقي موفقيين باذن الله تعالي
ادعولي بالتوفيق والنجاح خوكم عبد الباسط

بارك الله فيك اخي,,و الحمد لله توا تلقى في كل مدينة ليبيين ممكن ايساعدوك فقط اسال و ابحث عنهم

التخطيط السليم في كل شئ طريق الي النجاح وايضا ................... سبيل اليه ايضا شكرااااااااااا لك اخي اسلوبك رائع ومساعدتك للشخص اروع من كل الروائع ........................... بارك الله فيك وفي بلاد الغربة الله يحميك

بارك الله فيك اخي عبد الباسط وجزيت ووالديك الجنة

ونتمني كل الاخوة يحدو حدوك وهذا التصرف مش غريب علي
شعبنا الاصيل

أعزك الله ورزقك الجنة

اجمعيين اللهم اميين

السلام عليكم
هذا من شيم الكرام اخي عبدالباسط جزاك الله عن معروفك كل خير ومجرد نشرك لهذه القصة لك بها اجر بعون الله
جعل الله ذلك في ميزان حسناتك
انا كذلك تعرفت على صديق في استراليا وانا الان مزلت في ليبيا وصنع معي معروفا كثيرا ولم يبخل علي بالمساعدة وعرض على استقبالي بالمطار عند سفري لاستراليا اتمنى من الله الكريم ان يوفقه ويسدد خطاه ولا حقا سانشر لكم اخواني قصتي مع هذا الاخ الكريم واوافيكم بجميل صنيعه معي - لعل ذلك يكون قدوة لاخواننا الاخرين
عموما هذا ليس بغريب على ابناء ليبيا ابناء مدنها وبواديها على السواء
اخوكم حسن - طالب دكتوراه هندسة

بارك الله فيك جيت علي الجراح
كلامك بلسم

السلام عليكم و رحمة الله.
اسمحلي انقولك ان مش كل الليبيين الي في امريكا مستعدين يساعدو.
انت جزاك الله خير و الله يرحم والديك.
و لكن من تجربة شخصية انقولك: اني اتصلت باثنين معرفة طالب المساعدة في الاول ردو عليا رد مرحبين و بحرارة و بعدين بديت كل ما نتصل مايردش عليا حد.
تعرف حتى سؤال بسيط عن شن مصرفه و كيف اختارو المصرف و شن يميزه عن التانيين كان متعب تخيل اتقوله استقبلني في المطار و الا ساعدني نلقى حوش!!!!!!!!
و احني ان شاء الله متوكلين علي ربي و بنحاولو بأذن الله نكونو حريصين وفي اعماقنا ندعو ان يربي يطيحنا في ناس شرفاء حتى لو كانو من اجناس او ديانات تانية. و الله المستعان.

هاشمي كتب:السلام عليكم و رحمة الله.
اسمحلي انقولك ان مش كل الليبيين الي في امريكا مستعدين يساعدو.
انت جزاك الله خير و الله يرحم والديك.
و لكن من تجربة شخصية انقولك: اني اتصلت باثنين معرفة طالب المساعدة في الاول ردو عليا رد مرحبين و بحرارة و بعدين بديت كل ما نتصل مايردش عليا حد.
تعرف حتى سؤال بسيط عن شن مصرفه و كيف اختارو المصرف و شن يميزه عن التانيين كان متعب تخيل اتقوله استقبلني في المطار و الا ساعدني نلقى حوش!!!!!!!!
و احني ان شاء الله متوكلين علي ربي و بنحاولو بأذن الله نكونو حريصين وفي اعماقنا ندعو ان يربي يطيحنا في ناس شرفاء حتى لو كانو من اجناس او ديانات تانية. و الله المستعان.

وعليكم السلام
اولا لم اقل كل الليبين فافيه الصالح والطالح وان صادفة مثل هؤلا وهم مرفوع عليه القلم
ثانية انا لم اخصص شخص بعينة يمكن الاستعانة باي شخص اخر من اي جنسيات اخرى
انا شخصيا استعنت باشخاص ليسوا عرب وغير مسلميين مع ذلك سئلة
وشكرا لك اخي الكريم على الرد ونلتقي لنرتقي

مشكور أخي عبدالباسط على موضوعك اللى فعلا يهم الموفدين بشكل كبير جداً.. لابد من التخطيط المسبق الجيد والمتقن قبل السفر والتوكل على الله ..... نسأل الله ان يوفقك وأن يعينك على الخير .