المواضيع الأخيرة
» استفسار عن كورسات اللغة في ماليزيا "
أمس في 8:52 pm من طرف YURI

» أكاديمية الدراسات العليا تفتح باب القبول والتسجيل للعام 2017
أمس في 12:49 pm من طرف مدير المنتدى

» السفارة الامريكية بتونس
الخميس 01 ديسمبر 2016, 6:19 pm من طرف أبوبكر موسى حامد

» مواقع تحويل الصور الى نص باللغة العربية (OCR)
الخميس 01 ديسمبر 2016, 5:39 pm من طرف مدير المنتدى

» الملتقي الخاص بالطلبة المدرجين في تفويضات النقل أرقام ( 18 ، 19 )
الأربعاء 30 نوفمبر 2016, 9:06 pm من طرف amir libya

» يمكنك أن تشفي نفسك
الأربعاء 30 نوفمبر 2016, 3:33 pm من طرف NAIMA BASHER

» تعرف على قصة اللاجئ السوري الذي وصل لكندا مصطحباً معه مليون ونصف مليون دولار
الثلاثاء 29 نوفمبر 2016, 11:35 pm من طرف amir libya

» قرار ايفاد رقم 628/2015
الثلاثاء 29 نوفمبر 2016, 12:56 pm من طرف عبدالوهاب قليوان

» كتاب كيف تعد رسالة دكتوراه بصيغة PDF
الثلاثاء 29 نوفمبر 2016, 11:14 am من طرف Dhedah

» الدراسة في اسكتلندا
الأحد 27 نوفمبر 2016, 4:08 pm من طرف Abu Mohamed

» موقع مميز لحل المعادلات الرياضية
السبت 26 نوفمبر 2016, 6:23 pm من طرف مدير المنتدى

» دكتوراه في الجيوفيزياء
السبت 26 نوفمبر 2016, 4:30 pm من طرف Abdulhamid Jabbr

» للباحثين فالارشيف ..جدول يبين لكم مايقابل تقويم الهجري ووفاة الرسول ( القمري - الشمي ) بالتقويم الميلادي .
الجمعة 25 نوفمبر 2016, 7:14 pm من طرف amir libya

» دراسة الدكتوراة في المانيا
الجمعة 25 نوفمبر 2016, 5:23 pm من طرف ashawish

» اي معلومة بخصوص الدراسة في المانيا انا في الخدمة
الجمعة 25 نوفمبر 2016, 4:56 pm من طرف ashawish

المواضيع الأخيرة
المواضيع منذ آخر زيارة لي
 استعرض مُساهماتك
 المواضيع التي لم يتم الرد عليها
الموفد على الفيس بوك ...

تجربتي في السفارة الامريكية

صفحة 1 من اصل 2 1, 2  الصفحة التالية

استعرض الموضوع السابق استعرض الموضوع التالي اذهب الى الأسفل

تجربتي في السفارة الامريكية

مُساهمة من طرف rasha mo في الإثنين 07 يوليو 2014, 10:41 am


السلام عليكم ورحمة الله وبركاته
شكرا جزيلا علي كل دعواتكم
قال تعالى ( قل لن يصيبنا إلا ما كتب الله لنا )  
انا امنت بهده الأية واقتنعت بها اقتناعا كاملا مع اني كنت اجهز نفسي لهدا اليوم مند ثلاثة شهور واني نستنى في هده اللحظة وكل مرة نقرا في موقع
الموفد بمعنى صميتا صمان وحفظ ونسمع في أراء متضاربة حول قبول الليبيين في الأردن فيه اللي يقول رفضوني بسبب غير معروف وفي اللي يقول علي حظك لكن هدا كله خطا خلي همك الأول التوكل على الله كما فعلت انا والثقة الكاملة والأجابة النمودجية والقصيرة اني اليوم كان موعدي الصبح الساعة 9 صليت الفجر والصبح  طلعت الساعة 6.5 احتياطا قلت مرات ياخد مني التفتيش وقت هلبا دهبت انا واخي كمرافق اني وياه من مواليد 95 مع اني حاطة في بالي ان حيرفضوني مش ما ننصدمش وقلت انا هده المقابلة عبارة عن تجربة ليا ومش حيقبلوني من أول مرة دهبت الساعة السادسة ونصف طبعا ضروري ملابس رسمية لانها توحي بأنك مهتم بهده التأشيرة دهبت الساعة 6.5 لقيت فيه طابور فدامي مكون من حوالي 9 أشخاص كلهم لقيتهم لابسين لبس عادي لا يوحي انهم داهبون الى مقابلة رسمية
فشديت انا وأخي الطابور وقعدنا نراجوا حوالي نص ساعة ودخلونا على اول بوابة تفتيش طلبوا منا ورقة تأكيد الموعد وكدلك رسوم التأشيرة ومرينا على جهاز
لكشف الحديد اللي عندا حزام ينحيه من الأول او اكسسورات مش لازم تلبسوهم وبعدين يكتبولك على ورقة تأكيد الموعد حروف انجليزية تدل على أن
 البوابة الاولي رأت هده الورقه  وبعدها هناك طابور اخر وهناك شباك تقدم لهم (i-i-20) 
 و رسوم السيفز ورسوم التأشيرة وجواز السفر وصورة شخصية (5 في 5 )  وبعدين يعطوك الأوراق اللي عطيتهولهم ويعطوك رقمك اللي بتقابل بيه وبعدين فيه باب اسمه الدخول انترنس تخش منه طبعا فيه بوابة ثانية تفتيش
اللي عندا تلقون يعطيهولك يعطوك رقم سكيورتي مش وانت طالع تاخد اشياءك وتمر على جهاز دقيق لكشف المعادن وهكدا تطلع من الباب واني لقيت فيه شرطية أشرتلي علي الباب اللي نمشيله دخلت من الباب لقيت وحدة اجنبية امامي وراء الشباك تبتبسم طلبت مني بصمات الكترونية وكدلك طلبت مني الأوراق اللي قدمتهم للشباك السابق وهكدا طلبت مني الدخول الى باب هناك صالة انتظار انتظرت فيها ----- ويوجد هناك كثير من الشبابيك حيث اجراء المقابلة يتم هناك وهناك شاشة الكترونية فوق كل شباك يكتبوا عليها الرقم اللي يبوا يقابلوه وطبعا انت عندك رقمك وطبعا من اول ما خشيت متوقعة انا يرفضوني لكني الأبتسامة لم تفارق وجهي وضروري منها لأن من على بعد 100 متر من على السفارة يوجد هناك كاميرات تراقبك وتراقب تصرفاتك وتوترك
  لهدا دائما ابتسموا  شخص ورا شخص دخل للشباك وحينها جاء دوري أنا واخي القيت عليه التحية بأبتسامة بعد ذلك اخذ مني (I-20)ورقة السيفيس و رسوم السفارة وجواز السفر وكذلك بالنسبة لاخي اول سؤال سئلهولي قالي ماذا يقربلك الشخص الي في جنبك قلتله اخي بعدي قالي علاش ماشية لامريكيا قلت ماشية للدراسة اني واخي كمرافق بتشتغلي قلتله لا قاعدة طالبة وكذلك سأل خوي قاله بتشتغل قاله لا قاعد طالب وبعدها سألني عندك اقارب في امريكيا قلتله ايه عندي  اختي قالي شن ادير قلتله تدرس وبعدها قالي شن بتقري في بورتلاند قلتله بعد سنة اللغة عازمة ان بنتخصص ادب انجليزي لان اني كاتبة اشعار وقصص قصيرة اها ........وبعدين السؤال الاهم قالي من بيتكفل بدراستك قلته اولا الدولة  هيا الي ببتكفل وقلتله في حال صار اي شي او انقطعت المنحة عندي  اقرار وتعهد من اختي وابي بضمان تغطيتهم لجميع مصاريفنا في الولايات المتحدة الامريكية وبضمان رجوعنا(وطبعا الوراقي هادم كلا من اختي وابي كتب  اقرار وتعهد عند محر عقود وكذلك تم ختمهم في وزارة الخارجية والخبرة القضائية وتم ترجمتهم مرفقين بكشف حساب مترجم ومختوم لكليهما)....المهم قعد يطبع في حاجات عالكمبيوتر ومرة مرة يفنص وخلاص اني من غير ما نندري قلت اللهم اني توكلت عليك...  ومع كل اجابة انجوبها نشبح في عيونه مباشرة لان قالك لكل حركة عين ليها معني في علم النفس توحي بالتوتر و بعدها القيته يدبس في ورق علي كل من جوازي وجواز سفر خوي  وبعدها قالي تم قبول طلبكم للفيزا لامريكية قلته بجديات اني معش عرفت شن انقول قلتله شكرا قعد يضخك قالي بالانجليزي ي(  he said to me you seem surprised  ا)
قلتله شكرا قالي تعالي استلمي جوازك بعد يومين 9/7 واعطاني ورقتين مش نستلم بيهم الجواز والحمدلله والشكر لله

وطبع ادعو هدا الدعاء (وجعلنا من بينهم سدا ومن خلفهم سدا فأغشيناهم وهم لا يبصرون)ا هدا مافارقش لساني ولا لحظة

وانشالله ربي يفتحها قدامكم ويسخرها حتي لو ارتفضتو  عأعلم ان الله يعلم انه ليس لك او انك غيرمستعد او لن تقدر علي تحمله الان او هناك قادم افضل لك فإرضي بما كتبه الله لك وقل الحمد لله وانشالله بالتوفيق لكم جميعا وباذن الله والدي عنده مقابلة ايضا يوم 10/7 يوم الخميس كازائر لان عندة دعوة من اختي وسأوفيكم بالجديد انشاءالله واي سؤال تفضلو

rasha mo
موفد مشارك
موفد مشارك

انثى عدد المساهمات : 36
نقاط : 2460
نقاط السٌّمعَة : 10
تاريخ التسجيل : 13/04/2014

الرجوع الى أعلى الصفحة اذهب الى الأسفل

رد: تجربتي في السفارة الامريكية

مُساهمة من طرف Maref في الثلاثاء 08 يوليو 2014, 2:47 am

ألف مبروك أختي. شكرا علي المشاركة طمنتينا. بالتوفيق وعقبالي يارب.

Maref
موفد مشارك
موفد مشارك

انثى عدد المساهمات : 45
نقاط : 3296
نقاط السٌّمعَة : 22
تاريخ التسجيل : 19/02/2014

الرجوع الى أعلى الصفحة اذهب الى الأسفل

رد: تجربتي في السفارة الامريكية

مُساهمة من طرف ahmed eissa في الثلاثاء 08 يوليو 2014, 3:18 am

العاقبة عندنا يارب والي كل الطامحين في الدراسة لامريكا ياااااااااااااااااااااارب

ahmed eissa
موفد نشيط
موفد نشيط

ذكر عدد المساهمات : 57
نقاط : 2728
نقاط السٌّمعَة : 14
تاريخ التسجيل : 30/01/2014

الرجوع الى أعلى الصفحة اذهب الى الأسفل

رد: تجربتي في السفارة الامريكية

مُساهمة من طرف ORicAigOs في الثلاثاء 08 يوليو 2014, 7:38 am

الف الف مبروك وربي يوفقك ، وان شاء الله تسهل الامور وتفتح الساحة الامريكية

_______________________________


ORicAigOs
موفد فعال
موفد فعال

ذكر عدد المساهمات : 264
نقاط : 6472
نقاط السٌّمعَة : 24
تاريخ التسجيل : 05/11/2012

الرجوع الى أعلى الصفحة اذهب الى الأسفل

رد: تجربتي في السفارة الامريكية

مُساهمة من طرف احمد الجزار في الثلاثاء 08 يوليو 2014, 11:53 am

الف مبروك وعقبالنا تي خوفتيني زياده قاعد نحس فيه فيلم رعب ^^

احمد الجزار
موفد نشيط
موفد نشيط

ذكر عدد المساهمات : 89
نقاط : 3506
نقاط السٌّمعَة : 34
تاريخ التسجيل : 15/02/2014

الرجوع الى أعلى الصفحة اذهب الى الأسفل

رد: تجربتي في السفارة الامريكية

مُساهمة من طرف المسماري في الثلاثاء 08 يوليو 2014, 4:56 pm

أولاً ... أختي الكريمة "رشا" 1000 ألف مبرووووووك حصولك على التأشيرة الأمريكية.
ثانياً ... أنا مريت بنفس تجربتك حيث إني أجريت المقابلة يوم 11-06-2014 ولكن قوبل طلبي للأسف بالرفض ، وكانت أسئلتهم لي كالتالي: (مع العلم بأن المقابلة باللغة الأنجليزية)
لماذا تريد التأشيرة الامريكية؟ قلتله لدراسة اللغة الانجليزية
لماذا أخترت أمريكا؟ لان معاهد اللغة بها قوية وكذلك لان الجامعات الامريكية من أفضل الجامعات وأخترت مدينة (دايتون) لان بها تخصصي وبها مدرسة ليبية حتى يدرس بها أطفالي.
ماهو التخصص المراد دراسته؟ ماجستير الادارة الهندسية
هل معك كشف درجات؟ نعم وعطيته له (مع العلم بأني متخرج مع درجة الشرف)
متى كانت سنة التخرج؟ أجبته 1998
أنت من فترة متخرج ، ليش تبي تقرأ توه؟ قلتله عشان نقوي لغتي الانجليزية وكذلك أنحسن مستواي الأكاديمي.
شنوا درت خلال قترة تخرجك إلى الان؟ قلتله أشتغلت في عدة شركات ليبية وأجنبية.
شنوا أسم الشركات؟ عددتهن له.
بعدها طبع عالكمبيوتر وقاللي متأسف أنت طلبك مرفوض ...
والمفاجأة بأن سبب الرفض عدم وجود روابط قوية أتخليك ترجع لبلدك بعد التخرج (مع العلم بأني جايب تعهد من العمل بالعودة وكذلك جايب مستندات تثبت ملكيتي لسكن وقطع أراضي) لكن هو ماطلبش مني هذه البيانات ورفضني على طول.
لكن في وقتها كان فيه مشاكل مالية بين المكتب الكندي والدولة الليبية وكان فيه مراسلة من البعثات بإيقاف الايفاد لامريكا وكندا بشكل مؤقت.
بالنسبة ليا أنا أستبعدت أمريكا نهائيا من حساباتي ({وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} وأتمنى لكل موفد ليبي التووووووفيق.
ألف مبروك أختى "رشا".

المسماري
موفد جديد
موفد جديد

ذكر عدد المساهمات : 8
نقاط : 4562
نقاط السٌّمعَة : 10
تاريخ التسجيل : 13/12/2010

الرجوع الى أعلى الصفحة اذهب الى الأسفل

رد: تجربتي في السفارة الامريكية

مُساهمة من طرف Farouk في الثلاثاء 08 يوليو 2014, 6:54 pm

مبارك
الحق فرحتلك بالتوفيق ان شاء الله

سئلك ع الجامعة والا شن قريتى ف ليبيا ؟
وين قدمتيى ؟ اى سفارة  الاردن والا وين ؟

وسؤال تانى معليشى
علاش اخترتي بورتلاند وشن رأيك فى احسن الولايات الامريكيه بما أنك ماشاء الله قررتي وعندك اقارب غادى
بش تنصيحنا

انا بنقرا لغه وبعده ماجستير

وشكررااا

_______________________________

https://twitter.com/Ferooo

Farouk
موفد مشارك
موفد مشارك

ذكر عدد المساهمات : 24
نقاط : 3009
نقاط السٌّمعَة : 10
تاريخ التسجيل : 27/07/2013

الرجوع الى أعلى الصفحة اذهب الى الأسفل

رد: تجربتي في السفارة الامريكية

مُساهمة من طرف Naeima M Arrad في الأربعاء 09 يوليو 2014, 5:44 am

الف مبروك وحظ اوفر للغير

نبي نسألك علة
اقرار وتعهد من اختي وابي بضمان تغطيتهم لجميع مصاريفنا في الولايات المتحدة الامريكية وبضمان رجوعنا(وطبعا الوراقي هادم كلا من اختي وابي كتب اقرار وتعهد عند محر عقود وكذلك تم ختمهم في وزارة الخارجية والخبرة القضائية وتم ترجمتهم مرفقين بكشف حساب مترجم ومختوم لكليهما).

هل ضروري وهل هو اساسا مطلوب

Naeima M Arrad
موفد نشيط
موفد نشيط

انثى عدد المساهمات : 59
نقاط : 3272
نقاط السٌّمعَة : 10
تاريخ التسجيل : 08/12/2013

الرجوع الى أعلى الصفحة اذهب الى الأسفل

رد: تجربتي في السفارة الامريكية

مُساهمة من طرف rasha mo في الأربعاء 09 يوليو 2014, 11:22 am

شكرا جزيلا لكم وانشالله عقبالكم وانشالله يا ربي يفتحها ويسخرها قدامكم واتمني لكم التوفيق

rasha mo
موفد مشارك
موفد مشارك

انثى عدد المساهمات : 36
نقاط : 2460
نقاط السٌّمعَة : 10
تاريخ التسجيل : 13/04/2014

الرجوع الى أعلى الصفحة اذهب الى الأسفل

رد: تجربتي في السفارة الامريكية

مُساهمة من طرف rasha mo في الأربعاء 09 يوليو 2014, 11:24 am

@احمد الجزار كتب:الف مبروك  وعقبالنا   تي  خوفتيني  زياده  قاعد  نحس  فيه فيلم  رعب ^^

ههههههه لالا ياستاذ احمد ماتخافش توكل علي ربي وخلاص سلم نفسك ليه والي فيه الخير انشالله ربي يجعله من نصيبك

rasha mo
موفد مشارك
موفد مشارك

انثى عدد المساهمات : 36
نقاط : 2460
نقاط السٌّمعَة : 10
تاريخ التسجيل : 13/04/2014

الرجوع الى أعلى الصفحة اذهب الى الأسفل

رد: تجربتي في السفارة الامريكية

مُساهمة من طرف rasha mo في الأربعاء 09 يوليو 2014, 11:36 am

@المسماري كتب:أولاً ... أختي الكريمة "رشا" 1000 ألف مبرووووووك حصولك على التأشيرة الأمريكية.
ثانياً ... أنا مريت بنفس تجربتك حيث إني أجريت المقابلة يوم 11-06-2014 ولكن قوبل طلبي للأسف بالرفض ، وكانت أسئلتهم لي كالتالي: (مع العلم بأن المقابلة باللغة الأنجليزية)
لماذا تريد التأشيرة الامريكية؟ قلتله لدراسة اللغة الانجليزية
لماذا أخترت أمريكا؟ لان معاهد اللغة بها قوية وكذلك لان الجامعات الامريكية من أفضل الجامعات وأخترت مدينة (دايتون) لان بها تخصصي وبها مدرسة ليبية حتى يدرس بها أطفالي.
ماهو التخصص المراد دراسته؟ ماجستير الادارة الهندسية
هل معك كشف درجات؟ نعم وعطيته له (مع العلم بأني متخرج مع درجة الشرف)
متى كانت سنة التخرج؟ أجبته 1998
أنت من فترة متخرج ، ليش تبي تقرأ توه؟ قلتله عشان نقوي لغتي الانجليزية وكذلك أنحسن مستواي الأكاديمي.
شنوا درت خلال قترة تخرجك إلى الان؟ قلتله أشتغلت في عدة شركات ليبية وأجنبية.
شنوا أسم الشركات؟ عددتهن له.
بعدها طبع عالكمبيوتر وقاللي متأسف أنت طلبك مرفوض ...
والمفاجأة بأن سبب الرفض عدم وجود روابط قوية أتخليك ترجع لبلدك بعد التخرج (مع العلم بأني جايب تعهد من العمل بالعودة وكذلك جايب مستندات تثبت ملكيتي لسكن وقطع أراضي) لكن هو ماطلبش مني هذه البيانات ورفضني على طول.
لكن في وقتها كان فيه مشاكل مالية بين المكتب الكندي والدولة الليبية وكان فيه مراسلة من البعثات بإيقاف الايفاد لامريكا وكندا بشكل مؤقت.
بالنسبة ليا أنا أستبعدت أمريكا نهائيا من حساباتي ({وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} وأتمنى لكل موفد ليبي التووووووفيق.
ألف مبروك أختى "رشا".

شكرا بارك الله فيك وانشالله ربي يسخرها قدامك ...............هوا صح كان فيه مشاكل بين الدوله الليبية والمكتب الكندي لان اني شخصيا امشيت للساحة الامريكية في ادارة البعثات قلتلهم شن سبب الرفض قالولي علي اساس كانو بيتعاقدو مع مكتب تاني اسمه المكتب الليبي الامريكي لكن توا مددوه سته شهور تانيات ..... طبعا اني كلامهم مأثرش فيا قلت خلي نمشي انديرها وخلاص لان اموري كلها واتيه لكن باهي الحمدلله (ومن يتوكل علي الله فهو حسبه) وانشالله بالتوفيق .......

rasha mo
موفد مشارك
موفد مشارك

انثى عدد المساهمات : 36
نقاط : 2460
نقاط السٌّمعَة : 10
تاريخ التسجيل : 13/04/2014

الرجوع الى أعلى الصفحة اذهب الى الأسفل

رد: تجربتي في السفارة الامريكية

مُساهمة من طرف rasha mo في الأربعاء 09 يوليو 2014, 11:52 am

@Farouk كتب:مبارك
الحق فرحتلك بالتوفيق ان شاء الله

سئلك ع الجامعة والا شن قريتى ف ليبيا ؟
وين قدمتيى ؟ اى سفارة  الاردن والا وين ؟

وسؤال تانى معليشى
علاش اخترتي بورتلاند  وشن رأيك فى احسن الولايات الامريكيه بما أنك ماشاء الله قررتي وعندك اقارب غادى
بش تنصيحنا

انا بنقرا لغه وبعده ماجستير

وشكررااا

شكرا بارك الله فيك يا أستاذ فاروق وانشالله عقبالك با ربي........لا ماسألنيش عالجامعه ولا شن كان تخصصي بس إسألني شن بتقري في أمريكيا قلتله عازمه ان بعد مانقرا سنة اللغة بنتخصص ادب انجليزي ......... ايه السفارة الامريكية الي في الاردن عمان ........اني اختي وزوجها في بورتالاند اني بحثت عليها هلبا الولاية هادي واسمعت من كل المصادر ان الولاية هادي العيش فيها مناسب وكدلك مستوي الامان فيها عالي وكل الجامعات الي فيها حازت علي التراتيب المتقدمه من بين الجامعات الموجوده في امركيا وان هيا من اكثر الولايات الي تدعم في الطلبه الدوليين وترحب بيهم وكدلك تدعم التنوع الثقافي ويساعدو هلبا قصدي علي حسب مايقولو ان كويسه لليبيين بصفه عامه وزي ما قلتلك اختي غادي واثبتتلي صحة الكلام هدا تشكر فيها هلبا.........................وكدلك بعض الاشخاص ايأيدو في ولايات بنسيلفينيا وفلوريدا.......اني الي خشت في بالي اكثر بورتالاند...........وانشالله بالتوفيق ليك يارب وتحصلها الفيزا ويسخرها قدامك

rasha mo
موفد مشارك
موفد مشارك

انثى عدد المساهمات : 36
نقاط : 2460
نقاط السٌّمعَة : 10
تاريخ التسجيل : 13/04/2014

الرجوع الى أعلى الصفحة اذهب الى الأسفل

رد: تجربتي في السفارة الامريكية

مُساهمة من طرف rasha mo في الأربعاء 09 يوليو 2014, 12:03 pm

@Naeima M Arrad كتب:الف مبروك وحظ اوفر للغير

نبي نسألك علة
اقرار وتعهد من اختي وابي بضمان تغطيتهم لجميع مصاريفنا في الولايات المتحدة الامريكية وبضمان رجوعنا(وطبعا الوراقي هادم كلا من اختي وابي كتب  اقرار وتعهد عند محر عقود وكذلك تم ختمهم في وزارة الخارجية والخبرة القضائية وتم ترجمتهم مرفقين بكشف حساب مترجم ومختوم لكليهما).

هل ضروري وهل هو اساسا مطلوب

شكرا بارك الله فيك يا اختي وانشالله موفقه ياربي...........لا هما الوراقي هادم مش مطلوبات ولكن انتي مادابيك ايكون عندك اثباتات قويه انك بترجعي لبلادك واديري كل احتياطاتك التامة يعني تدعمي اجاباتك بوثائق اني متع القنصل سألني من بيدفع عليك قلتله......اني مداير كل الاحتياطات مش انكمل دراستي قلتله الدوله هيا الي بتدفع عليا وكان صار اي حاجة او الدوله وقفت عليا المنحة قلتله عندي اقرار وتعهد من ابي واختي ان حايغطو جميع المصاريف وكدلك تعهدهم بروجعنا ....لكن يا اختي انتي مادابيك وتي اجاباتك علي كل سؤال يمكن يسئلهولك مدعومات بوثائق علي الاحتياط ...علما بان اني لما قلتله تبي رسالة الدعم والاقرار قالي لا مش مشكلة ماخداش مني ولا ورقه لا ملكيات حتي قبول الجامعه لا اخدي مني الاي تونتي ورسوم السيفيس وجواز السفر فقط لا غير....
وانشالله بالتوفيق

rasha mo
موفد مشارك
موفد مشارك

انثى عدد المساهمات : 36
نقاط : 2460
نقاط السٌّمعَة : 10
تاريخ التسجيل : 13/04/2014

الرجوع الى أعلى الصفحة اذهب الى الأسفل

رد: تجربتي في السفارة الامريكية

مُساهمة من طرف rasha mo في الأربعاء 09 يوليو 2014, 12:16 pm

اني اليوم بحمد الله امشيت اني خوي لاستلام الجوازات لما خشيت القيت فيه ليبيين قدامي طابور مكون من ستة جايين يستلمو في جوازاتهم كلهم عزاب وفي واحد تاني جاي هو وزوجته .......قلت .باهي الحمدلله اهو بوادر الانفراج بدت تظهر ..........وانشالله خير وبالتوفيق للجميع لكن اهم شي التوكل علي ربي وبعدين ابدي هيئ روحك وتي وراقيك ماتهزاش علي ولا ورقه وتي اجاباتك ادرب علي كل شي اني الحمدلله بفضل لله اولا ثم موقع الموفد اني الموقع هدا صميتا صمان وقعدت انجمع في كل الاسئلة ونوتي في اجابتها وطبعا بالاضافة ان اني قعدت نخش علي مواقع علم النفس وكيف تتصرف في المقابلات وكيف حركة عينك و ووقفتك اتكون وكيف جلستك وهكدا ........................... وانشالله خير وربي يفتحها قدامكم يا رب

rasha mo
موفد مشارك
موفد مشارك

انثى عدد المساهمات : 36
نقاط : 2460
نقاط السٌّمعَة : 10
تاريخ التسجيل : 13/04/2014

الرجوع الى أعلى الصفحة اذهب الى الأسفل

هل من جديد في منح أو تسهيل الـتأشيرة الامريكية أو أي شي بالخصوص

مُساهمة من طرف ahmed eissa في الجمعة 11 يوليو 2014, 6:28 pm

السلام عليكم
اخوتي الاعزاء هل من تجارب جديدة في الايامات القليلة الماضية بخصوص التاشيرة وسهولة منحها الي عنده معلومة ياريت يفيد الجميع وجزاكم الله الف خير مسبقا في هذا الشهر الكريم ,,,,

ahmed eissa
موفد نشيط
موفد نشيط

ذكر عدد المساهمات : 57
نقاط : 2728
نقاط السٌّمعَة : 14
تاريخ التسجيل : 30/01/2014

الرجوع الى أعلى الصفحة اذهب الى الأسفل

رد: تجربتي في السفارة الامريكية

مُساهمة من طرف chemicalengineer99 في الجمعة 11 يوليو 2014, 9:20 pm

الي الاخت رشا: لازم رسالة دعم لغرض التأشيرة من المكتب الكندي؟

chemicalengineer99
موفد مشارك
موفد مشارك

ذكر عدد المساهمات : 21
نقاط : 2084
نقاط السٌّمعَة : 12
تاريخ التسجيل : 20/06/2014

الرجوع الى أعلى الصفحة اذهب الى الأسفل

رد: تجربتي في السفارة الامريكية

مُساهمة من طرف chemicalengineer99 في السبت 12 يوليو 2014, 4:56 pm

ممكن حد يساعدني في الاجابة علي هذا السؤال وهو بخصوص رسالة الدعم لغرض التأشيرة من المكتب الكندي؟ هناك استفسار بخصوص رسالة الدعم من الوزارة هل هناك فترة صلاحية؟ أنا رسالة الدعم صادره في يوم 19/03/2014 هل نحتاج واحدة جديدة لان هناك من قال 3 او 6 شهور؟ الاجابة في أقرب وقت. سلام

chemicalengineer99
موفد مشارك
موفد مشارك

ذكر عدد المساهمات : 21
نقاط : 2084
نقاط السٌّمعَة : 12
تاريخ التسجيل : 20/06/2014

الرجوع الى أعلى الصفحة اذهب الى الأسفل

رد: تجربتي في السفارة الامريكية

مُساهمة من طرف ahmed eissa في الأحد 13 يوليو 2014, 5:58 am

السلام علكم يا chemicalengineer99 علي حد علمي 6 شهور وزيد اتاكد ,,, موفق

ahmed eissa
موفد نشيط
موفد نشيط

ذكر عدد المساهمات : 57
نقاط : 2728
نقاط السٌّمعَة : 14
تاريخ التسجيل : 30/01/2014

الرجوع الى أعلى الصفحة اذهب الى الأسفل

رد: تجربتي في السفارة الامريكية

مُساهمة من طرف ahmed eissa في الأحد 13 يوليو 2014, 6:01 am

السلام علكم يا chemicalengineer99 علي حد علمي 6 شهور وزيد اتاكد ,,, موفق

ahmed eissa
موفد نشيط
موفد نشيط

ذكر عدد المساهمات : 57
نقاط : 2728
نقاط السٌّمعَة : 14
تاريخ التسجيل : 30/01/2014

الرجوع الى أعلى الصفحة اذهب الى الأسفل

رد: تجربتي في السفارة الامريكية

مُساهمة من طرف chemicalengineer99 في الأحد 13 يوليو 2014, 3:53 pm

شكرا لك سيد أحمد. وتوا انشوفوا رشا شن تقول بخصوص رسالة المكتب الكندي لغرض التاشيرة.

chemicalengineer99
موفد مشارك
موفد مشارك

ذكر عدد المساهمات : 21
نقاط : 2084
نقاط السٌّمعَة : 12
تاريخ التسجيل : 20/06/2014

الرجوع الى أعلى الصفحة اذهب الى الأسفل

رد: تجربتي في السفارة الامريكية

مُساهمة من طرف ahmed eissa في الإثنين 14 يوليو 2014, 3:08 am

منور يا chemicalengineer99 وإن شـاء الله بالتوفيق لينا ياااارب وكان حصلت إجابة نورنا بالله عليك

ahmed eissa
موفد نشيط
موفد نشيط

ذكر عدد المساهمات : 57
نقاط : 2728
نقاط السٌّمعَة : 14
تاريخ التسجيل : 30/01/2014

الرجوع الى أعلى الصفحة اذهب الى الأسفل

رد: تجربتي في السفارة الامريكية

مُساهمة من طرف ahmed eissa في الإثنين 14 يوليو 2014, 3:37 am

منور يا chemicalengineer99 وإن شـاء الله بالتوفيق لينا ياااارب وكان حصلت إجابة نورنا بالله عليك

ahmed eissa
موفد نشيط
موفد نشيط

ذكر عدد المساهمات : 57
نقاط : 2728
نقاط السٌّمعَة : 14
تاريخ التسجيل : 30/01/2014

الرجوع الى أعلى الصفحة اذهب الى الأسفل

رد: تجربتي في السفارة الامريكية

مُساهمة من طرف kikokalazo في الثلاثاء 22 يوليو 2014, 4:24 pm

السلام عليكم ورحمة الله وبركاته
اولا اااالف مبروك على حصولك التاشيرة .. وربي يوفقك في مجال دراستك

انا نفسك مريت بنفس التجربة في شهر مارس ودرت مقابلة في الاردن .... ومارفضونى وقالولى روح الى بلدك نبوا نتاكذو من المعلومات الا كاتبها في الابليكيشن ...لانى كاتبه بروحي بدون مساعدة
وفكرة الابتسامة صبحان الله ...حتى انا ممكن نضحك من الفنذق ...وكان يوم المقابلة صعب عليا لانها في شباك امامى رفض 9 اشخاص وخفت ونشبح في الناس تطلع زعلانة واخر واحد دار عركة وبدى يناقش ,, وجاء الامن ورفعة وكان اردني الجنسية
وم سوى حظي يجى انا بعدة على طول في نفس الشباااك .......... بس لله الحمد امشت الامور وتوفيق من الله ..ودعوات الوالدين ورضاهم ...والابتسامة ما نحكيلك في وقت المقابلة ...32 سن يبانوا انا وفي خاطري من جوى نقول بترفظني

اعطتنى ورقة برتقالية وقالتى نحن لم نرفضك بس نريد التاكد من بعض المعلومات ... وانا انخلعت وقلتلها شنوا يعنى نراجيكم هنا او نروح الى ليبيا .... وبعدين نوليلكم ...قالتى اقراء الورقة وتوى تفهم ..واى شي نطلبوا منك ابعته على الارمكس..... وفعلا شهر 6 ..اتصلوا بيا وقالولى ابعت جواز سفرك

وبعته وانا خايف بعد 20 يوم رجعالى ليبيا وفيه التاشيرة .
والله الحمد لله


بس عندي سوال بعد هذه القصة الطويلة ...^^

انا توى التاشيرة سنه معلقة من شهر 6
والدراسة تبدى في شهر 5 الا فات ...ضروري نجدد i -20 قبل السفر بتريخ جديد او عدي يمشي في المطار i -20 الاول امتاع شهر 5
وللعلم الدراسة سنه لغة انجليزي في ولاية كلورادوا

وربي يوفق الجميع

kikokalazo
موفد مشارك
موفد مشارك

ذكر عدد المساهمات : 26
نقاط : 2772
نقاط السٌّمعَة : 22
تاريخ التسجيل : 18/11/2013

الرجوع الى أعلى الصفحة اذهب الى الأسفل

رد: تجربتي في السفارة الامريكية

مُساهمة من طرف السبهاوى في الثلاثاء 22 يوليو 2014, 9:33 pm

وعليكم السلام
اولا مبروك التأشيرة
ضرورى I-20 جديد راسل المعهد ويبعتو ليك I-20 تانى

السبهاوى
موفد فعال
موفد فعال

ذكر عدد المساهمات : 137
نقاط : 4458
نقاط السٌّمعَة : 84
تاريخ التسجيل : 10/04/2013

الرجوع الى أعلى الصفحة اذهب الى الأسفل

رد: تجربتي في السفارة الامريكية

مُساهمة من طرف kikokalazo في السبت 26 يوليو 2014, 7:32 am

@السبهاوى كتب:وعليكم السلام
اولا مبروك التأشيرة
ضرورى I-20 جديد راسل المعهد ويبعتو ليك I-20 تانى


شكرا اخي السبهاوي للرد عليا

بس نعاني في مشكلة ..انا ماجل الدراسة مرتين بسبب التاشيرة ..وكل مرى ناخد في i-20 جديد توى وين نبي نسافر باجل لشهر 8 قالولى ادفع زي الضريبة او غرامة التاجل ..300$ وانا ما عندي مشكلة ندفع بس طريقة الا نجربها مابتش تمشي اعطيتهم كرت الفيزا ورقمها امتاع الامان قالولى ماتخدم عندنا بعتلهم من مصرف الواحة تحويل من حسابي لتوى ما وصل لحسابهم في امريكا ...
حقيقتا انا في مشكلة ........ذلك قعدت ندور في حد في امريكا نحولى الفلوس او نعطيهم الى اهلة في ليبيا باش يخلصلي حق التاجل
وانت زي ما عارف المصارف واقفة توى مسكرين

kikokalazo
موفد مشارك
موفد مشارك

ذكر عدد المساهمات : 26
نقاط : 2772
نقاط السٌّمعَة : 22
تاريخ التسجيل : 18/11/2013

الرجوع الى أعلى الصفحة اذهب الى الأسفل

صفحة 1 من اصل 2 1, 2  الصفحة التالية

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى