نقاش حول أرخص كيفية للاتصال بالأهل (بمحمول وأرضي) ... متجدد

السلام عليكم :
أخوكم الترهوني يدرس على حسابه الخاص ويعمل.
الحياة والدراسة بالطريقة هاذي في بلد متقدم صعبة جدا ومكلفة والله ومع هذا صابر وإنا الله مع الصابرين.
أني طبعا وخاصتا في الاعياد والمناسبات سواء المفرحة أو المحزنة نتصل بالأهل ونواصل ولكن مكلفة والله.
أخوتي الطلبة إذا تعرف طريقة للاتصال رخيصة (برقم في ليبيا وليس على الانترنت يعني هاتف محمول) للاتصال بالأهل ورخيصة أفودونا بالله أفادكم الله انشاء الله.
المقصد هنا أن العائلة لا تستعمل الانترنت في البيت يجب الاتصال على المحمول أو الارضي.
بس أنا أستعمل الانترنت وعندي خط سريع, يعني ممكن نتصل بالانترنت ولكن الطرف الاخر عنده محمول.

وشكرا
والله يرحم والديك ويحفظك وينجحك في دراستك يا رب
أخوكم الترهوني من ولاية أوريقون
ما تنساش البسيسة والزميتة

يمكنك الاتصال من خلال برنامج skype على اي رقم تلفون أرضي أو محمول وبتكلفة أقل بكثير من الاتصالات الدولية.


الرسوم لكل دولة موجود على موقع البرنامج

[ندعوك للتسجيل في المنتدى أو التعريف بنفسك لمعاينة هذا الرابط]

ربي يعينك اخي الترهوني وانشالله ربي يسهلك امورك ويوفقك وانشالله ربي يعل كل مناسباتك سعيدة

لكن الاتصال ماعندي فكرة الله غالب وربي يسخرلك انشالله

السلام عليكم ورحمة الله وبركاته

اخي انا عن نفسي استعمل nimbuzz بسعر 28 سنت للدقيقه الي ليبيا ومشاء الله ماشي معاي 100% صوت صافي وبدون صدي ويعتبر رخيص وعملي الحق
وربي ايعينك

استعما ال majic jack هده ارخص وسيله لانها بالبلاش .... ابعته لليبيا و خليهم يكلموك منهه ببلاش ............ اني صديق جايبه معاه من غادي و كل منحتاج نمشي نكلم منه امريكا لاي موبايل او ارضي

اخى الكريم بارك الله فيك على المعلومة majic jack ارجو توضيح هذا البرنامج لوسمحت

ايضا يمكنك استعمال
skype
yahoo

ال majic jack عباره عن فلاش ميموري يركب في الكمبيوتر و فيه فتحه لخيط التلفون ... تمنه ب 40 دولار في السنه و كل سنه ينقص الاشتراك بمعدل 100 دولار في ال 4 سنين.....بسيط جدا فقط يحتاج لكمبوتر و نت و جهاز تلفون عادي و يجيه معاه رقم بش الي يبيك يتصل بيك عليه

[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذا الرابط]

شوف الفيديو الي مكتوب تحته

click and learn

انا شخصيا اول منوصل حنبعت منه للعيله بش نتكلمو و يقدرو يضربولي علي اي رقم... و هدا الكلام عن تجربه مش قولة قال و زيد ابحت في النت و حتتأكد من كلامي....لان في ناس متعرفش تستعمل السكايب فاحسن حاجه هدا تتكلم من تلفون لتلفون

أنا مع رأي مدير المنتدىVoIP يعتبر هو الأرخص انصح باستخدامه عن تجربة.

أنا استعملت موقع البرنامج
[ندعوك للتسجيل في المنتدى أو التعريف بنفسك لمعاينة هذا الرابط]
لكن الدقيقة كانت 20 CENT
هل هي 20 أم 14 ؟
و كيف أجعلها 14 ؟
بارك الله فيكم و موفقين في دراستكم

السلام عليكم
انا شخصيا اعاني نفس القصة
حيت ان حوش بوي ماعندهمش انترنت والريفي الانترنت فيه تعبانة فنستعمل في كروت الاتصال العادية
ولكن افضل كرت هو القوقل فويس
google voice
بحيت اتخش للقوقل وادير تفعيل لرقمك في امريكا ويصبح عندك رقمين الاول رقم موبايلك اللي تستعمل فيه والتاني رقم تتصل بيه وين تبي ادير مكلامتك ويطلب منك الكود وهو اربعة ارقام انت تخددهم في بداية الاشتراك وتشري بالفيزا متعك اون لاين
والدقيقة لليبيا ب 25 سنت بس
وميزنه موش زي باقي الكروت المخانب اللي ياخدو منك في كل محاولة
وميزو تانية الكرت لو ماكملش يقعد معاك العمر كله يعني مايخنبوش منه
والصوت ماشاءلله ممتاز جدا
وايضا يحسب بالتواني يعني ممكن اتخش الدقيقة التانية مايخدهاش منك كاملة
وايضا تقدر تتصل من الكمبيوتر او تتصل من موبايلك الشخصي
وفيه ميزة تانية انه اي شخص معاك في قامة الجي تولك
gtalk
يقدرو يتصلو بيك على المسنجر ولو انت موش موجود المكالمة تتحول لموبايلك طوالي ومن غير فولس
وميزة تانية انه مكالماته فري لامريكا وكندا
يعني لو انت تبي تتصل بالمكتب الكندي مافيش داعي ايمركي عليك في هشرة سنتة الدقيقة لكندا
وفي نفس الوقت ميزة الدقيقة فيه لبريطانيا 2 سنت
انت خش على اللينك هدا وشوف البيانات اللي فيه وتوغ تعرف ممكن اكون ماوفيتش حقه في التعريف بالخدمة
بس بالنسبة ليا انا هو افضل كرت اتصال جربته

[ندعوك للتسجيل في المنتدى أو التعريف بنفسك لمعاينة هذا الرابط]
السلام عليكم ورحمة الله وبركاته

السلام عليكم اخوتي..

بالاضافة ليلي سؤده الاخوة في برامج اخري:
1. gtalk
كانت رخيصة 0.25 سنت للمحمول و 0.18 سنت للارضي .. توة غلوها من يومين ب 0.32 للمحمول.

[ندعوك للتسجيل في المنتدى أو التعريف بنفسك لمعاينة هذا الرابط]

2. jaxtr
المطلوب فتح حساب من الموقع الكتروني وبعدين يعطوك رقم خاص بيك تتصل بيه لاجراء مكالمة دوليه. سعر الدقيفة 0.25 سنت ولو اشترك كا مشترك الومنيوم بواقع 10 دولار في الشهر يعطوك تخفيض 0.18 سنت للمحمول .

[ندعوك للتسجيل في المنتدى أو التعريف بنفسك لمعاينة هذا الرابط]