المواضيع الأخيرة
» لكل شخص متردد بسبب اللغة الالمانية
اليوم في 8:10 pm من طرف oktub

» دراسة الدكتوراة في المانيا
اليوم في 7:50 pm من طرف oktub

» اجراءات تقديم التأشيرة لزوجة و الأبناء
اليوم في 8:16 am من طرف أبوبكر موسى حامد

» كتاب 1000 سؤال لاختبار توفل مع إجاباتها
أمس في 3:17 pm من طرف مدير المنتدى

» تعرف على الدول التي يمكن لليبيين السفر اليها دون تأشيرة دخول
أمس في 2:04 pm من طرف مدير المنتدى

» اتفاق حول منح التأشيرة تشيكيه لليبيين من تونس
أمس في 12:34 pm من طرف مدير المنتدى

» نصيحة الله يرحم والديكم
أمس في 5:19 am من طرف Sandrik

» دكتوراة في كندا
أمس في 5:04 am من طرف Sandrik

» خطاب وزير التعليم المفوض بشأن الإسراع في احالة الربع الرابع
الثلاثاء 06 ديسمبر 2016, 7:40 pm من طرف البتول محمد

» يمكنك أن تشفي نفسك
الثلاثاء 06 ديسمبر 2016, 7:31 pm من طرف NAIMA BASHER

» تفويض النقل وتغيير الساحة
الثلاثاء 06 ديسمبر 2016, 11:51 am من طرف البتول محمد

» السفارة الامريكية بتونس
الثلاثاء 06 ديسمبر 2016, 7:43 am من طرف أبوبكر موسى حامد

» قرار ايفاد رقم 628/2015
الإثنين 05 ديسمبر 2016, 1:27 pm من طرف dr.mhgb

» المراجعه علي رسائل الدعم والقبول
الإثنين 05 ديسمبر 2016, 1:20 am من طرف محمد الوحيشي

» المراجعه علي رسائل الدعم والقبول
الإثنين 05 ديسمبر 2016, 1:19 am من طرف محمد الوحيشي

المواضيع الأخيرة
المواضيع منذ آخر زيارة لي
 استعرض مُساهماتك
 المواضيع التي لم يتم الرد عليها
الموفد على الفيس بوك ...

تحصلت على التأشيرة والحمد الله

استعرض الموضوع السابق استعرض الموضوع التالي اذهب الى الأسفل

تحصلت على التأشيرة والحمد الله

مُساهمة من طرف سجود في الخميس 26 فبراير 2015, 2:50 pm

السلام عليكم ..
بعد عناء والحمد الله تحصلت على التأشيرة من القنصلية الامريكية في اسطنبول .. بداية احكيلكم على مشوار التحضير طبعا في البداية راسلت معهد كابلان الطبي لتحضير امتحان USMLE STEP1 ( رخصة مزاولة الطب) هدا الكلام من شهر 11 و بعتت الاوراق المطلوبة و في 25 يناير جهزت الI20
وطبعا بيبعتوهالي بال UPS والمعروف ان كل شيء مسكر في ليبيا المهم انا مفكرة من الاول بندير التأشيرة في المغرب فحجزت شقة في المغرب من BOOKING.COM وكلمت صاحبة الشقة اللي هي سيدة مغربية ووصيتها انها تستلم عني الI20 ووافقت واستلمتها بعد ثلاثة ايام .. ومن سوء او حسن حظي ان اليوم اللي بنسافر فيه لتونس صدر القرار الغريب تبع الجوازات القديمة ما تمرش لتونس مع انه مش من حق الدولة التونسية بان تتدخل في امور الدول الاخرى المهم طبعا لغيت الحجز وكلمت السفارة المغربية وامكانية اخد التأشيرة من المطار طبعا كان الرد لا وان لازم نجي ونبصم في سفارتهم في تونس وممكن تأخد 3 ايام الى شهرباش تطلع ... طبعا انا كنت في حالة ضياع بس بعدها رجع اليا صوابي وفكرت بعقلانية ولغيت كل حجوزات الطيران وشقة المغرب طبعا كله خسائر مادية بس مش مهم ... بعدها فكرت في الاردن وتركيا وقارنت ما بينهم تقريبا اسطنبول وعمان الاسعار قريبة في السكن والمواصلات بس ميزة تركيا ان سعر تدكرة الطيران الى امريكا ارخص بكثير ممكن اقل تدكرة ب560 في حين الاردن 1500 ارخص تدكرة طبعا حتكون مجموعة خطوط طيران وترانزت في اكتر من دولة .... وبحمد الله وصلت لاسطنبول وكان تفكيري كله في الاي تونتي كلمت السيدة المغربية باش ترجع الورقة للUPS وعجزت اقنعها ورفضت ترجعها فقررت اكلم الارامكس ودفعت بالكردت وجاوبوها في اربعة ايام ..
وفي الوقت هدا كله وانا نجهز في اوراقي ودفعت السفس بالويسترن يونيون اللي هما
ورقة d160 وتأكيد تاريخ المقابلة / ورقة الI20 / ورقة MRV اللي هي رسوم دفع التأشيرة / رسالة من جهة العمل مترجمة / حساب المصرف مترجم/شهادة ميلاد مترجمة /شهادة التخرج مترجمة /شهادة كشف الدرجات مترجمة

يوم المقابلة كان 25 فبراير وبداية الدراسة المفروض 23 فبراير طبعا انا مكلمة كابلن على اساس بنأجل لكن ما عنديش اي تونتي جديدة وكان هدا اللي مخوفني في المقابلة .... المهم كان موعدي الساعة 9:30 ولما وصلت للقنصلية كان 9:20 ولقيت طابور طويل قدامي المهم هو الوقت اللي خديته في الاجراءات الامنية اكتر من المقابلة نفسها حوالي تلاتة نقاط تفتيش امنية وبعدين تركب فوق للدور التاني تمر على شبكاين يشوفوا الاي تونتي والباسبور والسفس وD160وMRV من دون اي اسئلة بعدين واخيرا المقابلة كانت سيدة امريكية صغيرة في السن اول حاجة سألتني هل تحبي المقابلة بالتركي او بالانجليزي ... وهل انا مقيمة في تركيا او زائرة .... وشن هو الكورس اللي بنأخده ... وامتى تخرجت من الطب... ووين نخدم في ليبيا ... ومن حيتكفل بمصاريفي ...
وبعدها العبارة الجميلة ( have a nice trip to US ).... وفي النهاية ولا ورقة من الاوراق اللي تعبت نترجم فيهم طلبتهم بس لازم تتكبد عناء الترجمة لابد منها .. ونتمنى نكون افدتكم بتجربتي وآسفة على الاطالة .

بالتوفيق للجميع

سجود
موفد مشارك
موفد مشارك

انثى عدد المساهمات : 40
نقاط : 4013
نقاط السٌّمعَة : 16
تاريخ التسجيل : 26/04/2012

الرجوع الى أعلى الصفحة اذهب الى الأسفل

رد: تحصلت على التأشيرة والحمد الله

مُساهمة من طرف Gladiator في الخميس 26 فبراير 2015, 3:00 pm

Salaams,
Congratulations and sure have a great trip to US
All the best with your studies inshallah

Gladiator
موفد نشيط
موفد نشيط

ذكر عدد المساهمات : 55
نقاط : 1869
نقاط السٌّمعَة : 28
تاريخ التسجيل : 09/02/2015

الرجوع الى أعلى الصفحة اذهب الى الأسفل

رد: تحصلت على التأشيرة والحمد الله

مُساهمة من طرف سجود في الخميس 26 فبراير 2015, 3:05 pm

@Gladiator كتب:Salaams,
Congratulations and sure have a great trip to US
All the best with your studies inshallah

Thank you Gladiator wish you the best too..

سجود
موفد مشارك
موفد مشارك

انثى عدد المساهمات : 40
نقاط : 4013
نقاط السٌّمعَة : 16
تاريخ التسجيل : 26/04/2012

الرجوع الى أعلى الصفحة اذهب الى الأسفل

مبارررررررررررررررررررررررك

مُساهمة من طرف تاله في الخميس 26 فبراير 2015, 11:52 pm

مبارك اخت سجود دعواتك لينا الله يوفقك ان شاء الله تحياتي

تاله
موفد فعال
موفد فعال

انثى عدد المساهمات : 477
نقاط : 14231
نقاط السٌّمعَة : 69
تاريخ التسجيل : 27/12/2014

الرجوع الى أعلى الصفحة اذهب الى الأسفل

رد: تحصلت على التأشيرة والحمد الله

مُساهمة من طرف ضاوي الضاوي في الجمعة 27 فبراير 2015, 3:43 am

السلام عليكم..
اولا مبااااااااااااااااااااااااااااااااااااااااااااااااااااااااااارك عليكم الحصول على التأشبرة..
حبيت نستفسر عن الاي تونتي والسفس وD160وMRV ماذا يعنوا ..
وكم المدة اللي عطوها ليك في التأشيرة ..
الله الموفق للجميع
ومبروك مرة ثانية..
سلام

ضاوي الضاوي
موفد نشيط
موفد نشيط

ذكر عدد المساهمات : 86
نقاط : 3314
نقاط السٌّمعَة : 15
تاريخ التسجيل : 17/08/2013

الرجوع الى أعلى الصفحة اذهب الى الأسفل

رد: تحصلت على التأشيرة والحمد الله

مُساهمة من طرف سجود في الجمعة 27 فبراير 2015, 3:03 pm

الله يبارك فيكم ومشكورين تالة وضاوي .. وبالنسبة لاجابة سؤالك اخي ضاوي:
الاي تونتي.. هده ورقة القبول اللي يبعتهالك المعهد او الجامعة اللي انت حاب تقرأ فيها ولازم تدفع مبلغ معين قيمة الاستمارة والشحن وتخنلف من معهد الى اخر من 500 اللى 1000 دولار.
السفس .. هده قيمة تدفعها لما تأخد الاي تونتي تلقى فيها رقم السفس او يعطوهولك قبل الاي تونتي لما يتم القبول والقيمة تتبع لوزارة الخارجية او الحكومة الامريكية لازم كل طالب اجنبي بيدخل اول مرة للولايات المتحدة يدفعها يعني تدفع لمرة واحدة وقيمتها 200 دولار لاغلب انواع الكورسات بس فيه كورسات مهنية او صيفية تدفع 50 دولار بس واحسن طريقة للدفع بالكردت كارد او الويسترن يونيون هدا للدفع السريع وفيه دفع بطيء بالبريد وهدا لا احد ينصح بيه لانه يعطل يوصل للاسبوع وهدا هو الموقع fmjfee.com .
D160... هده استمارة التقديم للسفارة واول خطوة للتقديم للتأشيرة وهي بسيطة جدا في التعبئة ما تأخدش 10 دقائق او اقل لو عارف معلوماتك بالضبط الصادقة مية في المية وفيه مكاتب في ليييا تعبيهالك لكن الافضل تعبي بروحك باش تعرف شن ادخلت من معلومات ولو كان عندك صورتك الشخصية المطابقة للمواصفات افضل عشان لما تكمل تطبع على طول او ممكن تحفظ الاستمارة وتحتفظ برقمها تدونه عندك يعني عشان لما ترجع للاستمارة تدخل الرقم وترجع بسهولة https://ceac.state.gov/genniv/ هدا هو الموقع .
MRV... هده ورقة سداد قيمة التأشيرة وتختلف من دولة لتانية توا في الاردن والمغرب فيه خيار واحد اللي هو تمشي تدفع لحسابهم في مصرف معين وتأخد واصل السداد اللي فيه رقم تقريبا وتدخله عندك في حسابك على صفحتهم متاع السفارة ويعطوك مجموعة من التواريخ تختار منها يوم المقابلة وتأكد وتنزل صفحة التأكيد , بس في تركيا فيه خيار المصرف وخيار الكردت كارد وهو الاسهل اللي انا دفعت بيها قيمة 160 دولار وتنزل ورقة تأكيد الدفع وفي نفس الورقة فيها تاريخ المقابلة.

والتأشيرة تأخدها في جوازك في اربعة ايام بالنسبة لتركيا ولا علم عندي بالبلدان التانية ...
وموفقين جميعا ان شا الله

سجود
موفد مشارك
موفد مشارك

انثى عدد المساهمات : 40
نقاط : 4013
نقاط السٌّمعَة : 16
تاريخ التسجيل : 26/04/2012

الرجوع الى أعلى الصفحة اذهب الى الأسفل

رد: تحصلت على التأشيرة والحمد الله

مُساهمة من طرف احمد الجزار في الجمعة 27 فبراير 2015, 11:00 pm

موفقه ان شالله ربي يتمم عليك

احمد الجزار
موفد نشيط
موفد نشيط

ذكر عدد المساهمات : 89
نقاط : 3518
نقاط السٌّمعَة : 34
تاريخ التسجيل : 15/02/2014

الرجوع الى أعلى الصفحة اذهب الى الأسفل

رد: تحصلت على التأشيرة والحمد الله

مُساهمة من طرف ضاوي الضاوي في السبت 28 فبراير 2015, 4:12 am

السلام عليكم..
رد وافي كافي..شكرا جزيلا..
بصراحة قعدت نفكر جديا في تغيير الساحة الى امريكا ..
ومن الله التوفيق..
سلام ..


محمد صلى الله عليه وسلم..

ضاوي الضاوي
موفد نشيط
موفد نشيط

ذكر عدد المساهمات : 86
نقاط : 3314
نقاط السٌّمعَة : 15
تاريخ التسجيل : 17/08/2013

الرجوع الى أعلى الصفحة اذهب الى الأسفل

رد: تحصلت على التأشيرة والحمد الله

مُساهمة من طرف سجود في السبت 28 فبراير 2015, 11:57 am

مشكورين وبالتوفيق للجميع study Very Happy

سجود
موفد مشارك
موفد مشارك

انثى عدد المساهمات : 40
نقاط : 4013
نقاط السٌّمعَة : 16
تاريخ التسجيل : 26/04/2012

الرجوع الى أعلى الصفحة اذهب الى الأسفل

رد: تحصلت على التأشيرة والحمد الله

مُساهمة من طرف omsali في السبت 28 فبراير 2015, 10:12 pm

هل من ضمن الأوراق المطلوبة للتأشيرة رسالة الدعم المالي للتأشيرة

omsali
موفد مميز
موفد مميز

انثى عدد المساهمات : 804
نقاط : 14023
نقاط السٌّمعَة : 94
تاريخ التسجيل : 06/04/2013

الرجوع الى أعلى الصفحة اذهب الى الأسفل

رد: تحصلت على التأشيرة والحمد الله

مُساهمة من طرف سجود في الأحد 01 مارس 2015, 2:19 pm

@omsali كتب:هل من ضمن الأوراق المطلوبة للتأشيرة رسالة الدعم المالي للتأشيرة

اكيد من اهم اوراق الموفد بس بالنسبة ليا انا على حسابي الخاص يعني اللي يعادلها كشف الحساب المصرفي اللي هو سألوني عليه شفويا بس وما طلبوش يشوفوا ورقة الحساب.. Laughing

سجود
موفد مشارك
موفد مشارك

انثى عدد المساهمات : 40
نقاط : 4013
نقاط السٌّمعَة : 16
تاريخ التسجيل : 26/04/2012

الرجوع الى أعلى الصفحة اذهب الى الأسفل

رد: تحصلت على التأشيرة والحمد الله

مُساهمة من طرف احمد يارا في الجمعة 06 مارس 2015, 10:26 am

السلام عليكم
الف مبرووك سجود وموفقه ان شاء الله
لفت نظري اجابتك عن سؤال ضاوي بان الاي توينتي تدفع 500 الى 1000 دولار . انا عندي اي توينتي ودفعت 100 دولار بس ، وجددته اكتر من مرة وكل مرة ندفع في 70 دولار مع الشحن ويوصلني في ليبيا
وشكرا

احمد يارا
موفد مشارك
موفد مشارك

ذكر عدد المساهمات : 43
نقاط : 4424
نقاط السٌّمعَة : 20
تاريخ التسجيل : 12/02/2012

الرجوع الى أعلى الصفحة اذهب الى الأسفل

رد: تحصلت على التأشيرة والحمد الله

مُساهمة من طرف سجود في الجمعة 06 مارس 2015, 3:34 pm

@احمد يارا كتب:السلام عليكم
الف مبرووك سجود وموفقه ان شاء الله
لفت نظري اجابتك عن سؤال ضاوي بان الاي توينتي تدفع 500 الى 1000 دولار . انا عندي اي توينتي ودفعت 100 دولار بس ، وجددته اكتر من مرة وكل مرة ندفع في 70 دولار مع الشحن ويوصلني في ليبيا
وشكرا

الله يبارك فيك ... وبالنسبة لقيمة الاي تونتي يعتمد على المدرسة او المعهد او الجامعة اللي بيسجل فيها الواحد ونوع الكورس ومدته ... انا الكورس اللي سجلت فيه كورس تحضيري لامتحان مش كورس لغة ودفعت فيه 700 دولار والتجديد بخمسين ..

سجود
موفد مشارك
موفد مشارك

انثى عدد المساهمات : 40
نقاط : 4013
نقاط السٌّمعَة : 16
تاريخ التسجيل : 26/04/2012

الرجوع الى أعلى الصفحة اذهب الى الأسفل

السلام عليكم

مُساهمة من طرف hamdrhel في السبت 07 مارس 2015, 10:35 am

بالتوفيق والنجاح

hamdrhel
موفد فعال
موفد فعال

ذكر عدد المساهمات : 258
نقاط : 4116
نقاط السٌّمعَة : 50
تاريخ التسجيل : 23/01/2015

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى