رد: قبول من ماليزيا ولفتره محدوده

من طرف **ختروشة** في 07.02.12 12:48

معهد اي ال اس افضل معهد كان شفت انه ايناسبك وهو معهد لغة امريكي مستقل بس معتمد .... عندي عليه فل انفرميشن .... كان ايناسبك حاضر

من طرف خالد الرسي في 07.02.12 13:04

وين اجي مكانه و كيفية الحصول على قبول منه انا نبي انغير الساحة و نبي اكبر معلومات لاني انشالله بنتوكل على الله و بنبدا في الاجراءات التغير ياريت الافادة و ايضا المعيشة في ماليزيا اي معلومة

من طرف **ختروشة** في 09.02.12 13:22

شوف ياخوي خالد .... اول شي جهز الاوراق اللي قتلك عليهن وبعده حنبدا امعاك خطوة بخطوة لاعند تنهي انشاءالله

من طرف تامر على في 11.02.12 9:23

ياجماعة اود الاستفسار انا متزوج وعندى طفل وانوي الدراسة فى ماليزيا معهد لغة ولكن واجهتنى مشكلت التاشيرة للزوجة والطفل اريد حلا

من طرف asadik في 11.02.12 17:47

المهعد ايديري تاشير للعائله لكن ضروري تتفاهم امعاهم

من طرف زياد شعيب في 12.02.12 10:41

أخى الكريم انا لدى استفسار بسيط انا خريج من معهد الالكترونات بن عاشور وقرى فى الثانويه التخصصية 4 سنوت وفى معهد العالى 5سميسترات متخرج بنسبة جيد 71.4% عندى استفسار بسيط هل يمكن او لا وأذا كان لا ارجو اجابتى أذا تكرمت كيف يمكن ان اقدم

من طرف **ختروشة** في 12.02.12 12:57

في البداية كرس اللغة لازم منه اوفي عليه فل انفرميشن في المنتدي .... بالنسبة لموضوع الاستكمال اصبر اشوي ممكن يومين ويجيك الرد ... في واحد من الشباب قاعد يستفسر ..

من طرف تامر على في 13.02.12 7:20

شكرا على الاهتمام ولكن كيف نتفاهم معاهم هلى اذهب انا والعائله مثلا واضعهم امام الامر الواقع ام ماذا وبارك الله فيك

من طرف بنت درنة في 14.02.12 1:36

اخي الكريم انا اعرف زميلة لي كانت في ماليزيا ومعاها زوجها واطفال وقالتلي انها درست في معهد الكستوري لأنه يعطي تأسيرة للطالب والعائلة

بالتوفيق ان شاء الله

من طرف asadik في 14.02.12 6:02

ياخوي نصيحه في البدايه اتعالي انت ابروحك بعدين جيب العائله لانه مرات تتشحظ اشويه
قصدي انت خود قبول منه المعهد وبعدين اتعالي يعني بعد شهر ونص من اصدار القبول باش اتكون التاشير امتعاك واتي ولم اتجي قبل مااتخلصهم قللهم انا عندي عائله ونبي تاشيره.....وزي ماقاتلك الاخت فيه معهد اسمه الكستوري لكن حاليا امعبيعربي ومش راح تستفيد

من طرف تامر على في 14.02.12 6:10

السلام عليكم يجماعة يعنى موش ممكن انجي السبت القادم ونسجل فى المعهد الامريكى ناخذ التاشيرة هدا الى ناوى نعمله بصراحة وعلى حسب ما فهمت ان منجيش الا بالتاشيرا يعنى فى احتمال ارجعونى واذا كان قعدة امتا بتطلع التاشيرة وشكرا

من طرف asadik في 14.02.12 6:15

راسلني ع الخاص توا انفهمك ياخوي

من طرف تامر على في 14.02.12 6:26

شكرا

من طرف خالد الرسي في 14.02.12 8:43

معاهد اللغة المعتمدة في السفارة الليبية ارجو من ليه المعلومة انزال اسماء المعاهد

من طرف بنت درنة في 14.02.12 10:56

اخي الكريم المهم هي الجامعة وليس معهد اللغة

يعني قبول اللغة اللي تدير بيه التفويض ما يشوفوه معهد معتمد او كويس او لا واحتمال كبير تدير التفويض بقبول من معهد وبعدبن لما تسافر تغير المعهد

بالنسبة للجامعات المعتمدة تجدها هنا

[ندعوك للتسجيل في المنتدى أو التعريف بنفسك لمعاينة هذا الرابط]

بالتوفيق للجميع