المواضيع الأخيرة
» تفويض النقل وتغيير الساحة
أمس في 7:40 pm من طرف amir libya

» السفارة الامريكية بتونس
أمس في 7:16 pm من طرف أبوبكر موسى حامد

» هل يوجد من تحصل على التاشيرة ؟
أمس في 4:56 pm من طرف oktub

» دكتوراة في كندا
أمس في 4:54 pm من طرف oktub

» نوفر قبولات لغة و اكاديمي في كندا و سكن للعائلات
أمس في 4:51 pm من طرف oktub

» معلومات عامة عن المدن الكندية من عدة نواحي(المعيشة-الدراسة-الجو...)
أمس في 4:40 pm من طرف oktub

» خطاب وزير التعليم المفوض بشأن الإسراع في احالة الربع الرابع
أمس في 12:37 pm من طرف كابتشينو

» نماذج التفويض المالي المعتمدة 2016 بصيغة عالية الجودة للطباعة
أمس في 12:34 pm من طرف كابتشينو

» استفسار عن كورسات اللغة في ماليزيا "
الجمعة 02 ديسمبر 2016, 8:52 pm من طرف YURI

» أكاديمية الدراسات العليا تفتح باب القبول والتسجيل للعام 2017
الجمعة 02 ديسمبر 2016, 12:49 pm من طرف مدير المنتدى

» مواقع تحويل الصور الى نص باللغة العربية (OCR)
الخميس 01 ديسمبر 2016, 5:39 pm من طرف مدير المنتدى

» الملتقي الخاص بالطلبة المدرجين في تفويضات النقل أرقام ( 18 ، 19 )
الأربعاء 30 نوفمبر 2016, 9:06 pm من طرف amir libya

» يمكنك أن تشفي نفسك
الأربعاء 30 نوفمبر 2016, 3:33 pm من طرف NAIMA BASHER

» تعرف على قصة اللاجئ السوري الذي وصل لكندا مصطحباً معه مليون ونصف مليون دولار
الثلاثاء 29 نوفمبر 2016, 11:35 pm من طرف amir libya

» قرار ايفاد رقم 628/2015
الثلاثاء 29 نوفمبر 2016, 12:56 pm من طرف عبدالوهاب قليوان

المواضيع الأخيرة
المواضيع منذ آخر زيارة لي
 استعرض مُساهماتك
 المواضيع التي لم يتم الرد عليها
الموفد على الفيس بوك ...

إذا كنت موفد وموجود حالياً في دنفر نرجو الدخول

صفحة 1 من اصل 3 1, 2, 3  الصفحة التالية

استعرض الموضوع السابق استعرض الموضوع التالي اذهب الى الأسفل

إذا كنت موفد وموجود حالياً في دنفر نرجو الدخول

مُساهمة من طرف بوادي ليبيا في الأحد 07 نوفمبر 2010, 12:09 am

السلام عليكم ورحمة الله وبركاته
اخواني الطلبة الموجودين حالياً في الساحة الامريكية وبالتحديد في دنفر نرجو افادتنا ببعض المعلومات التي تهم الطالب وعائلته في بلد الاغتراب وعلى سبيل المثال لا الحصر ما يدور في رأسي من اسئلة ارجو التكرم بالاجابة عليها لتعم الفائدة.
1- افضل اماكن للسكن الامن في دنفر بحيث لا تزيد قيمة الايجار مع مصاريف الكهرباء والنت والهاتف عن 1000 دولار.
2- افضل المناطق المحيطة بدنفر للسكن الامن والتي تتوفر بها اماكن مركزية للتسوق وبالعربي الول مارت والكي مارت والسامز كلوب وغيرها بحيث يكون الايجار مناسب لمنحة الطالب الليبي.
3- لاحظت الكثير من المواضيع المتكررة والمنقولة copy Past عن توفر البقالات العربية والمطاعم العربية وغيرها انا ارى الاهم هو هل تتوفر بهاراتنا نحن الليبيين وقهوتنا وشاهينا فيها؟؟؟ وهل الاسعار مناسبة مقارنة بالمولات والسوبر ماركات الامريكية؟؟؟
4- للمتزوجين هل وجدتم الطنجرة والكسكاس ؟؟؟ وكذلك ماكينة الرشدة المبوخة ؟؟؟؟
5- ما الشئ الذي ندمت على عدم رفعه معك الى امريكا وافتقدته بشدة ؟؟؟ طبعاً غير امك واهلك Crying or Very sad
6- ما الشئ اللي تعبت روحك وشحنته معاك في الشنط وما استحقيتلاش في امريكا بكل وما تنصح حد يتعب روحه ويجيبه؟؟؟
7- اكيد دنفر توا تحت الصفر اللي عنده اطفال في المدارس واطفال في البيت كيف تتصرفوا في موضوع التوصيل واستقبال اطفالكم من حافلة المدرسة يعني كيف كلهم في جرتك في الصبح والمرواح؟؟؟

و للحديث بقية يعني للاسئلة بقية
وياريت لتعم الفايدة اللي يرد على الاسئلة يكون من دنفر بالله عليكم من اجل المصداقية في الموضوع لا نريد مداخلات منقولة من منتديات اخرى او صفحات اخرى من المنتدى

والرجاء من الاخوة اللي ان شاء الله بيتغربوا في دنفر وضع اسئلتهم وان شاء الله نلقوا اولاد الحلال اللي يردو علينا ويطمنونا لانهم مروا بنفس التجربة.


_______________________________

[center]

بوادي ليبيا
موفد نشيط
موفد نشيط

انثى عدد المساهمات : 89
نقاط : 5715
نقاط السٌّمعَة : 0
تاريخ التسجيل : 18/07/2010

الرجوع الى أعلى الصفحة اذهب الى الأسفل

رد: إذا كنت موفد وموجود حالياً في دنفر نرجو الدخول

مُساهمة من طرف هاشمي في الأحد 07 نوفمبر 2010, 12:34 am

السلام عليكم و رحمة الله. أضم صوتي للمشاركة المقترحة من بوادي ليبيا. بس للأسف أتوقع انه مش حنتحصلو علي رد لأنه يبدو انه اخوتنا و اخواتنا الموفدين الي في دنفر و غيرها من المدن مشغولين بقرايتهم و معادش مخليين و لو 5 دقائق من وقتهم يطمنو بيها امثالي و كثيرين غيري مايزالون في خضم القلق الناتج عن الاسئلة التي طرحت من بوادي ليبيا. و أصدقكم القول ان أهم سؤالين عندي هو السكن حيث يتوفر الامان و دراسة اولادي. لأن المنحة اتفق الجميع علي كونها مش كافية لصاحب العيلة و يبدولي ما ان نغادر ليبيا ستبدأ رحلة شد الحزام .... او كما يقولو خوتنا السوريين بكرا يدوب التلج و يبان المرج!!!!

هاشمي
موفد فعال
موفد فعال

ذكر عدد المساهمات : 144
نقاط : 6381
نقاط السٌّمعَة : 110
تاريخ التسجيل : 04/09/2010

الرجوع الى أعلى الصفحة اذهب الى الأسفل

رد: إذا كنت موفد وموجود حالياً في دنفر نرجو الدخول

مُساهمة من طرف الغراري في الأحد 07 نوفمبر 2010, 2:22 am

اولا السلام عليكم اخوتي الكرام ,ادعوا الله العلي القدير ان يسهل لكم الدرب ,وانا لا اوفقك الرأي اخي العزيز هاشمي كيف "امثالنا مايدور فينا احد احنا اخوة وهدا الكلام عيب تقوله" وبعدين المنحة كافية 100% الاللي يبوا يحوشوا قرشين فكرة التحويش هي اللي تخلي كل واحد يقول ان المنحة مش كافية كل واحد حاط في دماغه رقم يبي يوصله في الشهر وهدا ينعكس على نمط الحياة لكن المنحة كافية ولله الحمد وتقدر تحوش منها لعازة الزمان ان قدر الله ذلك هدا اولا:
وثانيا:على الرغم من اني حديث العهد هنا حوالي 25 يوما لكن نقدر نحطك في الصورة على حسب علمي وتجربتي البسيطة هنا .ساحاول ان اجيب عن اسئلتكم قدر المستطاع :

1- السكن الامن انت شن تعني بالامن هنا امن بمية مرة من اي مكان في ليبيا قصدي الهدوء في كل مكان انا مستاحش الكلاكصات معاش سمعتها يعني المدينة امنة بشكل عام وهادئة وبعدين ماحد يدور في حد سواء في الباصات او في القطارات او في الشارع بالعكس ناس راقية اللي تساله يضحك في وجهك ويجيبك بكل رحابة صدر.

2-بالنسبة للاماكن انت على حسب المعهد والا الجامعة هنا اغلبية الطلبة يسكنوا متع 30-40 دقيقة بعيد عن الداون تاون وبعدين الغلا والرخص على حسب المكان وموقعه ووضعه اي قديم ام حديث وبالنسبة في حدود 1000 دولار او ازيد شوي يعني ب150-200 تحصل مكان ممتاز هدا بالنسبة للمنازل او الشقق وفيه ارخص من 600 الى 800 استيدوهات شاملة الكهرباء والماء ,والاسواق كلها قريبة من اي مكان يعني بالكثير 20 بالحافلة او 10 دقايق بالسيارة وبعدين استخدم المواقع اللي تكلموا عليها اخواني من قبل واختار السكن من ليبيا احسن من انك توصل بالعيلة وتقعد في فندق وتبدا تدور "توكل على الله".

3- بالنسبة للمطاعم العربية انا صراحة لم ارى اي منها هنا ولكن عن نفسي لم ادهب الى اي مطعم الى حد الان نوتي في غداي من الحوش لان كل المطاعم لحمهم مايتكل وبعدين مش حسبة كان كل يوم بتدفع 10$ او اكتر على الغداء ,وبالنسبة للاسعار جد مناسبة فيه بعض المكانات الغالية لاكن في الول مارت ارخص وانا عن نفسي بعض الاشياء اللي شريتها من هنا بعض الملابس وماكينة حلاقة ارخص من ليبيا بهلبة وبالنسبة للبهارات انا مشيت للاراش ستور ايراني فيه كل البهارات اللي تعرفها زي الفلفل الاحمر والكركم وكل شي والخضرة في كل مكان واسعارها مناسبة بصل اخضر +صيفي +دلاع+بطيخ +عوينة اللي تبيه وحتي زيت الزيتون انا خديته ب5.5 $ او اقل طليناي او اسباني 1 لتر.

4-بالنسبة للتوول متع المطبخ موجود انا سالت العزوز اللي ساكن عندها قالتلي موجود الكسكاس وبعدين تلقي كساكسيس امريكية غريبة شوية لكن تادي نفس الغرض الطهو بالبخار .وعن ماكينة الرشدة انا ماعندي علم لكن 100%موجودة بس انتم اصحاب العائلات غير كتروا العزايم وبعدين ليش كل الحرص على التوول اهم شي الكتب اللي عنده كتب في التخصص او في اللغة راهي هنا غالية شوية يحاول يجيب معاه الكتب المهمة.

5-والله غير الام والاهل ماافتقدت شيئا ,وبعدين اللي جاي بالعيلة بياخدو كل وقته مش راح يحس بالغربه زي حالاتنا العزابة ان شاء الله ربي يهني.

6-اللي تجيبه معاك حتلقاه مش توة بعدين وبعدين ليش الندم حتى ولو جبت شي والقيته هنا ارخص مش قضية هي تجربة "ورد بالك تندم في يوم علي شي طبعا خير مش شر وتوكل على الله "

7-بالنسبة للجو هنا قاعد ربيعي وشمس قوية مرات حتى النص كم هلبة لكن حسب التوقعات من يوم 15-16 الشهر بيبدا الجو يصقع وبعدين هنا كل شي بالتدفئة من الحوش للحافلة للقطار للمدرسة وخطرها عالمدرسة انا حسب علمي ان المدرسة الليبية كل مرة في مكان ومرة يحصلوا ومرة لا وامس اسمعت انهم بيبدوا الايام الجاية لكن انتم زيدوا تأكدوا راني هدا اللي سمعته .

8-وان شاء الله افتكم بحاجة انا تكلمت في نطاق تجربتي البسيطة وبعدين ماتفكروش هلبة راهي الامور ابسط مما تتصوروا غير كل شي صعب في بدايته وان شاء الله ربي يسهل للجميع لما يحبه ويرضاه.

والله ولي التوفيق

_______________________________

لا تمدّن إلى المعالي يدا قصرت عن المعروف

الغراري
موفد نشيط
موفد نشيط

ذكر عدد المساهمات : 83
نقاط : 6030
نقاط السٌّمعَة : 72
تاريخ التسجيل : 22/05/2010

http://www.facebook.com/profile.php?id=1312767783&v=wall

الرجوع الى أعلى الصفحة اذهب الى الأسفل

رد: إذا كنت موفد وموجود حالياً في دنفر نرجو الدخول

مُساهمة من طرف Romar في الأحد 07 نوفمبر 2010, 4:39 am


1- افضل اماكن للسكن الامن في دنفر بحيث لا تزيد قيمة الايجار مع مصاريف الكهرباء والنت والهاتف عن 1000 دولار.

متوسط الأجار اخي من 600 - 1000 $ + مصاريف الكهرباء والنت والهاتف (~ 150$).. وهي تعتمد على المكان الذي تريد ان تسكن فيه.... ايضا تعتمد على وضعك الاجتماعي ...اذا كنت متزوجا فلا انصحك بالداون تاون (وسط المدينة) لانها غالية ومش للمتزوجين . لو اتفكر تاخذ سيارة والمفروض اذا متزوج تاخذ سيارة (فيه ليبيين مقيمين في دنفر وعندهم معارض سيارات ويقدروا يساعدوك في هذا الامر) واذا توفرت السيارة فسوف تجد اماكن حلووة ورخيصة ايضا في دنفر وشقق اقل من 600 دولار (ون بدروم - حجرة واحدة وصالة ومطبخ وحمام). انصحك بإستخدام موقع الكريقس ليست - Craigslist
http://denver.craigslist.org/apa/

2- افضل المناطق المحيطة بدنفر للسكن الامن والتي تتوفر بها اماكن مركزية للتسوق وبالعربي الول مارت والكي مارت والسامز كلوب وغيرها بحيث يكون الايجار مناسب لمنحة الطالب الليبي.
كما قلت سابقا اذا اشتريت سيارة فلن تكون المولات مشكلة بالنسبة لك... وحتى لو لم تشتري السيارة فأغلب المولات الكبيرة في المدينة يوجد قطارات وباصات لنقلك اليها.... المواصلات هنا متوفرة جدا.
ومن الشوارع و المولات الموجودة في دنفر::
لاريمار سكوير @ دنفر larimer square denver .... شارع تسوق ومقاهي ومطاعم في وسط المدينة.
سكسثينث ستريت 16th street mall شارع تسوق ومحلات تجارية في وسط المدينة ايضا (غالي اشوي)... للتسوق والمشي.
أيضا اتشيري كريك مول Cheery Creek Mall ... مركز تسوق كبيييييير واغلب الماركات موجودة فيه.
أيضا فيه اورورا مول Aurora Mall مركز تسوق ايضا. وكولورادوا مايلز مول Colorado Mills Mall مركز تسوق كبير وحلو "موجود في مدينة ليك وود lakewood CO ,80401

بالنسبة للآمان ... يعني ما تمشيش للاماكن مشبوهة وخصوصا في الليل المتأخر... واذا عندك سيارة يجب انك تقفل الابواب ... ودائما اجتنب السكن في المناطق التي يكثر فيها السود بكثرة (مش عنصرية ... بس لو تجمعوا في مكان مش حيطلع منهم شي طيب) كيف تعرف اماكنهم.؟؟؟ ابتعد عن السكن على الكولفاكس مع 4- 16th ستريت...بعض الاماكن في الدوان تاون _داوننيق Dawning ....ايضا قبل ماتوقعش العقد ضروري تمشي اتشوف الشقة واتشوف الجيران والمنطقة اكويس... ولو مش آمنة حتكون واضحة .. وديمة استشير وصلي استخارة - لان العقد غالبا مايكون من ستة شهور الى سنة (فيه شهريا وثلاثة شهور بس نادر) وماتقدرش تفسخ العقد الا في حالة انك اتخلص كل الشهور المتبقية عليك - نفرض انك سكنت شهر وتبي اتحول الشهر الجاي .. عليك تخليص الخمسة شهور القادمة لكي يفسخوا العقد) فيجب التأكد قبل توقيع العقد من المكان جيدا.


3- لاحظت الكثير من المواضيع المتكررة والمنقولة copy Past عن توفر البقالات العربية والمطاعم العربية وغيرها انا ارى الاهم هو هل تتوفر بهاراتنا نحن الليبيين وقهوتنا وشاهينا فيها؟؟؟ وهل الاسعار مناسبة مقارنة بالمولات والسوبر ماركات الامريكية؟؟؟

جيب معاك حرارات..لان اكيد الطعم يختلف... بس كل شئ موجود هنا ... والمطاعم العربية متوفرة وبكثر في دنفر....شاورما - فلافل - كباب- ...الخ ...فيه مطعم القدس http://www.jerusalemrestaurant.com/ ودمشق والكثير من المطاعم العربية في شارع ساوث كولورادو مع ايفانس S Colorado & E Evans " قريب من مسجد النور."

4- للمتزوجين هل وجدتم الطنجرة والكسكاس ؟؟؟ وكذلك ماكينة الرشدة المبوخة ؟؟؟؟
اترك للمتزوجين فرصة الرد.

5- ما الشئ الذي ندمت على عدم رفعه معك الى امريكا وافتقدته بشدة ؟؟؟ طبعاً غير امك واهلك

علم ليبيا Sad

6- ما الشئ اللي تعبت روحك وشحنته معاك في الشنط وما استحقيتلاش في امريكا بكل وما تنصح حد يتعب روحه ويجيبه؟؟؟
كتب عربية في مجال تخصصك.... جبت معاي تقريبا 7 كتب (على اساس بنستفيد منها وتكون اسرع للفهم) بس كل شي موجود هنا -كتب + بحوث+ مجلات علمية...الخ

7- اكيد دنفر توا تحت الصفر اللي عنده اطفال في المدارس واطفال في البيت كيف تتصرفوا في موضوع التوصيل واستقبال اطفالكم من حافلة المدرسة يعني كيف كلهم في جرتك في الصبح والمرواح؟؟؟
زي ماقالك خوي " الغراري" الحياة حلوة هنا والجو معقول... يعني حتى لو وصلت درجة الحرارة لتحت الصفر ... واعاصير ثلجية ... بس الصبح تطلع الشمس ويذوب الثلج بسرعة... يعني لا يُقارن ثلجها بثلج شيكاغوا او ميتشيقن شديدة البرودة.

-أيضا يوجد مسجد النور و مسجد أبو بكر في مدينة دنفر ...حاول انك تتردد عليهما وسوف تجد العديد من الاخوة العرب والليبين والذين سوف يساعدونك في كل ماتريد بإذن الله..

هذا على حسب علمي.. فأن كان صحيح فمن عند الله ...وإن كان خطأ فمن نفسي والشيطان


كل التوفيق لكم .... اند ولكم ان دينفر Very Happy



Romar
موفد فعال
موفد فعال

ذكر عدد المساهمات : 203
نقاط : 6874
نقاط السٌّمعَة : 156
تاريخ التسجيل : 24/10/2010

الرجوع الى أعلى الصفحة اذهب الى الأسفل

رد: إذا كنت موفد وموجود حالياً في دنفر نرجو الدخول

مُساهمة من طرف هاشمي في الأحد 07 نوفمبر 2010, 8:51 am

السلام عليكم و رحمة الله و بركاته. كل عام و انتم بخير بمناسبة حلول عيد الاضحى المبارك.
الاخوة رومار و الغراري جزاكم الله خيرا و جعله في ميزان حسناتكم.
المعلومات الحق ينقال مطمئنة بس يا ريت من ناحية السكن تكتبولنا اسماء الاماكن الي يكثر فيها الليبيين و بالطبع هي حتكون المناطق الامنة بالنسبة ليا.
مثلا مرة نصحني صديق قال "ما تسكنش في تشري كريك Cherry Creek و رد بالك تحجز حوش بالنت حدد معاهم موعد و لما توصل شوفه لأنهم يغشو" و الحق الكلام هادا خلاني نتخوف من مسألة الحجز بالنت. فقررت نحجز في فندق أربعة أيام و لما نوصل ان شاء الله ندور علي حوش او شقة.
باهي شن اسم المنطقة الي فيها مسجد النور باش لما نوصل نمشي نصلي الجمعة و نتعرف لأن أول يوم لينا ان شاء الله غادي حيكون جمعة و طبعا حنلقى خوتنا الليبيين و المسلمين و حنطلب معلومات عن المنطقة.
و بالله عليكم لما تلقو الواحد معبر علي شعوره هكي و الا هكي راهو ماتواخدوناش لأنه توتر الاقبال علي مكان جديد مع عيلة ملخبطة الواحد شوية زيد عليها التفكير في القبول الاكاديمي و TOEFL و GRE و ربي يفرجها علي كل الموفدين و يسهلها علينا أجمعين. و هو ولي التوفيق.

هاشمي
موفد فعال
موفد فعال

ذكر عدد المساهمات : 144
نقاط : 6381
نقاط السٌّمعَة : 110
تاريخ التسجيل : 04/09/2010

الرجوع الى أعلى الصفحة اذهب الى الأسفل

رد: إذا كنت موفد وموجود حالياً في دنفر نرجو الدخول

مُساهمة من طرف بوادي ليبيا في الأحد 07 نوفمبر 2010, 3:20 pm

[quote="الغراري"][color=darkblue]اولا السلام عليكم اخوتي الكرام ,ادعوا الله العلي القدير ان يسهل لكم الدرب

وعليكم السلام ورحمة الله وبركاته
الله يجبر بخاطرك ويسهل دربك


1- السكن الامن انت شن تعني بالامن
يعني زي ما تفضل احد الاخوة بالقول بعيد عن الداون تاون وبعيد عن تجمعات السود (طبعاً مش عنصرية) لكن كلنا نعرفوا ان اماكن تجمعهم تكثر فيها العصابات. ويكون المكان به عرب ليبيين وغير الليبيين وخاصة السعوديين والاماراتيين لان طبعهم زينا.

2-بالنسبة للاماكن انت على حسب المعهد والا الجامعة.
زوجي ان شاء الله في معهد السبرنج بس لتلتون واحنا عائلة بها اطفال فاكيد الايجار شقة بغرفتين واحنا نفضلوا الايجار بين دنفر ولتلتون لان الجامعة ان شاء الله بتكون جامعة كلورادو ات دنفر وعلى خاطر المدرسة الليبية وما نبوش نغيرو للصغار مدرستهم بعد الانتهاء من اللغة. (وجهةنظر!!)

3- وبالنسبة للبهارات انا مشيت للاراش ستور ايراني فيه كل البهارات اللي تعرفها زي الفلفل الاحمر والكركم وكل شي والخضرة في كل مكان واسعارها مناسبة بصل اخضر +صيفي +دلاع+بطيخ +عوينة اللي تبيه وحتي زيت الزيتون انا خديته ب5.5 $ او اقل طليناي او اسباني 1 لتر.
ايوه الفلفل والكركم لان ماكلتنا وحراراتنا تميز اكلنا الليبي واكيد المدة طويلة وقداش من الشحن ربي يسهل.

4- وبعدين ليش كل الحرص على التوول اهم شي الكتب اللي عنده كتب في التخصص او في اللغة راهي هنا غالية شوية يحاول يجيب معاه الكتب المهمة.
اكيد الكتب هما الاول وما يستحقوش سؤال احنا الليبيين غالية علينا رشدة الكسكاس وعندي صحابي في اوهايو ما لقوش ماكينة الرشدة وانا امي كانت في امريكا في 83 وجابت من امريكا وبالتحديد دنفر ماكينة الرشدة فحبيت نسأل لانه اكيد شحنها من ليبيا فيه زيادة وزن والله المستعان.

6-اللي تجيبه معاك حتلقاه مش توة بعدين وبعدين ليش الندم حتى ولو جبت شي والقيته هنا ارخص مش قضية هي تجربة "ورد بالك تندم في يوم علي شي طبعا خير مش شر وتوكل على الله "
قصدي اللي زيادة وزن ولقيته غادي متوفر يعني مش موضوع ارخص والا اغلى اكيد بنبدبروا حالنا ونتأقلموا .

بارك الله فيك وجزاك الله الف خير علينا وياريت بعد ما ترتاح وتاخذ على الجو تكتب موضوع تفيد بيه الا مازال يراجو عن افضل الاماكن للعيش في دنفر.

_______________________________

[center]

بوادي ليبيا
موفد نشيط
موفد نشيط

انثى عدد المساهمات : 89
نقاط : 5715
نقاط السٌّمعَة : 0
تاريخ التسجيل : 18/07/2010

الرجوع الى أعلى الصفحة اذهب الى الأسفل

رد: إذا كنت موفد وموجود حالياً في دنفر نرجو الدخول

مُساهمة من طرف بوادي ليبيا في الأحد 07 نوفمبر 2010, 3:23 pm

@Romar كتب:
1- افضل اماكن للسكن الامن في دنفر بحيث لا تزيد قيمة الايجار مع مصاريف الكهرباء والنت والهاتف عن 1000 دولار.

متوسط الأجار اخي من 600 - 1000 $ + مصاريف الكهرباء والنت والهاتف (~ 150$).. وهي تعتمد على المكان الذي تريد ان تسكن فيه.... ايضا تعتمد على وضعك الاجتماعي ...اذا كنت متزوجا فلا انصحك بالداون تاون (وسط المدينة) لانها غالية ومش للمتزوجين . لو اتفكر تاخذ سيارة والمفروض اذا متزوج تاخذ سيارة (فيه ليبيين مقيمين في دنفر وعندهم معارض سيارات ويقدروا يساعدوك في هذا الامر) واذا توفرت السيارة فسوف تجد اماكن حلووة ورخيصة ايضا في دنفر وشقق اقل من 600 دولار (ون بدروم - حجرة واحدة وصالة ومطبخ وحمام). انصحك بإستخدام موقع الكريقس ليست - Craigslist
http://denver.craigslist.org/apa/

2- افضل المناطق المحيطة بدنفر للسكن الامن والتي تتوفر بها اماكن مركزية للتسوق وبالعربي الول مارت والكي مارت والسامز كلوب وغيرها بحيث يكون الايجار مناسب لمنحة الطالب الليبي.
كما قلت سابقا اذا اشتريت سيارة فلن تكون المولات مشكلة بالنسبة لك... وحتى لو لم تشتري السيارة فأغلب المولات الكبيرة في المدينة يوجد قطارات وباصات لنقلك اليها.... المواصلات هنا متوفرة جدا.
ومن الشوارع و المولات الموجودة في دنفر::
لاريمار سكوير @ دنفر larimer square denver .... شارع تسوق ومقاهي ومطاعم في وسط المدينة.
سكسثينث ستريت 16th street mall شارع تسوق ومحلات تجارية في وسط المدينة ايضا (غالي اشوي)... للتسوق والمشي.
أيضا اتشيري كريك مول Cheery Creek Mall ... مركز تسوق كبيييييير واغلب الماركات موجودة فيه.
أيضا فيه اورورا مول Aurora Mall مركز تسوق ايضا. وكولورادوا مايلز مول Colorado Mills Mall مركز تسوق كبير وحلو "موجود في مدينة ليك وود lakewood CO ,80401

بالنسبة للآمان ... يعني ما تمشيش للاماكن مشبوهة وخصوصا في الليل المتأخر... واذا عندك سيارة يجب انك تقفل الابواب ... ودائما اجتنب السكن في المناطق التي يكثر فيها السود بكثرة (مش عنصرية ... بس لو تجمعوا في مكان مش حيطلع منهم شي طيب) كيف تعرف اماكنهم.؟؟؟ ابتعد عن السكن على الكولفاكس مع 4- 16th ستريت...بعض الاماكن في الدوان تاون _داوننيق Dawning ....ايضا قبل ماتوقعش العقد ضروري تمشي اتشوف الشقة واتشوف الجيران والمنطقة اكويس... ولو مش آمنة حتكون واضحة .. وديمة استشير وصلي استخارة - لان العقد غالبا مايكون من ستة شهور الى سنة (فيه شهريا وثلاثة شهور بس نادر) وماتقدرش تفسخ العقد الا في حالة انك اتخلص كل الشهور المتبقية عليك - نفرض انك سكنت شهر وتبي اتحول الشهر الجاي .. عليك تخليص الخمسة شهور القادمة لكي يفسخوا العقد) فيجب التأكد قبل توقيع العقد من المكان جيدا.


3- لاحظت الكثير من المواضيع المتكررة والمنقولة copy Past عن توفر البقالات العربية والمطاعم العربية وغيرها انا ارى الاهم هو هل تتوفر بهاراتنا نحن الليبيين وقهوتنا وشاهينا فيها؟؟؟ وهل الاسعار مناسبة مقارنة بالمولات والسوبر ماركات الامريكية؟؟؟

جيب معاك حرارات..لان اكيد الطعم يختلف... بس كل شئ موجود هنا ... والمطاعم العربية متوفرة وبكثر في دنفر....شاورما - فلافل - كباب- ...الخ ...فيه مطعم القدس http://www.jerusalemrestaurant.com/ ودمشق والكثير من المطاعم العربية في شارع ساوث كولورادو مع ايفانس S Colorado & E Evans " قريب من مسجد النور."

4- للمتزوجين هل وجدتم الطنجرة والكسكاس ؟؟؟ وكذلك ماكينة الرشدة المبوخة ؟؟؟؟
اترك للمتزوجين فرصة الرد.

5- ما الشئ الذي ندمت على عدم رفعه معك الى امريكا وافتقدته بشدة ؟؟؟ طبعاً غير امك واهلك

علم ليبيا Sad

6- ما الشئ اللي تعبت روحك وشحنته معاك في الشنط وما استحقيتلاش في امريكا بكل وما تنصح حد يتعب روحه ويجيبه؟؟؟
كتب عربية في مجال تخصصك.... جبت معاي تقريبا 7 كتب (على اساس بنستفيد منها وتكون اسرع للفهم) بس كل شي موجود هنا -كتب + بحوث+ مجلات علمية...الخ

7- اكيد دنفر توا تحت الصفر اللي عنده اطفال في المدارس واطفال في البيت كيف تتصرفوا في موضوع التوصيل واستقبال اطفالكم من حافلة المدرسة يعني كيف كلهم في جرتك في الصبح والمرواح؟؟؟
زي ماقالك خوي " الغراري" الحياة حلوة هنا والجو معقول... يعني حتى لو وصلت درجة الحرارة لتحت الصفر ... واعاصير ثلجية ... بس الصبح تطلع الشمس ويذوب الثلج بسرعة... يعني لا يُقارن ثلجها بثلج شيكاغوا او ميتشيقن شديدة البرودة.

-أيضا يوجد مسجد النور و مسجد أبو بكر في مدينة دنفر ...حاول انك تتردد عليهما وسوف تجد العديد من الاخوة العرب والليبين والذين سوف يساعدونك في كل ماتريد بإذن الله..

هذا على حسب علمي.. فأن كان صحيح فمن عند الله ...وإن كان خطأ فمن نفسي والشيطان


كل التوفيق لكم .... اند ولكم ان دينفر Very Happy



بارك الله فيك على المعلومات وجعلها الله في ميزان حسناتك ويا ريت اتطل مرة مرة على الموضوع بالك يخطر في بالنا اسئلة اخرى وتربح اجرنا وترد علينا.

_______________________________

[center]

بوادي ليبيا
موفد نشيط
موفد نشيط

انثى عدد المساهمات : 89
نقاط : 5715
نقاط السٌّمعَة : 0
تاريخ التسجيل : 18/07/2010

الرجوع الى أعلى الصفحة اذهب الى الأسفل

رد: إذا كنت موفد وموجود حالياً في دنفر نرجو الدخول

مُساهمة من طرف بوادي ليبيا في الأحد 07 نوفمبر 2010, 3:28 pm

@هاشمي كتب:السلام عليكم و رحمة الله و بركاته. كل عام و انتم بخير بمناسبة حلول عيد الاضحى المبارك.
الاخوة رومار و الغراري جزاكم الله خيرا و جعله في ميزان حسناتكم.
المعلومات الحق ينقال مطمئنة بس يا ريت من ناحية السكن تكتبولنا اسماء الاماكن الي يكثر فيها الليبيين و بالطبع هي حتكون المناطق الامنة بالنسبة ليا.
مثلا مرة نصحني صديق قال "ما تسكنش في تشري كريك Cherry Creek و رد بالك تحجز حوش بالنت حدد معاهم موعد و لما توصل شوفه لأنهم يغشو" و الحق الكلام هادا خلاني نتخوف من مسألة الحجز بالنت. فقررت نحجز في فندق أربعة أيام و لما نوصل ان شاء الله ندور علي حوش او شقة.
باهي شن اسم المنطقة الي فيها مسجد النور باش لما نوصل نمشي نصلي الجمعة و نتعرف لأن أول يوم لينا ان شاء الله غادي حيكون جمعة و طبعا حنلقى خوتنا الليبيين و المسلمين و حنطلب معلومات عن المنطقة.
و بالله عليكم لما تلقو الواحد معبر علي شعوره هكي و الا هكي راهو ماتواخدوناش لأنه توتر الاقبال علي مكان جديد مع عيلة ملخبطة الواحد شوية زيد عليها التفكير في القبول الاكاديمي و TOEFL و GRE و ربي يفرجها علي كل الموفدين و يسهلها علينا أجمعين. و هو ولي التوفيق.

السلام عليكم اخ الهاشمي وربي يكون في عونك وعونا ويسهل رحلتك وتوصل بالسلامة انت وعيلتك الكريمة
بعض الاصدقاء نصحونا بمنطقة انجل وود فيا ريت حد يرد علينا برأيه في المنطقة.

_______________________________

[center]

بوادي ليبيا
موفد نشيط
موفد نشيط

انثى عدد المساهمات : 89
نقاط : 5715
نقاط السٌّمعَة : 0
تاريخ التسجيل : 18/07/2010

الرجوع الى أعلى الصفحة اذهب الى الأسفل

رد: إذا كنت موفد وموجود حالياً في دنفر نرجو الدخول

مُساهمة من طرف Almofad2010 في الأحد 07 نوفمبر 2010, 5:06 pm

السلام عليكم..
اقتراح آخر أخوتي المتواجدين بمدينة دنفر
كل واحد يكتب المعلومات عن المكان اللي هو ساكن فيه: اسم المكان ,, المواصلات الى المعهد(باص،سيارة،،) وكم يستغرق ذلك،، أسعار الشقق: غرفة،غرفتين ، ثلاث غرف،،،الشقق مأثثة أو لا ،، رابط المكان على النت(ان وجد) يعني كل المميزات والعيوب وبعدين كل واحد يشوف اللي يناسبه
والله ولي التوفيق

Almofad2010
موفد نشيط
موفد نشيط

انثى عدد المساهمات : 62
نقاط : 5152
نقاط السٌّمعَة : 10
تاريخ التسجيل : 11/10/2010

الرجوع الى أعلى الصفحة اذهب الى الأسفل

رد: إذا كنت موفد وموجود حالياً في دنفر نرجو الدخول

مُساهمة من طرف Elbidi في الأحد 07 نوفمبر 2010, 10:29 pm

السلام وعليكم ورحمة الله وبركاته
معليش I لس في ليبيا ومعنديش فكرة بس عجبتني مشاركات خوي الغراري
وحبت انمسي عليه
بالتوفيق للشباب جميعا..jeam...



Elbidi
موفد جديد
موفد جديد

ذكر عدد المساهمات : 14
نقاط : 4884
نقاط السٌّمعَة : 10
تاريخ التسجيل : 30/05/2010

الرجوع الى أعلى الصفحة اذهب الى الأسفل

رد: إذا كنت موفد وموجود حالياً في دنفر نرجو الدخول

مُساهمة من طرف بوادي ليبيا في الإثنين 08 نوفمبر 2010, 8:02 pm

up

_______________________________

[center]

بوادي ليبيا
موفد نشيط
موفد نشيط

انثى عدد المساهمات : 89
نقاط : 5715
نقاط السٌّمعَة : 0
تاريخ التسجيل : 18/07/2010

الرجوع الى أعلى الصفحة اذهب الى الأسفل

رد: إذا كنت موفد وموجود حالياً في دنفر نرجو الدخول

مُساهمة من طرف Almofad2010 في الثلاثاء 09 نوفمبر 2010, 7:29 pm

up

Almofad2010
موفد نشيط
موفد نشيط

انثى عدد المساهمات : 62
نقاط : 5152
نقاط السٌّمعَة : 10
تاريخ التسجيل : 11/10/2010

الرجوع الى أعلى الصفحة اذهب الى الأسفل

رد: إذا كنت موفد وموجود حالياً في دنفر نرجو الدخول

مُساهمة من طرف meme في الثلاثاء 09 نوفمبر 2010, 7:33 pm

السلام عليكم
كل عام وانتم بالخير جميعا

meme
موفد جديد
موفد جديد

انثى عدد المساهمات : 3
نقاط : 4530
نقاط السٌّمعَة : 10
تاريخ التسجيل : 07/10/2010

الرجوع الى أعلى الصفحة اذهب الى الأسفل

رد: إذا كنت موفد وموجود حالياً في دنفر نرجو الدخول

مُساهمة من طرف طرف شوكلاطة في الثلاثاء 09 نوفمبر 2010, 9:41 pm

كيف الحال ,حاجة نبي انقول عليها ياخوي انك اول ماتجي وتوصل بالسلامة تمشي لفندق
اسمه in town suite
وبما انك ح توصل يوم الجمعة احجز اول ماتوصل عادي لان مش عطلة لكن لو واصل الاحد نصيحتي تحجز من النت. ومعقول الفندق سرير نفرين وحمام وحوض مطبخ صغير تقدر تقعد فيه اسبوع لغند ماتحصل شقة كويسة,والفندق اللي في منطقة هضي فيه وراه محل عربي يبيع في لحوم حلال والاحتياجات الاخرى يعني تقدر تاخد منه . والفندق الاسبوع ب200$مع وايرلس انترنت يعني تقدر تستخدم نت مجاني وفيه مغسلة مجاني وبعدها علي راحتك تقعد تدور شقة كويسة
وبالنسبة للشقة انا ساكنة في مجموعة شقق اسمهن panderosa vellasفيهن زيادة سعر بس مريحات عالاخر ونظافة تحتوي الشقة عالاتي مطبخ فيه تلاجة وغاز وميكروويف وغسالة ماعين وصالة مفروشة فرش ارضي فقط ودار خاصة بالغسيل وغرفة اوغرفتين على حسب انت ايش تطلب الغرف مفروشة فرش ارضي
وسعر الشقة 718 للغرفة الوحدة وزيد 100 لو غرفتين ولو عندك اطفال مجبور منهم انك تاخد 2 غرفة
وبصراحة فيه شقق ارخص بس مش اريح لان نعرف صديقات عندي يسكنو في شقق اخرى والغسيل مشترك يعني ضروري تغسل الملابس مرة وحدة عندهم ماعندهمش غسالة ملابس في الشقة
وباالنسبة لتاتيت الشقة وشرا السيارة ان شاء الله لما توصل بالسلامه خبرنا ندلوك علي ارخص الاماكن بيش
ماتتورطش زي ما صارلي.
واخر نقطة بنبهك عليها ماتكترش لبس وجيب معاك بهارات واجد وقهوة عربية لان هنا مش سماح وغاليات والشاهي حتى هوا جيب الاخضر والاحمر الله الله ليا زمان علي شاهينا ومعاهن الفناجين والطواسي الشاهي والطنجرة والكسكاس مش لانهن مش موجودات بس ح تتعب بيش تلقاهن وغاليات والحاجات الاخرى متوفرات .والسلام عليكم ورحمة الله وبركاته

طرف شوكلاطة
موفد جديد
موفد جديد

انثى عدد المساهمات : 19
نقاط : 4786
نقاط السٌّمعَة : 10
تاريخ التسجيل : 09/11/2010

الرجوع الى أعلى الصفحة اذهب الى الأسفل

رد: إذا كنت موفد وموجود حالياً في دنفر نرجو الدخول

مُساهمة من طرف msasi في الثلاثاء 09 نوفمبر 2010, 10:36 pm

السلام عليكم و رحمة الله و بركاته.
كل عام و الكل بخير بمناسبة حلول عيد الاضحى المبارك.
الاخوة رومار و الغراري والاخت بوادي ليبيا
جزاكم الله خيرا على المعلومات و جعله في ميزان حسناتكم.

msasi
موفد فعال
موفد فعال

ذكر عدد المساهمات : 404
نقاط : 9204
نقاط السٌّمعَة : 79
تاريخ التسجيل : 23/02/2010

الرجوع الى أعلى الصفحة اذهب الى الأسفل

رد: إذا كنت موفد وموجود حالياً في دنفر نرجو الدخول

مُساهمة من طرف Almofad2010 في الأربعاء 10 نوفمبر 2010, 12:10 am

شكرا لطرف شوكلاتطة على النصائح
جعلها الله في ميزان حسناتك

Almofad2010
موفد نشيط
موفد نشيط

انثى عدد المساهمات : 62
نقاط : 5152
نقاط السٌّمعَة : 10
تاريخ التسجيل : 11/10/2010

الرجوع الى أعلى الصفحة اذهب الى الأسفل

رد: إذا كنت موفد وموجود حالياً في دنفر نرجو الدخول

مُساهمة من طرف هاشمي في الأربعاء 10 نوفمبر 2010, 1:03 am

شكرا للجميع (الغراري و رومار) علي تجاوبهم و ردهم علي استفساراتنا و (بوادي ليبيا) علي طرح الموضوع و شكر خاص لطرف الشكلاطة لردها علي مداخلتي
و لو ما عنكمش مانع تخلولي رد علي الخاص بكيفية الاتصال بيكم عند وصولي و اكون لكم من الشاكرين.
. جزاكم الله خيرا و جعله الله في ميزان حسناتكم و ان شاء الله اتكونو من المتفوقين

هاشمي
موفد فعال
موفد فعال

ذكر عدد المساهمات : 144
نقاط : 6381
نقاط السٌّمعَة : 110
تاريخ التسجيل : 04/09/2010

الرجوع الى أعلى الصفحة اذهب الى الأسفل

رد: إذا كنت موفد وموجود حالياً في دنفر نرجو الدخول

مُساهمة من طرف Romar في الأربعاء 10 نوفمبر 2010, 6:00 am

آسف اخوتي كنت اشوي مشغول بالدراسة...
بالنسبة لمدينة انجل وود ..فهي مدينة راااااائعة جدا وهادئة وهي مدينة حديثة بعض الشي ...كل انواع المحلات الكبيرة فيها.. Walmart + Kingsooper + والكثير الكثير ... وفيها عيادات صحية ... ومكتبة عامة... المدينة حلوووة جدا وآمنة ... كل ماتحتاجه من مواصلات ومحلات فهي قريبة منك جدا... وهي قريبة من مدينة لتلتون ... ممكن وون ستاشين
Englewood ---> Oxford -----> Littleton مشكلتها انها مافيهاش عائلات ليبية ... والمناطق القريبة من المواصلات أغلبها ون بدروم ... او انها تكون غالية اشوي يعني تو بدروم في حدود 1200$ شهريا... بس انصحك باستخدام القريقس ليست للبحث عن شقة وبأسعار كويسة وقريبة من المواصلات (عندما اقول قريبة من المواصلات يعني قريبة من محطة القطار وايضا الباصات...)

أود أن أشكر أختى شكلاطة... اول مساهمة وكانت اكثر من رائعة ..(ماشاء الله عليك..وين كنتي غايبة Very Happy
بالنسبة للفندق in town suites فإذا كان مُجرب من الأخت (شكلاطة) يعني آمن ومافيشي دوشة ومكانه مش مشبوه ... أنصحكم يا اخوتي به ...لان السعر معقول جدا...(200$ في الاسبوع جــــــدا معقوووول)
أيضا للذين يفكروا الدراسة في ليتلتون ...فيوجد واحد قريب جدا من المعهد (ممكن ثلث ساعة بالباص --- تأخذ الباص 29 المتجه الى ليتلتون Direction: 29 Littleton 29 via Federal وهو قريب جدا من الفندق مسافة 3 دقايق وراح يوصلك للمعهد طوول )

هذا موقع الفندق .. وصورة من الحجرة:

http://www.intownsuites.com/detail_hotel.asp?id=3953







ملاحظة::: مش عارف اذا هيا مناسبة للذين عندهم أطفال!!!!!!!!!!! يجب التأكد من ذلك

وكل عام وانتم بخير

I'll be in touch
ASAP Smile

Romar
موفد فعال
موفد فعال

ذكر عدد المساهمات : 203
نقاط : 6874
نقاط السٌّمعَة : 156
تاريخ التسجيل : 24/10/2010

الرجوع الى أعلى الصفحة اذهب الى الأسفل

رد: إذا كنت موفد وموجود حالياً في دنفر نرجو الدخول

مُساهمة من طرف بوادي ليبيا في الأربعاء 10 نوفمبر 2010, 9:46 am

@طرف شوكلاطة كتب:كيف الحال ,حاجة نبي انقول عليها ياخوي انك اول ماتجي وتوصل بالسلامة تمشي لفندق
اسمه in town suite
وبما انك ح توصل يوم الجمعة احجز اول ماتوصل عادي لان مش عطلة لكن لو واصل الاحد نصيحتي تحجز من النت. ومعقول الفندق سرير نفرين وحمام وحوض مطبخ صغير تقدر تقعد فيه اسبوع لغند ماتحصل شقة كويسة,والفندق اللي في منطقة هضي فيه وراه محل عربي يبيع في لحوم حلال والاحتياجات الاخرى يعني تقدر تاخد منه . والفندق الاسبوع ب200$مع وايرلس انترنت يعني تقدر تستخدم نت مجاني وفيه مغسلة مجاني وبعدها علي راحتك تقعد تدور شقة كويسة
وبالنسبة للشقة انا ساكنة في مجموعة شقق اسمهن panderosa vellasفيهن زيادة سعر بس مريحات عالاخر ونظافة تحتوي الشقة عالاتي مطبخ فيه تلاجة وغاز وميكروويف وغسالة ماعين وصالة مفروشة فرش ارضي فقط ودار خاصة بالغسيل وغرفة اوغرفتين على حسب انت ايش تطلب الغرف مفروشة فرش ارضي
وسعر الشقة 718 للغرفة الوحدة وزيد 100 لو غرفتين ولو عندك اطفال مجبور منهم انك تاخد 2 غرفة
وبصراحة فيه شقق ارخص بس مش اريح لان نعرف صديقات عندي يسكنو في شقق اخرى والغسيل مشترك يعني ضروري تغسل الملابس مرة وحدة عندهم ماعندهمش غسالة ملابس في الشقة
وباالنسبة لتاتيت الشقة وشرا السيارة ان شاء الله لما توصل بالسلامه خبرنا ندلوك علي ارخص الاماكن بيش
ماتتورطش زي ما صارلي.
واخر نقطة بنبهك عليها ماتكترش لبس وجيب معاك بهارات واجد وقهوة عربية لان هنا مش سماح وغاليات والشاهي حتى هوا جيب الاخضر والاحمر الله الله ليا زمان علي شاهينا ومعاهن الفناجين والطواسي الشاهي والطنجرة والكسكاس مش لانهن مش موجودات بس ح تتعب بيش تلقاهن وغاليات والحاجات الاخرى متوفرات .والسلام عليكم ورحمة الله وبركاته

مشكورة اختي طرف شكولاطة وبارك الله فيك واعانك الله على فعل الخير
الشقق اللي انتي ساكنة فيهم في اي منطقة في دنفر باش نشوف عل الجوجل ايرث انا زي ما قلت زوجي بيقرا في السبرنج متع ليتلتون ونبوا نسكنوا في الوسط بين دنفر وليتلتون على خاطر بنتي بعد ما تتعود على مدرستها ما نبيش نحولها حتى الصغار يتأثروا في قرايتهم هي توا وتزن ما تبيش تسيب صاحباتها قالتلي بروا انتوا لامريكا وانا خلوني عند اميما.
باهي انجوا للمهم انتي قداش ليك غادي يعني البهارات والقهوة والشاهي مش متوفرات في البقالات العربية
وثاني شئ لما انجيبهم معاي في الشناطي تفتيشات المطار ما يسببوش مشكلة؟؟؟؟
والطنجرة والكسكاس قررت نرفعهم يعني ماهمش زيادة وزن نحطهم مع الحوايج ونعبيهم بيهم.
باااااااااااااااااااااهي لقيتي ماكينة الرشدة ؟؟؟ هذه هيا زيادة وزن وما نقدرش نرفعها scratch
ممكن تعلقوا على تعشيشي في موضوع ماكينة الرشدة زي زوجي يقولي وعشتي من غير رشدة مش راح تموتي !!!!!!!!!! بس انا مصرة نعرف هي موجودة والا لا
المهم وخيتي طلي مرة مرة عل الموضوع بالك تربحي فينا الاجر وتردي على تسؤلاتنا وان شاء الله نتلاقوا في دنفر وتكوني صحبة خيررررررررررر
Question اختيار مش عادي للاسم (انا من مدمني الشكولاتة) ههههههههه Laughing




_______________________________

[center]

بوادي ليبيا
موفد نشيط
موفد نشيط

انثى عدد المساهمات : 89
نقاط : 5715
نقاط السٌّمعَة : 0
تاريخ التسجيل : 18/07/2010

الرجوع الى أعلى الصفحة اذهب الى الأسفل

رد: إذا كنت موفد وموجود حالياً في دنفر نرجو الدخول

مُساهمة من طرف بوادي ليبيا في الأربعاء 10 نوفمبر 2010, 9:53 am

@هاشمي كتب:شكرا للجميع (الغراري و رومار) علي تجاوبهم و ردهم علي استفساراتنا و (بوادي ليبيا) علي طرح الموضوع و شكر خاص لطرف الشكلاطة لردها علي مداخلتي
و لو ما عنكمش مانع تخلولي رد علي الخاص بكيفية الاتصال بيكم عند وصولي و اكون لكم من الشاكرين.
. جزاكم الله خيرا و جعله الله في ميزان حسناتكم و ان شاء الله اتكونو من المتفوقين

السلام عليكم ورحمة الله وبركاته
اخونا الهاشمي لما توصل بالسلامة وتسكن بالله عليك ما تنساناش تكتب تجربتك في المطار والتفتيشات والبحث عن الشقة.

_______________________________

[center]

بوادي ليبيا
موفد نشيط
موفد نشيط

انثى عدد المساهمات : 89
نقاط : 5715
نقاط السٌّمعَة : 0
تاريخ التسجيل : 18/07/2010

الرجوع الى أعلى الصفحة اذهب الى الأسفل

رد: إذا كنت موفد وموجود حالياً في دنفر نرجو الدخول

مُساهمة من طرف بوادي ليبيا في الأربعاء 10 نوفمبر 2010, 10:09 am

@Romar كتب:آسف اخوتي كنت اشوي مشغول بالدراسة...
بالنسبة لمدينة انجل وود ..فهي مدينة راااااائعة جدا وهادئة وهي مدينة حديثة بعض الشي ...كل انواع المحلات الكبيرة فيها.. Walmart + Kingsooper + والكثير الكثير ... وفيها عيادات صحية ... ومكتبة عامة... المدينة حلوووة جدا وآمنة ... كل ماتحتاجه من مواصلات ومحلات فهي قريبة منك جدا... وهي قريبة من مدينة لتلتون ... ممكن وون ستاشين
Englewood ---> Oxford -----> Littleton مشكلتها انها مافيهاش عائلات ليبية ... والمناطق القريبة من المواصلات أغلبها ون بدروم ... او انها تكون غالية اشوي يعني تو بدروم في حدود 1200$ شهريا... بس انصحك باستخدام القريقس ليست للبحث عن شقة وبأسعار كويسة وقريبة من المواصلات (عندما اقول قريبة من المواصلات يعني قريبة من محطة القطار وايضا الباصات...)

أود أن أشكر أختى شكلاطة... اول مساهمة وكانت اكثر من رائعة ..(ماشاء الله عليك..وين كنتي غايبة Very Happy
بالنسبة للفندق in town suites فإذا كان مُجرب من الأخت (شكلاطة) يعني آمن ومافيشي دوشة ومكانه مش مشبوه ... أنصحكم يا اخوتي به ...لان السعر معقول جدا...(200$ في الاسبوع جــــــدا معقوووول)
أيضا للذين يفكروا الدراسة في ليتلتون ...فيوجد واحد قريب جدا من المعهد (ممكن ثلث ساعة بالباص --- تأخذ الباص 29 المتجه الى ليتلتون Direction: 29 Littleton 29 via Federal وهو قريب جدا من الفندق مسافة 3 دقايق وراح يوصلك للمعهد طوول )

هذا موقع الفندق .. وصورة من الحجرة:

http://www.intownsuites.com/detail_hotel.asp?id=3953







ملاحظة::: مش عارف اذا هيا مناسبة للذين عندهم أطفال!!!!!!!!!!! يجب التأكد من ذلك

وكل عام وانتم بخير

I'll be in touch
ASAP Smile

بارك الله فيك خونا رومار على الرد وجعله في موازين حسناتك وربي يوفقك في قرايتك
على سؤالي على الانجل وود لو ما فيش هلبا عائلات ليبية مش مشكلة المهم موجود البعض منها وتقريباً فيها الكثير من العائلات السعودية والاماراتية يعني المهم مكان امن وفيه مسلمين .
فهل تشجعنا على السكن في الانجلوود؟؟؟
لان عندنا صديق غادي في دنفر مصرّ على انها بعيدة مش عارفة علاش واكيد بناخذوا بخاطره بس لو المكان مناسب نفضلوا انا نسكنوا فيه.
ارجو الرد لو ما فيه تكليف ومشكور مرة اخرى

_______________________________

[center]

بوادي ليبيا
موفد نشيط
موفد نشيط

انثى عدد المساهمات : 89
نقاط : 5715
نقاط السٌّمعَة : 0
تاريخ التسجيل : 18/07/2010

الرجوع الى أعلى الصفحة اذهب الى الأسفل

رد: إذا كنت موفد وموجود حالياً في دنفر نرجو الدخول

مُساهمة من طرف بوادي ليبيا في الأربعاء 10 نوفمبر 2010, 10:13 am

سؤال لخوتنا اللي سبقونا على دنفر شن الخطوط اللي سافرتوا عليها لدنفر؟؟؟
فيكم من جرب اللوفت هانزا؟؟؟
الوصول سيكون مساءاً والمطار ما فيش فندق والطيارة لامريكا تطلع الصبح!!!! اللي جرب يرد علينا

_______________________________

[center]

بوادي ليبيا
موفد نشيط
موفد نشيط

انثى عدد المساهمات : 89
نقاط : 5715
نقاط السٌّمعَة : 0
تاريخ التسجيل : 18/07/2010

الرجوع الى أعلى الصفحة اذهب الى الأسفل

رد: إذا كنت موفد وموجود حالياً في دنفر نرجو الدخول

مُساهمة من طرف هاشمي في الخميس 11 نوفمبر 2010, 2:07 am

السلام عليكم و رحمة الله و بركاته. اني رحلتي بأذن الله علي British Airways و هي من ليبيا للندن و ان شاء الله بنبات ليلية غادي و الساعة 12:30 نطلعوا من لندن الى دنفر و الرحلة مدتها 9:50 و الله المستعان. ميزة الرحلة هادي مانقعدوش نقزو من مطار لأخر و الخطوط الانجليزية مشكورة من الاخوة الاعضاء.
و بأذن الله بمجرد نوصلو بسلامة الله و نستقرو في مكان لأني حجزت في فندق حنخلي مشاركة علي رحلتي من لحظة مغادرة ليبيا الى الاستقرار لتعم الفائدة.
و ادعولنا.

هاشمي
موفد فعال
موفد فعال

ذكر عدد المساهمات : 144
نقاط : 6381
نقاط السٌّمعَة : 110
تاريخ التسجيل : 04/09/2010

الرجوع الى أعلى الصفحة اذهب الى الأسفل

رد: إذا كنت موفد وموجود حالياً في دنفر نرجو الدخول

مُساهمة من طرف بوادي ليبيا في الخميس 11 نوفمبر 2010, 9:13 am

@هاشمي كتب:السلام عليكم و رحمة الله و بركاته. اني رحلتي بأذن الله علي British Airways و هي من ليبيا للندن و ان شاء الله بنبات ليلية غادي و الساعة 12:30 نطلعوا من لندن الى دنفر و الرحلة مدتها 9:50 و الله المستعان. ميزة الرحلة هادي مانقعدوش نقزو من مطار لأخر و الخطوط الانجليزية مشكورة من الاخوة الاعضاء.
و بأذن الله بمجرد نوصلو بسلامة الله و نستقرو في مكان لأني حجزت في فندق حنخلي مشاركة علي رحلتي من لحظة مغادرة ليبيا الى الاستقرار لتعم الفائدة.
و ادعولنا.

معليش خونا الهاشمي كيف حجزت على البرتش اير واي اخنا الوكالة رفضت تحجز بحجة ان التذاكر اغلى واطررنا انا نحجزوا على الهولندية لان اللوفت هانزا ما فيش فندق في المطار ويبي تأشيرة المانية؟؟؟ لو ممكن ترد عل الخاص

_______________________________

[center]

بوادي ليبيا
موفد نشيط
موفد نشيط

انثى عدد المساهمات : 89
نقاط : 5715
نقاط السٌّمعَة : 0
تاريخ التسجيل : 18/07/2010

الرجوع الى أعلى الصفحة اذهب الى الأسفل

رد: إذا كنت موفد وموجود حالياً في دنفر نرجو الدخول

مُساهمة من طرف عبدالسلام العشيبي في الخميس 11 نوفمبر 2010, 9:42 am

الشباب ما شاء الله ما قصروش في الرد وانا انحب انقول رائي او ممكن ايكون قريب من اللي قالوه الشباب. انا عشت في دنفر سنة وحالية اسكن في قولدن الي هي 20 دقيقة لدنفر او كل اسبوع في دنفر:

1- افضل اماكن للسكن الامن في دنفر بحيث لا تزيد قيمة الايجار مع مصاريف الكهرباء والنت والهاتف عن 1000 دولار.
توجد اماكن عدة ولكن انسبها للعائلات من وجهة نظري المنطقة القريبة لجامعة ال دي يو. لعدة اسباب اهمها قربها من محطة القطار والحفلات. وكذلك المنطقة ليست غالية بالمجمل. فالاسعار تقريبا كالاتي:
1- استديو: من 450 الي 550 دولارز
2-شقة بغرفة واحدة: من 550 الي 700 دولار.
3- شقة بغرقتين: من 650 الي 800 دولار.
4- شقة بثلاث غرف: من 800 الي 1300 دولار.

تواجد مناطق اخري ممكن الواحد يسكن فيها مثل الشيري كريك او بالقرب من شارع موناكو وغيرها.

2- افضل المناطق المحيطة بدنفر للسكن الامن والتي تتوفر بها اماكن مركزية للتسوق وبالعربي الول مارت والكي مارت والسامز كلوب وغيرها بحيث يكون الايجار مناسب لمنحة الطالب الليبي.
شوف في بعض المدن الملاصقة لدنفر وهي في الحقيقة تعتبر مدينة واحدة زي الانقل وود او ارورا. فيها كل شئ ولكن ممكن المسافة ابعد للجامعات او معاهد اللغة.
المحلات الكبيرة او المولات لها فروع تقريبا في كل مكان فلا تقلق.

3- لاحظت الكثير من المواضيع المتكررة والمنقولة copy Past عن توفر البقالات العربية والمطاعم العربية وغيرها انا ارى الاهم هو هل تتوفر بهاراتنا نحن الليبيين وقهوتنا وشاهينا فيها؟؟؟ وهل الاسعار مناسبة مقارنة بالمولات والسوبر ماركات الامريكية؟؟؟
في محلين ليبيات للبقالة او فيها لحوم حلال او ابهرات وغيرها. وايضا توجد عدة محلات عربية واسلامة وعدة مطاعم. ايضا توجد البهارات في الولات الكبيرة زي السامس او الكوسكو.

4- للمتزوجين هل وجدتم الطنجرة والكسكاس ؟؟؟ وكذلك ماكينة الرشدة المبوخة ؟؟؟؟
نصيحتي جيب امعاك طنجرة كسكاس وكذلك ماكنية الرشدة. ممكن تلقاها هنا لكن غالية وكذلك موش كيف اللي عندنا.

5- ما الشئ الذي ندمت على عدم رفعه معك الى امريكا وافتقدته بشدة ؟؟؟ طبعاً غير امك واهلك Crying or Very sad
شوف تقريبا كل شئ موجود. لكن كان قدرت اتجيب امعاك بطانية ثقيلة او اثنين ممتاز جدا. شئ اخار كان قدرت اتجيب امعاك منهجك الدراسي للمواد المهمة ممكن تستفيد منه.

6- ما الشئ اللي تعبت روحك وشحنته معاك في الشنط وما استحقيتلاش في امريكا بكل وما تنصح حد يتعب روحه ويجيبه؟؟؟
ما اتكثرش دبش واجد الخير كله متوفر هنا.

7- اكيد دنفر توا تحت الصفر اللي عنده اطفال في المدارس واطفال في البيت كيف تتصرفوا في موضوع التوصيل واستقبال اطفالكم من حافلة المدرسة يعني كيف كلهم في جرتك في الصبح والمرواح؟؟؟
انا ما عنديش خبرة في الجانب هذا اعذرني

عبدالسلام العشيبي
موفد فعال
موفد فعال

ذكر عدد المساهمات : 348
نقاط : 8130
نقاط السٌّمعَة : 190
تاريخ التسجيل : 07/06/2010

الرجوع الى أعلى الصفحة اذهب الى الأسفل

صفحة 1 من اصل 3 1, 2, 3  الصفحة التالية

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى