transfer sevis fee from I20 TO NEW I20

السلام عليكم
نرجو من الاخوت تتبيت هدا الموضوع لتعم الفائدة علي الجميع
عند تغيير المعهد او الجامعة فان الجامعة الجديدة تصدر لك I20جديد فاننا لو دفعنا مصاريف السيفس للجامعة الاولي يمكن ان ننقلها الي I20 الجديد امتع الجامعة التانية بدون ان ندفع رسوم سيفس جديدة .
وهده هي الطريقة:-
نرسل رسالة الي [ندعوك للتسجيل في المنتدى أو التعريف بنفسك لمعاينة هذا الرابط]
وهده الرسالة يجب ان تحتوي علي 1_ العنوان يجب ان يكتب TRANSFER SEVISFEE
2_محتوي الرسالة dear sir/madam I would like to transfer sevisfee from i20 to new one.
3_تكتب هده الاشياء بحرص . full name
your birth day
old sevis number
new sevis number
reciept number
your adress
your email

4_ لاتنسي ان تشكرهم علي تعاونهم معك . لانه في بلدان كتيرة عندما تدفع شي راح عليك
5_ لو تقدر تبعت لهم صورة منi20 القديم والجديد وصورة من الواصل الاول افضل ليسرع لك الرد في يوم فقط
تم بعد هالرسالة حتوصلك الرد بالموافقة ان شاء الله وبعد وصول الموافقة وتريد ان تطبع الواصل يجب ان تدخل الي موقع اسمه [ندعوك للتسجيل في المنتدى أو التعريف بنفسك لمعاينة هذا الرابط] وتطلعلك تلات خيارات اختار check status وبعدها تلات مربعات لازم تعبيهم الاول رقم السيفس الجديد والتاني لقبك والتالت تاريخ ميلادك . وبعد ان نعبيهم اضغط علي check status حتطلع صفحة تانية اضغط علي كلمة view . وتطلع صفحة تانية اضغط علي click here. حتي تتكمن من مشاهدة واصل الدفع الجديد . تم بعد ان يطلعلك الواصل الجديد تلقي كلمة print قم بطباعته.
والسلام عليكم نرجو تتبيت هدا الموضوع حتي يستفيد من جميع الطلبة لانه 200 دولار افضل للطالب من الحكومة الامريكية
وهدا الموضع تجربة شخصية وانا عملت هالشي وليس منقولا .
لا تنسونا بالدعاء وشكرا

مشكور يا أخينا لكن عندي سؤال
لو صدرلك I-20 جديدة من نفس الجامعة(المعهد) كتجديد للقبول...كيف ندير؟؟

اهلين اخي
ما فهمت فصدك بالضبط ؟ كتجديد للقبول؟
ايش تقصد بالضبط
لو انت i 20 الجديد يحمل نفس رقم السيفس في ال i20 القديم خلاص ليش تدفع تاني
اما ادا الرقم تغير ورسلولك i20 جديد فيه رقم سيفس جديد تقدر ترسل الرسالة وتغير مصاريف السيفس اللي دفعتها من القديم الي الجديد بدون ما تدفع شي. بس اهم شي ان مدته ما خلصت.
انت ياخي ارسلهم رسالة واطلب منه تغيير مصاريف السيفس من i20 القديم الي الجديد وابعتلهم صور منهم الاتنين وصورة الواصل الي دفعت بيه المرة الاولي
وهما يردو عليك وحيقبلو هالشي لاني انا جربت ونجحت العملية اهم شي الواصل السيفس مازال ما خلص مدته

السلام عليكم
يا مصعب ...رقم السيفس هو نفسه امتع القديم ... لكن هل نحتاج اني نرفع الجديد للسفارة ليختموا تاريخ اليوم عليه, (زي مادارو للسيفس القديم اللي طلعت عليه التأشيرة)؟
مشكور بارك الله فيك على الرد

السلام عليكم
ما دام ال i20 القديم والجديد لها نفس رقم السيفس ليش يا اخي تبي تدفع تاني .
( الدفع فقط لو طلعت i20 جديد ومش نفس رقم السيفس )
بس انت ارفعه شنو خاصر لو طابوه اعطيه لهم
بس يا اخي حتي ما نتحمل المسؤلية اهم شي انه ال i20 القديم ميكونش ليه فترة طويلة اكيد ليه فترة صلاحية والدفع حتي هو .
يا رب يوفق الجميع

يعني يا خوي لازم نستنى ال اي تونتي الجديد ...............لاني الان حصلت قبول اكاديمي وانا ندرس في معهد مختلف عن الجامعة اللي قبلت فيها ولم تصدر بعد اي توتني .... او اني نقدر من توا ندير الخطوة هذي....................
بارك الله فيك

@ اخي مصعب.... حبيت أني نعرف في اي حاله يُصدر لك سيفيز جديد؟؟؟؟؟؟؟؟؟؟؟؟؟؟؟؟

بارك اللة فيك يااخوىانا شخصيا اتبعت الخطوات اللى اوردتنا بيها وتمت بنجاح الحمد اللة

السلام عليكم يا اخوتي
انا تعطلت تذاكري وباقي الاجراءات متاعي لكن انا عندي فيزا طالعه بالاي توانتي القديم متع شهر واحد وتوا درت واحد جديد من معهد تاني والسوال الفيزا مكتوب فيها معلومات الاي توانتي القديمة هل نمشي للسفارة يغيرولي الفيزا بمعوملات الاي توانتي الجديدة شكرا ارجو الرد بسرعة

السلام عليكم و رحمة الله و بركاته
بارك الله فيك علي المعلومات القيمة , و لاكن التأشيرة مكتوب عليها رقم السيفيس القديم فهل انخليه كيف ما هو او لازم انغيره من السفارة. يعني بعد ما الواحد ايدير الخطوات هذينا معش ايدير شي او لازم ايعدي للسفارة؟

عفواً ، أنا اتبعت نفس الخطوات اللي حضرتك ساردهم ، بس سؤالي كم من الوقت يحتاجوا حتى يتم الرد ؟؟؟؟

السلام عليكم:
انا حصلت قبول اكاديمي..ووقفت من معهد اللغه على اساس ننقل الاي20 للجامعه الجديده. لكن بعد وقفت قالو انهم ماينقلوش الاي20 قبل بدايه القرايه ب5 شهور.. وانا الان في فتره ال60يوم"غراس بيريد" وماحصلتش مكان اخر نمدد فيه الاي20. والشهر الجاي تنتهي مده الاي20..بالله عليكم انصحوني شن اندير.
وهل يمكن اني ندير sevis جديد وانا في امريكا. مع العلم ان جامعات اللغه كلهن الديد لاين هلب والسشن التاني يبدى بعد انتهاء الاي20 متاعي..
بالله عليكم اللي عندا حل يفيدناز

السلام عليكم
@ خوي المتجول برقة:
بالنسبة لوضعك، ضروري من انك ادير حل وبسرعة لان بعد 60 يوم مش حيتساهلوا معاك وبيجيك الاميقراشين واحتمال يلزوك بره امريكا ويقولولك تعال لما ايجي وقت الدراسة..وطبعا الشي هذا يبي تجديد الفيزا وفي الظروف الحالية الفيزا صعبة اشوي وتاخذ وقت.
المفروض انك سألت قبل ما اتوقف دراستك بمعهد اللغة، عموما حصل خير ان شاء الله... بس فيه سؤال... قداش مزالك في فترة اللغة؟؟ اذا مزال عندك وقت..دور اي معهد ثاني خوذ منه اي تويني جديد وبسرعة ولو اضطريت انك اتسافر لمدينة او حتى ولاية ثانية. واذا تمت مدة اللغة والمكتب الكندي مايبيش يمددلك... دور أي معهد لغة رخيص (مثلا 400 دولار في الشهر) اقرى فيه على حسابك ومشي بيه امورك المدة الجاية الى ان يصدرلك اي تويني جديد.
او انك تقدر اتشوف معهد يدرس دورات خاصة مثلا في "الجي ار اي" او "الجي مات" وابعث للمكتب الكندي واشرحله وضعك وسجل في الدورة هذه وحيعطوك اي تويني جديد مشي بيه الفترة هذه.
طبعا فيه حل آخر وهو انك اتجمد المدة واتروح... بس زي ماقلتلك ماننصحك بيها لان فيها تجديد فيزا ومش مضمونة خصوصا في الوقت الحالي.
أي استفسار انا حاضر...


كل التوفيق خوي