المواضيع الأخيرة
» اتفاق حول منح التأشيرة تشيكيه لليبيين من تونس
أمس في 3:50 pm من طرف Libya Libya

» كتب في علم النبات
أمس في 3:34 pm من طرف Libya Libya

» تفويض النقل وتغيير الساحة
أمس في 2:38 pm من طرف البتول محمد

» طلب وليس امر
الجمعة 09 ديسمبر 2016, 5:31 pm من طرف كابتشينو

» لكل شخص متردد بسبب اللغة الالمانية
الخميس 08 ديسمبر 2016, 8:10 pm من طرف oktub

» دراسة الدكتوراة في المانيا
الخميس 08 ديسمبر 2016, 7:50 pm من طرف oktub

» اجراءات تقديم التأشيرة لزوجة و الأبناء
الخميس 08 ديسمبر 2016, 8:16 am من طرف أبوبكر موسى حامد

» كتاب 1000 سؤال لاختبار توفل مع إجاباتها
الأربعاء 07 ديسمبر 2016, 3:17 pm من طرف مدير المنتدى

» تعرف على الدول التي يمكن لليبيين السفر اليها دون تأشيرة دخول
الأربعاء 07 ديسمبر 2016, 2:04 pm من طرف مدير المنتدى

» نصيحة الله يرحم والديكم
الأربعاء 07 ديسمبر 2016, 5:19 am من طرف Sandrik

» دكتوراة في كندا
الأربعاء 07 ديسمبر 2016, 5:04 am من طرف Sandrik

» خطاب وزير التعليم المفوض بشأن الإسراع في احالة الربع الرابع
الثلاثاء 06 ديسمبر 2016, 7:40 pm من طرف البتول محمد

» يمكنك أن تشفي نفسك
الثلاثاء 06 ديسمبر 2016, 7:31 pm من طرف NAIMA BASHER

» السفارة الامريكية بتونس
الثلاثاء 06 ديسمبر 2016, 7:43 am من طرف أبوبكر موسى حامد

» قرار ايفاد رقم 628/2015
الإثنين 05 ديسمبر 2016, 1:27 pm من طرف dr.mhgb

المواضيع الأخيرة
المواضيع منذ آخر زيارة لي
 استعرض مُساهماتك
 المواضيع التي لم يتم الرد عليها
الموفد على الفيس بوك ...

تجربة مسافر

صفحة 2 من اصل 4 الصفحة السابقة  1, 2, 3, 4  الصفحة التالية

استعرض الموضوع السابق استعرض الموضوع التالي اذهب الى الأسفل

رد: تجربة مسافر

مُساهمة من طرف Romar في الأحد 05 ديسمبر 2010, 6:01 am

السلام عليكم ورحمة الله وبركاته
تلبية لطلب خوي مساسي ومشاركة لموضوع اختي امة الله::: وبمناسبة عيد ميلادي اليوم cheers ... هذه هي رحلتي من ليبيا الى امريكا
هما رحلتين.. بس حنحكيلكم الاولى لان كان طعمها غير.
طبعا بعد المرور بإجراءات الفيزا والتفويض المالي والتذاكر.... الحمد لله كانت الاموور ماشية كويس الى ماوصلت لمرحلة التذاكر ... كان وقتها البعتات يحولوك على شركة معينة وانت وحظك. طبعا قعدت ماشي جاي عليهم يوميا وتلفونات..الحق تأخروا بيهم بس الحمد لله في الاخير طلعت التذكرة وحزمت الامتعة وانطلقت .

انا جيت على الخطوط الالمانية اللوفتهانزا... وبعدين غيرت من سياحية الى يزنس وزدت حوالي 350 دينار تقريبا ... المهم كان الترانزيت ليلة في فرانكفورت... وصلت الساعة 4 العشية شنطتي على ظهري وهـــــائم في مطار فرانكفورت.. مشيت دورت صالة البزنس.. عندهم صالة خاصة تفتح الساعة 6 صباحا ويسكروا الساعة 11 ليلا وفيها بوفيه مفتوح على مدار اليوم وشاشات عرض تي في ..فيها اخبار ورياضة ومسلسلات وافلام.. المهم الصالة مريـــــحة جدا وفيها باث رووم- اكرم الله القارئين – ومجهز بكل شي من معجون وفرشة اسنان وعدة حلاقة ومناشف وموزيل وشامبو وصابون الخ ... يعني كل متطلبات الدوش...
المهم مشيت طووووول للصالة وقعدت فيها.. طبعا عندي قاعدة ... لما اتخش لمكان جديد اول مرة اتشوفه... دير روحك فاهم ودير زي اللي قدامك.. واول كرسي او تركينة اقعد فيها وشوف وارصد كل الحركات اللي جنبك ..كيف يتصرفوا وعلى اي اساس.. هع هع
المهم خلاص لما شفت الوضع خذيت راحتي... وصار موقف كل مانذكره نضحك عليه لليوم:: مشيت للبوفيه وخذيت من كل شي اشوي...
الصحن كان كبير بس عبيته ماخليت حاجة مارفعت منها..
<<<على اساس بيرد حق 350 دينار
المهم جايب الصحن وهوا معبى فل وفي يدي التانية طاسة عصير برتقال على كيف كيفك - (طاسة = كباية = كوب = glass)
المهم الطاسة كانت طوييييييييييييييلة واني ماسك الصحن في يد والطاسة في يد تانية .. وديدش حب الرمان.. ولما وصلت للكرسي حطيت الصحن ومش عارف كيف قلبت الطاسة ...كشششششششششششششششش
توة الموقف الناس كلها تشوف فيا وكلهم بزنس كلاس ..يعني هبي واني خاش بالعرض... هههههههههههه
المهم معاش عرفت شن اندير ..مشيت لقيت اول منظفة قلتلها تعالي فيه كارثة حصلت... هههههههه ماتعرفش تتكلم انجليزي كريتها وجبتها للمكان وشافت الحوسة ووجها انقلب 360 درجة ... في سري قلتلها امالا دافع 350 ع الفاضي؟؟؟ امسحي توة يبالك.هههههههههه
المهم الصالة فيها انترنت وكمبيوترات... كسدت ع النت الى الساعة 11 اليل جتني المظيفة قالتلي بنسكروا طلعت وقلت انشدها دهواري في المطار ..المهم لفيت لفيت لفيت لفيت... بعدها قلت اكيد خلاص قريب الصبح خليني نرقد اشوي .. شفت الساعة لقيتها الساعة 1 الليل ...اوووووووووووووووووووو ماااااااااااااااااااااااااااااان
والرحلة كانت الساعة 9 الصبح .. خلاص دورت اول كرسي حطيت شنطتي تحتى وحاولت وتظاهرت بالنوم.. طبعا كل مابنرقد تنزل طايرة ويجيك هذاك الفوج بدوشتهم اتنوض مخلووووع والجو كان بااااااااااااااااااااااااارد
المهم اول ماجت الساعة 6 مشيت جري للصالة اصلا كنت راقد جنبها.... هههههههه خايف تهرب...
خلاص خشيت دوشت وطلعت فطرت ومشيت لبوابتي وانتظرت دوري وركبت الطايرة ..واحسن حاجة كان المقعد اول وااااحد king ... رااااحة مش عادية ... اول ماطلعت الطايرة نزلت الكرسي وحولته لسرير وتغطيت بالبطانية وقلت للمظيفة ما اتنوضيني ..تعبااااااااااااااااااااااان... المهم نوووم نووووم نذكر اني نضت بعد 8 ساعات من الرحلة... يعني كلها مشت نوووم Sleep Sleep ...ههههههههه
نضت جيعاااااااااااان .. طبعا في البزنس تطلب امتى تبي... وكل اشوي جاية المظيفة شن تبي شن تبي.... المهم خذيت وجبتين وعوضت النقص وجابوا النماذج وعبيتهم وكانت جنبي وحدة المانية تتكلم 6 لغات... الا العربية... وعندها بنتها في نفس الجامعة اللي ماشيلها ..كسدنا هدرزنا وقرمت فيا اشوي ع النوم... لين ماوصلنا للمطار.
نزلنا وسألونا وطلعت من المطار ... والله ابيخ ابيخ ابيخ لقطة لما تطلع من المطار وماتلقاش حد تعرفه يستقبلك... اني متعود ع السفر ورهبة المطارات والحمد لله ماعنديش مشكلة... بس هذه كانت اول مرة انحس بالغربة.. حسيت اني ضايع.. احساس بايخ الصراحة ما انحبش نتفكره. المهم طلعت وكالعادة اول كرسي وشوف الناس وين يمشوا والتاكسيات كيف ووين الباصات... طبعا فيه نقطة ... اني قبل ما نطلع من ليبيا شادها معلومات ع المدينة والجامعة ع النت.. المدينة شفتها بيت بيت ع القوقل ايرث.. وعرفت الجامعة وين وكيف نوصللها من المطار واقرب فندق للجامعة.. طبعا كله ع النت والاوراق اللي بعتوهم مع القبول... خلاص طلعت وركبت في تاكسي ..قالي وين قلتله شن تعرف فندق اسعارة رخيصة وقريب من الجامعة .. قالي فيه وعطاني اسعار.. لقيت الفندق اللي عندي اقرب بس اغلى اشوي... قلتله ارفعني لهذا.. المهم وصلت.. وحجزت ونذكر اول حاجة درتها دوشت وغيرت لان الجو كان بارد (شهر 6) وطلعت للجامعة ..كان الفندق قريب جدا للجامعة تقدر اتقول في الحرم الجامعي... خلاص سألت عن مكتب الانترناشونال ستيودينت وعرفت مكانه ومشيتلهم وحجزت معاهم موعد امتحان تحديد المستوى وكملت الاجراءات التانية .وطلعت بعدها خذيت بيتزا... وكنت خايف من لحم الخنزير..قعدت انقوله مافيهاش بورك ؟ يقولي ايه.. انقوله اكيد؟؟؟؟ يضحك علي... ههههههههه ماعنديش فيهم ثقة.
خلاص بعدها مشيت للفندق ونوم ..نضت الساعة 1 الليل... الساعة البيولوجية امتاعي مزال بنظام ليبيا... كسدت ع الافلام للصبح ومشت الاموور بعدها وتعرفت على ليبيين في الجامعة وحصلت شقة وبعدها حولت مع عائلة وخشيت في جو القبولات واجري وسافر وقارن... لين ما توفقت بنعمة من الله وفضل وحصلت قبولات وبديت اكاديمي ومشت الامووور.
كلها بقت للذكرى... والله سبحان الله كانه امس.
سامحوني تكلمت بالعامية وآسف ع الإطـــــالــــة
أيضا آسف الموضوع مافيش صور الرحلة ...هوايتي التصوير.. بس الصور حاطهم ع الكمبيوتر ودرتله فورمات وضاع الضفدع في الضباب...
بس نوعدكم اني انزل صور لكل الولايات اللي زرتهم او عشت فيهم في موضوع اخر

هذه صورة للجامعة ::







لا تنسونا من الدعاء... الفترة هذه فاينل... وبالتوفيق لكل الشباب

تحياتي...

 

Romar
موفد فعال
موفد فعال

ذكر عدد المساهمات : 203
نقاط : 6888
نقاط السٌّمعَة : 156
تاريخ التسجيل : 24/10/2010

الرجوع الى أعلى الصفحة اذهب الى الأسفل

رد: تجربة مسافر

مُساهمة من طرف msasi في الأحد 05 ديسمبر 2010, 10:37 am

والله خوي romarحطيتنا في جو الرحلة وفعلا كانت فيها لقطات مضحكة علشان تكون لك ذكرة
ان شاء الله تروح سالم لبلادك و غانم بشهادتك باذن الله
وربي يوفقك

msasi
موفد فعال
موفد فعال

ذكر عدد المساهمات : 404
نقاط : 9218
نقاط السٌّمعَة : 79
تاريخ التسجيل : 23/02/2010

الرجوع الى أعلى الصفحة اذهب الى الأسفل

رد: تجربة مسافر

مُساهمة من طرف aliena في الأحد 05 ديسمبر 2010, 2:00 pm

استمتعنا بتجربتك أخى Romar والباين انها كانت ممتعة .. وان شاءالله موفق فى الفاينل وما بعده وربى يستر حتى انى على الألمانية ان شاءالله ولأول مرة

وربى ايسهل أمورنا جميعا ان شاءالله .

aliena
موفد نشيط
موفد نشيط

انثى عدد المساهمات : 66
نقاط : 5598
نقاط السٌّمعَة : 10
تاريخ التسجيل : 24/04/2010

الرجوع الى أعلى الصفحة اذهب الى الأسفل

رد: تجربة مسافر

مُساهمة من طرف alous2030 في الإثنين 06 ديسمبر 2010, 7:37 am

بجديات استمتعنا برحلتك يا اخ Romar و الحمد لله حصلت قبول كله يهون و يقعد غير خراف ...و ربي ان شاء الله يوفقك في امتحانك و يسرلك الامور...........عليك بهدا الدعاء:
[color=red]
اللهم اشرح لي صدري
ويسر لي امري
واحلل عقدة من لساني يفقهو قولي

عجبتني هلبا رقدك في الطياره 8 ساعات

بالتوفيق للجميع

alous2030
موفد فعال
موفد فعال

ذكر عدد المساهمات : 270
نقاط : 8192
نقاط السٌّمعَة : 40
تاريخ التسجيل : 29/01/2010

الرجوع الى أعلى الصفحة اذهب الى الأسفل

رد: تجربة مسافر

مُساهمة من طرف امة الله في الإثنين 06 ديسمبر 2010, 9:03 pm

@Romar كتب:وفيك بارك خوي المساسي... اللهم آمين ... يسلمووووو
حبيت نسأل عن خوي هاشمي اللي عنده معلومة عنه... معاش خش للمنتدى... وايضا خوي الغراري... حتى هوا غائب... ان شاء الله المانع خير بس!!!!

بارك الله فيك هذا من كرم اخلاقك
نضم صوتنا اليك ونأمل ان يكونا بخير

واحب ان اشكرك على مشاركتك المميزة والخفيفة الظل والممتعة جزاك الله خيرا ، وعوضا عن ان نهديك في يوم مولدك اهديتنا هذه المشاركة المميزة فكل عام وانت بخير ، ونتمني لك التوفيق في دراستك والتفوق فانت اهل له you know what does it take to be done

ان شاء الله من نجاح الى نجاح

_______________________________


امة الله
موفد رائع
موفد رائع

عضو إدارة

مشرفة المنتدى الإسـلامـي
قسم ليبيا كما نريد
منتدى فرنسا


الأوسمة:
  • وسام الإدارة


انثى عدد المساهمات : 1344
نقاط : 17391
نقاط السٌّمعَة : 543
تاريخ التسجيل : 07/04/2010

الرجوع الى أعلى الصفحة اذهب الى الأسفل

رد: تجربة مسافر

مُساهمة من طرف msasi في الإثنين 06 ديسمبر 2010, 9:16 pm

@Romar كتب:وفيك بارك خوي المساسي... اللهم آمين ... يسلمووووو
حبيت نسأل عن خوي هاشمي اللي عنده معلومة عنه... معاش خش للمنتدى... وايضا خوي الغراري... حتى هوا غائب... ان شاء الله المانع خير بس!!!!
بالنسبة للاخ الغراري هو متواجد بس مطلع اكثر من انه مشترك عادة يدخل ويشوف هل في استفسار او لا والحمد الله المانع خير بس الهاشمي للاسف لاتوجد لدي معلومة والظاهر انه في غاطس في الامتحانات

كل عام وانت بخير اخي romar

msasi
موفد فعال
موفد فعال

ذكر عدد المساهمات : 404
نقاط : 9218
نقاط السٌّمعَة : 79
تاريخ التسجيل : 23/02/2010

الرجوع الى أعلى الصفحة اذهب الى الأسفل

رد: تجربة مسافر

مُساهمة من طرف الجراح في الإثنين 06 ديسمبر 2010, 9:21 pm

شكر

_______________________________

مع التحية الجراح

الجراح
موفد نشيط
موفد نشيط

ذكر عدد المساهمات : 119
نقاط : 6631
نقاط السٌّمعَة : 6
تاريخ التسجيل : 25/03/2010

الرجوع الى أعلى الصفحة اذهب الى الأسفل

رد: تجربة مسافر

مُساهمة من طرف محمد قرين في الإثنين 06 ديسمبر 2010, 10:51 pm

والله وبكل صدق عشت اللحظة معاك خوي رومار
وانا مجرب هاذه اللحظات اللحظات الي نبكي مع نفسي فيها بسبب الغربة ولماتكون في عالم عمرك مشفت زيه وطبعا انا عمري مسافرت لكن جربت هنا في وطني لبالك في امريكا اخر الدنيا واصعب اللحظات هي اللحظات الاولي الايام الاولي ايام كيف تتاقلم مع الوضع .
ونبي نقولك حاجة تقعد ذكري وتضحك علي روحك بعد وقت وفي نفس الوقت تقعد تبكي لانك ترجع في ذكريات من الماضي الي تشعر بنفسك انك كافحت تعبت وعشت اشد الايام الحلوة والمرة في نفس الوقت.............الوقت يجري والله يجري وسيورها تقعد مغامرة وذكري في العمر محفورة...

_______________________________

[b]
ياقارئ خطي لاتبكي علي موتي فاليوم انا معك وغدا في التراب
ويامارا علي قبري لاتعجب من امري بالامس كنت معك وغدا انت معي
امــــــــوت ويبقي كل ماكتبته ذكري فياليت كل من قرأخطي دعالي

محمد قرين
موفد فعال
موفد فعال

ذكر عدد المساهمات : 138
نقاط : 6184
نقاط السٌّمعَة : 24
تاريخ التسجيل : 18/08/2010

الرجوع الى أعلى الصفحة اذهب الى الأسفل

رد: تجربة مسافر

مُساهمة من طرف Romar في الإثنين 06 ديسمبر 2010, 10:57 pm

الاخ مساسي... كل سنة وانت بالف خير يارب.... مشكووور ع الرد
الاخت aliena:: جزاك الله خيرا على مرورك....
اخي عصام... مشكووور ع الدعاء وربي يوفقك ومرورك اسعدني أخي
اختي امة الله... بارك الله فيك ومشكووورة ع الرد الجميل..
اخي الجراح .. شاكرا مرورك اخي...
اخي محمد اقرين... بارك الله فيك على كلامك الطيب... نعم كانت أيام مرة وحلوة في نفس الوقت..مشكور على رد خوي
كل التوفيق اخوتي وسرني جدا ردكم على ماكتبت
تحياتي...

_______________________________


وَاللهُ في عَونِ العَبدِ مَا كَانَ العَبدُ في عَونِ أخيهِ
Serving People is Serving God


Romar
موفد فعال
موفد فعال

ذكر عدد المساهمات : 203
نقاط : 6888
نقاط السٌّمعَة : 156
تاريخ التسجيل : 24/10/2010

الرجوع الى أعلى الصفحة اذهب الى الأسفل

رد: تجربة مسافر

مُساهمة من طرف alous2030 في الثلاثاء 07 ديسمبر 2010, 8:46 am

النجده ه ه ه ه ه ه ه ه ه

مبوش ينزلو الصور حجمهم كبير الباين و لا مش عارف......اعطوني حلول للمجربين

alous2030
موفد فعال
موفد فعال

ذكر عدد المساهمات : 270
نقاط : 8192
نقاط السٌّمعَة : 40
تاريخ التسجيل : 29/01/2010

الرجوع الى أعلى الصفحة اذهب الى الأسفل

رد: تجربة مسافر

مُساهمة من طرف الغراري في الثلاثاء 07 ديسمبر 2010, 8:53 am

السلام عليكم اخوتي الكرام ترددت كتيرا في البداية لكن قصصكم المثيرة والمضحكة احيانا هي التي دفعتني للكتابة عن تجربتي في السفر لامريكا .
في البداية قصتي لاتختلف كتيرا عن اخوتي اللدين سبقوني بالحديث وبدات الحكاية من ليبيا الحبيبة في مرحلة التذاكر العصيبة ودرت طريق على تشاركية الواحة (ترهونة -طرابلس )والعكس وكل يوم اليوم وفي يوم مشيت للتشاركية اللقيت التداكر متعاتي مخلينهن على جنب لانه عارفيني بنجي وقالولي راهوا غدا الرحلة (بصراحة شعرت بشعور غريب لايوصف) في الوسع الواحد عادي والله كان يلقى يسافر اليوم قبل غدوة لكن وين الحكاية بعد يوم او يومين ينتابك شعور انك بتفقد كل شي عزيز عليك ,المهم مشيت للشركة واجلت الرحلة هي كانت يوم كانت يوم 7-10 اجلتها يوم 10-10 وكله مشت بين ترهونة وطرابلس وتعباي الشناطي والفترة هديكة كانت لاهي شتي ولاهي صيف ماتلقى ماتشري بعد الدواخ والحوسة تلات ايام تلفونات ولمة العويلة وجي يوم الوداع كان اصعب مما تصورت في العادة انا شخص مش من الساهل يبكي لكن والله هديك اللحظة ابكتني بالدات لما ودعت امي .
وبعد هدا كله مشيت لمطار طرابلس وكانت الرحلة السعة 3 ظهرا على الخطوط الهولندية واوخيكم اول مرة يسافر ويجرب جو الطيران المهم لما طلعت الطائرة قرات كل السور والايات التي احفظها بشكل تلقائي ومشت الرحلة على خير وكانت الوجبة سمك وسلاطة وعصائر وقهوة لكن القهوة طلبت قريب 5 او 7 ازرف سكر لين الواحد يتحشم من التمزيق. المهم جربت كل شي في الطائرة كعادتي منهنيش في روحي , ووصلنا امستردام ونزلنا من الطيارة وكل واحد خدي وجهه وانا قعدت زي الاطرش في الزفة خشيت المطار القيته عالم اوخيك ترهوني في امستردام "خطر علي محمد هنيدي"وشديتها تخييط انا كنت حاجز في فندق خارج المطار ويين اوصلت في البوابة قالي يفتحلك ربي اقعد داخل ياودي في طولك في عرضك "جو ليبي" قالي عندنا زوز فنادق في المطار شوفهن قتله في خاطري انا شايفهن وعارفهن مليانات ,وليت وراقيلي ماخليت ماقلت باليبي وواخيكم بدي يخيط في المطار "وليت خبرة فيه" المهم مشيت للفندق الاول قالتلي الولية مليان مشيت للتاني نفسه وانا في طريقي القيت المصلى مشيت توضأت وصليت وقلت مافيش الا النوم في المصلى كان اتسكرت الحكاية وبعدين القيتها قاعدة الساعة 9 مشيت تعشيت "بطاطة وعصير" وشديتها تنسريف ومرة مرة نولي للفندق واخيرا شدت في واحد منهن المهم شطبت اموري ودوشت ودلعت روحي بقهوة والقيت ليبين دردشنا شوية . وبعدها اوخيك يدقها نويمة باهية .
وفي اليوم التاني كانت الرحلة الساعة 9 ص على خطوط دلتا لمنينابولس في منيسوتا وبعد اجرات التفتيش عطلت شوية وبعد ماركبت الطائرة بدت الرحلة الطويلة واوخيكم راقد وشابع نوم تعرفوا مافيش حاجة ماجربتها حمامات "اكرمكم الله " المطبخ درت عليه طريق (قهوة +عصير)وكله بيش الواحد يتحرك قلق 9 سعات جالس المهم بعد ماوصلنا منيسوتا خدوا شوية وقت في الاجرات ممكن 30-45 دقيقة وفاتتني الرحلة الاولى وحتى هو مطار عالم تاني قطارات وجو غريب على اوخيكم الترهوني وقعدت قريب ساعتين فيه واتصلت بالعيلة اللي تستنى فيا في المطار وقلتلهم راهوا مازلت معطل وبعدها مشت الامور ووصلت مطار دنفر وخديت الشناطي وبديت ندولر في الناس اللي شادين لافتات بالك نلقى اسمي لكن بلاجدوى وقررت اني ناخد تكسي وانا في الباب جاني شاب ومعاه بنية قالي انت فلان تعرف قريب طبيته في غمري "شدت معاي " المهم وصلني للحوش متع العيلة القيتهم قاعدين ماتعشوش وقالولي ستف امورك وتعالى تعشى معانا ووخيكم قاعد ننقب ونقيس نتعشى لا جو جديد كول بالشوكة والبرتوكول العبيط .المهم اول ليلة القيتها لازانيا بالبيف قتلهم ياودي اعفوني نبي لحم حلال .وبعدها مشت الامور تاني يوم مشيت بروحي للمعهد وقلوني العيلة فتحت حساب وشريت نقال وبعدها كل يوم تكتشف شي جديد .وبدت القراية وخشينا في الطبيخة .
وهده قصتي اللتي قد تكون مشابهة نوعا ما لاخوتي عصام ورومر ومساسي وشكرا لكم جزيل الشكر للسؤالكم عي الفترة اللي فاتت والله اعلم بما في النفوس انكم بقيتوا زي اهلي وانا فرد منكم .وسامحني اخي رومر ضحكت كتيرا لوحدي على الموقف الذي حدث معك وان شاء الله ربي يوفق الجميع لما يحبه ويرضاه وعذرا على الاطالة.
والله ولي التوفيق

_______________________________

لا تمدّن إلى المعالي يدا قصرت عن المعروف

الغراري
موفد نشيط
موفد نشيط

ذكر عدد المساهمات : 83
نقاط : 6044
نقاط السٌّمعَة : 72
تاريخ التسجيل : 22/05/2010

http://www.facebook.com/profile.php?id=1312767783&amp;v=wall

الرجوع الى أعلى الصفحة اذهب الى الأسفل

رد: تجربة مسافر

مُساهمة من طرف Romar في الثلاثاء 07 ديسمبر 2010, 8:04 pm


أخي عصام ... كم حجم الصورة؟؟؟؟

@ الغراري::
هههههههههههه... أضحك الله سنك أخي الغراري.. رحلة حلوووة كانت... وانا أيضا أكره الودااااااااااع...
مشكووور على مشاركتك... وموفق أخي.

_______________________________


وَاللهُ في عَونِ العَبدِ مَا كَانَ العَبدُ في عَونِ أخيهِ
Serving People is Serving God


Romar
موفد فعال
موفد فعال

ذكر عدد المساهمات : 203
نقاط : 6888
نقاط السٌّمعَة : 156
تاريخ التسجيل : 24/10/2010

الرجوع الى أعلى الصفحة اذهب الى الأسفل

رد: تجربة مسافر

مُساهمة من طرف محمد قرين في الثلاثاء 07 ديسمبر 2010, 10:46 pm

اوكي شباب والله وخيكم منسجم مع قصصكم المشوقة باهي احكونا علي جو القراية غادي كيف تغير عليكم جوها وكيف خشيتو وتاقلمتو مع الوضع الاسادسة وكيف اللغة الانجليزية شادة معاكم ولالا لانه فيه الي خدي ايفاد والله الانجليزي مخطم عليه واعطونا بعد النصايح لانها اكيدة عندكم نقاط فهمتها عاد كيف احنا الليبين ميفوتنا شي جميع (الخرر
والدوزوريغ)نعرفوها بعد مدة اهاهاهاهاهاهاهاها .......

_______________________________

[b]
ياقارئ خطي لاتبكي علي موتي فاليوم انا معك وغدا في التراب
ويامارا علي قبري لاتعجب من امري بالامس كنت معك وغدا انت معي
امــــــــوت ويبقي كل ماكتبته ذكري فياليت كل من قرأخطي دعالي

محمد قرين
موفد فعال
موفد فعال

ذكر عدد المساهمات : 138
نقاط : 6184
نقاط السٌّمعَة : 24
تاريخ التسجيل : 18/08/2010

الرجوع الى أعلى الصفحة اذهب الى الأسفل

رد: تجربة مسافر

مُساهمة من طرف امة الله في الأربعاء 08 ديسمبر 2010, 3:51 pm

السلام عليكم

أخي الغرارى بارك الله فيك على المشاركة فعلا استمتعنا والحمد الله على سلامتكم جميعا

ومن الدروس المستفادة من التجارب لاحظت الاتي:

يجب الحجز في فندق داخل المطار

الانتباه الي ان الرحلة التالية ستفوت بسبب الاستجواب فيجب الانتباه وخصوصا لمن لديهم عوائل واطفال

التنبيه على وجبات الحلال على متن الطائرة عند الحجز للتذاكر

الاقتصاد في كم المعلومات لان الامريكان موسوسين من كل حد عربي خصوصا الشباب

لأختصار الوقت والجهد: العناوين الهامة مكان الاقامة- المعهد - الجامعة - رقم حد مسلم وقت الشدة

النقطة التي مازالت غامضة ايها افضل حجر منزل من ليبيا ام عند الوصول؟
ايضا ايها افضل كرت فيزا من ليبيا او الافضل بعد السفر؟

اليس كذلك؟؟؟

رجاء من اخوتي الافاضل:

اخي ذا قووود موضوعك مرة اخري غاية في الأناقة والفائدة ونرغب في المزيد عن التكيف في الدراسة؟
اخي عصام وين الصور؟ وماذا عن تجربتكم بخصوص حضانة الاطفال ؟ لآني فهمت انكم وزوجتك تدرسان؟
اخي الغراري شنو صار في البنك؟
اخي اهلين وسهلين اين تجربتك؟

لكم جميعا شكري وتقديرى

_______________________________


امة الله
موفد رائع
موفد رائع

عضو إدارة

مشرفة المنتدى الإسـلامـي
قسم ليبيا كما نريد
منتدى فرنسا


الأوسمة:
  • وسام الإدارة


انثى عدد المساهمات : 1344
نقاط : 17391
نقاط السٌّمعَة : 543
تاريخ التسجيل : 07/04/2010

الرجوع الى أعلى الصفحة اذهب الى الأسفل

رد: تجربة مسافر

مُساهمة من طرف aelhangari في السبت 11 ديسمبر 2010, 2:29 am

السلام عليكم ..كل الاخوان
اخ الغراري نبي نسألك كم كانت الساعة في مطار منيابلس لما وصلت ؟ و كيف غيرت الحجز امتع الرحلة اللي فتاتك؟
مع الشكر لجميع الأخوة

aelhangari
موفد مشارك
موفد مشارك

ذكر عدد المساهمات : 25
نقاط : 4912
نقاط السٌّمعَة : 10
تاريخ التسجيل : 23/09/2010

الرجوع الى أعلى الصفحة اذهب الى الأسفل

رد: تجربة مسافر

مُساهمة من طرف الغراري في السبت 11 ديسمبر 2010, 3:02 am

السلام عليكم اخوتي الكرام , اختي امة الله اعدريني انا لم افهم سؤالك بعد!!!!!!!!!! , لكن حنجاوبك على اية حال انا تاني يوم مشيت لمدرسة اللغة وعطوني رسالة للمصرف ووقعوا على I-20 وكان فيه حد يبي يفتح حساب يدير باله من الاتي:

1- يطلب حساب طالب (STUDENT ACCOUNT)
2-مايفتحش SAVING ACCOUNT لان في ربا فقط CHECKING ACCOUNT
3- حتى كان لابد تفتح حساب توفير قوللهم من غير INTEREST
وهما في البداية بعطوك اكتر فايدة ليهم ومش راح يدوولك على حساب الطالب المهم ان شاء الله جاوبت على سؤالك اختي الكريمة.
اما اخي aelhangari والله على ما اذكر كانت الساعة من6:30 الى7 واما بالنسبة لتغيير الرحلة عادي تلقى اكتر من رحلة مفتوحة تمشي للشاشات تشوف الرحلات المغادرة وتعرف اي رحلة هي الاقرب وفي اي بوابة حتكون انت بس عندك التكت تمشي للبوابة وهما يسجلوك وتختار المقعد متع الطائرة هدا السيستم في كل المطارات بس انت تشوف في اي شاشة تلقاها اقرب رحلة لوجهتك القادمة وتعرف رقم البوابة بالزبط .

وان شاء الله ربي يسهل الامور للجميع
والله ولي التوفيق

_______________________________

لا تمدّن إلى المعالي يدا قصرت عن المعروف

الغراري
موفد نشيط
موفد نشيط

ذكر عدد المساهمات : 83
نقاط : 6044
نقاط السٌّمعَة : 72
تاريخ التسجيل : 22/05/2010

http://www.facebook.com/profile.php?id=1312767783&amp;v=wall

الرجوع الى أعلى الصفحة اذهب الى الأسفل

رد: تجربة مسافر

مُساهمة من طرف alous2030 في السبت 11 ديسمبر 2010, 8:10 am

السلام عليكم..
اخي الغراري و الله ضحكتني هلبا قداش ليا مضحكتش و تلاقيت مع ليبين ..تجربتك انت رومار غايه في الروعه...ع العموم مترعشش روحك اني ديما نسافر و مع دلك السفره هده غير كل المرات و حتى الي قاريله النقص راح مني....

اختي امة الله...زوجتي هي التي تدرس احيانا عندما اكتب عن وضع الجامعه و الدراسه اتكلم علي لسانها بصفة التذكير بدل التأنيت بش منلخبطكمش ... يعني الاسم هدا مشترك بيناتنا
انا حاليا اشتغل حضانه للاطفال لين نعرف راسي من رجليا .... وخيكم انجليزيته بالهون ..نوعا ما بديت نمشي في اموري لكن الدراسه لم ابد\أ بعد لان وصلنا نهاية السمستر حتى الصغار محصللنالهمش حضانه...
لكن الي عرفته ان الحضانا للاطفال دون ال 3 سنين ب 600 او 700 دولار في الشهر
وفي البيبي ستر بالساعه..اني حصلت 2 في الحي متعي ( وحده امريكيه ووحده باكستانيه مسلمه) ب 2 دولار الساعه ( طبعا هادو سعرهم رخيص لان ميتبعوش لمدرسه او مؤسسه مجرد ربات بيوت يبو يستفيدو من وقتهم) في هلبا مسلمات جايين مع ازواجهم يشدو في الصغار بالساعه ,,,,,
و بالنسبه للاطفال بعد 3 سنين لازم تقدمولهم بكري بش يحصلو مكان

عصام

alous2030
موفد فعال
موفد فعال

ذكر عدد المساهمات : 270
نقاط : 8192
نقاط السٌّمعَة : 40
تاريخ التسجيل : 29/01/2010

الرجوع الى أعلى الصفحة اذهب الى الأسفل

رد: تجربة مسافر

مُساهمة من طرف toum في السبت 11 ديسمبر 2010, 9:45 am





_______________________________

[

toum
موفد فعال
موفد فعال

انثى عدد المساهمات : 414
نقاط : 10130
نقاط السٌّمعَة : 93
تاريخ التسجيل : 02/06/2010

الرجوع الى أعلى الصفحة اذهب الى الأسفل

رد: تجربة مسافر

مُساهمة من طرف امة الله في السبت 11 ديسمبر 2010, 12:03 pm

[color=cyan]
[quote="الغراري"][center][b][size=18]السلام عليكم اخوتي الكرام , اختي امة الله اعدريني انا لم افهم سؤالك بعد!!!!!!!!!! ,

وعليكم السلام ورحمة الله وبركاته

مشكور اخي علي الرد ، ولاداعي للتعجب فقط تذكرت بانك كنت محتار بخصوص شهري دفعة اولي(سلفة) من المنحة ، وعن مسألة الربا فاحببت ان تكون الصورة واضحة لاي فرد لديه تساؤل، واعتذر منك، وانا عادة اطرح اسئلة ليست شرطا ان تكون لشخصي فقط لأثراء الموضوعات
فبارك الله فيك مرة اخرى على المعلومات القيمة ونتمنى لك التوفيق

اخي عصام جزاك الله خيرا ، وربي يحفظك لزوجتك ويكثر من امثالك كزوج متفاهم ربي يعطيك الصحة، واللغة دائما بشكل يومي انزل الشارع واحي ولو جمل بسيطة، وعود نفسك على الاستماع للغة ايضا مفيد، ونتمنى لك التوفيق بدراستك وزوجتك ايضا

اختي توم امييييييييييييييييين

نرجو من كل الطلبة الذي سافروا ان يشاركونا ولهم الاجر[/center">

_______________________________


امة الله
موفد رائع
موفد رائع

عضو إدارة

مشرفة المنتدى الإسـلامـي
قسم ليبيا كما نريد
منتدى فرنسا


الأوسمة:
  • وسام الإدارة


انثى عدد المساهمات : 1344
نقاط : 17391
نقاط السٌّمعَة : 543
تاريخ التسجيل : 07/04/2010

الرجوع الى أعلى الصفحة اذهب الى الأسفل

رد: تجربة مسافر

مُساهمة من طرف ام حلا في السبت 11 ديسمبر 2010, 2:11 pm

@الغراري كتب:
السلام عليكم اخوتي الكرام ترددت كتيرا في البداية لكن قصصكم المثيرة والمضحكة احيانا هي التي دفعتني للكتابة عن تجربتي في السفر لامريكا .
في البداية قصتي لاتختلف كتيرا عن اخوتي اللدين سبقوني بالحديث وبدات الحكاية من ليبيا الحبيبة في مرحلة التذاكر العصيبة ودرت طريق على تشاركية الواحة (ترهونة -طرابلس )والعكس وكل يوم اليوم وفي يوم مشيت للتشاركية اللقيت التداكر متعاتي مخلينهن على جنب لانه عارفيني بنجي وقالولي راهوا غدا الرحلة (بصراحة شعرت بشعور غريب لايوصف) في الوسع الواحد عادي والله كان يلقى يسافر اليوم قبل غدوة لكن وين الحكاية بعد يوم او يومين ينتابك شعور انك بتفقد كل شي عزيز عليك ,المهم مشيت للشركة واجلت الرحلة هي كانت يوم كانت يوم 7-10 اجلتها يوم 10-10 وكله مشت بين ترهونة وطرابلس وتعباي الشناطي والفترة هديكة كانت لاهي شتي ولاهي صيف ماتلقى ماتشري بعد الدواخ والحوسة تلات ايام تلفونات ولمة العويلة وجي يوم الوداع كان اصعب مما تصورت في العادة انا شخص مش من الساهل يبكي لكن والله هديك اللحظة ابكتني بالدات لما ودعت امي .
وبعد هدا كله مشيت لمطار طرابلس وكانت الرحلة السعة 3 ظهرا على الخطوط الهولندية واوخيكم اول مرة يسافر ويجرب جو الطيران المهم لما طلعت الطائرة قرات كل السور والايات التي احفظها بشكل تلقائي ومشت الرحلة على خير وكانت الوجبة سمك وسلاطة وعصائر وقهوة لكن القهوة طلبت قريب 5 او 7 ازرف سكر لين الواحد يتحشم من التمزيق. المهم جربت كل شي في الطائرة كعادتي منهنيش في روحي , ووصلنا امستردام ونزلنا من الطيارة وكل واحد خدي وجهه وانا قعدت زي الاطرش في الزفة خشيت المطار القيته عالم اوخيك ترهوني في امستردام "خطر علي محمد هنيدي"وشديتها تخييط انا كنت حاجز في فندق خارج المطار ويين اوصلت في البوابة قالي يفتحلك ربي اقعد داخل ياودي في طولك في عرضك "جو ليبي" قالي عندنا زوز فنادق في المطار شوفهن قتله في خاطري انا شايفهن وعارفهن مليانات ,وليت وراقيلي ماخليت ماقلت باليبي وواخيكم بدي يخيط في المطار "وليت خبرة فيه" المهم مشيت للفندق الاول قالتلي الولية مليان مشيت للتاني نفسه وانا في طريقي القيت المصلى مشيت توضأت وصليت وقلت مافيش الا النوم في المصلى كان اتسكرت الحكاية وبعدين القيتها قاعدة الساعة 9 مشيت تعشيت "بطاطة وعصير" وشديتها تنسريف ومرة مرة نولي للفندق واخيرا شدت في واحد منهن المهم شطبت اموري ودوشت ودلعت روحي بقهوة والقيت ليبين دردشنا شوية . وبعدها اوخيك يدقها نويمة باهية .
وفي اليوم التاني كانت الرحلة الساعة 9 ص على خطوط دلتا لمنينابولس في منيسوتا وبعد اجرات التفتيش عطلت شوية وبعد ماركبت الطائرة بدت الرحلة الطويلة واوخيكم راقد وشابع نوم تعرفوا مافيش حاجة ماجربتها حمامات "اكرمكم الله " المطبخ درت عليه طريق (قهوة +عصير)وكله بيش الواحد يتحرك قلق 9 سعات جالس المهم بعد ماوصلنا منيسوتا خدوا شوية وقت في الاجرات ممكن 30-45 دقيقة وفاتتني الرحلة الاولى وحتى هو مطار عالم تاني قطارات وجو غريب على اوخيكم الترهوني وقعدت قريب ساعتين فيه واتصلت بالعيلة اللي تستنى فيا في المطار وقلتلهم راهوا مازلت معطل وبعدها مشت الامور ووصلت مطار دنفر وخديت الشناطي وبديت ندولر في الناس اللي شادين لافتات بالك نلقى اسمي لكن بلاجدوى وقررت اني ناخد تكسي وانا في الباب جاني شاب ومعاه بنية قالي انت فلان تعرف قريب طبيته في غمري "شدت معاي " المهم وصلني للحوش متع العيلة القيتهم قاعدين ماتعشوش وقالولي ستف امورك وتعالى تعشى معانا ووخيكم قاعد ننقب ونقيس نتعشى لا جو جديد كول بالشوكة والبرتوكول العبيط .المهم اول ليلة القيتها لازانيا بالبيف قتلهم ياودي اعفوني نبي لحم حلال .وبعدها مشت الامور تاني يوم مشيت بروحي للمعهد وقلوني العيلة فتحت حساب وشريت نقال وبعدها كل يوم تكتشف شي جديد .وبدت القراية وخشينا في الطبيخة .
وهده قصتي اللتي قد تكون مشابهة نوعا ما لاخوتي عصام ورومر ومساسي وشكرا لكم جزيل الشكر للسؤالكم عي الفترة اللي فاتت والله اعلم بما في النفوس انكم بقيتوا زي اهلي وانا فرد منكم .وسامحني اخي رومر ضحكت كتيرا لوحدي على الموقف الذي حدث معك وان شاء الله ربي يوفق الجميع لما يحبه ويرضاه وعذرا على الاطالة.
والله ولي التوفيق

الله يعطيك الصحة وربي يوفقك فى يلى جاى وماتشوف تعب ياترهونى خـــــــــــــــــــــــاص من ترهونة

ام حلا
موفد رائع
موفد رائع

انثى عدد المساهمات : 1090
نقاط : 18502
نقاط السٌّمعَة : 234
تاريخ التسجيل : 24/05/2010

الرجوع الى أعلى الصفحة اذهب الى الأسفل

رد: تجربة مسافر

مُساهمة من طرف abuhajar في الأحد 12 ديسمبر 2010, 3:39 pm

السلام عليكم الاخوة الاعزاء اخوكم abuhajar)(فى الحقيقة اود ان اشكركم على هذا التواصل وهذه الخدمة المميزة وهذا يدل على اناس فعلا متعلمين وقمة ان شاء الله فى كل شيى.
انا زميلكم انضميت الى المنتدى جديد لاننى سوف اسافر لامريكا قريبا فى اورلندو فلوريدا فى جامعة University of Central Florida أرجو افادتى ببعض المعلومات.
وشكرا

abuhajar
موفد جديد
موفد جديد

ذكر عدد المساهمات : 3
نقاط : 4418
نقاط السٌّمعَة : 10
تاريخ التسجيل : 30/11/2010

الرجوع الى أعلى الصفحة اذهب الى الأسفل

رد: تجربة مسافر

مُساهمة من طرف امة الله في الأحد 12 ديسمبر 2010, 4:15 pm

@abuhajar كتب:السلام عليكم الاخوة الاعزاء اخوكم abuhajar)(فى الحقيقة اود ان اشكركم على هذا التواصل وهذه الخدمة المميزة وهذا يدل على اناس فعلا متعلمين وقمة ان شاء الله فى كل شيى.
انا زميلكم انضميت الى المنتدى جديد لاننى سوف اسافر لامريكا قريبا فى اورلندو فلوريدا فى جامعة University of Central Florida أرجو افادتى ببعض المعلومات.
وشكرا

وعليكم السلام ورحمة الله وبركاته

اخي ابوهاجر نرحب بك بيننا واسعدنا ان الموضوع اعجبك

أما استفسارك فيمكنك استخدام رابط البحث بمواضيع فلوريدا وستظهر مايقارب العشر مواضيع ان شاء الله تجد مايفيدك، وان لم تجد فما عليك اخي الكريم الا فتح موضوع جديد مختصا باستفسارك حول الجامعة

وهنا بعض المعلومات ( على بال ماالقيت تفاصيل اكثر) وهي من احد الموضوعات بالمنتدى

اسم المدينة : Orlando
الولايـة : Florida
حجـم الجاليـة العـربيـة و المـسلمة : متوسـط
عدد المـساجـد : حوالي 3
عدد المـطاعم و مـحلات الطعام العربية : حوالي 8
حجم المدينـة : كبيــرة
معـدل الايجار : من 700 إلى 900
معاملة أهل المـدينة : ممتازة
نوع غالبية اهل المدينة : بيـض
الأمان و السـلامة في المدينـة : المدينة متوسطة الخـطورة
الطقس المعتاد في المدينة : رطب و ممطر صيفا - معتدل شتاء

1- اسم الجامعة : University of Central Florida
نوع الجامعة : جامعة حكومية
مستوي الجامعة الاكاديمي : عالي
حجم الجامعـة : كبيـر
مميزات الجامعة :جامعه كبيره في منطقه سياحيه حيث الطالب يستطيع الدراسه و ان يقضي اوقات ممتعه في عطلة نهاية الأسبوع
معاملة موظفي الجامعة : جيدة
معملة طلبة الجامعة : ممتازة
نوع اغلبية الطلبة : امريكان

2- اسم الجامعة : Rollins College
نوع الجامعة : جامعة خاصة
مستوي الجامعة الاكاديمي : عالي
حجم الجامعـة : متوسـط
مميزات الجامعة : الحرم الجامعي أكثر من رائع
معاملة موظفي الجامعة : ممتازة
معملة طلبة الجامعة : جيدة
نوع اغلبية الطلبة : امريكان


تمنياتنا بالتوفيق

_______________________________


امة الله
موفد رائع
موفد رائع

عضو إدارة

مشرفة المنتدى الإسـلامـي
قسم ليبيا كما نريد
منتدى فرنسا


الأوسمة:
  • وسام الإدارة


انثى عدد المساهمات : 1344
نقاط : 17391
نقاط السٌّمعَة : 543
تاريخ التسجيل : 07/04/2010

الرجوع الى أعلى الصفحة اذهب الى الأسفل

رد: تجربة مسافر

مُساهمة من طرف د.مونى في الثلاثاء 14 ديسمبر 2010, 11:10 pm

مشكورين ياجماعه

د.مونى
موفد مميز
موفد مميز

انثى عدد المساهمات : 551
نقاط : 8727
نقاط السٌّمعَة : 12
تاريخ التسجيل : 24/09/2010

الرجوع الى أعلى الصفحة اذهب الى الأسفل

رد: تجربة مسافر

مُساهمة من طرف Mohamed Adaissi في الثلاثاء 21 ديسمبر 2010, 8:36 am

السلام عليكم ورحمة الله وبركاته

طالب مع وقف التنفيذ يحييكم

والحمد لله على سلامة من وصلوا أماكنهم سالمين ,والعقبه للمنتظرين .

ومشكورين إخوتي على سردكم لقصة السفر والبحث عن المنزل وتذكيرنا بما نحتاج إليه لكي نقوم بجلبه معنا ,وأشكر إدارة الموقع على ما تقدمه لنا من خدمات لا تقدر بثمن .

وفقكم الله لما يحب ويرضى وسدد خطاكم .

Mohamed Adaissi
موفد مشارك
موفد مشارك

ذكر عدد المساهمات : 37
نقاط : 5401
نقاط السٌّمعَة : 30
تاريخ التسجيل : 23/02/2010

الرجوع الى أعلى الصفحة اذهب الى الأسفل

رد: تجربة مسافر

مُساهمة من طرف وعد في الخميس 30 ديسمبر 2010, 3:09 pm

شكرا لكم جميعا

ولصاحبة الموضوع

والشكر الجزيل لأخي the good
لمساعدته الدائمة

وعد
موفد نشيط
موفد نشيط

انثى عدد المساهمات : 69
نقاط : 5358
نقاط السٌّمعَة : 52
تاريخ التسجيل : 24/06/2010

الرجوع الى أعلى الصفحة اذهب الى الأسفل

صفحة 2 من اصل 4 الصفحة السابقة  1, 2, 3, 4  الصفحة التالية

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى