رد: الساحة الايرلندية... هل هي مفتوحة الان ؟؟؟

من طرف **noura** في 12.06.10 6:43

بارك الله فيك وجزاك الله كل خير وجعله في ميزان حسناتك

من طرف nelover81 في 20.06.10 11:38

مسكرة مسكرة مسكرة لا تعليق

من طرف **noura** في 21.06.10 4:03

اختي العزيزة السلام عليكم ورحمة الله وبركاته
اي ساحة او دولة بالنسبة الى ليبيا مسكرة للمواطن العادي او من ليس لديه واسطة كبيرة ولكن من لديه واسطة كبيرة ومعرفة بالشخصيات المهمة في ليبيا فأنها ليست مسكرة ليست مسكرة ليست مسكرة

من طرف nelover81 في 21.06.10 9:12

شكرا اختى العزيزة على الرد
ولينا رب اسمه الكريم Sad

من طرف **THE GOOD** في 21.06.10 13:06

السلام عليكم ورحمه الله وبركاته

الاخت نوره شن صار معاك حصلتي موافقة ع ايرلندا ؟ التقيتي بالدكتور عمران ؟؟

من طرف **noura** في 31.08.10 15:47

THE GOOD كتب:السلام عليكم ورحمه الله وبركاته

الاخت نوره شن صار معاك حصلتي موافقة ع ايرلندا ؟ التقيتي بالدكتور عمران ؟؟

زعليكم السلام ورحمة الله وبركاته
الى الان لم احصل ولكن احد المعارف قالي حنجربلك
بس بصراحة الى الان انا مترددة ومش متأكدة من اختيار ايرلندا
السبب الرئيسي قيمة المنحة الشهرية
لان مدينة دوبلن في ايرلندا واللي فيها جامعة دبلن تعتبر من ثالث اغلى مدن العالم وخايفة ان المنحة لاتكفي
مازلت مترددة مابين ايرلندا وامريكا نيوزلندا
وربي يفرج عالجميع

من طرف **THE GOOD** في 01.09.10 14:45

noura كتب:
THE GOOD كتب:السلام عليكم ورحمه الله وبركاته

الاخت نوره شن صار معاك حصلتي موافقة ع ايرلندا ؟ التقيتي بالدكتور عمران ؟؟

وعليكم السلام ورحمة الله وبركاته
الى الان لم احصل ولكن احد المعارف قالي حنجربلك
بس بصراحة الى الان انا مترددة ومش متأكدة من اختيار ايرلندا
السبب الرئيسي قيمة المنحة الشهرية
لان مدينة دبلن في ايرلندا واللي فيها جامعة دبلن تعتبر من ثالث اغلى مدن العالم وخايفة ان المنحة لاتكفي
مازلت مترددة مابين ايرلندا وامريكا نيوزلندا
وربي يفرج عالجميع

الاخت نورة توقعتك حتى سافرتي

بالنسبة للسبب الرئسي واللي مخليك مترددة من ايرلندا على خاطر الغلا , مش كل مناطق دبلن اسعارها مرتفعة في مناطق معقولة مثلا تقدري تلاقي شقة من غرفتين بــ 800 يورو , والمنحة تقي وتأكدي انها تكفي , لو حصلتي موافقة توكلي على الله وامشيلها

قيمة المنحة الشهرية في ايرلندا

بارك الله فيك وربي يوفقك الجميع

من طرف **noura** في 01.09.10 15:56

اخي العزيز شكرا لك على ردك الكريم
طبعا انا شبه جاهزة ولكن تأخري كان بسبب ترددي في المكان الذي ساتجه اليه هذا اولا
ثانيا بسبب شهر رمضان والعيد والمناسبات العائلية الخاصة
قلت نحضرهم وبعدين نتوكل على الله في بداية السنة القادمة باذن الله
عشان نبدأ الدراسة مع بداية شهر واحد باذن الله
والله البلد الحبيبة وضعت حبل على رقابنا بخصوص المنحة
نحن الطلبة لا نريد البذخ في المنحة ولكن نريد ما يعيشنا في البلد الاجنبي في راحة واطمئنان
لو تلاحظ يا اخي ان اغلب الطلبة يقولك ان المنحة تكفي والحمدلله ولكن لو صارلك موقف كعطل او امر طارئ فان المنحة لاتكفي
وربك يستر ويفرجها عالجميع
يوم الاحد لدي محاولة في ادارة البعتات مع احد اقربائي ولعل وعسى احضر لكم اخبار مفرحة وجديدة

من طرف **THE GOOD** في 01.09.10 17:28

السلام عليكم

العفو اختى نورة

شن بنقولك , يوم الاحد تكون في مقابلات مع الدكتور عمران للطلبة اللي عندهم استفسار او نحو ذلك هوا ويوم الاربعاء تقريبا , فــ لو تمشيلا يوم ثاني غير الاحد يكون خير لانك راح تلقي مكتبه زححححمة يوم الاحد وماتقدريش تأخذي وتعطي معاه في الكلام

في نقطة بنقولك عليها وهي انك قلتي نبي نبدأ الدراسة في بداية العام مش عارف دراسة اللغة او الاكاديمية عموما أغلب الجامعات يكون شهر تسعة هو بداية العام الدراسي فيهن , أو لو بتقري لغة من شهر واحد الي شهر 8 أو 9 مش عارف تسدك تلك المدة لدراسة اللغة

وزي ماقلتي في المنحة , ان شاء الله غير تسد , اكثر من هكي مانبوش شي

ان شاء الله تحصلي الموافقة وخبرينا شن يصير معاك لما تقابلي الدكتور عمران

بارك الله فيك وان شاء الله تساتر معانا جميعاً

من طرف **noura** في 01.09.10 18:19

THE GOOD كتب:
السلام عليكم

العفو اختى نورة

شن بنقولك , يوم الاحد تكون في مقابلات مع الدكتور عمران للطلبة اللي عندهم استفسار او نحو ذلك هوا ويوم الاربعاء تقريبا , فــ لو تمشيلا يوم ثاني غير الاحد يكون خير لانك راح تلقي مكتبه زححححمة يوم الاحد وماتقدريش تأخذي وتعطي معاه في الكلام

في نقطة بنقولك عليها وهي انك قلتي نبي نبدأ الدراسة في بداية العام مش عارف دراسة اللغة او الاكاديمية عموما أغلب الجامعات يكون شهر تسعة هو بداية العام الدراسي فيهن , أو لو بتقري لغة من شهر واحد الي شهر 8 أو 9 مش عارف تسدك تلك المدة لدراسة اللغة

وزي ماقلتي في المنحة , ان شاء الله غير تسد , اكثر من هكي مانبوش شي

ان شاء الله تحصلي الموافقة وخبرينا شن يصير معاك لما تقابلي الدكتور عمران

بارك الله فيك وان شاء الله تساتر معانا جميعاً

بالنسبة الى دكتور عمران مش انا اللي بنمشيله ولكن لدي قريبي يخدم في ادارة البعتات وهو كان مسافر لدراسة في دلوة اجنبية وتوا قاعد في ليبيا للاجازة فقالي يوم الاحد نمشي لادارة البعتات ونشوفلك شنو يصير ..
بالنسبة الى موضوع الدراسة شكرا وبارك الله فيك على التنبيه وهذه النقطة كانت غائبة عني
ولكني حابة نسال سؤال ..
لو انا مثلا سافرت في شهر 2 لدراسة اللغة ودراسة اللغة اقل شئ 9 شهور .. يعني نكمل اللغة في شهر 10
سؤالي
هل ابدأ الدراسة الاكاديمية في شهر 10 او تتأجل الى شهر 9 الثاني والجديد ؟؟؟
اتمنى يكون سؤالي واضح ولديك الاجابة

ثانيا هل كلامك موجه الى طلبة الماجستير او هو موجه حتى الى طلبة الدكتوراة الذين لايحتاجو الى مواد دراسية انما هو بحث فقط ؟ ..

من طرف **THE GOOD** في 02.09.10 6:18

مساء الخير .,’.,

كلامي كان ع الماجستير نظام مواد مش بحث , اغلب الجامعات القراية عندهم تبدأ في تسعة وفي بعض عندهم نظام الكوارتر يعني تقدري تأخذي اربع كوارتر في السنة في كل كوارتر مادتين او ثلاثة يعني مجموعهن 8 مواد في السنة يعني زي نظام السميستر 8 مواد في السنة , سميسترين, لكل سميستر 4 مواد بس الكوارتر افضل واريح

في نظام الكوارتر تقدري تبدي الدراسة في اى كوارتر تختاريه يعني اربع مرات في السنة

ولكني حابة نسال سؤال ..
لو انا مثلا سافرت في شهر 2 لدراسة اللغة ودراسة اللغة اقل شئ 9 شهور .. يعني نكمل اللغة في شهر 10
سؤالي

عادي علي حسب الجامعة , في الدراسة عندهم تبدأ في شهر 9 وشهر 1

وممكن اقل من 9 شهور تكون كافية للغة وتأخذي فيها الأيلس

بالنسبة للدكتوراة او الماجستير نظام بحث , هدي تتفاهمي فيها انتى والمشرف امتى تبدأ الدراسة

ان شاء الله نكون افدتك

موفقة ان شاء الله

من طرف **noura** في 02.09.10 6:44

بارك الله فيك وجزاك الله كل خير
بالنسبة اللي كما قلت سأجرب لو حصلت ايرلندا وكان ماحصلتهاش حنمشي لامريكا الى كولورادو
وربي يوفق الجميع يارب

من طرف **THE GOOD** في 02.09.10 13:22

مساء الخير ,

في حاجة اذكرتها ,لو بتدرسي دكتوراة راهو تختلف الدراسة بين امريكا وبريطانيا في بريطانيا 3 سنوات بحث وخلاص اما في أمريكا تقريبا في كورسات قبل وبعدين بحث

أستفسري عنها النقطة هذي

وربي يوفقنا ,’,.

من طرف **noura** في 02.09.10 13:36

THE GOOD كتب:

مساء الخير ,

في حاجة اذكرتها ,لو بتدرسي دكتوراة راهو تختلف الدراسة بين امريكا وبريطانيا في بريطانيا 3 سنوات بحث وخلاص اما في أمريكا تقريبا في كورسات قبل وبعدين بحث

أستفسري عنها النقطة هذي

وربي يوفقنا ,’,.

الكورسات في الدكتوراة في امريكا نفس النظام لكل الجاكعات او جامعات معينة ؟؟
وهل لديك علم بموضوع امتحان الجي ار اي شنو نظامه وكيف يكون وهل هو عبارة عن مواد تدرس ام امتحان فقط يعتمد على المعلومات العامة ؟؟؟
الى الان لم اجد الشخص الذي يفهمني هذه النقطة ؟؟

من طرف **THE GOOD** في 02.09.10 13:48

الكورسات في الدكتوراة في امريكا نفس النظام لكل الجامعات او جامعات معينة ؟؟

الحق مش متأكد

وهل لديك علم بموضوع امتحان الجي ار اي شنو نظامه وكيف يكون وهل هو عبارة عن مواد تدرس ام امتحان فقط يعتمد على المعلومات العامة ؟؟؟

هو أختصار لكلمة : Graduate Record Exam
شوفي الموضوع هذا ربما يفيدك

GRE