الدراسة في مالطا ***

السلام عليكم .
اخى الكريم ممكن اتفيدنى بمعلومة الله يفتح عليك هل السفارة الليبية تتعامل مع جميع الجامعات فى مالطه والا عندهم جامعات معينة .
يعنى قصدى مرات مايتعملوش مع الجامعات الخاصة واعندهم جامعات محددة الخ .
وشكرا

السلام عليكم ورحمة الله وبركاته

الي راغب في تخصص التقويم ، عندي ليكم جامعه والقبول فيها ميسور بادن الله

جامعة مالطا > كلية طب الأسنان
تقدم برنامج ماجستير في التقويم مدته ثلاث سنوات ، طبقا للمواصفات الأوروبية ومعتمد داخل الاتحاد الأوروبي كأخصائي تقويم ، كما يتم منح شهادة ماجستير في نفس الوقت من الجامعة الملكية بلندن ، ودالك لأن البرنامج مشترك بين الجامعتين ونفس المنهج الدراسي ... أي متطابق تماما.
القبول ميسور ، كل ماهو مطلوب شهادة أسنان وامتحان لغة انجليزية : أيلتس أو توفل ، وحتى الدرجة المطلوبه ميسورة .

من الأشياء التي تساعد على القبول:
خبرة كلينيكيه في عياده خاصه أو ماشابه
درجات أكاديميه مرتفعه وتقدير كويس وترتيب كويس ان وجد.
عمل كمعيد في الكليه ، أو طبيب في مستشفى مثلا.
رسائل تزكيه

القبول ميسور لأنهم ياخدوا في عدد ضخم وقدره عشره طلبه سنويا وبالتالي الفرصه مواتيه للغايه. تخصص التقويم تخصص نادر في جميع أنحاء العالم وفي ليبيا خصوصا ، دخله رائع جدا ، وهو علم يورث ولايدرس.

البرنامج القادم يبدأ في 2013 / 10 أي هناك فرصه لتعلم اللغة وتجهيز الاوراق والتقديم.
ولمزيد من المعلومات حول البرنامج :

ا[ندعوك للتسجيل في المنتدى أو التعريف بنفسك لمعاينة هذا الرابط]

وهناك من يتحدث عن حصوله على قبول أكاديمي ورفض البعثات تغطية التكاليف ، هناك من بالفعل حصل له هدا الموقف في جامعة مالطا وفي هدا البرنامج، وربما يكون "ليبي مغترب" لأنه عنده مساهمه في صفحه أخرى من هدا الموقع يشرح فيها على السكن في مالطا وتكاليفه وايقول أنه صاحب قرار 628، ولكن هدا في زمن الغرياني وليس في ليبيا الجديده وانا أستغرب لمادا عندما سِؤل ليبي مغترب عن مكان القبول رفض الاجابة ، لايكون خايف على المكان يسمعوا بيه بقية الطلبه وقاعد حاط عليه العين ومستعد ايراجي العمر كله من أجلك ياأورثو ... وهادا الشخص الي قلتلكم عليه قرار 628 .
على أية حال . القبول زي الرزق ، عند الله ومن الله ، الواحد يسعى وياخد بالاسباب والباقي على ربي، وماأصابك لم يكن ليخطأك وما أخطأك لم يكن ليصيبك ياليبي مغترب ، واسال الله ان لاتبقى مغترب فتره أطول من هكي ، لأن القبول ماهوش مستحيل زي ما اتقول واتصكر فيها في وجه الخلق ، ميسور للربك كاتبهوله .

وربي ايسهل للجميع ويوفق الجميع .... وليبيا للجميع وتسع الجميع ، حفظ الله ليبيا وهدى الله الخلق ليتعاونو على البر والتقوى ، لا ليتنافسوا على نعيم زائل ودنيا فانيه.

ليبي مغترب كتب:لا يوجد ماجستير لطب الاسنان في مالطا اخت ابتسام

اتقي الله وصفي نيتك .

علاش اتضلل في الخلق واتشرتع فيهم بعيد. منين اتقول مافيش ماجستير في طب الأسنان ، وهوا فيه ماجستير في التقويم وبرنامج صح . كانك أنت ماصارلكش فيه نصيب وتبي اتراجي للا 2013 ورقم قرارك 628 وقريب ايدحي ، متصكرهاش في وجوه الخلق . مش متأكد مفيش من لايم عليك .
لكن أنت مساهماتك اتقول : انك خريج اسنان وقرارك 628 وكنت في مالطا وقلت انك حصلت قبول أكاديمي في الاورثو ورفضوا ايوافقولك البعثات أيام الغرياني وأني نجزم أني عرفتك، وبالله السوس والخنزه متع ايام الجامعه ياسر منها.

صفي نيتك ... ليبيا جديده ونبوا ناس نظيفه

وأختي ابتسام وكل الاخوه ، هناك برنامج تقوين أسنان رائع جدا ، في جامعة مالطا ، قسم الاسنان ، برنامج ماجستير تخصصي طبقا للمواصفات والمعايير الاوروبيه ومعتمد داخل دول الاتحاد الاوروبي كأخصائي تقويم والقبول فيه ميسور لمن يسره الله له ، وياخدوا في عشرة طلبه كل ثلاث سنوات ، القبول القادم في 2013 تقريبا ، والتقديم في 2012 ولمزيد من المعلومات ، لدي مساهمه أخرى أكثر تفصيل يرجى الرجوع اليها .
وهدا موقع الكليه: [ندعوك للتسجيل في المنتدى أو التعريف بنفسك لمعاينة هذا الرابط]
والبرنامج صح من الاخير ، وهو ماجستير مزدوج ، يعني شهادتين ماجستير من جامعة مالطا وجامعة لندن ، لأن البرنامج متطابق تماما ، ويبدوا بيك من البايزك من الاساس ويتقدموا بيك خطوه بخطوه.

وربي يهدي الجميع ويوفق الجميع .