المواضيع الأخيرة
» كتاب 1000 سؤال لاختبار توفل مع إجاباتها
اليوم في 3:17 pm من طرف مدير المنتدى

» تعرف على الدول التي يمكن لليبيين السفر اليها دون تأشيرة دخول
اليوم في 2:04 pm من طرف مدير المنتدى

» اتفاق حول منح التأشيرة تشيكيه لليبيين من تونس
اليوم في 12:34 pm من طرف مدير المنتدى

» نصيحة الله يرحم والديكم
اليوم في 5:19 am من طرف Sandrik

» دكتوراة في كندا
اليوم في 5:04 am من طرف Sandrik

» خطاب وزير التعليم المفوض بشأن الإسراع في احالة الربع الرابع
أمس في 7:40 pm من طرف البتول محمد

» يمكنك أن تشفي نفسك
أمس في 7:31 pm من طرف NAIMA BASHER

» تفويض النقل وتغيير الساحة
أمس في 11:51 am من طرف البتول محمد

» السفارة الامريكية بتونس
أمس في 7:43 am من طرف أبوبكر موسى حامد

» قرار ايفاد رقم 628/2015
الإثنين 05 ديسمبر 2016, 1:27 pm من طرف dr.mhgb

» المراجعه علي رسائل الدعم والقبول
الإثنين 05 ديسمبر 2016, 1:20 am من طرف محمد الوحيشي

» المراجعه علي رسائل الدعم والقبول
الإثنين 05 ديسمبر 2016, 1:19 am من طرف محمد الوحيشي

» فرصة سانحة للمعيدين للدراسات العليا بجامعة المرقب بعد اعفائهم من امتحان القبول
الإثنين 05 ديسمبر 2016, 12:35 am من طرف amir libya

» منح دراسية دولية
الأحد 04 ديسمبر 2016, 10:39 pm من طرف ساره ابو زيد

» أكاديمية الدراسات العليا تفتح باب القبول والتسجيل للعام 2017
الأحد 04 ديسمبر 2016, 12:39 pm من طرف نورالدين الحداد

المواضيع الأخيرة
المواضيع منذ آخر زيارة لي
 استعرض مُساهماتك
 المواضيع التي لم يتم الرد عليها
الموفد على الفيس بوك ...

اي شخص يريد المساعدة في ولاية ميشغن eagle1

استعرض الموضوع السابق استعرض الموضوع التالي اذهب الى الأسفل

اي شخص يريد المساعدة في ولاية ميشغن eagle1

مُساهمة من طرف eagle1 في الجمعة 14 يناير 2011, 11:42 pm

السلام عليكم ورحمة الله وبركاته

لن اطول عليكم اخوتي في الاسلام . انا لقد مررت مرار الكراكم في هدا المنتد ولأكن صادقا معكم ومع نفسي لقد اعجبني هدا المنتد لما فيه من مواضيع مفيدة ومشيقة في جميع او معظم الجوانب والدي اعجبني أكثر وزاد اعجابي لهدا المنتدت هو مشاركة الاخوة الطلبة من جميع الاعمار والمجالات بكل ما هو متاح لهم لأعطائه للطلبة الاخرون الدين هم في امس الحاجة الي هده المعلومات القيمة والالتي هي في غاية الاهمية للبعض منهم
عليه من هده الرؤية لذالك الطلاب جزائهم الله خيرا ..
أود ان اقدم يد العون والمساهمة في اعطاء وتقديم اي نصيحة او معلومية امتلكها اوقد اتحصل عليها من اصدقاء لي لكي اهديها الى كل شخص او طالب محتاج اليها او محتاج الي نشرها للطلاب الاخرون ..
في النهاية اود ان اشكر كل الناس القائمين على هدا المنتد الرائع و المفيد على كل المجهودات المبذولة في مساعدة تواحد و التقاء الطلاب من جميع انحاء العالم وايفادتهم بما هو مفيد
والسلام عليكم ورحمة الله وبركاته
اخوكم eagle1

eagle1
موفد نشيط
موفد نشيط

ذكر عدد المساهمات : 108
نقاط : 4989
نقاط السٌّمعَة : 9
تاريخ التسجيل : 14/01/2011

الرجوع الى أعلى الصفحة اذهب الى الأسفل

رد: اي شخص يريد المساعدة في ولاية ميشغن eagle1

مُساهمة من طرف sara في السبت 15 يناير 2011, 12:09 am

جزاك الله كل خير

sara
موفد فعال
موفد فعال

انثى عدد المساهمات : 124
نقاط : 6349
نقاط السٌّمعَة : 149
تاريخ التسجيل : 26/03/2010

الرجوع الى أعلى الصفحة اذهب الى الأسفل

رد: اي شخص يريد المساعدة في ولاية ميشغن eagle1

مُساهمة من طرف hello777 في السبت 15 يناير 2011, 9:24 pm

السلام عليكم
أولا بارك الله فيك أخي الكريم
ثانيا ممكن تقولي على فرص القبول الاكاديمي بالنسبة للجامعه اللي انت فيها وياريت تكتبنا شويه على ظروف المدينة اللي انت فيها من ناحية السكن والمعيشة والامن وغيرها.

hello777
موفد فعال
موفد فعال

ذكر عدد المساهمات : 155
نقاط : 6090
نقاط السٌّمعَة : 61
تاريخ التسجيل : 25/02/2010

الرجوع الى أعلى الصفحة اذهب الى الأسفل

رد: اي شخص يريد المساعدة في ولاية ميشغن eagle1

مُساهمة من طرف eagle1 في الأحد 16 يناير 2011, 9:14 pm

السلام عليكم ...
مشكور اخي الكريم على المرور والشكر لله ...وبالنسبة للقبول الاكاديمي مش انكون واضح وصريح معك ياخوي كل شي يعتمد على الجامعة وعلى مكتب القبولات في الجامعة وعلى القسم .....
فمثلا... الجامعة الي ادرس فيها يجب عليك ان تقدم درجة التوفل لكي تحصل على قبول في الجامعة و لكن ادا كانت درجتك قريبة جدا من الدرجة المطلوبة ممكن وليس اكيد ان تتحصل على قبول ولكن يعتمد على القسم لان بعض الاقسام تسمح بمدك بقبول ولكن شرط ان تنجز بعض الكرسات في الانجليزي حتي تقبل قبول تام ....
وبالنسبة للمدينة الحمد لله ..المدينة هادئة وجوها ابتع قراية .
بانسبة للأمن الحمد لله امنة جدأ ولكن " المكان الي اسكن فيه"
بالنسبة للمعية معندكش مشكلة كل شيئ والحمد لله موجود ومتفكرش فيه..
واني مش عارف انت هل متزوج او لا..
واي استفسار اخر اني في الخدمة وانشاء الله ما انقصرش معاك في اي معلومة نعرفها...وانشاء الله بالتوفيق

eagle1
موفد نشيط
موفد نشيط

ذكر عدد المساهمات : 108
نقاط : 4989
نقاط السٌّمعَة : 9
تاريخ التسجيل : 14/01/2011

الرجوع الى أعلى الصفحة اذهب الى الأسفل

رد: اي شخص يريد المساعدة في ولاية ميشغن eagle1

مُساهمة من طرف التوحيد اولا في السبت 22 يناير 2011, 2:40 pm

السلام عليكم
جزاك الله خيرا اخي الكريم
اود الاستفسار عن دراسة اللغة في ميتشيغان,هل تفضل الدراسة في معهد تابع للجامعة ام تفضل معاهد مثل ELS ؟
مادا عن اسعار السكن في ميتشيغان,هل تنصح بسكن التابع للمعهد ام اسئجار شقة للاعزب؟
مع تمنياتي لك بالنجاح و التوفيق

التوحيد اولا
موفد نشيط
موفد نشيط

ذكر عدد المساهمات : 101
نقاط : 5599
نقاط السٌّمعَة : 20
تاريخ التسجيل : 23/10/2010

الرجوع الى أعلى الصفحة اذهب الى الأسفل

رد: اي شخص يريد المساعدة في ولاية ميشغن eagle1

مُساهمة من طرف eagle1 في الخميس 27 يناير 2011, 8:17 am

السلام عليكم....
مشكور اخي الكريم " التوحيد اولا" على المرور.
بالنسبة لدراسة اللغة فيى معهد تابع الجامعة يكون افضل بكثير جدا من الدراسة في معهد els >
وانا انصحك وانصح كل طالب يأتي الى امريكا بأن يدرس اللغة في معهد تابع الجامعة...
وبالنسبة للسكن ..على حسب معرفتي المتواضعة ..السكن يعتمد على المكان الدي سوف تقيم فيه..فمثلا في بعض الاماكن السكن يكون فيه مرتفع جدا والبعض متوسط والبعض جيد جداً.
بالنسبة للنصيحة أنا انظر على حسب الشخص مثلاً:
حسب ما فهمت منك انك اعزب . فالسكن داخل الجامعة غالي ومكلف ولكن ميزته قريب وداخل الجامعة أي مافيش تعب ليك في التنقل والوصول الي محاضرتك.
ولكن لو تسكن خارج الجامعة بيكون ارخص ولكن يتوقف غلى البعد من الجامعة مرات يكون ابعيد شويه وبالتالي فيه تعب واستهلاك للوقت.
فنصيحتي لوجه الله .اني لو في مكانك اسكن خارج الجامعة لاسباب التالية:
1- تاخد راحتك ومتكونش متقيد.
2- ارخص من الداخل.
3- مرات تلاقي ناس اقويسه وتعمل شيرينك " 2*1 " أي تلقى حد تتقسم معاه السكن وفي نفس الوقت تتعلم اللغة.
ملاحظة مهمة .........
اود ان اشير بالنسبة للميشغن يجب عليك ان تشري سيارة يا اخي..لان العيش من غير سيارة مستحيل من الاخير وخوتها مني من الاخير ..ومتخافش السيارات على حسب الفلوس الي تبي تصرفها ..
وانشاء الله انكون افدك حتى بالقيلل ..وانشاء الله بالتوفيق...
ولو محتاج الي اي حاجة او استفسارة او خدمة من متشغين خوك eagle1 في الخدمة وانشاء الله انقوم بالواجب ونساعدك على ماقدر ما عندي....

eagle1
موفد نشيط
موفد نشيط

ذكر عدد المساهمات : 108
نقاط : 4989
نقاط السٌّمعَة : 9
تاريخ التسجيل : 14/01/2011

الرجوع الى أعلى الصفحة اذهب الى الأسفل

رد: اي شخص يريد المساعدة في ولاية ميشغن eagle1

مُساهمة من طرف fatah45 في الخميس 27 يناير 2011, 9:21 am

السلام عليكم
الاخ eagle1
اكتب لنا عن موضوع رخصة القيادة ، اسعار السيارت ، الوقود ، واي معلومة ترها تفيد
وشكرا

fatah45
موفد مشارك
موفد مشارك

ذكر عدد المساهمات : 22
نقاط : 5157
نقاط السٌّمعَة : 0
تاريخ التسجيل : 23/03/2010

الرجوع الى أعلى الصفحة اذهب الى الأسفل

رد: اي شخص يريد المساعدة في ولاية ميشغن eagle1

مُساهمة من طرف eagle1 في السبت 29 يناير 2011, 6:49 am

السلام عليكم ورحمة الله وبركاته,,,,,
1- بالنسبة لموضوع الرخصة :
انا بالنسبة لي أفضل الشخص ان يأتي بالرخصة الدولية " علاش"......
لان هنا في ميشغن مش تحصل على الرخصة لبد منك ان تجتاز الامتحان النظري وبعدين يجب عليك الانتظار لمدة حسب ما اتفكر ممكن شهر وبعدين تعمل الامتحان العملي....
"معنى الكلام"؟؟؟؟
اذا لا تريد الانتظار وان تكون متقيد وخاصة لو انك متزوج او عندك اطفال " انا انصح بالرخصة الدولية""
ولو انك من الجماعة الي بالهم واسع ومعندكش مشكلة وتتحمل الفترة والامتحانات :"هدا يعتمد عليك" لان هنا في ميشغن لو معنداكش سيارة والله من الاخير اتشاو عليك ...
وهدا من تجربتي الشخصية مش من قال وقيل ,,,,
2- بالنسبة للسيارت....
والله شنوا بنقولك كل شيئ يعتمد على الميزانية الي انت مخصصها وبعدين على نوع السيارة وعلى الي يبي يبيع السيارة..
من الاخير فيها شويه حظ..مرات تلقى شخص يبي ايبيع سيارته وانت تشري منه فتطلع سعاره معقول ومرات قويس ..ومرات تاخد سيارة من المحل ويكون سعرها اكويس ومرات غالية شويه....
السيارات اليابنية اغلى سيارات وبعدين الكوري وبعدين الامريكي...
ولكن من الاخير بأذن الله ما في مشكلة فيها "في مثل بيقول "" غير انت تعال يا عزيز ".
3- بالنسبة للوقود
من الاخير هنا في امريكا كل شيء سعره في يومه:
" معنى الكلام""
والله البنزين هنا في امريكا كلها وليس في ميشغان فقط السعر كل يوم بيومه زي الذهب..وفي نفس الوقد تلقى اكثر من سعر في نفس اليوم يعني هي عبارة عن مجموعة كبيرة من الشركات النفطية وكل شركة بجوها " اي كل وحده عنده سعر معين مرات تلقى وحدة ارخص من الثانية او غلي من الثانية ومرات تلقي نفس الشركة عندها اكثر من سعر على حسب موقع المحطة التابعة لها..
ملاحطة " الاختلاف في الاسعار مش كبير حسب ما تتوقع مثل على القالون مرات 5 او 10 سنتات"...
وفي النهاية ادعو الله لكم بالتوفيق واتمني بأني قد قدمت لكم بعض من الاجابات التي تبحثون عليها ...
وانا في استعداد تام بإذن الله بأن لا ابخل عليكم في اي معلومة تريدونها او شيئ غامض يريد الوضوح...وفي حالة استقريت على المجئ الى الولاية فسوف اقوم بالواجب وترتيب اي شيئ تحتاجونه قبل المجئ وسوف ابذل قصار جهدي وانشاء الله ما انقصر معاكم.....
اخوكم لله eagle1 Arrow

eagle1
موفد نشيط
موفد نشيط

ذكر عدد المساهمات : 108
نقاط : 4989
نقاط السٌّمعَة : 9
تاريخ التسجيل : 14/01/2011

الرجوع الى أعلى الصفحة اذهب الى الأسفل

رد: اي شخص يريد المساعدة في ولاية ميشغن eagle1

مُساهمة من طرف التوحيد اولا في الأحد 30 يناير 2011, 4:03 pm

الاخ Eagle 1
بارك الله فيك و جزاك الله خيرا و جعلها الله في ميزان حسناتك
لقد دهبت لوكيل معهد ELS في طرابلس,و ابلغني ان الرسوم الكاملة للتسجيل في المعهد و التنسيق للسكن و رسوم التسجيل تبلغ حوالي 1000 دينار(شاملة acceptance letter,I-20 ,Sives, و رسوم حجز السكن و خدمات التاشيرة)
ما رايك في هده التكاليف ,هل هي منطقية؟علما باني من خارج طرابلس
بالنسبة للمعهد التابع للجامعة,وجدت تخصصي في جامعتي انديانا و ميتشيغان و اوهايو
المشكلة ان معاهد اللغة توجد في مناطق بعيدة عن مقر الجامعة الرئيسي,كما ان مواقع الجامعات لا تعطي معلومات وافية بخصوص السكن و الاسعار.
هل لديك معلومات عن هده الجامعات(انديانا و اوهايو)؟
سائلا الله ان يوفقك

التوحيد اولا
موفد نشيط
موفد نشيط

ذكر عدد المساهمات : 101
نقاط : 5599
نقاط السٌّمعَة : 20
تاريخ التسجيل : 23/10/2010

الرجوع الى أعلى الصفحة اذهب الى الأسفل

رد: اي شخص يريد المساعدة في ولاية ميشغن eagle1

مُساهمة من طرف eagle1 في الأحد 30 يناير 2011, 8:13 pm

السلام عليكم ورحمة الله وبركاته,,,
أخونا التوحيد:
اولا: مشكور جدا على الكلام المكتوب .......
ثانياً: بالنسبة للتكاليف المدكورة وهي حوالي 1000 دينار ليبي..والله انا انظر فيهم هلبى ...
حسب كلامك :
سيفسس + ورقة القبول+ اي 20 + حجز السكن+ خدمات التأشيرة...
حسب خبرتي المتواضعة :
1- سيفيس عبارة مجموعة بيانات تعبيها في الانترنت من خلال موقع السفارة الامريكية وهو عبارة عن ..200$ الان.... مع العلم في السابق حسب ما اتفكر كانت في جو 150 او 130 $.
2- ورقة القبول وهي عبارة عن ورقة مكتب الاتميشن من الجامعة بخصوص اللغة ..وهي تعتمد على ورقة تثبت بأنك عندك دعم مالي ومعاها مجموعة اوراق كالجواز السفر " اي مجموعة بيانات عنك"" وهي ما فيهاش مشكلة انشاء الله. والسعر ابتعها يعتمد من جامعة الى جامعة . ونقدر انقول في المتوسط ما بين 50 $ الي 150 $ على حسب الجامعة...
3- اي 20 من الجامعة وهي تبي ورقة الدعم المالي واوراق اثبات هوية وانشاء الله ما فيش مشكلة فيها .
4 - حجز السكن " شنوا معني هناك مصاريف حجز سكن" مش انكون واضح معاك لا مصاريف ولا حاجة ..المكتب الي امشيتله شنوا بيدير بكلم واحد من المساكن هنا في امريكا وبيدفع ليهم قيمة معينة " تسمى بليبيا عربون " وهدا هو....بس اني نصيحتي لوجه الله فوتا برنامج السكن...
5- برنامج التأشيرة ..عبارة عن تدخل اليى موقع السفارة الامريكية في الانترنت وتبع شوية خطوات على السريع وتعبي بياناتك وتحدد من ضمنها وقت المقابلة في السفارة وبعدين اعمل اوت برند للاوراق الي عبيتها ومن ضمنها الموعد ابتعك للسفارة ...مش امتى تمشي للسفارة عندك ورقة الموعد معاك.....
..........فخلاصة القول بالنسبة للمصاريف حسب اتكلكيشي ليها على السريع بتجيك في جو ما بين 400 الي 600 ليبى ..اي المكتب بياخد الفرق حتى يوصل 1000 ليبى....
1- بالنسبة للمعهد اني زي ماقلتلك نصيحة لوجة الله فوت ايلاس لان الكثير من الطلبة الليبين اشكو منه ويقولو مش كويس وللأمانة اني لم اجربه والحمد الله...
2- بالنسة انت تقول ما فيش او مالقيدش معاهد تابعة للجامعة ..." يا ودي هده اه اه اه" فيه معاهد تابعة للجامعة بس نعوعك مش مطول بالك فيه .....
3- بالنسبة لسؤالك عن الجامعات انديانا واوهايو سؤال كبير جداً من الصعب الاجابة عليه..قصدى لابد ان تحدد السؤال ابتعك " انت درتلي زي واحد قال لصاحبة شنوا رايك السكن في طرابلس " معناها السؤال مش محدد بالضبظ لان طرابلس يا عزيزي كبيرة فيها امكانات مشاء الله وينصح بيها وفيها امكانات شوف روحك فيهه....وانشاء الله المعلومة وصلت......
ملاحظة مهة:
انت بتردس شنوا بالضبظ " كاتب طب" لو تكتب تفاصيل شوية وشنوا بتدرس بالضبظ ممكن الواحد يقدر ايساعد اكثر وتكون مختصر أفضل ...
وهل متجوزر او لا ...فهمت شنوا قصدي..مش واحد امتي ايجواب على شيئ يعرف الطلريقة المثلي للأجابة لان بعض الاجابات تمشي مع الاعزب وما تمشي مع المتزواج ....

.........و في النهاية انشاء الله موفق واني انشاء الله انكون جوبتلك على معظم الاسئلة المطروحة .... وزي ماقلتلك تيما اسعى وتوكل على الله واسئل قبل ما ادير اي حاجة والسؤال مش عيب..وانشاء الله انكونوا عند حسن الحظ...وبالنسبة لميشغين ادلل من اي حاجة تبيهة قصدي تبي تكملة اوراق او برنامج سكن او استقبال ...انشاء الله ما فيش مشكلة ونقومو بالواجب ....
مع تحياتي eagle1 Arrow

eagle1
موفد نشيط
موفد نشيط

ذكر عدد المساهمات : 108
نقاط : 4989
نقاط السٌّمعَة : 9
تاريخ التسجيل : 14/01/2011

الرجوع الى أعلى الصفحة اذهب الى الأسفل

رد: اي شخص يريد المساعدة في ولاية ميشغن eagle1

مُساهمة من طرف التوحيد اولا في الأحد 30 يناير 2011, 9:09 pm

السلام عليكم و رحمة الله
جزاك الله خيرا و فتح الله عليك
ساجعل تساؤلاتي في نقاط محددة
اولا :تصفحت معاهد اللغة التابعة للجامعات من خلال موقع http://www.uciep.org/index.php
فهل تنصح بموقع اخر؟(ربما تكون ملاحضتك صحيحة لاني كيفت روحي للدراسة في الاي ال اس)
اما بالنسبة للحالة الاجتماعية فانا اعزب.
ثانيا:تخصصي هو علم امراض الاورام التشخيصي (يشمل oncology ,Radiological oncology &Oncological Histopathology)
ثالثا:التخصصات الطبية تحتاج لامتحانات تقيمية Gre و لم اجد لها دكرا في مواقع معاهد اللغة بالجامعات,و هل يعفى الطالب من امتحان توفل بعد الدراسة بمعهد لغة الجامعة.
رابعا:بخصوص السؤال عن انديانا و اوهايو,وجدت تخصصاتي في مدينة و مراكز اللغة في مدن اخرى بعيدة,مثل معهد اللغة في بلومنغتون و كلية الطب في انديانابوليس,و معهد اللغة بكولومبوس و الكلية في سنسيناتي.
اخيرا:ما اسم الجامعة التي تدرس بها في ميتشيغان
مع تمنياتي لك بالسداد و التوفيق و النجاح


التوحيد اولا
موفد نشيط
موفد نشيط

ذكر عدد المساهمات : 101
نقاط : 5599
نقاط السٌّمعَة : 20
تاريخ التسجيل : 23/10/2010

الرجوع الى أعلى الصفحة اذهب الى الأسفل

رد: اي شخص يريد المساعدة في ولاية ميشغن eagle1

مُساهمة من طرف sameera في الأحد 30 يناير 2011, 10:42 pm

السلام عليكم ورحمة الله وبركاته
عندي سؤال عن جامعات ميشيقن
انا تخصصي صحة عامة واريد قبول اكديمي ولكن مطلوب مني امتحان جي ار اي
والسؤال؟ هل توجد جامعات فيها تخصص الصحة العامة وامتحان الجي اراي مش مطلوب - او يدرس ال جي ار اي كانه مادة من ضمن مواد الماجستير علما باني متواجد\ في امريكا ولاية فلوريدا جميع الجامعات في فلوريدا تطلب امتحان جي ار اي

sameera
موفد مشارك
موفد مشارك

انثى عدد المساهمات : 27
نقاط : 4911
نقاط السٌّمعَة : 10
تاريخ التسجيل : 13/09/2010

الرجوع الى أعلى الصفحة اذهب الى الأسفل

رد: اي شخص يريد المساعدة في ولاية ميشغن eagle1

مُساهمة من طرف eagle1 في الأربعاء 02 فبراير 2011, 11:12 am

السلام عليكم ورحمة الله وبركاته,,,,
معلايش اعدرونا على التأخير في الرد والله الواحد كان عالق شويه.. بس الحمد الله كل شيئ على ما يرام.....
خونا التوحيد اولا,,,,
انشاء الله امورك طيبة وحالتك قويسة والامور ماشية والحمد لله.....
بالنسبة للردود على اجاباتك :
1- بالنسبة للموقع http://www.uciep.org/index.php والله اقويس وزيد على دالك امتى ادور في القوقل حاوا تركز اشويه...
1- مثلا..انت اول شيئ لزم تعمل هدف لنفسك مثل تبي شنوا بالظبط ....تبي ادور على ولاية معينة انت حاطة في راسك او معهد لغة كويس او ادور على منطقة فيها عرب او ليبين او ولاية فيها شنوا تطهور فيها امتى عندك وقت فراغ او مكان فيه تخصصك وفي نفس الوقت فيه انجليزي....
2- بالنسبة لبرنامج الاي اي س زي ماقولتلك اني لم اجربة بس حسب ما سمعة من اخوتنا الطلاب وشوية من الاصحاب الي مجربينه يقولو فوته لانه مش ولا بود.....وهده نصيحة لوجه الله مش تقول ما يبينيش نقره فيه.....فشوف روحك يالعزيز...
3-بالنسبة ل جى ار اي ماليشه علاقة بمكان اللغة ...لان هنا في امريكا وحسب تجربتي الشخصية الجي ار اي اديره في اماكن متخصصة بيه...وتسمى الكابلن وهي عبارة عن اماكن متخصصة للامتحانات معينة مثل الجي ار اي وام تي سي والماكت ..والخ..
4- بالنسبة لحكاية يعفى الطالب من التوفل امتي يدرس في المكان نفسه...والله ما تشد عليه بالنسبة لي ماجربتاش هدا البرنامج بس اني اسمعته بيه امخر من الاصدقاء مره ...يقولو فيه بعض من الجامعات عنده هدا البرنامج اي امتى تكمل معاها كل المستوايات اللغة تقدر تقرا الاكاديمي على طول بس والله ماني عارف بالضبط اما هدو الجامعات لان الدوا ليه فترة......
5- بالنسبة لحكاية المكان اللغة في امكان والجامعة الي فيها التخصص في امكان اخر... شنوا بنقولك كان اني في امكانك ما تفرقش معايا لان انت تقرا في لغة بس .......وبعدين بتخوش على الجامعة ....لان لاي جامعة انت فيها تخصصك بتأخد الدرجة الي انت امايرها في امتحان الانجليزي....معناها انتي اقاعدك في المكان امتع الانجليزي مؤقد بس او ما اتجيب الردجة بتمشي منه....وتدهب للجامعة...
وبالنسبة لو حصلت امكان فيه جامعة ويعطيه في الانجلزي ويقبل في الطلاب بعد ما يكملوا جميع مراحل اللغة ...معناها المسئلة محلولة....
6- بما أنك اعزب يعتبر كويس بعض الشي ...قصدي في جميع البرامج مثل التنقل والسكن والطبيعة والبيئة الي بتعيش فيها ..تقدر اتلايم روحك ومتكونش متقيد ولا حد مقيدك معاه...معناها عندك حرية وهده الحرية تستفيد منها هلبا صدقني اقل مثال على دالك جو السكن....
7- على فكرة بالنسبة للغة والله القيتلك رابط قويس وانشاء الله تستفيد منه وتلقى فيه حاجة قويسة http://www.saudiusa.com/new/index.php/2010-02-28-14-17-49 .
8- بالنسبة للجامعة الي ادرس فيها هي موجودة في ميشغن في الشمال الشرقي واسمها اوكلنت ....
وفي النهاية انشاء الله انكون ساعدك في العثور على الاجابات حتي ولو 10% ..وزي ماقتلك معندكش مشكلة انشاء الله واني في الخدمة انشاء الله بأي حاجة نقدر انساعدك فيها....
مع تحياتي eagle1

eagle1
موفد نشيط
موفد نشيط

ذكر عدد المساهمات : 108
نقاط : 4989
نقاط السٌّمعَة : 9
تاريخ التسجيل : 14/01/2011

الرجوع الى أعلى الصفحة اذهب الى الأسفل

رد: اي شخص يريد المساعدة في ولاية ميشغن eagle1

مُساهمة من طرف eagle1 في الأربعاء 02 فبراير 2011, 11:26 am

السلام عليكم ورحمة الله وبركاته,,,
كيف الحال يا اخت سميرة...واسف على التاخير في الرد والله الواحد كان مشغول شويه بس الحمد الله...
والله شنوا بنقولك بالنسبة لبرنامجك انتي تبي جامعات ما تبيش الجي ار اي وانتي تخصصك صحة عامة " طب "... اني توا القيتلك لينك وانشاء الله تستفيدي منه وتلقي الجامعة الي تمشي معاك ...http://www.saudiusa.com/UN4.pdf انتي ما عليك الا ادوري في القائمة على الجامعة الي فيها تخصصك وبعدين اتصلي بيهم وتأكدي منهم وانشاء خير ....
واني والله عندي صديق بس يقرأ في الطب بس مش اكاديمي "كليننك". فهوا برنامجه مختلف عليكم اظني ..لان هوا ما دارش امتحان الجي ار اي هوا ايدير في امتحانات 3 بارت .... واني نشاء الله انحاول نتصل بيه ونشوفه بالك عنده خبر او معرفة على برنامج ...وانشاء الله خير ...
......دائمأ الواحد يتأمل خير ويسعى ويتوكل على الله وربك انشاء الله ايساعد الواحد...
واني انشاء الله اندير اتصالتي وانشاء الله ربك يقدم الي فيه الخير ,,,,,
مع تحياتي eagle1 Arrow

eagle1
موفد نشيط
موفد نشيط

ذكر عدد المساهمات : 108
نقاط : 4989
نقاط السٌّمعَة : 9
تاريخ التسجيل : 14/01/2011

الرجوع الى أعلى الصفحة اذهب الى الأسفل

رد: اي شخص يريد المساعدة في ولاية ميشغن eagle1

مُساهمة من طرف التوحيد اولا في الأربعاء 02 فبراير 2011, 11:01 pm

بارك الله فيك اخونا Eagle1 و جزاك الله خير
و الله ما قصرت
ربي يقدم الي فيه الخير
سامحني,لكن كان خطر عليا شي بنسالك طول
موفق ان شاء الله

التوحيد اولا
موفد نشيط
موفد نشيط

ذكر عدد المساهمات : 101
نقاط : 5599
نقاط السٌّمعَة : 20
تاريخ التسجيل : 23/10/2010

الرجوع الى أعلى الصفحة اذهب الى الأسفل

رد: اي شخص يريد المساعدة في ولاية ميشغن eagle1

مُساهمة من طرف eagle1 في الخميس 03 فبراير 2011, 4:07 am

السلام عليكم ورحمة الله وبركاته,,,,
مساء الخير خونا التوحيد ,,ومشكرو جدا على الكلام وعلى مرورك وانشاء الله ما في مشكلة وزي ما قتلك اتفضل في اوقت وانشاء الله ما انقصرو معاك وع اي شخص يحتاج مساعدة او معلومة ....زوبالتوفيق انشاء الله,,,,,
مع تحياتي eagle1 Arrow

eagle1
موفد نشيط
موفد نشيط

ذكر عدد المساهمات : 108
نقاط : 4989
نقاط السٌّمعَة : 9
تاريخ التسجيل : 14/01/2011

الرجوع الى أعلى الصفحة اذهب الى الأسفل

رد: اي شخص يريد المساعدة في ولاية ميشغن eagle1

مُساهمة من طرف eagle1 في الأحد 01 يناير 2012, 3:17 am

السلام عليكم ورحمة الله وبركاته،،،،،،
في البداية وقبل النهاية أود أن اترحم على شهدأنا الابرار البواسل الدين قدموا الغالي والنفيس في سبيل أعلاء كلمة الحق ونشر الحرية وتحرير الوطن من الطاغية وأولاده و أنجاسه وأزلامه.
وكما أود أن ادعو الله العزيز القدير أن يشفي كل جرحانا في أنحاء العالم وأن يرجعهم سالمين غانمين ألي ارض الوطن .وندعو الله عز وجل ان يزيد لأهل الشهداء والجرحى ايمانا الي إيمانهم.
الحمد لله على النصر المبين والعزة والكرامة لشعبنا العظيم الصامد وندعو الله العزيز القدير أن يحمي بلادنا من كل شر وأن يوفق الشيخ الاستاد : مصطفى عبدالجليل وكل من هو يعمل لبناء وأصلاح بلدنا الحبيب (( وليس من هو يعمل لحسابه الخاص مثل المتسلقين والطحالب)..
وفي النهاية نسأل الله ان يحمي بلادنا وأن ينعم شعبنا العظيم بهذة الحرية .....
والسلام عليكم ورحمة الله وبركاته...
أخوكم eagle1: Arrow

eagle1
موفد نشيط
موفد نشيط

ذكر عدد المساهمات : 108
نقاط : 4989
نقاط السٌّمعَة : 9
تاريخ التسجيل : 14/01/2011

الرجوع الى أعلى الصفحة اذهب الى الأسفل

رد: اي شخص يريد المساعدة في ولاية ميشغن eagle1

مُساهمة من طرف eakksud في الأحد 01 يناير 2012, 11:29 am

بارك الله فيك خوى eagle1 وان شاء الله تكون هذه المساعدة فى ميزان حسناتك,
انا درست الطب وناوى انكمل فى امريكا بس نسمع ان القراية والقبول فى امريكا بالنسبة للطب شبه مستحيلة وهذا يرجع لصعوبة امتحانات المعادلة وصعوبة القبول فى الجامعات , ممكن تنصحنى علما بانى من الاوائل واحب التحدى فى كل شى بس فى نفس الوقت لا اريد خوض تجربة فاشلة من البداية .

eakksud
موفد مشارك
موفد مشارك

ذكر عدد المساهمات : 47
نقاط : 5230
نقاط السٌّمعَة : 22
تاريخ التسجيل : 08/12/2010

الرجوع الى أعلى الصفحة اذهب الى الأسفل

رد: اي شخص يريد المساعدة في ولاية ميشغن eagle1

مُساهمة من طرف صديق في الثلاثاء 16 أكتوبر 2012, 9:26 pm

السلام عليكم
اخي الكريم لدي بعض الاستفسارات ولكن سوف اقتصر الان علي بعض منها فقط او جزء منها
اود الحصول علي قبول لغة من امريكا حيت قد زرت وتصفحت موقع GradSchools.com وقد وجدت 72 جامعة تعطي الدكتوراة بالهندسة الصناعية في الحقيقة ليس ادسي الفكرة والخلفية الاكيدة عن افضل الامكان والولايات في امريكا
سؤالي مالافضل وكيف يجب ان اختار وكيف تتم عملية الاتصال وانا ارحب بما تقدمه من نصائح
وشكرا
والسلام عليكم


الصديق الصديق

صديق
موفد جديد
موفد جديد

ذكر عدد المساهمات : 1
نقاط : 3050
نقاط السٌّمعَة : 10
تاريخ التسجيل : 09/10/2012

الرجوع الى أعلى الصفحة اذهب الى الأسفل

رد: اي شخص يريد المساعدة في ولاية ميشغن eagle1

مُساهمة من طرف abuemad في الأربعاء 23 يناير 2013, 8:24 pm

Assalam alikum

Thanks for your helping, actually, I am going to Ann arbor in Michigan, and I like to help me in finding studio , is it possible to rent studio before coming to Ann arbor? if no, where I can live until I find studio? Thanks in advanced wa salam alikum

abuemad
موفد جديد
موفد جديد

ذكر عدد المساهمات : 2
نقاط : 3024
نقاط السٌّمعَة : 10
تاريخ التسجيل : 27/10/2012

الرجوع الى أعلى الصفحة اذهب الى الأسفل

رد: اي شخص يريد المساعدة في ولاية ميشغن eagle1

مُساهمة من طرف Venus-king في الإثنين 06 مايو 2013, 2:10 pm

بارك الله فيك أخوي eagle 1 جهودك واضحة بدون مجاملات أقسم. ونا أول مرة نخش عالكتابة فالموفد قبل نقرا بس. ...
بصراحة انا عندي قرار دكتورا فالهندسة الالكترونية و متزوج بادي فالاوراق و حتى الآن امحصل قبول لغة من كولورادو معهد اسبرينغ. وناوي عالدكتورا من جامعة ميتشغن انشالله فحاب نسألك عن كيفية و اسماء الجامعات اللي ممكن تعطي قبول اكاديمي { حتى مشروط} عشان انجيها بعد كورس اللغة من اسبرينغ في كولورادو؟؟ وشن تسمع عن هالمعهد بصراحة؟؟
خيك ما عمرا طلع برا ليبيا .... افيدونا بالتفصيل يرحمكم الله

Venus-king
موفد جديد
موفد جديد

ذكر عدد المساهمات : 9
نقاط : 2704
نقاط السٌّمعَة : 14
تاريخ التسجيل : 07/04/2013

الرجوع الى أعلى الصفحة اذهب الى الأسفل

رد: اي شخص يريد المساعدة في ولاية ميشغن eagle1

مُساهمة من طرف artast في الجمعة 17 مايو 2013, 5:10 pm

السلام عليكم ... يا أخي انا تخصص رسم و تصوير خريج كلية فنون و أعلام ابحث عن جامعة متخصصة في الفنون الجميلة

artast
موفد نشيط
موفد نشيط

ذكر عدد المساهمات : 79
نقاط : 4731
نقاط السٌّمعَة : 16
تاريخ التسجيل : 29/04/2013

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى