رد: ماجستير في الصيدله

من طرف kalthum mansour abdo في 08.02.11 22:06

السلام عليكم
اولا كل سنة وجميع الامة الاسلامية بالف خير بمناسبة قرب المولد النبوي الشريف
ثانيا: انا راسلت عن طريق مكتب الموفد وفي البداية تحصلت على قبول في قبول مبدئي في جريفت ودرت امتحان تحديد المستوى وقعدت نستنى في القبول الاكاديمي بعد فترة بعتولي رفض واستغربت انا بس ما دورتش لانه قلت تو نحصل قبول ثاني وفعلا جاني عرض من نيوكاسل بعد فترة حتى هو جاني رفض واستغربت علاش وشنو السبب قلت بالك لانه تخصصي تقنية طبية ويلي زاد الطين بلة سامحوني في التعبير انه ليا صديق معرفة متخرج من التقنية الطبية تحصل على قبول في نيوكاسل وبدا توة شهر 1 دراسة وزيادة ماستر صيدلة بالله من يلي مر بالمرحلة هاذي والله قريب نسلم امري ونقول معاش بندرس بكل
والمشكلة توة جريفت بعتولي قبول اكاديمي بس مش في تخصصي بعتولي قبول في الصحة العامة كيف نصرف وشنو ندير علما باني من ضمن الطلبة الاوائل بالقرار 613 ومن هذيك الفترة سنتين ومحصلتش قبول يا ريت من عنده اي معلومات يساعدني علما باني الاسبوع الماضي مشيت لمكتب الموفد وقالي راسلنا جامعة تشارلز في ضواحي سدني وان شاء الله يعطونا قبول في تخصصك وقاعدة نستنى والوقت يمر
على فكرة كنت نراسل عن طريق وكالة التحدي والمشكلة نفس الشئ جابولي قبول في غير تخصصي وهو مختبرات طبية بالله عليكم شني قصتي مع القبولات يلي مش في تخصصي هل انا بس هكي ولا في غيري مروا بهذه المرحلة
تحيـــــــــــــــــــاتي