رد: أي سؤال عن الهند تفضلوا هنا

من طرف ليبيا في 15.04.10 13:33

abrahem82 كتب:صحتين !!!!
إذا كانت الماستر في بعض الجامعات ثلاث سنوات فمن المستحسن عدم قضاء مدة طويلة في دراسة اللغة. غريبة الهند و الله. عدد سكان كبير, جامعات بها جميع التخصصات, دكاترة بطالة, و فقر مدقع و دولة نووية.

غريبة وسكتت
وكان قلت لك الدكتوراه سنتين شن تقول... قمة الغرابة
وهذا اللي صاير الماستر في معظم الجامعات ثلاث سنوات والدكتوراه تكملها في سنتين في معظم الجامعات
والهند ام الغرائب هذا اللي ريته فيها بعيوني
وربي يسهل على قاصد
واي سؤال تفضلوا

من طرف ليبيا في 15.04.10 13:35

الصحراء2010 كتب:صحتين رغم انها جت متاخره

صح بدنك هي تفضل
يعزم على شي بعد 12 ساعة

من طرف abrahem82 في 15.04.10 17:56

مش مشكلة كان الأكل مازال موجود حتي بعد 24 ساعة.
أخي, في أي الأوقات يفضل السفر للهند؟ أقصد متي تبدأ الجامعات في قبول الطلبات, لأنه من المستحسن الوصول قبل ذالك الوقت بفترة زمنية قصيرة.
و سؤال أخر عن التأشيرة. هل هناك فرق بين تأشيرة الموفد و المرافق؟ و هل يمكن للمرافق الدراسة أو تغيير تأشيرته هناك دون الحاجة للرجوع لليبيا؟

من طرف ليبيا في 16.04.10 2:44

abrahem82 كتب:مش مشكلة كان الأكل مازال موجود حتي بعد 24 ساعة.
أخي, في أي الأوقات يفضل السفر للهند؟ أقصد متي تبدأ الجامعات في قبول الطلبات, لأنه من المستحسن الوصول قبل ذالك الوقت بفترة زمنية قصيرة.
و سؤال أخر عن التأشيرة. هل هناك فرق بين تأشيرة الموفد و المرافق؟ و هل يمكن للمرافق الدراسة أو تغيير تأشيرته هناك دون الحاجة للرجوع لليبيا؟

مرحبتين اخي ابراهيم
القبولات تبدا من شهر 4 والدراسة تبدا في شهر 7 وانت كان بتاخذ كورس لغة متاع 6 اشهر مية في المية يمشي معاك ان شاء الله لان الجامعات الهندية
ماتطلب لاتوفل ولاايلتس ولا اي اثبات اتقان الانقلش ( فيه ناس تخش على الماستر طول بدون لغة وماشي حالها)
بالنسبة لتاشيرة الموفد بروحها
وتاشيرة المرافق اسمها (XV) فيزا. وتاخذها في غضون اسبوع بعد التقديم وتجيب معاك صورة من عقد الزواج مترجم وكثر الصور الشخصية
لكن انتبه لشي أكد لهم انك تبي فيزا لمدة سنة او 8 اشهر ماتخليهم يعطوك تأشيرة ثلاثة اشهر لان ثلاثة اشهر مدة قصيرة ولما توصل للهند تبدا ماشي جاي على مكتب الهجرة بيش تمدد لكن كان خديتها 8 اشهر او سنة يعني تريح راسك من هالموال
وسؤالك التاني : تغيير التأشيرة من نوع لنوع تاني فيها اشكالية شوية مثلا لو بتغيير من تأشيرة سياحية لتأشيرة طالب هذي مستحيلة
اما من تاشيرة مرافق الى طالب ننصحك المرافق خوذ له تأشيرة طالب من الاول وخلاص وريح روحك خير من تبدا ماشي جاي على مكاتب الهنود
وزحمتهم
وربي يوفق الجميع ان شاء الله
واي سؤال تفضل

من طرف الحكومة في 20.04.10 8:35

السلام عليكم ورحمة الله وبركاته
بالنسبة للأخ المتحصل على دبلوم عالي انا ايضا دبلوم عالي والأن بديت في الماستر في الهند بس خديت مواد استدراكية اضافيه مع المواد الأكاديمية فقط ومافيه اي مشكلة وشكرا

من طرف no one في 20.04.10 9:46

السلام عليكم
هل من الممكن مساعدتى فى الحصول على قبول دكتوراه فىhuman nutrition وماستر محاسبة من الهند لانه صعب عن طريق النت. والله لا يضيع اجر من احسن عملا

من طرف ليبيا في 20.04.10 13:22

اهلا اخي الحكومة
في اي مدينة انت في الهند
واي جامعة حصلت منها قبول وكم مدة الماستر
لأن معظم الجامعات ثلاث سنوات غادي هذا غير المواد الإستدراكية
ولك كل التقدير

من طرف ليبي متغرب في 20.04.10 19:28

من يعرف شيء هذه الجامعة Dr. BABASAHEB AMBEDKAR MARATHWADA UNIVERSITY وعن المدينة والاعتراف ومتى التقديم فيها ، لدي صديق عزيز يرد التسجيل في الهند .. أرجوا أفادتنا .. وبالتوفيق للجميع

من طرف ليبيا في 21.04.10 10:27

ليبي متغرب كتب:من يعرف شيء هذه الجامعة Dr. BABASAHEB AMBEDKAR MARATHWADA UNIVERSITY وعن المدينة والاعتراف ومتى التقديم فيها ، لدي صديق عزيز يرد التسجيل في الهند .. أرجوا أفادتنا .. وبالتوفيق للجميع

مرحبا اخي ليبي مغترب
جامعة بابا صاحب من الجامعات المعروفة والشهيرة وهي تقع في مدينة اورانج اباد ولكي تصل هذه المدينة عليك بالنزول في مطار مومباي والذهاب
لها بالسيارة لمدة ست ساعات تقريبا ومن نيودلهي 20 ساعة ويقع بهذه المدينة نسخة مطابقة لتاج محل المشهور وهي ذات اغلبية اسلامية
الدراسة في الهند كلها عادة تبدأ شهر 7 والتقديمات تبدا من شهر 3 او 4 يعني تقدر تلحق تو وتراسلهم
اما عن الجامعة فلاشك انها ممتازة ومشكورة وبها عرب يدرسون في مختلف التخصصات وللعلم بابا صاحب هو دكتور من كبار علماء مركز ناسا
لعلوم الفضاء... المدينة يقال انها سياحية لم ازرها ولكن هذ ماقيل لي عنها وان بها جميع الخدمات مصارف مولات خدمات عامة
وبالتوفيق لك ولصديقك
تحياتي

من طرف ليبي متغرب في 24.04.10 2:03

يا ليبيا كيف يتم الاتصال بالجامعة أن تعرف ان الإيميلات التي في مواقع الجامعات وهمية لا أحد يرد لأننا قمنا بالاتصال عن طريق الجامعة لم يرد أحد ،،، وأريد سؤالك أيضاً هل الفيزا ضروري من السفارة الهندية في ليبيا او أي سفارة هندية أخرى ... وإذ تعرف حد في هذا الجامعة الرجاء مساعدتنا في هذا الأمر ، ولك مني جزيل الشكر

من طرف لبرق في 24.04.10 2:58

ما هي قيمة المنحه في الهند و ما هي متوسط نفقات الطالب هناك

من طرف ليبيا في 24.04.10 9:03

ليبي متغرب كتب:يا ليبيا كيف يتم الاتصال بالجامعة أن تعرف ان الإيميلات التي في مواقع الجامعات وهمية لا أحد يرد لأننا قمنا بالاتصال عن طريق الجامعة لم يرد أحد ،،، وأريد سؤالك أيضاً هل الفيزا ضروري من السفارة الهندية في ليبيا او أي سفارة هندية أخرى ... وإذ تعرف حد في هذا الجامعة الرجاء مساعدتنا في هذا الأمر ، ولك مني جزيل الشكر

مرحبا اخي ليبي متغرب
الاتصال في العادة عن طريق ايميلاتهم لكن اذا لم يردو عليك فعليك مراسلة الشباب هناك عن طريق المنتديات
وهم مايقصروا ان شاء الله انا حاليا في ليبيا وماني عارف امتى راجع للهند
اي سفارة هندية ممكن تقدم عن طريقها لكن من ليبيا احسن لك واسرع لك
واي خدمة تفضل

من طرف ليبيا في 24.04.10 9:06

لبرق كتب:ما هي قيمة المنحه في الهند و ما هي متوسط نفقات الطالب هناك

مرحبا اخي لبرق
قيمة المنحة للمتزوج +1 يعني معاك طفل =2111دولار ممكن تصرف منهن 500 دولار بس لان الهند رخيصة
والعزابي تقريبا 1900 دولار
وموفق ان شاء الله

من طرف ليبيا في 24.04.10 9:08

على فكرة ياشباب الهند تقدر تمشيلها بقبول لغة
غير حاولو تاخذو قبول لمدة سنة بيش تاخذو فيزا مدتها سنة لان بالطريقة هذي ترتاحو من مشاكل واجدة
واي حد يبي قبول لغة ان شاء الله نقدر نوفره له

من طرف **عاشقة السماء** في 26.04.10 5:06

ياخي انا عندي ايفاد واختؤت الهندوتحصلت علي قبول لغة في مدينة بةنا ارجوك اعطيني معلومات عن هذه المدينة