شنو صار في قرار الضم يجماعة الخير

إلي عنده معلومة يقولها

حسب كلام الدكتور عمران الغرياني من يومين فإن قرار الضم سيصل للمكاتب الشعبية بالخارج خلال الأيام القادمة .. وهانا قاعدين نراجو في هاالأيام القادمة وياخوفي تولي سنوات قادمة.

شكرا ياخوي علي الرد لكن الي وصل إسمه وخدو منه الاوراق في البعثات هدا كل شي والا مازال المشوار طويل

معليش شن تقصد بالمشوار الطويل ؟؟ .. اذا كان مدير البعثات بطوبته قال القرار واتي وحنبعثوه للمكاتب الشعبية في الأيام القادمة !!

قصدي توا الواحد منا عليه يراجي وإنشاءالله خير

كيف الطالب يعرف ان اسمه حيبعتوه للمكاتب الشعبية بش فيه إجرأت التفويض وما إلي دلك

طبعا لازم من اجراءات كاملة
في شيء يسمو فيه اشعار القرار يبعثوا البعثات يستفسرو هل الطالب الفلاني فعلا موجود والله ؟؟ والمكتب الشعبي يؤكد ؟ يا نعم يا لا ؟

قبلها انت مفروض تكون موتي ملفك في البعثات وداير جميع الاوراق
في حاجات تحتاج الى تواجدك شخصيا مثل تعهد طالب
فهي تحتاج الى محرر عقود والذي بدوره يطلب حضورك شخصياً
والا محرر عقود ثقة وواسطة حتى ينهي هذا الاجراء

من ضمن الطلبات اثبات قيد من المكتب الشعبي

وفي الاخير يحولو الملفات الى الخزانة ومنها الحصول على التفويض المالي

للعلم انه الى الان تم تسليم ما يقارب عن 50 ملف من اصل 400
وسيتم تحويلها في الايام القليلة القادمة

في حاجات تحتاج الى تواجدك شخصيا مثل تعهد طالب




مش تعهد طالب =====,,,, عقد كفالة

كيف 400 ياخونا هما قالو 3500 طالب من جميع الساحات غير العولم الانسانيه والبكالوريوس يعني هما للماستر والدكتوراه ,,,افيدونا بارك الله فيكم

السلام عليكم
انا سمعت كلام الدكتور عمران الغرياني
على برنامج صباح الخير اول جماهيرية
قال
انه وصلنا مايقارب عن 10 الاف ملف
اللي تنتطبق عليهم الشروط 3500 طالب
والله اعلم

بالله لو فيه حد سجل اللقاء متاع الدكتور عمران يحطا في المنتدي وبارك الله فيه

السلام عليكم ورحمة الله وبراكاته

الموضوع هدا شائك هلبة وغامض بعض الشي وتنقصه الكتير من الشفافية!!! يعني الواحد يمشي المكتب يستفسر يقولوله كلم الدكتور هو اللي عنده كل شي ,,, وين الدكتور مهناش,, اوكي حصلت علي الدكتور اجابته حطيت ورقك ولا خلاص راجي وان شاء الله خير!!!!!

بالله اللي عنده الخبر اليقين ينورنا!! اني واحد من الطلبة على حسابهم الخاص وقدمت وراقية في المكتب الشعبي في لندن من شهر 2!!! ومنقدرش نمشي لي ليبيا بانشغالي بالدراسة!! كيف الحل بالله حد ينورنا ويبلغا الخبر اليقين

وللعلم حسب ماقالي قريبي اسمي موجود في المنظومة ؟ هل يعني من المرضيين عليهم ام في قائمة "الاوف سايد"

كلنا اسمائنا موجوده في المنظومه ولكن مابعد المنظومه هنالك فرز اسماء وتخصصات والشروط هل هي مطابقه ام لا لهدا قال الدكتور عمران بان هناك 10000 طالب ولكن تم حصر العدد الي 3500 فقط من بين ال10000 وياربي يوفقنا و يحالفنا الحظ ونكون منهم هال 3500 يارب العالمين

ان شاء الله يارب العالمين !! مالنا الا الانتظار والتفائل

سلام علي اهل الخير
شنو مافيش جديد

السلام عليكم ورحمة الله

اخر خبر سمعته أمس انا قرار الضم يصدر يوم الاربعاء (غدا) 5/5/2010 ان شاء الله , صديق في ليبيا راح بنفسه للبعثات وسأل قالوله يوم الاربعاء القوائم ايعلقوها في البعثات والعدد 3000 طالب.

تمنياتي للجميع بالتوفيق

حتي أنا سمعت الكلام اليوم من صديق بالله اللي عنده اي معلومه او حد متواجد في ليبيا حاليا اينورنا موفقين جميعا

قيل والله اعلم بان القرار جاهز وسوف يعرض الاسبوع القادم علي موقع ادارة العتاث
والله اعلم

ان شاء الله خير وربي يوفق الجميع

@sacrifice كتب:ان شاء الله خير وربي يوفق الجميع

أسأل الله ذلك

السلام عليكم ورحمة الله وبركاته
حتي اليوم لا يوجد شيئ جديد في البعثات

السلام عليكم أرجوا منكم معرفه من المشمولين بقرار الضم ولكم جزيل الشكر

بالله عليكم ياشباب لعنده معلومة على شن صاير في قرار الضم يقولنا والله تعبنا من الانتظار.

والله يا خويا قاعدين نراجو والمرجي في الله قالو ها قالو بان القرار بيصدر في شهر 6 وان التاخير كان بسبب قوائم امريكا نسال الله ان يوفق الجميع