رد: التأشيرة و السفار الامريكية في تونس

من طرف salam77 في 28.12.11 3:52

ربي ايوفقك ويسدد خطاك وانشالله عقبالنا

من طرف saliamr في 30.12.11 21:53

السلام عليكم
انا درت التأشيرة السنة اللي فاتت في طرابلس وانتهت صلاحيتها من شهر ونبي نجددها في مصر بحساب انها الاقرب لنا، ف اللي يعرف هل مصر تطلب في نفس الاجراءات اللي في السفارة الأمريكية في تونس ولا لا؟ قصدي ع ورقة الدعم والقبول الاكاديمي، مع العلم اني متحصلة على التفويض فهل هذا حيسهل الاجراءات معاي؟

من طرف alabed في 05.01.12 1:12

السلام عليكم ورحمة الله وبركاته جميعاً
بارك الله فيك أختي سلام وجزاكي الله خيراً .... نحب نبشركم بأني تحصلت على التأشيرة ولله الحمد من تونس، عملت المقابلة وكانت أسئلة بسيطة وثاني يوم عطوني التاشيرة. زى ما قال خونا معاذ الجماعة متساهلين ومش معقدين الامور. أدعو لكم بالتوفيق جميعاً.

من طرف salam77 في 05.01.12 8:40

وفيك بارك الله
الف الف مبروك وهده بداية الطريق ربي ايوفقك ويناولك مرادك ، دعواتك لينا
وبالتوفيق انشالله

من طرف Moad elshieky في 05.01.12 11:40

الف مبروك لتحصلك علي التأشيرة و ان شاء الله ربي ايوفقك

من طرف alabed في 07.01.12 20:10

وفيكم بارك الله و جزاكم الله خيراً،،، وبالتوفيق لكم جميعاً.

من طرف DR A في 10.01.12 12:15

اخي alabed الف مبروك بس ياريت تعطينا تفاصيل المقابله وهل عندك قبول لغة بس وهل اول مرة تمشي لأمريكا؟؟؟
ارجو الإفادة

من طرف alabed في 11.01.12 10:06

شكرا أخت DR A ، بالنسبة للمقابلة كانت سهلة وبسيطة، سألونى عن مشروع الماستر اللي نبي نشتغله غادي وكذلك سألني عن زوجتي كيف تعرفت عليها وشن صلة القرابة بيناتنا وسألني كذلك عن دول كنت سافرت اليها مسبقاً .. وبالنسبة للقبول ، نعم عندي قبول لغة فقط،، وهادي أول مرة نمشي لامريكا بس للأمانة جوازي ملئ بالتأشيرات... بس على العموم المقابلة سهلة والاجراءات بسيطة ،،، أسهل مما كنت أتوقع . فقط توكلو على الله... وبالتوفيق لكم جميعأ .

من طرف محمد المسماري في 14.01.12 7:09

alabed كتب:شكرا أخت DR A ، بالنسبة للمقابلة كانت سهلة وبسيطة، سألونى عن مشروع الماستر اللي نبي نشتغله غادي وكذلك سألني عن زوجتي كيف تعرفت عليها وشن صلة القرابة بيناتنا وسألني كذلك عن دول كنت سافرت اليها مسبقاً .. وبالنسبة للقبول ، نعم عندي قبول لغة فقط،، وهادي أول مرة نمشي لامريكا بس للأمانة جوازي ملئ بالتأشيرات... بس على العموم المقابلة سهلة والاجراءات بسيطة ،،، أسهل مما كنت أتوقع . فقط توكلو على الله... وبالتوفيق لكم جميعأ .

هل ضروري قبول لغه واكاديمي ام لغه يكفي

بالنسبه للأخ المرافق هل يعطوه تأشيره ام لا
مثلا لو اسمه مذكور فى الدعم المالي الخاص بالتاشيره الموفد

ممكن توضحلنا القصه بالضبط

من طرف alabed في 14.01.12 11:34

السلام عليكم
زي ما ذكرت آنفا أخي محمد مطلوب قبول لغه فقط ، وبالنسبة للأخ المرافق المفروض يعطوه علاش لا؟ طالما اسمه مرفق فى رسالة الدعم المالي للتاشيرة .

من طرف fatah45 في 16.01.12 5:06

السلام عليكم
لمن لديه معلومات ايهما اسهل استخراج التاشيرة من السفارةتونس او القاهرة ؟

من طرف Moad elshieky في 16.01.12 19:41

و عليكم السلام و رحمة الله تعالي و بركاته,
انا قبل ما انقدم لي التأشيرة استفسرت علي الموضوع هذا من ناس مجربين الاثنين, و قالولي ما اتفكرش عدي لتونس لعدة اسباب:
اولها : الموعد للتأشيرة في تونس اسهل حيث انه اتحدد الموعد عن طريق النت و اتحصل موعد دغري تلقي في نفس الاسبوع موعد, اما مصر لازم اتحدد الموعد عن طريق الاتصال بالسفارة عن طريق رقم مصري , و انهم ايقطمروك واجد في المكالمة و ممكن تقعد شهر او اكثر بيش اتحصل الموعد, و هذا الشئ مكتوب حتي في موقعهم انه ممكن اتطول واجد بيش اتحصل الموعد.
ثانيا: المعاملة اولا في تونس المعاملة محترمة كيف ما جربتها انا حتي انا و ما ايطولوش معاك اتحس عندهم وسعة بال , حسيت انه افضل من الي السفارة الي في ليبيا. اما في مصر كما سمعت انه عندهم نسبة لؤم و حتطول واجد في المقابلة حيث انها زحمة اكثر.
و بناء علي ما سبق تقدر اتقول انه بما ان تونس اقل زحمة ففي الا غلب انه التأشيرة كان ان شاء الله وافقولك عليها حتكون اجرائتها اسرع في تونس. و هو الموضوع الي يفرق لو انك تسكن في الشرق حيكون اسهلك تمشي لمصر و لو كنت في الغرب حيكون اسهلك في تونس . و لاكن علي انا نسكن في بنغازي بس مشيت لتونس لكي اندير التأشيرة فهذه وجهة نظري و الله اعلم.
السلام عليكم و رحمة الله تعالي و بركاته.

من طرف salam77 في 31.03.12 11:25

السلام عليكم ورحمة الله وبركاته
نبي نسال اخي العبد اوصلت لامريكا والله مازال
وبالتوفيق انشالله

من طرف alabed في 31.03.12 13:04

Assalamu Alikom
For Mr Fatah I think Mr Moad is right as my experienced
And for Ms Salam, thank you for your asking
I just arrived the USA three days ago and every thing going smooth right now and I wish to you all the best

من طرف مسافر في 01.04.12 0:30

امتا نقدر نقدم انقدم علي الموعد التاشيرة ؟ نقدر نقدم علي الموعد قبل الدراسه 4 شهور ؟