المواضيع الأخيرة
» دورات تدريبية في الادارة والتطوير الذاتي 2018 القاهرة دبي ماليزيا تركيا عمان
اليوم في 4:21 pm من طرف المركزالدولي

» دورات تدريبية 2018 في حفظ الوثائق وامن المعلومات
اليوم في 2:15 pm من طرف المركزالدولي

» احتاج اخر روابط لملىء التأشيرة البريطانيه والتأمين الطبى
اليوم في 2:03 pm من طرف Abu Mohamed

» دورة المعايير الدولية والجوانب الكيمه في ادارة الموارد البشرية تعقد في فيينا
أمس في 11:41 am من طرف مركز المجد للجودة

» دورة مهارات ادارة الموارد البشريه و ربطها بالاهداف الاستراتيجية تعقد في برشلونة
أمس في 11:06 am من طرف مركز المجد للجودة

» دورة تنمية مهارات أعضاء الإدارات القانونية تعقد في فيينا
الخميس 16 نوفمبر 2017, 11:57 am من طرف مركز المجد للجودة

» دورة صياغة إتفاقيات الشراكة المؤسسية والوثائق القانونية ذات الصلة تعقد في لبنان
الخميس 16 نوفمبر 2017, 11:56 am من طرف مركز المجد للجودة

» دورة طرق و اساليب تحسين الانتاجية و زيادة الربحية تعقد في المغرب
الأربعاء 15 نوفمبر 2017, 12:00 pm من طرف مركز المجد للجودة

» دورة ادارة الوقت وتنظيم العمل تعقد في لبنان - بيروت
الأربعاء 15 نوفمبر 2017, 11:59 am من طرف مركز المجد للجودة

» #دورة_تطوير_الهياكل_التنظيمية_والوصف_الوظيفي المركزالدولي itcc
الثلاثاء 14 نوفمبر 2017, 2:53 pm من طرف المركزالدولي

» دورة التدريب المبنى على الجدارات من المركز الدولي itcc
الثلاثاء 14 نوفمبر 2017, 11:15 am من طرف المركزالدولي

» دورة فن الصياغة القانونية تعقد في بيروت
الإثنين 13 نوفمبر 2017, 10:25 am من طرف مركز المجد للجودة

» دورة مهارات التعامل مع الزملاء و الرؤساء و تقوية العلاقات تعقد في دبي
الإثنين 13 نوفمبر 2017, 10:24 am من طرف مركز المجد للجودة

» دورة التقنيات والاستراتيجيات الحديثة لاخصائي الإمدادات والمشتريات والعقود تعقد في ماليزيا
الأحد 12 نوفمبر 2017, 12:29 pm من طرف مركز المجد للجودة

» دورة المشاكل التطبيقية لأنشطة الشراء والتخزين وسبل مواجهتها تعقد في الامارات - دبي
الأحد 12 نوفمبر 2017, 12:28 pm من طرف مركز المجد للجودة

المواضيع الأخيرة
المواضيع منذ آخر زيارة لي
 استعرض مُساهماتك
 المواضيع التي لم يتم الرد عليها
أفضل 10 أعضاء في هذا الأسبوع
المركزالدولي
 
Abu Mohamed
 

الموفد على الفيس بوك ...

لو في امل بشروووووني

استعرض الموضوع السابق استعرض الموضوع التالي اذهب الى الأسفل

لو في امل بشروووووني

مُساهمة من طرف free4ever في الأحد 27 نوفمبر 2011, 8:07 pm

السلام عليكم..
الموضوع يخص خوي...هو السنه هدي كمل الشهاده التانويه بتقدير ممتاز قسم ثانويه هندسيه..والحمد لله..بصراحه هو ما شاء الله دكي و موهوب وطموووح للمليون يحب يتعلم ...مشكلته ان هو من زمااااااااااان يتمنى يقرا طيران مهووس بالطيران لدرجه يقعد يحكي تتخيل ان هو فعلا يقرا في كليه طيران.. طبعا من قبل ما تطلع النتيجه متاعه وهو يقلب في النت ويدور على احسن كليات الطيران في العالم..لكن..لما يشوف ف المصارييف متاع الكليات يكتئب يصكر الكمبيوتر وينوض..طول النهار يفكر كيف يدبر فلوس للقرايه..يقول نبدا على حسابي وندور قرار ضم..لكن الحق الحاله ما تسمحش يعني لو على 10 او 15 الف نجمعوله كيف يبدا..لكن تخاف يبدا وما يحصلش ضم !! قلنا توا يقتنع بفرع تاني متوفر هنا...امس ركب لبوي الضغط صكر راسه وقال مش قاري و بندور اي خدمه انشالله كناس لين نجمع فلوس حتى لو بعد خمس سنيين ونقرا طيراان..وعارفيين الللي يسيب القرايه معش يردلها...وواجعني لانه بجد يستاهل الايفاد..حتى اللغه شاري كتب ويتعلم بروحه ..اني واجعني وقاهرني بجد..لان اكيد حتى في شباب واجد زيه لكن في اللي القرايه اخر همه ومع هكي حصل قرار ايفاد..مش عارفه..هل في شئ نقدر نديرهوله نقدر نقدم اوراقه لاي جهه؟؟؟او لو بدا على حسابه بعد كم يديروله قرار ضم؟؟؟وكم متلا المبلغ اللي لازم يتوفر بيش يقدر يبدا؟؟؟ ياريت اللي عنده فكره يساعدنا ويكسب الاجر والدعاء...

free4ever
موفد جديد
موفد جديد

انثى عدد المساهمات : 5
نقاط : 4379
نقاط السٌّمعَة : 10
تاريخ التسجيل : 27/11/2011

الرجوع الى أعلى الصفحة اذهب الى الأسفل

رد: لو في امل بشروووووني

مُساهمة من طرف smart guy في الأحد 27 نوفمبر 2011, 10:11 pm

الكلمات الي ممكن نواسيك بيهن هوا انك تنصحي خوك مايسيبش القراية انا و اعوذ بالله من كلمة انا كنت قبل ست سنوات كيف خوك و مازلت يعني قراية الطيران كانت و لازالت طموح لازلت اصبو الوصول اليه من و انا عندي 7 سنوات و يسألوني شن تبي تكون نقول "طيار"........لكن دورت كليات طيران و مدارس طيران اقل شي التكاليف 40 الف دينار او اكثر و كل ماتزيد تعمق في التخصص يزيدن التكاليف...!!.....ننصحك نصيحة خليه يدخل اي تخصص هوا من الممكن انه يتقبله غير الطيران مثلا هندسة او علوم و خليه يبذل المجهود فيه و يتميز و يتفوق و يحصل فيه بأذن الله ايفاد و يقدر يشتغل براتب كويس و بعدها يقدر يفكر في تنفيذ طموحة و الي هوا دراسة الطيران و خصوصا انه الطيران افضل ميزه فيه انه لا يعتمد على سن معينة و انما يقدر حتى بعد 10 او 15 سنة من الثانوي يقرا طيران عادي يعني "احب ما تعمل حتى تعمل ماتحب".......المهم انه مايسيبش القراية و يدمر مستقبله....طولت عليك بس هذا رأيي و الي انا انشاء الله عاقد العزم عليه.......

_______________________________




ملئى السنابلِ تنحني بتواضعٍ......و الفارغات رؤوسهن شوامخُ
avatar
smart guy
موفد فعال
موفد فعال

ذكر عدد المساهمات : 221
نقاط : 7370
نقاط السٌّمعَة : 15
تاريخ التسجيل : 05/12/2010

الرجوع الى أعلى الصفحة اذهب الى الأسفل

رد: لو في امل بشروووووني

مُساهمة من طرف free4ever في الأحد 27 نوفمبر 2011, 11:19 pm

شكرا ليك يا اخ smart guy وانشالله ربي يوفقك ويرزقك كيف تحقق حلمك من حيث لا تحتسب ..ربنا كريم ..انشالله ربي يهديه ويكمل هندسه الكترونات او مدني وبعدها زي ما قلت يكمل بعد وقت لو ربي عطاه عمر انشالله...بس نبي نحاول نساعده للاخير باللي نقدر عليه وانشالله ربي يجيب اللي فيه الخير.

free4ever
موفد جديد
موفد جديد

انثى عدد المساهمات : 5
نقاط : 4379
نقاط السٌّمعَة : 10
تاريخ التسجيل : 27/11/2011

الرجوع الى أعلى الصفحة اذهب الى الأسفل

رد: لو في امل بشروووووني

مُساهمة من طرف صلاح رمضان علي في الإثنين 28 نوفمبر 2011, 12:06 am

وإذا كانت النفوس كبار تعبت في مرادها الأجساد
ما كل مايتمنى المرء يدركه تأتي الرياح بما لا تشتهي السفن
ولكن ... بالإصرار والإرادة يتحقق المستحيل ...

صلاح رمضان علي
موفد نشيط
موفد نشيط

ذكر عدد المساهمات : 66
نقاط : 6049
نقاط السٌّمعَة : 15
تاريخ التسجيل : 22/04/2010

الرجوع الى أعلى الصفحة اذهب الى الأسفل

رد: لو في امل بشروووووني

مُساهمة من طرف الحمري عبد السلام في الإثنين 28 نوفمبر 2011, 4:16 pm

اتمنى لخوك التوفيق من الله .. ونموذج خوك هو تحدي للنظام الجديد .. يعني لما قمنا بثورة 17 كانت لاجل خلق الفرص للشباب الواعد الطموح .. اتمنى على اي مسؤول يطلع على هؤلاء الشباب يعطيهم الاولوية ... نصيحة اخرى .. في صعوبة في التحصل على قرار ايفاد لخريج ثانوي لهالسبب خلي خوك يبحث عن كلية او معهد داخل ليبيا ... سمعت عن معهد عباس بن فرناس للطيران وحتى كلية الهندسة العسكرية فيها تخصص طيران ... خليه ايحاول في الداخل اسهل ويخلي الايفاد للماستر والدكتوراة .. معلوماتي هذه غير مؤكدة .. ابدا البحث والله الموفق
avatar
الحمري عبد السلام
موفد فعال
موفد فعال

ذكر عدد المساهمات : 182
نقاط : 5974
نقاط السٌّمعَة : 109
تاريخ التسجيل : 26/11/2011

الرجوع الى أعلى الصفحة اذهب الى الأسفل

رد: لو في امل بشروووووني

مُساهمة من طرف rafik dressi في الإثنين 28 نوفمبر 2011, 4:29 pm

حتى انا كنت زيه واضطريت نقرا هندسه مدنيه وتخرجت والحياه مشت....حاول تقنعه انه مش نهايه الدنيا وانه بعدين يقدر يقرا طيران بدورات

rafik dressi
موفد نشيط
موفد نشيط

ذكر عدد المساهمات : 68
نقاط : 4581
نقاط السٌّمعَة : 12
تاريخ التسجيل : 13/10/2011

الرجوع الى أعلى الصفحة اذهب الى الأسفل

رد: لو في امل بشروووووني

مُساهمة من طرف salem elzway في الإثنين 28 نوفمبر 2011, 7:28 pm

اختي ان نفس الشباب في معهد السبيعة الخاص بالطيران في اكثر من مجال في طرابلس هو ومعتمد لدي الدولة الليبية ويتبع ادارة التعليم التقني الي تتبع التعليم العالي مباشرة وباذن الله يتفوق او يكمل ماستر علي او دكتورة علي الدولة بقرار ايفاد لكن الوقت الحالي مااعتقدش ان يقدر ايكمل بعد الثانوية مباشر هذي اختصار طريق لمدة ثلاث سنوات يثبت لنفسه ولعالم ان يستطيع ان يكمل وكذلك الاردن نعرف اكثر من شخص يدرب في الاردن تستطيع تثبحوا كيف ادروله ثغرة درسوه في الاردن مشهورة الاردن في الطيران وربي يوفقه انشاءالله ولكن اهم شي يستمر في الدراسة ممكن بعد سنة تفرج ويحقق حلمه يارب وادعولة ربي يكون معاه
avatar
salem elzway
موفد فعال
موفد فعال

ذكر عدد المساهمات : 333
نقاط : 6641
نقاط السٌّمعَة : 41
تاريخ التسجيل : 29/09/2011

الرجوع الى أعلى الصفحة اذهب الى الأسفل

رد: لو في امل بشروووووني

مُساهمة من طرف الوحيشي في الإثنين 28 نوفمبر 2011, 9:03 pm


والله الموضوع حيرني وتحيرت لهدا الشــاب ،، إن شـاء الله ربي يسخر لـه ويسهــل له ويفتح عليه

حتى اني قداش مغرم بالطيران ،،،

لكن يا أختي فيه معهد في الباكستان قـالوا ويحكوا عليه أنو رخيص وممتــاز ممكن يستفيد منه
وأنـا لو واجهتني معلومـة عنه ح نفيدك بيهــــــا ،،، ويــارب يالتوفيق ليك ولخوووك .

_______________________________

من أفضـل مـا يقـال ،،،
لا إله إلا الله وحده لاشــريك له له الملك وله الحمد وهو عـلى كل شيء قــدير
كمــا أخبر بذلك سيد المرسلين صـلى الله عليه وســلم

سبحـان الله والحمد لله ولا إله إلا الله والله أكبر ولا حول ولا قوة إلا بالله

يا رب إلى من نشتكي ،، ليس لنا إلا انت ففرج همنا يارب العالمين وارزقنا يا إلهنا السـرور يا ألله ،، يا مجيب دعوة المضطرين
avatar
الوحيشي
عضو إداره
عضو إداره

المشرف العام للمنتدى

الأوسمة:
  • وسام الإدارة



ذكر عدد المساهمات : 3476
نقاط : 44210
نقاط السٌّمعَة : 1818
تاريخ التسجيل : 03/03/2010

الرجوع الى أعلى الصفحة اذهب الى الأسفل

رد: لو في امل بشروووووني

مُساهمة من طرف free4ever في الإثنين 28 نوفمبر 2011, 11:27 pm

السلام عليكم ورحمه الله
شكراا جزيلا لكل من رد عليا..وبارك الله في الجميع..وانشالله ربي يحقق كل اماني وطموحات كل شباب ليبيا الحره..

free4ever
موفد جديد
موفد جديد

انثى عدد المساهمات : 5
نقاط : 4379
نقاط السٌّمعَة : 10
تاريخ التسجيل : 27/11/2011

الرجوع الى أعلى الصفحة اذهب الى الأسفل

رد: لو في امل بشروووووني

مُساهمة من طرف الوحيشي في الإثنين 28 نوفمبر 2011, 11:29 pm

@free4ever كتب:السلام عليكم ورحمه الله
شكراا جزيلا لكل من رد عليا..وبارك الله في الجميع..وانشالله ربي يحقق كل اماني وطموحات كل شباب ليبيا الحره..

لا شكر عــلى واجــــب ،، المنتدى وأعضــاؤه لمسـاعدة الجميـــع وإن شـــاء الله نشوفــو خوك طيـــار كبير ونركبوا معــاه في طيـارات ليبيا لما تكون عندهـا أسطول كبير وتنـافس في أكبر وأقوى شركـات الطيران

_______________________________

من أفضـل مـا يقـال ،،،
لا إله إلا الله وحده لاشــريك له له الملك وله الحمد وهو عـلى كل شيء قــدير
كمــا أخبر بذلك سيد المرسلين صـلى الله عليه وســلم

سبحـان الله والحمد لله ولا إله إلا الله والله أكبر ولا حول ولا قوة إلا بالله

يا رب إلى من نشتكي ،، ليس لنا إلا انت ففرج همنا يارب العالمين وارزقنا يا إلهنا السـرور يا ألله ،، يا مجيب دعوة المضطرين
avatar
الوحيشي
عضو إداره
عضو إداره

المشرف العام للمنتدى

الأوسمة:
  • وسام الإدارة



ذكر عدد المساهمات : 3476
نقاط : 44210
نقاط السٌّمعَة : 1818
تاريخ التسجيل : 03/03/2010

الرجوع الى أعلى الصفحة اذهب الى الأسفل

رد: لو في امل بشروووووني

مُساهمة من طرف OPENED EYES في الثلاثاء 29 نوفمبر 2011, 1:37 am


دعاء الوالدين مستجاب ومجرب يااختى قولى لوالديك يدعوله والله انا عن تجربة اموري ماشية بدعاء امي ربي ايطول في عمرها...وبعد الدعاء توا اتشوفي كيف ربي يفتحها والله من حيث لاتحتسبى ..وقــــــــــــال ربـــكــم ادعوني استجب لكــم

OPENED EYES
موفد مميز
موفد مميز

انثى عدد المساهمات : 658
نقاط : 11802
نقاط السٌّمعَة : 476
تاريخ التسجيل : 29/05/2010

الرجوع الى أعلى الصفحة اذهب الى الأسفل

رد: لو في امل بشروووووني

مُساهمة من طرف ابراهيم الزوي في الجمعة 09 ديسمبر 2011, 4:20 pm

انشاءالله بالتوفيق لاخوك

ابراهيم الزوي
موفد فعال
موفد فعال

ذكر عدد المساهمات : 294
نقاط : 6091
نقاط السٌّمعَة : 25
تاريخ التسجيل : 22/11/2011

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى