المواضيع الأخيرة
» اجراءات تقديم التأشيرة لزوجة و الأبناء
اليوم في 8:16 am من طرف أبوبكر موسى حامد

» كتاب 1000 سؤال لاختبار توفل مع إجاباتها
أمس في 3:17 pm من طرف مدير المنتدى

» تعرف على الدول التي يمكن لليبيين السفر اليها دون تأشيرة دخول
أمس في 2:04 pm من طرف مدير المنتدى

» اتفاق حول منح التأشيرة تشيكيه لليبيين من تونس
أمس في 12:34 pm من طرف مدير المنتدى

» نصيحة الله يرحم والديكم
أمس في 5:19 am من طرف Sandrik

» دكتوراة في كندا
أمس في 5:04 am من طرف Sandrik

» خطاب وزير التعليم المفوض بشأن الإسراع في احالة الربع الرابع
الثلاثاء 06 ديسمبر 2016, 7:40 pm من طرف البتول محمد

» يمكنك أن تشفي نفسك
الثلاثاء 06 ديسمبر 2016, 7:31 pm من طرف NAIMA BASHER

» تفويض النقل وتغيير الساحة
الثلاثاء 06 ديسمبر 2016, 11:51 am من طرف البتول محمد

» السفارة الامريكية بتونس
الثلاثاء 06 ديسمبر 2016, 7:43 am من طرف أبوبكر موسى حامد

» قرار ايفاد رقم 628/2015
الإثنين 05 ديسمبر 2016, 1:27 pm من طرف dr.mhgb

» المراجعه علي رسائل الدعم والقبول
الإثنين 05 ديسمبر 2016, 1:20 am من طرف محمد الوحيشي

» المراجعه علي رسائل الدعم والقبول
الإثنين 05 ديسمبر 2016, 1:19 am من طرف محمد الوحيشي

» فرصة سانحة للمعيدين للدراسات العليا بجامعة المرقب بعد اعفائهم من امتحان القبول
الإثنين 05 ديسمبر 2016, 12:35 am من طرف amir libya

» منح دراسية دولية
الأحد 04 ديسمبر 2016, 10:39 pm من طرف ساره ابو زيد

المواضيع الأخيرة
المواضيع منذ آخر زيارة لي
 استعرض مُساهماتك
 المواضيع التي لم يتم الرد عليها
الموفد على الفيس بوك ...

الى كل من هو مرشح للدراسة بالخارج ضمن القرار رقم 60

صفحة 1 من اصل 3 1, 2, 3  الصفحة التالية

استعرض الموضوع السابق استعرض الموضوع التالي اذهب الى الأسفل

الى كل من هو مرشح للدراسة بالخارج ضمن القرار رقم 60

مُساهمة من طرف abkfx في الخميس 08 ديسمبر 2011, 7:35 pm

الاخوة الكرام
السلام عليكم ورحمة الله وبركاتة
القرار رقم 60 لم يتم البدء في تنفيذه والسبب هو لم تصدر ميزانية لهذا القرار وكلنا ننتظر ان يتم البدء في تنفيذه بداية العام الجديد ولكن ماذا اذا لم يحدث ذلك ولم تخصص ميزانية لتنفيذ القرارت التي صدرت شهر مارس الماضي
المطلوب من جميع المرشحين للدراسة بالخارج ضمن القرار رقم 60 تكثيف جهودهم وايصال صوتهم لوزير التعليم العالي وذلك من خلال هذا الموقع والتنسق لمقابلة وزير التعليم العالي ومدير ادارة البعثات للتأكيد على ان هذا القرار سوف يبدا تنفيذة مع بداية العام القادم اي بعد اصدار الميزانية حتى تكون ميزانية هذا القرار من ضمن ميزانية التعليم العالي.
ولكي يتحقق ذلك علينا البدء من الان في توحيد جهودنا لانة حسب علمي الميزانية سوف تصدر في نهاية هذا الشهر والله أعلم.


abkfx
موفد فعال
موفد فعال

ذكر عدد المساهمات : 165
نقاط : 5364
نقاط السٌّمعَة : 46
تاريخ التسجيل : 15/10/2011

الرجوع الى أعلى الصفحة اذهب الى الأسفل

رد: الى كل من هو مرشح للدراسة بالخارج ضمن القرار رقم 60

مُساهمة من طرف مصطفى اسمير في الخميس 08 ديسمبر 2011, 8:56 pm

وأني معاك ياخوي وأضم صوتي لصوتك , مش معقولة احني المعيدين في جامعة طرابلس نجروا على القرار وعلى الأسراع في تنفيذه , أرجو من خوتي المعيدين في جامعات مصراتة والجبل الغربي والشرق اللي طالعة أسمائهم في القرار 60 يتحركوا معانا شوية فعددهم لا بأس بيه بالألاف ماشاء الله ويقدروا يشكلوا قوة ضغط على مدير البعثات ووزير التعليم الجديد لو نسقنا الجهود مع بعض , نتمنى أن شاء الله خوتي في بقية الجامعات يوصلهم ندائي هذا .

مصطفى اسمير
موفد نشيط
موفد نشيط

ذكر عدد المساهمات : 107
نقاط : 4097
نقاط السٌّمعَة : 12
تاريخ التسجيل : 13/09/2011

الرجوع الى أعلى الصفحة اذهب الى الأسفل

رد: الى كل من هو مرشح للدراسة بالخارج ضمن القرار رقم 60

مُساهمة من طرف messu في الخميس 08 ديسمبر 2011, 8:58 pm

السلام عليكم ورحمة الله وبركاته
المبادرة بالعمل ياعبد الرزاق

1- نبو صورة من القرار .... يالله اللي عنده يبعث لنا منه صورة.

2- نحتاج الى نشر هذا الموقع الى جميع الموجودين بالقرار ،.... لكي نتمكن من التواصل وتحقيق الهدف.... الاتصال بالكليات والجامعات .

والله الموفق

messu
موفد جديد
موفد جديد

ذكر عدد المساهمات : 4
نقاط : 3667
نقاط السٌّمعَة : 10
تاريخ التسجيل : 08/12/2011

الرجوع الى أعلى الصفحة اذهب الى الأسفل

رد: الى كل من هو مرشح للدراسة بالخارج ضمن القرار رقم 60

مُساهمة من طرف hrazzaghi في الخميس 08 ديسمبر 2011, 9:53 pm

السلام عليكم
وأني معاك يا خوي أؤيد الفكرة وإن شاء الله يوصل صوتنا لذوي الإختصاص ويتفعل القرار وبالنسبة لصورة القرار موجودة في الموقع وأني حملتها منه وهذا رابط الموضوع http://www.almofad.com/t6048-topic

hrazzaghi
موفد جديد
موفد جديد

ذكر عدد المساهمات : 11
نقاط : 4370
نقاط السٌّمعَة : 10
تاريخ التسجيل : 11/02/2011

الرجوع الى أعلى الصفحة اذهب الى الأسفل

رد: الى كل من هو مرشح للدراسة بالخارج ضمن القرار رقم 60

مُساهمة من طرف mdermish في الخميس 08 ديسمبر 2011, 10:46 pm

السلام عليكم
معاكم بس ياريت تضعوا الية واضحة نتحركوا على اساسها وفي اقرب وقت

mdermish
موفد جديد
موفد جديد

ذكر عدد المساهمات : 14
نقاط : 4392
نقاط السٌّمعَة : 10
تاريخ التسجيل : 04/02/2011

الرجوع الى أعلى الصفحة اذهب الى الأسفل

رد: الى كل من هو مرشح للدراسة بالخارج ضمن القرار رقم 60

مُساهمة من طرف abkfx في الخميس 08 ديسمبر 2011, 11:10 pm

السلام عليكم
نعم يجب وضع الية معينة ومن لدية اي فكرة ينورنا بها مع الشكر الجزيل
سمعت في قرار صدر به 111 اسم دكتوراة الاسبوع الماضي لاشخاص أكملو دراست الماجستير وهم لسا في الخارج وفي قرار يتم الاعداد له لاشخاص اخرين اكملوا دراست الماجستير وهم يريدون استكمال دراسة الدكتوراة يعني اللي قاعد بالخارج يحصل على قرار دكتوراة واحنا في الداخل قرارنا نازل من شهر مارس وكل مرة ايقولوك مازال و ماذا يعني لو ان القرار نزل في فترة الثورة هذا القرار اعد له من شهر نوفمبر 2010
بالاضافة الى ذلك هنالك العديد من الجهات غير الجامعات والمعاهد العليا تقدمو الي الوزير ووكيل الوزير بتظلم لان في النظام السابق لم يكن يسمح لهم الترشيح لانهم من جهات عامة وفي نفس الوقت كانت لوائح البعثات تسرى عليهم ووعدهم خيراً بانزال قرار لهم مع بداية السنة.
واخيراً وليس اخراً يقول الاستاذ محمود جبريل انة سوف يتم ضم كل الدارسن بالخارج الذين يدرسون على حسابهم من قال له كل هؤلاء تنطبق علية لوائح البعثات هنالك الكثر من الخريجين من الجامعات علي سبيل الذكر فقط تقديرهم جيد و بعضهم جيد جداً لم يتحصلو على فرصة للدراسة بالخارج وهم يسعون جاهدين في سبيل ذلك و في نفس الوقت خريج جديد بتقدير مقبول أو ضعيف يذهب ويقراً على حسابه فصل دراسي واحد ثم يتم ضمة. هناك طبعا الكثير منهم قاعدين في ليبياز
هذا ظلم وهذا دائما نتيجة القررات التي تتخد بدون دراسة وهذا غير عادل وظلم للكثر من الاشخاص.
هذة المقدمة لكي يعرف الجميع الموفدين ضمن القرار 60 بأنة من حقناً ان نتكلم ونطالب بحقنا نحن الذين نتظر سنوات لمواصلت دراستنا والله المستعان

abkfx
موفد فعال
موفد فعال

ذكر عدد المساهمات : 165
نقاط : 5364
نقاط السٌّمعَة : 46
تاريخ التسجيل : 15/10/2011

الرجوع الى أعلى الصفحة اذهب الى الأسفل

رد: الى كل من هو مرشح للدراسة بالخارج ضمن القرار رقم 60

مُساهمة من طرف salahovski في الجمعة 09 ديسمبر 2011, 12:46 am

ياخوي مصطفى اسمير انا معيد بجامعة بنغازي واسمي طالع في القرار 60 ولكن بعد المسافه هو المشكله بالنسبة لنا فلو كان مكتب البعثات في بنغازي حتشوف الاعتصامات لكن ماباليد حيله....مجرد مايوصل وزير التعليم العالي بنغازي حنحاولوا مقابلته انشاءالله

salahovski
موفد مشارك
موفد مشارك

ذكر عدد المساهمات : 25
نقاط : 4389
نقاط السٌّمعَة : 10
تاريخ التسجيل : 03/02/2011

الرجوع الى أعلى الصفحة اذهب الى الأسفل

رد: الى كل من هو مرشح للدراسة بالخارج ضمن القرار رقم 60

مُساهمة من طرف amani laidi في الجمعة 09 ديسمبر 2011, 1:00 am

بصراحة يا اخوانى الموفدين نتمنى لكم التوفيق وتحقيق امانيكم لاكن اوقفو لحظة قدام ضميركم قرار صدر فى شهر3 فى وقت كانت الناس تتصارع على البنزينة والاكل والميه والضى فى طرابلس وكانت مناطق تقصف وناس تموت فى ليبيا بصراحة ظلم لو يتفعل دون اعادة النظر فيه اكيد بنسبة 100 % ان فى ناس فى القرار بالواسطة وانى لم اقل الجميع يعنى لو فى شخص بتقديره وبكفائتة حصل ايفاد هدا مستحيل يستبعد فى القرار لو اعادو النظر فيه لاكن ان يتفعل بدون اعادة النظر فيه فهذا يعتبر ظلم فى عهد احنى نطالبو فيه بالحرية

amani laidi
موفد فعال
موفد فعال

انثى عدد المساهمات : 169
نقاط : 5479
نقاط السٌّمعَة : 69
تاريخ التسجيل : 07/11/2011

الرجوع الى أعلى الصفحة اذهب الى الأسفل

رد: الى كل من هو مرشح للدراسة بالخارج ضمن القرار رقم 60

مُساهمة من طرف استاد في الجمعة 09 ديسمبر 2011, 1:36 am

معليشي إخوتي الكرام أنا معيد بأحد الكليات وعارفكم قداش فرحتوا لما شوفتو أساميكم في القرار ولكن ياريت تقدروا الناس اللي زي حلاتي اللي لما طلعوا القرارات مالقوش أساميهم فيهم وألقوا أسامي أخرى بدلهم وهما مايخدموش في الكلية ولامعيدين فيها ولا حتى متخرجين منها فيا ريت تصبروا شوية لين يراسلوا الكليات من جديد ويتأكدو من الأسماء اللي تم ترشيحها بالضبط وهذا الكلام على لسان د. محمد المستشار القانوني لإدارة البعثات وموفيقين إن شاء الله
طبعا اللي متأكد من نفسها أكيد حيراعي ويصبر واللي حاط أسمه بالواسطة بدل أسم شخص أخر ليه الحق بالقرار أكيد مش حيصبر وبيدير فوض وضجة حتى ينفذو القرار بسرعة ويطلع ويأخذ مكان غيره وياريت تراجعو القرار 65 وبالذات رقم 36-37-38 وتسألو عليهم هل هما معيدين بالكلية اللي مسجلين فيها بالقرار ولا لا

استاد
موفد فعال
موفد فعال

ذكر عدد المساهمات : 155
نقاط : 6102
نقاط السٌّمعَة : 71
تاريخ التسجيل : 14/12/2010

الرجوع الى أعلى الصفحة اذهب الى الأسفل

رد: الى كل من هو مرشح للدراسة بالخارج ضمن القرار رقم 60

مُساهمة من طرف مصطفى اسمير في الجمعة 09 ديسمبر 2011, 2:04 am

السلام عليكم , ياأخت amani كيف تقولي كلام زي هذا , ماتعرفيش أن قرار الجامعات رقم 60 بدت الترشيحات متاعه من شهر 12 \2010 وسكروا باب الترشيح في نهاية شهر 1\2011 , وتوقع القرار بالضبط يوم 3\3\2011 لأن القرارات كانت تتوقع وقت النظام السابق في شهر 3 أو في شهر 9 , وبالتالي القرار ليس له أي علاقة بالأحداث , وبعدين تذكري أن القرار 60 هوا قرار معيدين وأعضاء هيئة تدريس مش قرار لجان ثورية أو مؤسسة أو مكتب اتصال , وثاني حاجة لو أنت معيدة فعلا مفروض تفرحي لبقية زملائك اللي طلعلت أسمائهم في القرار وحتى لو سقط أسمك سهوا طالبي بأعداد ملحق للقرار مش تطالبي بأعادة النظر فيه , في معيدين في جامعة طرابلس قعدوا يراجوا 4 سنوات باش طلعت أسمائهم في القرار 60 وماهمش متاعيين واسطة زي ماتقولي .
وبالنسبة لكلام الأخ أستاذ , فنحب نقولك أن أدارة البعثات ليهم 3 شهور يقولو بنراجعوا , فياريت لو بيراجعوا فعلا يقولونا أمتا رح تم المراجعة متاعهم , ولو في واحد حاطينه بالواسطة معاك حق خلي يستبعدوه بس أهم شي ماياخدوش المراجعة حجة لأضاعة المزيد من الوقت, وبعدين أنت ياخوي تخصصك أدارة ممكن عامل الوقت مش مهم ليك هلبا , لكن احني معيدين طب بشري وعامل الوقت مهم جدا بالنسبة لينا .

مصطفى اسمير
موفد نشيط
موفد نشيط

ذكر عدد المساهمات : 107
نقاط : 4097
نقاط السٌّمعَة : 12
تاريخ التسجيل : 13/09/2011

الرجوع الى أعلى الصفحة اذهب الى الأسفل

رد: الى كل من هو مرشح للدراسة بالخارج ضمن القرار رقم 60

مُساهمة من طرف استاد في الجمعة 09 ديسمبر 2011, 2:32 am

السلام عليكم
أخي مصطفى : بالنسبة لكلامك على إدارة البعثات أخدو وقت أكثر من اللازم في نراجعة القرارات عندك حق وأني معاك في كلامك أما بالنسبة لكلامك أن تخصصي إدارة ممكن عامل الوقت مش مهم ليا هلبا فأني ضدك ومش معاك فهذا لأن أحني فالإدارة ديمة نقولوا لافائدة من تحقيق الأهداف إذ لم تحقق في الوقت المناسب
وربي يوفقك ونسمعوا بيك كأفضل جراح عيون في أسبانيا

استاد
موفد فعال
موفد فعال

ذكر عدد المساهمات : 155
نقاط : 6102
نقاط السٌّمعَة : 71
تاريخ التسجيل : 14/12/2010

الرجوع الى أعلى الصفحة اذهب الى الأسفل

رد: الى كل من هو مرشح للدراسة بالخارج ضمن القرار رقم 60

مُساهمة من طرف مصطفى اسمير في الجمعة 09 ديسمبر 2011, 2:44 am

الله يبارك فيك ياخوي أستاذ وربي يفوقك في دراستك ونسمعوا بيك كمدير لأحدى الشركات الكبرى

مصطفى اسمير
موفد نشيط
موفد نشيط

ذكر عدد المساهمات : 107
نقاط : 4097
نقاط السٌّمعَة : 12
تاريخ التسجيل : 13/09/2011

الرجوع الى أعلى الصفحة اذهب الى الأسفل

عاجل بخصوص قرار 67 شهر 3

مُساهمة من طرف نسمة الحرية في الجمعة 09 ديسمبر 2011, 9:16 am

Question Question [color=red]السلام عليكم
أخواني الاعزاء , نحب نقوللكم أنه مش كل حد نزل أسمه من ضمن قرارت شهر مارس نزل بالواسطة ونحكيلكم تجربتي الشخصية , أنا خريجة من سنة 2000 من معهد عالي حاسوب وكانت اول دفعة علي مستوي ليبيا وقعدنا نراجوا في الجامعة امتي تفتحلنا نعادلوا لدرجة بكالوريس وقعدت وبعد انتظار طويل وبعد خمس سنوات أيست من قصة المعادلة وقالوا انا لنا الحق نحضروا درسات علي طول وقدمت علي مدار 3 سنوات امتحان قبول ف الجامعة لدراسة الماستر ولكن مع انطباق جميع الشروط والمجموع علي كانوا يقبلوا في خريجي الجامعة ويفتوا فينا جماعة الدبلوم وكأننا مواطنيين درجة عاشرة واخر مرة قبلوا ف الجامعة اربع طلبة من أصل 30 متقدم للأمتحان باهي انا ماننفعش ومستواي ضعيف الباقي معقوله ماينفعوش كلهم؟ ولما سألت ليش العدد القليل ف القبول تحججوا بأنه لا يوجد أساتذة لتدريس عدد كبير!!!!!!! ماعش قعد قدامي الا الأكاديمية وانتو أدري بالمصاريف الخاصة بها مع العلم أنها غير معتمدة أكاديمية الدراسات بنغازي , تدفع من دمك علي شهادة غير معتمدة؟ توا بس دايرين أعتصامات وقاعدين يجروا الطلبة للحصول علي الاعتماد بعد 10 سنوات تقريبا, طبعا للعلم انا معيدة ف نفس المعهد وجاء الترشيح للإيفاد من طرابلس سنة 2010 لاعضاء هيئة التدريس والمعيدين ونزل أسمي بالصدفة مجرد انطباق مجموع مع مواليد مش أكثر ماتصوروش فرحتنا بمجرد الترشيح وبعدها لقيت أسمي نازل في قرار رقم 67 الموقع ف شهر 3 الماضي وعلي أمل ف الله يتم توقيع التفويض المالي الخاص بنا وتوا جايين تقولوا كان قرار توقع وقت الناس تموت ؟ وفيه واسطة؟ باهي ماهو قرار زيادة المرتبات توقع والناس تموت وقبلتوه كلكم بدون تعقيب والا قرار دون قرار ..الله المستعان عموما نحكي علي نفسي متوكلة علي الله وراضيه برزقي ونتمني انه الكل يتمنوا الخير لبعضهم عشان نتقدموا قدام بس وربي يوفقكم

نسمة الحرية
موفد مشارك
موفد مشارك

انثى عدد المساهمات : 48
نقاط : 4248
نقاط السٌّمعَة : 12
تاريخ التسجيل : 30/10/2011

الرجوع الى أعلى الصفحة اذهب الى الأسفل

رد: الى كل من هو مرشح للدراسة بالخارج ضمن القرار رقم 60

مُساهمة من طرف sahmed في الجمعة 09 ديسمبر 2011, 1:58 pm

انا معاكم من البداية ومنين ماتبدو واي طريقة توصل صوتنا وبي احترام ناخدو حقنا ولكن شن هي الالية اللي بتوصل صوتنا وان شالله موفقين والله اكبر
[b]

sahmed
موفد جديد
موفد جديد

انثى عدد المساهمات : 17
نقاط : 3722
نقاط السٌّمعَة : 16
تاريخ التسجيل : 22/11/2011

الرجوع الى أعلى الصفحة اذهب الى الأسفل

رد: الى كل من هو مرشح للدراسة بالخارج ضمن القرار رقم 60

مُساهمة من طرف العبسى في الجمعة 09 ديسمبر 2011, 2:26 pm

في شهر 10 مشيت للبعثات قالوا حتم مراجعة القرار 60 صحيح كلنا مع المراجعة لكن الوقت مش في صالح الجميع معقولة مراجعة قوائم تطلب 3 شهور و معاش عرفنا نراسلوا الجامعات على أي أساس و النية طارت في الشغل على المقترح و المفروض المسؤولين في البعثات يحطوا النقاط على الحروف.

العبسى
موفد فعال
موفد فعال

ذكر عدد المساهمات : 182
نقاط : 5413
نقاط السٌّمعَة : 16
تاريخ التسجيل : 21/09/2011

الرجوع الى أعلى الصفحة اذهب الى الأسفل

رد: الى كل من هو مرشح للدراسة بالخارج ضمن القرار رقم 60

مُساهمة من طرف salem elzway في الجمعة 09 ديسمبر 2011, 3:20 pm

يا جماعة قرار 60 منكمش بروحكم وين بتمشوا وتخلونا أحني معاك وين مابتمشوا

نحنا جماعة قرار 67 وين ما بتروحوا وراكم كيف بتمشوا او نحناء لا وراكم وراكم جاينكم جاينكم

مش الزواية اول مانضات قالت يا بنغازي منكش ابروحك نحناء ضمادين اجروحك

خلاص يا 60 منكش ابروحك نحنا ضمادين


salem elzway
موفد فعال
موفد فعال

ذكر عدد المساهمات : 333
نقاط : 5947
نقاط السٌّمعَة : 41
تاريخ التسجيل : 29/09/2011

الرجوع الى أعلى الصفحة اذهب الى الأسفل

رد: الى كل من هو مرشح للدراسة بالخارج ضمن القرار رقم 60

مُساهمة من طرف مصطفى اسمير في الجمعة 09 ديسمبر 2011, 6:02 pm

السلام عليكم , بالنسبة للقرار 60 متاع المعيدين واعضاء هيئة التدريس , ادارة البعثات كل مرة تقول في كلام , مرة قالو شهر 1 ومرة قالو بنراجعوا وأخر مرة مشيت قبل 4 أيام قالو نتوقعوا يتنفذ القرار بعد 3 أشهر فا مانيش عارف بالضبط شن صاير , بس زي مايقولو تفائلو خيرا تجدوه وان شاء الله خير .

مصطفى اسمير
موفد نشيط
موفد نشيط

ذكر عدد المساهمات : 107
نقاط : 4097
نقاط السٌّمعَة : 12
تاريخ التسجيل : 13/09/2011

الرجوع الى أعلى الصفحة اذهب الى الأسفل

رد: الى كل من هو مرشح للدراسة بالخارج ضمن القرار رقم 60

مُساهمة من طرف abkfx في الجمعة 09 ديسمبر 2011, 10:01 pm

السلام عليكم ورحمة الله وبركاتة
بالنسبة للقرار 60 المعلومات التي عندي كالتالي:
1- مند حوالي شهر ذهبت الي شخص صديق في ادارة البعثات وقالي انهم سوف ينفذوا القرار ولكن سوف يتاكدون من الاسماء وذلك عن طريق ارسال رسالة الي جميع الجامعات وطلب جميع قوائم اعضاء هيئة التدريس والمعيدين كل على حدى وبالفعل تم ذلك ولكن حتى هذا اللحظة لم ترد الجامعات بهذة القوائم. فائدة هذة القوائم هو انك عندما تريد ان تنفذ قرارك ينظر الي هذة القوائم فاذا كان اسمك موجود ادن انت تشتغل في الجامعة ويتم اعطائك رسالة الدعم المالي وان لم يكن موجود ادن انت ضمن جماعة الواسطة ولن تسطيع ان تكمل اجرائتك.
2- بالنسبة للذين سقطت اسماءهم هم طبعا الاسماء الموجودة ضمن القوائم وغير موجودة ضمن القرار 60 وهؤلاء سوف يضافون الي هذا القرار.

اذن المطلوب هو الاسراع في تحويل هذة القوائم المطلوبة من جامعتنا بالسرعة القصوى حتى يتسنى تنفيذ هذا القرار وكسر حجة مراجعة القرار والتاكد من الاسماء الموجودة فية هذا اول شي يجب علة الجميع الاسراع في انجازة.
والله اعلم والله المستعان



abkfx
موفد فعال
موفد فعال

ذكر عدد المساهمات : 165
نقاط : 5364
نقاط السٌّمعَة : 46
تاريخ التسجيل : 15/10/2011

الرجوع الى أعلى الصفحة اذهب الى الأسفل

رد: الى كل من هو مرشح للدراسة بالخارج ضمن القرار رقم 60

مُساهمة من طرف abkfx في السبت 10 ديسمبر 2011, 8:35 pm

السلام عليكم ورحمة الله وبركاتة
هل من احد فكر في الية لمطالبة ادارة البعثات او وزارة التعليم العالي لتنفيذ القرار 60

مع الشكر

abkfx
موفد فعال
موفد فعال

ذكر عدد المساهمات : 165
نقاط : 5364
نقاط السٌّمعَة : 46
تاريخ التسجيل : 15/10/2011

الرجوع الى أعلى الصفحة اذهب الى الأسفل

رد: الى كل من هو مرشح للدراسة بالخارج ضمن القرار رقم 60

مُساهمة من طرف مصطفى اسمير في الأحد 11 ديسمبر 2011, 1:34 am

السلام عليكم , الطلبة الليبين الدارسين على حسابهم الشخصي مدايرين صفحة على الفيس بوك اسمها (معا من أجل ضم الطلبة الدارسين على حسابهم الخاص ), ولذلك أنا أقترح أنشاء صفحة على الفيسبوك تحت عنوان (معا من أجل تنفيذ قرارات أيفاد شهر 3) أو (معا من أجل تنفيذ قرار المعيدين وأعضاء هيئة التدريس رقم 60 لسنة2011) لأيصال صوتنا الى المسئولين في البعثات والتعليم العالي .

مصطفى اسمير
موفد نشيط
موفد نشيط

ذكر عدد المساهمات : 107
نقاط : 4097
نقاط السٌّمعَة : 12
تاريخ التسجيل : 13/09/2011

الرجوع الى أعلى الصفحة اذهب الى الأسفل

رد: الى كل من هو مرشح للدراسة بالخارج ضمن القرار رقم 60

مُساهمة من طرف خالد ابوزيد الغرياني في الأحد 11 ديسمبر 2011, 5:08 pm

ياريت كل الموفدين في القرار رقم 60 يحددوا مكان للقاء في طرابلس للضغط من أجل تنزيل الميزانية لتنفيذ القرار ومن منطلق انا نحن ليبين ولايوجد فرق بين الليبين فكيف يعملوا قرار بعد ثورة 17 فبراير وبتنزل لهم ميزانية ونحن لدينا قرار منذ شهر3 ولازلنا ننتظر ، ان لقائنا سوف يشكل ضغطا مناسبا .

خالد ابوزيد الغرياني
موفد جديد
موفد جديد

ذكر عدد المساهمات : 15
نقاط : 3765
نقاط السٌّمعَة : 10
تاريخ التسجيل : 10/12/2011

الرجوع الى أعلى الصفحة اذهب الى الأسفل

رد: الى كل من هو مرشح للدراسة بالخارج ضمن القرار رقم 60

مُساهمة من طرف abkfx في الأحد 11 ديسمبر 2011, 6:48 pm

السلام عليكم ورحمة الله وبركاتة
شكرا للاستاذ مصطفى اسمير على الفكرة ونرى ان تقوم انت بفتح هذة الصفحة وابلاغنا بذلك وبالنسبة للاستاذ خالد الغرياني فكرة التجمع في طرابلس ومقابلة الوزير هذا ما نطلع الية ولكن نريد ذلك فبل ان تصدر رئاسة الوزراء الميزانية العامة
نطلب كل من هو اسمة في القرار 60 الاتصال بكل اصدقاءه في جميع الجامعات خاصة الجامعات القريبة من طرابلس مثل الزاوية والمرقب مصراتة الجبل الغربي وطرابلس بالاضافة الى كل من هو متواجد داخل مدينة طرابلس اثناء اللقاء .
نطلب منك يا استاذ الغرياني تحديد موعد في الفترة من اسبوع الى 10 ايام وذلك للقاء أولا مدير ادارة البعثات على ان يكون يوم الاثنين او الاربعاء لان مدير ادارة البعثات يستقبل الموفدين في هذان اليومان فقط

والله الموفق

abkfx
موفد فعال
موفد فعال

ذكر عدد المساهمات : 165
نقاط : 5364
نقاط السٌّمعَة : 46
تاريخ التسجيل : 15/10/2011

الرجوع الى أعلى الصفحة اذهب الى الأسفل

رد: الى كل من هو مرشح للدراسة بالخارج ضمن القرار رقم 60

مُساهمة من طرف messu في الأحد 11 ديسمبر 2011, 8:04 pm

احنا من جامعة الزاوية واتيين ،، غير حددو الموعد بس ،،، وما تلقوا غير التريس ان شاء الله ،،،
1- جهزونا مذكرة لمدير البعثات ،،، لكي يرد عليها كتابيا تزامنا مع اعتصامنا الذي اقترحتموه ،،،
2- كان ماصار شي ندعوا الى التظاهر ... مطالبين بحقوقنا...

والله اكبر،،، الله اكبر ،،، ولله الحمد

messu
موفد جديد
موفد جديد

ذكر عدد المساهمات : 4
نقاط : 3667
نقاط السٌّمعَة : 10
تاريخ التسجيل : 08/12/2011

الرجوع الى أعلى الصفحة اذهب الى الأسفل

رد: الى كل من هو مرشح للدراسة بالخارج ضمن القرار رقم 60

مُساهمة من طرف drema في الإثنين 12 ديسمبر 2011, 5:41 pm

مشكور جدا اخى ع هذه الوقفة فاليوم كنت بمكتب البعثات ببنغازى بخصوص تنفيذ القرار 60 فاخبرنى مدير المكتب بانه ماااااازااااال تبيلهم بيش ينزل التفويض!!!!!
خرجت محبطة جدا, عزمت ع الاتصال بباق المعيدين لنبحث هذا الموضوع وانه لا بد لنا من وقفة واحدة حتى نجد حل

وها هنا قد عرضتم الموضوع فنحن معكم يد واحدة

الرجاء توضيح الية العمل فى اقرب وقت لكى نتمكن من توحيد كلمتنا
ولكم جزيل الشكر

_______________________________

Benghazi my spirit

drema
موفد فعال
موفد فعال

انثى عدد المساهمات : 126
نقاط : 4510
نقاط السٌّمعَة : 12
تاريخ التسجيل : 29/12/2010

الرجوع الى أعلى الصفحة اذهب الى الأسفل

رد: الى كل من هو مرشح للدراسة بالخارج ضمن القرار رقم 60

مُساهمة من طرف sahmed في الإثنين 12 ديسمبر 2011, 9:12 pm

ديرو يوم نتلاقو فيه وحاضر نكونو في الموعد وبالنسبة ليا انا نبلغ جميع المعيدين التقنية الطبية مختبرات انتم حددو يوم نوصلو فيه صوتنا

sahmed
موفد جديد
موفد جديد

انثى عدد المساهمات : 17
نقاط : 3722
نقاط السٌّمعَة : 16
تاريخ التسجيل : 22/11/2011

الرجوع الى أعلى الصفحة اذهب الى الأسفل

صفحة 1 من اصل 3 1, 2, 3  الصفحة التالية

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى