رد: نصيحة مهمة تأشيرة سياحية أم دراسية ؟؟

من طرف **ختروشة** في 07.02.12 2:27

اذكري الله . الموضوع واضح انتي شن درتي من اجراءات لاعند تو عشان يقدر الواحد ايساعدك . لازم تعرفي ان اي معلومة اتجيك عن التأشيرة السياحية ان مدتها اكثر من اسبوعين معلومة غلط . واللهي الموضوع واضح مافيش داعي اي حد اتسير معاه عكة بسيطة ايجية احباط . لاوم الواحد يكون متفائل

من طرف بنت درنة في 07.02.12 2:33

أكيد مافي الا التفاؤل ولله الحمد بس انا حاليا دفعنا للمعهد قيمة الاقامة لي ولزوجي والاجراءات بين المعهد والجوازات حاليا وبعدها تطلعنا الاقامة وهكي انخشو بفيزا اسبوعين سياحة وتكون الاقامة تبع المعهد جاهزة .. يصير منه الامر هذا او لا ؟ هذي نصيحة مقيمين في ماليزيا

من طرف **ختروشة** في 07.02.12 2:40

تمام بكل ... لما اتجيك الموافقة تمشي تاخذيها من السفارة اللي انتي اخترتي اتجيك عليها الموافقة .. السفاره حتعطيك الموافقة انكي تدخلي لماليزيا . خلاص هكي معناه انك عندك اقامة .. تمشي للمعهد ياخذك منك جوازك ويمشي بيه لوزارة الهجرة تستكمل باقي الاجراءات . يعني انسي موضوع الاسبوعين خلاص . في المطاء معش له علاقة يالمدة ايدير دخول بناء علي اقامة لن هم عندهم ختمين في المطار ......
(( علي فكرة معش بعثتي اسم المندوب اللي ايخلص في الاجراءات ))

من طرف بنت درنة في 07.02.12 2:47

بالنسبة للمندوب أنا مش تبع معهد ال اس أنا معهد في جزيرة بينانغ وارسلت على اسم مندوب المعهد ..

بس ياخوي انا مفهمتش قصة الختمين في المطار شنو ؟

من طرف **ختروشة** في 07.02.12 2:55

موظف الجمارك عنده ختمين . الفختم الاول مده اسبوعين يعطي للسياح اللي ماعندهمش اقامة . الختم الثاني يعطي للناس اللي عندهم اقامة يعني كيف حالتك . يعني اللي عندهم موافقة من وزارة الهجرة . اي سؤال حاضر

من طرف بنت درنة في 07.02.12 2:59

اوكي تمام يعني ورقة موافقة من جوازات ماليزيا ووزارة الهجرة تكفي مفيش داعي ندير تأشيرة دراسية من سفارة مصر هذي اللي نبي نفهمها

من طرف **ختروشة** في 07.02.12 3:10

السفارة ضروري تمشيلها عشان تاخذي منها الموافقة . انتي كنك ماتتصلي بيها السفارة . وزارة الهجرة تبعث الموافقة للسفارة عشان تعطيك تأشيرة دخول بس مش سياحية يعني انك تمت الموافقة عليك . اي سؤال اخر مازلت فاتح . اسئلي

من طرف بنت درنة في 07.02.12 3:32

مشكور خوي بارك الله فيك

ان شاء الله خير ربي يسر الامور للجميع ان شاء الله ... بس انا كنت نحساب ورقة الجوازات تغني عن السفارة

من طرف **ختروشة** في 07.02.12 10:56

انتي اتصلتي بالسفاره علي الرقن اللي بعثه لكي .. لكن حقك علي بكره الصبح حنتصل بيهم ونقولك ..

من طرف asadik في 08.02.12 5:54

تي صبرو بالكم ياختي ريحي روحك ولم اتجيك ورقه من الجوزات ولم المعهد يبعتهالك ديري روحك ماشي سياحه في المظار وتاني يوم بر سلمي جوازك وخلاص لتاشير لا سفاره

من طرف بنت درنة في 08.02.12 9:02

مشكور أخي الكريم وهذا الشي اللي كنت مقررته بس في من يقولك لازم تطلع من ماليزيا وترد بالاقامة الجديدة اللي عطاها لك المعهد

المهم نوصلو المطار وبعدها ساهل ان شاء الله بس أنا اللي نبي نفهمه لما توصلني ورقة الجوازات ناخذ تذكرة ذهاب فقط أو ذهاب واياب

شكرا جزيلا أخي الكريم على حسن تعاونك
جزاك الله كل خير

من طرف **ختروشة** في 08.02.12 10:55

يا اختي الكريمة .... ربي ايوفقك ..... انا اليوم واللهي مافضيت عشان انرن عالسفارة .... بس معش بن كثر عليك ...... شوفي الصح اللي مافيهش شحورة وديريه وفقك الله

من طرف adell101 في 22.02.12 13:03

السلام عليكم
انا طالب موفد للدكتوراة وعندي قبول اكاديمي من جامعة سرواك في ماليزية الجامعة ارسلت لي ايميل بخصوص الحصول علي تاشيرة طالب وطلبت مني ارسال المستندات التالية للحصول علي موافقة تاشيرة طالب
1- صورة من جواز السفر ساري المفعول
2- عدد 2 صورة شخصية
3- المؤهل وكشف الدرجات
4-رسالة عرض القبول من الجامعة
5- التقرير الطبي حسب نموذج الجامعة
6- تحويل مبلغ وقدره 267 دولار تكاليف التسجيل ووزارة الهجرة
واستفساري هو
للتقديم علي التاشيرة في السفارة الماليزية في مصر هل المستندات المستلمة عن طريق الايميل مقبولة في السفارة ام انهم يشددون علي المستندات الاصلية فثلا رسالة القبول التي استلمها مش الاصلية عن طريق الايميل لان خدمة الفديكس مفيش في ليبيا وخاصة في بنغازي توا
الاستفسار الاخر انا عندي عائلة زوجة و3 اطفال نبي نعرف شنو الاجراءات والمستندات المطلوبة بيش يتحصلوا علي التاشيرة
التاشيرة تاخذ كم يوم بيش تطلع وهل ضروري اخذ العائلة للسفارة
امل من كل له معلومات عن استفساراتي ان يخبرني بها ولكم مني كل الاحترام والتقدير

من طرف بنت درنة في 22.02.12 14:09

السلام عليكم ورحمة الله

بالنسبة لتأشيرة الطالب من السفارة الماليزية تطلب امغريشن اي اذن باعطاء التأشيرة من ماليزيا
وأظن العائلة يعطوهم تأشيرة كمرافقين الافضل انك تتصل بالسفارة في مصر وهما يعطوك التفاصيل المؤكدة

0020237610013
0020237610019

بالتوفيق إن شاء الله

من طرف adell101 في 23.02.12 0:19

شكرا لردك عندي استفسار امل منكي الرد عليه اذا عندك معلومات بخصوص التحويل البنكي كيف يمكن تحويل المبلغ المطلوب الي حساب الجامعة لاني حاولت اجراء التحويل عن طريق مصرف التجارة والتنمية ولكن قالوا لي لايوجد تحويلات في الوقت الحالي .
ايضا بخصوص السفارة الماليزية في مصر ماهو عنوانها وهل تقبل اجراءات الطلبة الليبيين لاصدار التاشيرة وماهي الاوراق المطلوبة لي وللعائلة وكم يوم يلزم لاصدار التاشيرة
ولكي كل الشكر والاحترام