قرار موسسة الطاغية

موضوع قرار موسسة الطاغية ارجوكم لاتتهاونوا عن الموضوع لان هذا حقنا وشكله في اعتصام تاني ضخم للغاية
اما اما وزارة التعليم العالي واما اما السيد مصطفي عبدالجليل
لكن بعد مانشوفوا عبدالحميد وباقي المندوبين شن صار معهم

القوائم قرار موسسة الطاغية لطلة المعاهد العليا 354 طالب لدراسة علي نفقة المجتمع

قعدينلهم ياسيد رمزى وراهم وارهم ماناش امسيبينهم بس بنعطوهم فرصة للرد لمعرفه نتائج اعتصام يوم 18/1/2012 وحسب ما توصلت اليه تما تشكيل للجنة من 17 الدكثور لتنظيف المسودة من الطلبة الدين ضد ثورة 17 فبراير و من لديهم افادات تخرج معطوبة (مزوة ) هدة المعلومة تحصلت عليها من مدير مكتب وزير التعليم العالى بعد اعتصام يوم الاربعاء الماضى انا متفائل خير ياسيد رمزى والله الموفق

ياأخ عمر وياأخ رمزى... بارك الله فيكم على مجهودكم.. نرجو منكم ان تضعو قوائم المرشحين او صورة من القرار وشكراً.

السلام عليكم,
بارك الله فيكم, بس معليش نبى نسئل على اللجنة التى شكلت
بمعنى كم المدة اللى حينظفوا فيها القرار وايعيدوا صياغته وامتى حيسلموه للبعثات لانه صدقونى مرات راه يبوا ايمشوكم وكلام زى هذا او بعدها لا سمح الله ماايصيرش منه بكل القرار
يعنى لازم اتبعوا عمل اللجنة, او موضوع اعادة الصياغة مش حياخذ اسبوع لو هما ناوين بجد انهم ايفعلوا القرار.
او احسن طريقة من را ى انا هيا الاعتصام او زيادة الضغط عليهم بالاعتصامات, هكى كل صبح او هما خاشيين يلقوكم غادى قبلهم فى رئاسة الوزراء, ديروا حتى خيمة كسدوا فيها غادى الى ان يسرعوا فى تنفيذ القرار.
ركزوا فى هذه لو رخيتوا معاهم حتى هما حيعطلوا.

السلام عليكم
بالنسبة لخونا اللي معلق انه بيتم تنظيفه هدي بروحها كلمة تنظيفه عليها علامة استفهام كبيرة لان لو رجع للبعتات تاني وهو مر عليها وتغربل من شهر 3 الماضي وتمت اضافة اسماء من 220 الى 354 يعني جماعة البعتات حيلخبطوه وينحو اسماء ويحطو جماعتهم وهذا الشي احدرو منه واني متاكد ان القرار مايحتاجش للتنظيف لان اللي مر باجراءات المؤسسة يعرف انه لايمكن التزوير وحتى لو زور كيف بيدير لما يوصل الاجراءات هذا كله يكسبو في الوقت ويسكتو فيكنا يبونا نسكتو لا اكثر ولا اقل ...

ان شاء الله خير
بس كلمت الاخ مرات جماعت البعتاث ينحو اسم ويحطو اسم واني صارتلي من قبل
لهدا الاعتصام الجاي لازم يكو قوي
وبدون تغيير في القرار الا الي عليه حاجة
بس اللحمد لله في نسخة من القرار مش زي قبل
يحطو ويلوحو زي مايبو
وان شاء الله خير

كثرو الاعتصامات....حفظ الله ليبيا

السلام عليكم
اخوتى الطلبة من حملة الدبلوم العالى هده القوائم التى تحتوى على 345 ط






اخوكم عبدالحميد

السلام عليكم,
بالله عليكم شوفوا القرار امتاع المعاهذ العليا او شوفوا الظلم لاعند وين بصراحة مش كل واحد ايفكر فى مصلحته بس, او لذلك لما قلت تنظيف القرار مزبزط تنظفيه او اعادة صياغته مرة اخرى بالله عليكم شوفوا التوزيع 5 مرشحين بس من المنطقة الشرقية, او خونا salim0574
ايقولى القرار ماتبيلاش تنظيف تى وين كنكم ناسيين فى مدن اخرى معاكم فى ليبيا والمشكلة الخير اللى نحنا فيه ايجينا منهم كيف الواحات والكفرة, لذلك فعلا القرار لازم من اعادة صياغته هو او جميع القرارات من يوم غادى, راه قاعد نحكيلكم او اسمى نازل فى قرار 1200, او لازم ايكون فى عدل فى التوزيع, او حاجه اخرى والكل عارف ان قرارت الايفاد هذه كانت سياسية اكتر من انها لمصلحة ليبيا, لازم تكون عدالة فى التوزيع يعنى قرار فيه 345 طالب على مستوى ليبيا فيه بس من المنطقة الشرقيه فيها بس 5.

السلام عليكم

ياخوي ابراهيم السبب اللي يخلي مافيش اسماء من المنطقة الشرقية هو المركزية اللي في طرابلس كانت ولان المؤسسة ممكن ماعندهاش فرع في المنطقة الشرقية

وبعدين اسلوب العنصرية امتع المنطقة الشرقية والغربية ماعادش يمشي بعد 17 فبراير لان الشباب لما طلعو في 17 فبراير و16 طلعو يهتفو بالروح بالدم نفديك يا بنغازي وكتائب المقبور تضرب فيهم بالرصاص الحي لهدا يا خوي المنطق هدا ماعليشي مش وقته ومش مكانه ويكفينا فتنة

وبالنسبة للقوائم واللي مسؤل عليهم ايام الطاغية شخص من الجنوب وكل الشباب يعرفوه من سوكنة تحديدا يعني مش من هنايا واللي جي وقدم ملفه وشاف الاجراءات اللي نزلت في موقع المؤسسة سابقا وكانو 220 طالب كلهم نزلت اسمائهم والباقي ضافوهم من البعتات

واني قلت اللي تبع الاجراءات من الاول يعرف اننا انظلمنا من 2005 مش من اليوم بس كلمة الحق لازم انقولوها

بسم الله الرحمن الرحيم
السلام عليكم ورحمة الله وبركاتة
يا اخواني الكلام الصحيح واالي يجب ينقال ان** الصبر هو مفتاح الفرج ** نحن وصلنا مطالبنا لجهات الاختصاص ولازم نصبر حتى انشوف الجماعة واخدين الامر على محمل الجد والا لا.
وبعدين ليبيا غاليا علينا والآهم ثم المهم
الأهم - ليبيا
+ } ليبيا اولاً
المهم - ليبيا
ليبيا خيرها واجد ولله الحمد والقرارات ان شاء الله في الجاي حتكون في متناول الجميع والذي يستحقها فقط مش هذا ولد عمي وهذا قريبي وهذاك ولد خالتي

التوفيق من عند الله...[b]