ما معني هذه الرساله(بخصوص استراليا)؟؟؟؟؟

[center]
هذي الرساله وصلتني الاسبوع هذا من القسم الثقافي للمكتب الشعبي لاستراليا
الي ايميلي بواسطة ايمي شو....لكن انا صدمت ان لازم من قبول لغه مع اكاديمي
ولكني تحصلت علي قبول لغه فقط واجراءاتي الان علي هذا الاساس.....
فياريت الكل يشوف الرساله هذي ويفهمنا
لانها رساله بها قرارات جديده بخصوص استراليا.....

السلام عليكم ورحمة الله وبركاته
وصلي الله علي سيدنا محمد....

ياجماعه تبوني نزعل ولا كيف,,,,
يعني اللي نزل الرساله مفهمش شئ كيفي,,
السؤال مره ثانيه وياريت اجابه وافيه,,,وخاصة للجماعه
اللي نزلوا PDF,,,,هل قبول اللغه يمشي حاله بخصوص
التأشيره ولا ضروري من قبول اكاديمي معااااه...

ثانيا:هل فتحت القنصليه الاستراليه في طرابلس ولا نمش لمصر..

يا الله,,, يا الله ....ليبيا تعاني .....ليبيا تستغيث...(هرررررررمنا)..

الا من مجيب!!!!!

من الواضح ان القبول الأكاديمي مطلوب....و للأسف ما عنديش فكرة على أستراليا

السلام عليكم اختي الموفدة أن شاء الله ماتكونيش حزينة
بخصوص الرسالة امتاعك هي استراليا لازم قبول لغه مع اكاديمي يعني لاثنين مع بعضهم حتي انا عندي لاثنين انتي ايش ماتقدميش علي قبول اكاديمي من نفس الجامعة يلي حصلتي منها ع قبول لغه تقريبا اغلب الجامعات هكي ..وقرار امتاع الرساله من فترة طالع قبل الثورة يعني اجراءات قديمه وممكن مستمرين فيه ..الله اعلم

اختي لبني انا حصلت قبول اللغة من جامعة نيو انجلاند بارميدال في استراليا
انت تنصحيني اني نحصل قبول اكاديمي من جامعه ثانيه غير نيو انجلاند
بس مدة التأشيره حتكون علي اي قبول اللغه ولا الاكاديمي.....
ولا نجيب قبول اكاديمي من نفس الجامعه اللي حصلت منها علي قبول لغه...

تحيــــــــــــــــــــــــــاتي

عزيزتي ... هي التأشيرة تكون شامله القبولين يعني المفروض الجامعة يكون عندها اوفر توفرلك القبول الاكاديمي ...احسن انك تجيب قبول اكاديمي من نفس الجامعة .. بكري أنتي سألتي عن القنصلية تقريبا مافيش أخبار عنها يعني الاجراءات مازال محلك راوح ..يستر الله الحال ان شاء الله مانقعدوش نراجو ياسر ...
موفقــــــــــــــــــك يارب

السلام عليكم ورحمة الله وبركاته ،،،،،
الأخت / موفدة حزينة ،
بنسبة لدراسة فى استراليا فالقبول الأكاديمي ضروورررررى طبعا بالاضافة الى قبول اللغة (فى حالة ان الطالب لم يستوفي شروط الجامعة فى اللغة) هذا الإجراء ليس بجديد بل انه عمليا معمول به من فترة الي ان صدر قرار الخبير التعليمة باستراليا بالخصوص . اما بنسبة لمدة التأشيرة في حالة حصولك على القبولين فهي تتوقف على فترة اللغة المقدرة من قبل الجامعة لاتمامك متطلبات اللغة .كيف؟
اذا كان قبول اللغة 30 اسبوع او اكثر ! فانه مدة التأشيرة ستكون سنة قابلة لتجديد ام اذا كان قبول اللغة اقل من 30 اسبوع فسوف تكون مدة التأشيرة = مدة اللغة + مدة الدراسة الأكاديمية + شهرين او ثلاثة اشهر
هذا والله اعلم

السلام عليكم

ارسلتك رسالة ع الخاص

السلام عليكم
بالنسبة للدراسة في استراليا والتنفيذ من خلال الملحق الثقافي (الخبير التعليمي ) لازم من القبول الاكاديمي قبل حت قبول اللغة وبالنسبة للماجستير يمكن التقديم مباشرة للكورس المراد دراستة وهدا سهل .
اما الدكتوراه فهي درجة بحثية وتتطلب تحديد مجال بحثك اولا ودلك بعداد مقترح بحثي مكون من عدد معين من االكلمات يوضح بالتفصيل المجال والبحث المراد وارساله الى المشرف المناسب وبعدها اذا تحصلت على موافقة المشرف يعتبر عندك قبول اكاديمي CoE . هذه اجراءات لازم منها للدراسة في استراليا

وبالتوفيق

انا اعتقد لو قبول اكاديمى يكون افضل لانه الدراسة لاقل من ستة اشهر لا تؤهلك للحصول على تاشيرة دراسة

ارجو المساعدة.. السلام عليكم ياخوتي ارجو ان تفيدوني بمعلومة بخصوص COE وهل لم تعد تمنح من استراليا للطلبة الليبيين من حوالي شهر

والله الحال عند بعضه يا اختي ... انا نستنا في تجديد القبول من حوالي شهر وشوي ولعند توا مافيش شئ ... يستر الله وخلاص

السلام عليكم ورحمة الله

بالنسبة لاستراليا ليا فترة عليها بس اتصلي برقم القنصلية في برج طرابلس (الفاتح سابقا) فيه اخت اسمها نسرين ممكن تساعدك. طبعا هذا اذا كان يخدمو حاليا

وهذا رقم القنصلية 0213351469

والله اعلم