المواضيع الأخيرة
» لكل شخص متردد بسبب اللغة الالمانية
أمس في 8:10 pm من طرف oktub

» دراسة الدكتوراة في المانيا
أمس في 7:50 pm من طرف oktub

» اجراءات تقديم التأشيرة لزوجة و الأبناء
أمس في 8:16 am من طرف أبوبكر موسى حامد

» كتاب 1000 سؤال لاختبار توفل مع إجاباتها
الأربعاء 07 ديسمبر 2016, 3:17 pm من طرف مدير المنتدى

» تعرف على الدول التي يمكن لليبيين السفر اليها دون تأشيرة دخول
الأربعاء 07 ديسمبر 2016, 2:04 pm من طرف مدير المنتدى

» اتفاق حول منح التأشيرة تشيكيه لليبيين من تونس
الأربعاء 07 ديسمبر 2016, 12:34 pm من طرف مدير المنتدى

» نصيحة الله يرحم والديكم
الأربعاء 07 ديسمبر 2016, 5:19 am من طرف Sandrik

» دكتوراة في كندا
الأربعاء 07 ديسمبر 2016, 5:04 am من طرف Sandrik

» خطاب وزير التعليم المفوض بشأن الإسراع في احالة الربع الرابع
الثلاثاء 06 ديسمبر 2016, 7:40 pm من طرف البتول محمد

» يمكنك أن تشفي نفسك
الثلاثاء 06 ديسمبر 2016, 7:31 pm من طرف NAIMA BASHER

» تفويض النقل وتغيير الساحة
الثلاثاء 06 ديسمبر 2016, 11:51 am من طرف البتول محمد

» السفارة الامريكية بتونس
الثلاثاء 06 ديسمبر 2016, 7:43 am من طرف أبوبكر موسى حامد

» قرار ايفاد رقم 628/2015
الإثنين 05 ديسمبر 2016, 1:27 pm من طرف dr.mhgb

» المراجعه علي رسائل الدعم والقبول
الإثنين 05 ديسمبر 2016, 1:20 am من طرف محمد الوحيشي

» المراجعه علي رسائل الدعم والقبول
الإثنين 05 ديسمبر 2016, 1:19 am من طرف محمد الوحيشي

المواضيع الأخيرة
المواضيع منذ آخر زيارة لي
 استعرض مُساهماتك
 المواضيع التي لم يتم الرد عليها
الموفد على الفيس بوك ...

بخصوص د. طاهر بن طاهر والإيفاد

صفحة 1 من اصل 2 1, 2  الصفحة التالية

استعرض الموضوع السابق استعرض الموضوع التالي اذهب الى الأسفل

بخصوص د. طاهر بن طاهر والإيفاد

مُساهمة من طرف موفد زليتني في الثلاثاء 27 مارس 2012, 3:37 am

تو لينا تقريبا عام كامل ولا ليش لالا بعد التحرير تقريبا 5 او 6 شهور . وكانوا اقولولنا نصف 3 خلاص حيتفعل القرار وتستلموا رسائل الدعم المالي ووو .
وها فات الوقت وصبرنا اسبوعين زيادة واخر الكلام ع حسب الاخ مصطفى سمير ان شكله ما صارش غر افوتوا فينا وخلاص وقال انهم قالوا يمكن حتى ما اصير منا !! . باهي انا مثلا من الاوائل قرار 55 وفي اللي معيدين امتاعين قرار 60 يعني ما لينا علاقة بمؤسسة او اي جو تلخبيط ليش هكي معانا هما . مش احنا واللي زينا عقول البلاد واللي من مصلحة البلاد انها تهتم فينا . والله يا طاهر بن طاهر طلعت مش صاحب كلمة ولولا الهم وكلمة " الاحترام " راهو الواحد قعد يخرط في خرط مش صح عليك . تو انت وكم من واحد دخل عليك وقتله اطمن في نصف شهر 3 اكون جاهز فسكتنا وتو بداية 4 والله ماهو صاير من حاجة افوتوا فينا وخلاص . قالوا بنراجعوا قالوا بنعدلوا قالوا بنديروا وو وو وو . كذب في كذب والله ما تغيرت حاجة . الله زمان اقلها ادور واسطة تمشي امورك بس تو من لينا اديرلنا حل . ولا الحكاية ضروري من تسكير الشارع والعياط وقلب الدنيا بيش يذكرونا !! . والمشكلة احنا مربوطين بوقت يعني لو تاخروا زيادة العام مش حيصير منا وفعلوا او ما فعلوا معاش حينفع !!!!!!!!!!!!!!!!!!!! . والله لحال اعوج يا جماعة راهو القراية للعام الجديد قريب ولو ما فعلوا في هالاسبوعين بجد بجد انتهي الموضوع . لازم طاهر بن طاهر ادير حل يطلع اصرح اقول شني المشكلة ت اخر مرة ع التلفزيون اتقول بع خلاص ليبيا طووول وخاصة في التعليم والبعثات والحق ما صار شي . انا اليوم حصلت رقمه من واحد ولما اتصلت طلع خارج الخدمة فصاحبي اللي يعرفه قالي امسافر ويمكن يرجع الاربعاء وانا الاربعاء ابنتصل وان شا الله ارد علينا وانشوفوا شنو بعدين . ويا جماعة والله الكلام بالتي هي احسن معاش يمشي والله بجد . لو بتحددوا يوم للاعتصام وحتى تسكير الشارع فانا حنجي من زليتن وانكون اولكم . ت 6 شهور ما قدروش افعلوا قرار ت شنو يخدموا فيه امالا . اسكروا واروحو الموظفين احسن ليهم . والكلام راهو من الاخير معاش يمشي بالهادي الله يا اديروا لينا حل واتمشوا امورنا لان عطيناهم فرصة وهما ما يخدموا فينا لسواد اعيونا . احنا انطالبوا بحقنا ووووووووووووك والله حال امرض . وتعرفوا بالله عليكم اول ما اتخشوا غادي معاش اتهدؤزوا هدرزة معاهم خلاص لان وقتها تقريبا تم . يا افعلوا يا فجروا الموقف واصداع وكل واحد هكي . لان الوقت نفد نفد نفد ليش ابنصبروا زيادة بالله ليش معاش نبو خلاص كان هذا ولينا الله لوين انجي حكومة جديدة !! وتعرف راسها من كرعيها و انتم تقدروا بعدين .

موفد زليتني
موفد نشيط
موفد نشيط

ذكر عدد المساهمات : 55
نقاط : 4510
نقاط السٌّمعَة : 10
تاريخ التسجيل : 27/03/2012

الرجوع الى أعلى الصفحة اذهب الى الأسفل

رد: بخصوص د. طاهر بن طاهر والإيفاد

مُساهمة من طرف محمد لاصيبعي في الثلاثاء 27 مارس 2012, 12:15 pm

بن طاهر ورط روحه في تصريحات مانكتش مفروض تطلع من شخص يخدم في مؤسسة تنفيذيه.. بن طاهر ما عنداش علاقه بتفعيل القرارت الي صدرت شهر 3 لانه هو ببساطه شخص يؤتمر بأمر وزارة التعليم. حل مشكلتكم عند عبدالرحيم الكيب و نعيم الغرياني..

محمد لاصيبعي
موفد رائع
موفد رائع

ذكر عدد المساهمات : 1073
نقاط : 12636
نقاط السٌّمعَة : 202
تاريخ التسجيل : 09/10/2011

الرجوع الى أعلى الصفحة اذهب الى الأسفل

رد: بخصوص د. طاهر بن طاهر والإيفاد

مُساهمة من طرف hello777 في الأربعاء 28 مارس 2012, 1:36 am

مشترك جديد وكلام مش مفهوم واخطاء املائية بالجملة وتحريض ضد موظف حكومي...وتقولي نحن عقول البلاد.

hello777
موفد فعال
موفد فعال

ذكر عدد المساهمات : 155
نقاط : 6094
نقاط السٌّمعَة : 61
تاريخ التسجيل : 25/02/2010

الرجوع الى أعلى الصفحة اذهب الى الأسفل

رد: بخصوص د. طاهر بن طاهر والإيفاد

مُساهمة من طرف omarelec في الأربعاء 28 مارس 2012, 5:04 am

ههههههه شر البلية ما يضحك. مش عارف امتى الشعب الليبي بيتحشم على وجها بالله انت يا صاحب الموضوع قبل سنة كنت تقدر تقول اف حتى كان مرتبك منزلش من 7 شهور؟ اهو توا تخرط على الحكومة و بتمشى تتضاهر و بتكسر قول الحمد لله على الحرية اقل شئ يا سيدى

omarelec
موفد نشيط
موفد نشيط

ذكر عدد المساهمات : 110
نقاط : 4923
نقاط السٌّمعَة : 34
تاريخ التسجيل : 26/11/2011

الرجوع الى أعلى الصفحة اذهب الى الأسفل

رد: بخصوص د. طاهر بن طاهر والإيفاد

مُساهمة من طرف موفد زليتني في الأربعاء 28 مارس 2012, 9:13 am

@hello777 كتب:مشترك جديد وكلام مش مفهوم واخطاء املائية بالجملة وتحريض ضد موظف حكومي...وتقولي نحن عقول البلاد.

السلام عليكم ورحمة الله
أخي أو أختي " مرحبا 777 " أوتعرف/ين
لو لم يكن آخر اسمي يحمل اسم مدينتي التي أعشقها لما كنت لأرد..
فقط لئلا تحمل هي جرتي التي أنزلتها بي ورميتها علي..
لو رددت/ي علي بأسلوب حسن لما كنت لأكترثت كثيرا لأمرك ولاعتبرته نصيحة " موفد فعال "
ولكن لما أبديت استياءك لكوني جديدا، ثم لكون كلامي غير مفهوم، ثم أقحمت عبارة تدل على تركيزك !، ثم اهتممت بمشاعر الموظف الحكومي، وأخيرا ربطت هذا كله بكوني كما ذكرت أحد العقول .. " ! "
دعني أرد عليك لتعرف مكاني من مكانك
أولا لست بعضو حديد، وكان لي اشتراك سابق حاولت معه ولكن لقلة دخولي يبدو أن كلمة السر نسيتها، فسارعت إلى تفعيل حساب جديد، ولا أظن أن هذا بخطأ...
ثانيا كلامي مفهوم لمن يشاطرني الشعور، وما كتبت هكذا إلا لما كان يجول في داخلي من غليان، أبعدني عن الكتابة بأسلوب راق فعبرت بلغة العوام، ومع هذا أنت تناقض/ين نفسك، فلو كان غير مفهوم - مثلا - فلم وكيف فهمت أنني أحرض على حسب تعبيرك ؟
ثم ( ....... )
أقول لك أمرا، لست مضطرا لأن أثبت لك أنني أتقن العربية بشدة شديدة وبراعة عالية
أرجو أن لا تخطأ في حق أحد
أخوك من مدينة العلم والعلماء

موفد زليتني
موفد نشيط
موفد نشيط

ذكر عدد المساهمات : 55
نقاط : 4510
نقاط السٌّمعَة : 10
تاريخ التسجيل : 27/03/2012

الرجوع الى أعلى الصفحة اذهب الى الأسفل

رد: بخصوص د. طاهر بن طاهر والإيفاد

مُساهمة من طرف Science Stu في الأربعاء 28 مارس 2012, 2:26 pm

يا أولاد غير بشويه وفكونا من السلبيه والدواره في اخطاء الاخرين والاستهزاء بيهم والتنازع لانه يقود للفشل والتفرقه يقول الله تبارك وتعالى (ولا تنازعوا فتفشلوا وتذهب ريحكم )
وهدا حني ما نبوشي لانه مش وقته
واني على فكره مش من الناس اللي تحبد المظاهرات والاعتصامات ,
لكن المسؤولين اجبرونا على هدا الفعل
نبي نقول نصيحه لوجه الله
اللي بيمشي للاعتصام يفكنا من التكسير والتخريب والكلام القبيح لانكم نخبة المجتمع , كانا انتم درتو هكي معاش نلومو عوام الناس
اني باذن الله بنمشي لكن كانا شفت تكسير ولا تخريب ولا كلام مذموم وقبيح وخاصتا الضرب بالرصاص فوق وغيره من الافعال المشينه اللي تدل علي عدم الوعي والادراك (والجهل)
راهو ياخوتي سامحوني بنروح علي طوووووووول
والسلام عليكم ورحمة اله وباركاته
بالتوفيق للجميع

Science Stu
عضو إداره
عضو إداره

مشرف منتدى الإحتجاج والنقد البناء


الأوسمة:
  • وسام الإدارة



ذكر عدد المساهمات : 987
نقاط : 14575
نقاط السٌّمعَة : 211
تاريخ التسجيل : 22/12/2010

الرجوع الى أعلى الصفحة اذهب الى الأسفل

رد: بخصوص د. طاهر بن طاهر والإيفاد

مُساهمة من طرف DALAL في الأربعاء 28 مارس 2012, 4:27 pm

بارك الله فيك اخى اكرم على الرقى الذى نبحث عنه كثيرا فى ليبيا اليوم

DALAL
موفد نشيط
موفد نشيط

انثى عدد المساهمات : 54
نقاط : 4110
نقاط السٌّمعَة : 16
تاريخ التسجيل : 13/01/2012

الرجوع الى أعلى الصفحة اذهب الى الأسفل

رد: بخصوص د. طاهر بن طاهر والإيفاد

مُساهمة من طرف hello777 في الخميس 29 مارس 2012, 1:07 am

@موفد زليتني كتب:
@hello777 كتب:مشترك جديد وكلام مش مفهوم واخطاء املائية بالجملة وتحريض ضد موظف حكومي...وتقولي نحن عقول البلاد.

السلام عليكم ورحمة الله
أخي أو أختي " مرحبا 777 " أوتعرف/ين
لو لم يكن آخر اسمي يحمل اسم مدينتي التي أعشقها لما كنت لأرد..
فقط لئلا تحمل هي جرتي التي أنزلتها بي ورميتها علي..
لو رددت/ي علي بأسلوب حسن لما كنت لأكترثت كثيرا لأمرك ولاعتبرته نصيحة " موفد فعال "
ولكن لما أبديت استياءك لكوني جديدا، ثم لكون كلامي غير مفهوم، ثم أقحمت عبارة تدل على تركيزك !، ثم اهتممت بمشاعر الموظف الحكومي، وأخيرا ربطت هذا كله بكوني كما ذكرت أحد العقول .. " ! "
دعني أرد عليك لتعرف مكاني من مكانك
أولا لست بعضو حديد، وكان لي اشتراك سابق حاولت معه ولكن لقلة دخولي يبدو أن كلمة السر نسيتها، فسارعت إلى تفعيل حساب جديد، ولا أظن أن هذا بخطأ...
ثانيا كلامي مفهوم لمن يشاطرني الشعور، وما كتبت هكذا إلا لما كان يجول في داخلي من غليان، أبعدني عن الكتابة بأسلوب راق فعبرت بلغة العوام، ومع هذا أنت تناقض/ين نفسك، فلو كان غير مفهوم - مثلا - فلم وكيف فهمت أنني أحرض على حسب تعبيرك ؟
ثم ( ....... )
أقول لك أمرا، لست مضطرا لأن أثبت لك أنني أتقن العربية بشدة شديدة وبراعة عالية
أرجو أن لا تخطأ في حق أحد
أخوك من مدينة العلم والعلماء

وعليكم السلام ورحمة الله وبركاته
اولا انت رابط روحك بمدينتك وانيه ما جيتش شورها نهائي.
ثانيا عقول البلاد لم ينسوا كلمة السر ليس من الصعب علبهم استرحاعها ....ببساطة لانهم عقول البلاد ويعرفوا يستخدموا النت كويس مش خاشين عليها جدد...البيانات متعي مكتوب فيه
ا ذكر
ثالثا جو العلم والعلماء مش محصور في مدينة معينه والعالم الحقيقي يعرفوه بانجازاته مش بالمدينة متعه.
رابعا واخيرا: الكلام اللي انت كاتبه فيه تحريض ولو في قانون انت لازم تتعاقب ...الايفاد وسيلة للرقي بالانسان ومش معناها انه لازم ايتم بالقوة... وانت مادامه في علم وعلماء في مدينتك علاش اتطالب بالايفاد؟؟؟؟ فسرلي هادي كانك عالم؟؟؟؟؟؟

hello777
موفد فعال
موفد فعال

ذكر عدد المساهمات : 155
نقاط : 6094
نقاط السٌّمعَة : 61
تاريخ التسجيل : 25/02/2010

الرجوع الى أعلى الصفحة اذهب الى الأسفل

رد: بخصوص د. طاهر بن طاهر والإيفاد

مُساهمة من طرف dragoon1766 في الخميس 29 مارس 2012, 1:25 am

والله حرام عليكم انتم الاتنين المهم الهدف , راهو متنسوش ان العهد البايد غرس فينا عدم التقه , كل واحد عنده حق لكن المهم انكم تركز لحل المشكلة وتحسنو مهارات التقبل والتواصل والتقة بين الاطراف , العالم كله يخدم بدماغه مش بعاطفته , ومش عيب انه حد يطالب كان عنده حق ومشعيب انه حد يوضحله الطريق الصحيح للمطالبة والسلام عليكم

dragoon1766
موفد جديد
موفد جديد

ذكر عدد المساهمات : 10
نقاط : 3646
نقاط السٌّمعَة : 10
تاريخ التسجيل : 19/12/2011

الرجوع الى أعلى الصفحة اذهب الى الأسفل

رد: بخصوص د. طاهر بن طاهر والإيفاد

مُساهمة من طرف kalid2010 في الخميس 29 مارس 2012, 1:38 am

صحيت اخي هدا كلام الجميل وان شاء الله ربى يصلاح حال البلاد والعباد اقول امينننننننننن جزاك الله كل خير

kalid2010
موفد فعال
موفد فعال

ذكر عدد المساهمات : 420
نقاط : 5995
نقاط السٌّمعَة : 35
تاريخ التسجيل : 30/11/2011

الرجوع الى أعلى الصفحة اذهب الى الأسفل

رد: بخصوص د. طاهر بن طاهر والإيفاد

مُساهمة من طرف هدى1 في الخميس 29 مارس 2012, 1:33 pm

نتمنوا ان ادارة البعثات تتحاور مع الطلبة بوضوح وبصراحة وتشرح الامور بصورة حضرية وبشفافية وبدون ارتداء اقنعة ،لان لاحظت انهم يتكلموا منهم دائما اشخاص على انهم طلبة

الافضل يكون الكلام مباشر زي الموضوع اللي كان موجود بالموقع وكان مدير البعثات يرد مباشرة على الاستفسارات
الجدار الناري اللي واضعينه هذا حيأزم الموقف مش حيعالجه

هدى1
موفد فعال
موفد فعال

انثى عدد المساهمات : 212
نقاط : 4917
نقاط السٌّمعَة : 49
تاريخ التسجيل : 07/02/2012

الرجوع الى أعلى الصفحة اذهب الى الأسفل

رد: بخصوص د. طاهر بن طاهر والإيفاد

مُساهمة من طرف Science Stu في الخميس 29 مارس 2012, 2:54 pm

أني حاولت نصلح الحال بطريقه حضلريه و علميه مبتعدا علي اى طريقه همجيه جاهليه
لأن مفيش حد ما يغلطش
الامام الشافعي رحمه الله , قال مقوله ديما ترن في ودني إذا صار حوار بيني وبين اي شخص آخر
قال:
(كلامي صحيح يحتمل الخطأ , وكلام غيري خطأ يحتمل الصواب)
نأمل من الجميع تدبر المعني وفهمه جيدا , لانه يدعم بشكل مباشر في الرقي بأسلوب الحوار
لكن للاسف لاحظت بعض الاعضاء , ما يزالون يتشبتون بأرائهم وهذا ليس عيبا , لكن العيب هو عدم الانصات الجيد للطرف الاخر والمشكله الكبري ان اسلوبهم في الرد كان ردئى و سلبي جدا . رغم ان الاعضاء المشتركين من المفترض ان يكونوا نخبة البلاد في العلم والتقافه و التحضر بمعني الكلمه,
نامل من اخوتي وأخواتي نبد اي اسلوب ردي يزيد في الاحتقان بين الموفدين , وشكرا
انا لا ارد بشكل انتهازي او استهزائى , لكن اتمنى ان يكون ردى إيجابي يعني نقد بناء لا اكثر ولا اقل
والله ولي التوفيق


_______________________________

ذُو العَقْلِ يَشْقَى فِي النّعِيمِ بِعَقْلِهِ ... وَأخُو الجَهَالَةِ فِي الشّقَاوَةِ يَنْعَمُ

Science Stu
عضو إداره
عضو إداره

مشرف منتدى الإحتجاج والنقد البناء


الأوسمة:
  • وسام الإدارة



ذكر عدد المساهمات : 987
نقاط : 14575
نقاط السٌّمعَة : 211
تاريخ التسجيل : 22/12/2010

الرجوع الى أعلى الصفحة اذهب الى الأسفل

رد: بخصوص د. طاهر بن طاهر والإيفاد

مُساهمة من طرف هدى1 في الخميس 29 مارس 2012, 3:40 pm

اخي اكرم بارك الله فيك
الموضوع الذي كتبه الاستاذ الزليتني هنا وغيره من المواضيع يقولوا حقيقة واحدة يجب ان تلمسها البعثات والتعليم وهي "طفح الكيل "
وهذا شعور كثيرين ولكن هناك من يعبر بشدة ومن يعبر بهدوء ومن يصبر ويحتسب مع موافقة الجميع ان الكيل طفح
وبدل من ان نجد احتواء للموقف من قبل البعثات واعتذار عن التأخير وتحديد جدول واضح ،
لا نجد الا التصعيد ليطفح الكيل اكثر ففي كل مناسبة يظهر من يشكك في اهلية من يطالبون بالدراسة لها وفي حاجة البلاد للدراسة اصلا وكأن الطلبة يطالبونهم من اموالهم الخاصة!!

اخي hello777
سؤال هل اللي ينسي الباسورد او يكون عضو جديد ليس له حق ان يطالب بالدراسة ؟؟ ما هذا المنطق الاعوج؟
وبعدين حتى في ارقي الدول فيها ايفاد .. هل اللي بيعتز بمدينته -مع اعتراضي على الجهوية - نقولوله خلاص اقعد فيها؟

اخي omarelec
الحرية اكتسبت من ثورة مباركة بدماء 50 الف شهيد ولا يوجد عائلة او شارع لم يفقد فيها غالي فالامور يجب ان تكون اختلفت ولا احد يتفضل بهذه الحرية والحرية ليست هي الغاية النهائية الغاية النهائية هي الاصلاح
والا فما قيمة التظاهر ان كانت الامور ستبقي على ما هي عليه؟

لا احد يوافق على العنف ولكن يجب ان نناقش اصل المكشلة لماذا طفح الكيل وما العلاج؟

هدى1
موفد فعال
موفد فعال

انثى عدد المساهمات : 212
نقاط : 4917
نقاط السٌّمعَة : 49
تاريخ التسجيل : 07/02/2012

الرجوع الى أعلى الصفحة اذهب الى الأسفل

رد: بخصوص د. طاهر بن طاهر والإيفاد

مُساهمة من طرف أحمد صالح في الخميس 29 مارس 2012, 5:05 pm

السلام عليكم
خونا مرحبا 777 كان صحيح فكنا من الجو امتعك هذا ومن رزانة الدم وخلي الشباب يخدمو على روسهم ، وخليك على الرحلات الكبيرة .
وانت يازليتني معاد ترد عليه وفكنى سوك ارجوك وخدمو خدمتكم
بارك الله فيكم

أحمد صالح
موفد جديد
موفد جديد

ذكر عدد المساهمات : 18
نقاط : 3496
نقاط السٌّمعَة : 0
تاريخ التسجيل : 05/03/2012

الرجوع الى أعلى الصفحة اذهب الى الأسفل

رد: بخصوص د. طاهر بن طاهر والإيفاد

مُساهمة من طرف عبد الناصر في الخميس 29 مارس 2012, 7:05 pm

اخواني الأعزاء احب توضيح نقطة هامة جدا تغيب عن اذهان الكثيرين ..وهي ان هذا التعطيل في تنفيذ قرارات الايفاد بسبب ان هناك مجموعة كبيرة من الأسماء تريد ادارة البعثات عمل مراجعة وفرز لها خاصة ان هذه القرارات كانت عشوائية من طرف حكومة القذافي السابقة بسبب ظروف معينة كلنا نعلمها...حتى في ظروف سابقة كان يتم ايفاد مجموعات كبيرة فيها موفدين لاتنطبق عليهم الشروط "العمر-التقدير-التخصص- الكفاءة" . وكلنا يعلم هنا ان التعطيل في اجراءات الايفاد مثل "دفع المصاريف-التمديد" سببها ايفاد كل من هب ودب والنتيجة ان الموفد الذي يستحق الايفاد من جمبع النواحي ينتظر دوره خلف مجموعة من عديمي الصلاحية الشرعية في الايفاد!!! دعونا أيضا نعترف ان هناك مجموعة كبيرة من الموفدين "حتى من تنطبق عليهم الشروط" لايهمهم سوى جمع وتوفير اكبر كمية ممكنة من الدولارات !!

عبد الناصر
عضو إداره
عضو إداره

مشرف المنتدى العام و سوق المنتدى


الأوسمة:
  • وسام الإدارة


ذكر عدد المساهمات : 3401
نقاط : 50261
نقاط السٌّمعَة : 191
تاريخ التسجيل : 05/03/2012

الرجوع الى أعلى الصفحة اذهب الى الأسفل

رد: بخصوص د. طاهر بن طاهر والإيفاد

مُساهمة من طرف Science Stu في الخميس 29 مارس 2012, 7:28 pm

اني يا خوي ناصر من الناس المؤيدين لكلامك 100%
ونبي نزيد حاجه فيه من الموفدين اللي ما تنطبقش عليه لوائح الايفاد
وداروه في القرار ايامات النظام السابق في شهر 3_ 2011
وفيه وفيه وفيه وفيه ويييييييييييييه
المهم بعد الفرز والتنقيح
مايجيش واحد ويقول خيركم حولتوني من القرار الايفاد بكل وقاحه وهو ما يستاهلش
واني من هذا المنبر العلمي الهادف نقولها باعلى صوت للناس اللي ما عندهمش حق في الايفاد ,
وخاصتا لما يطلع القرار الجديد وما يلقاش اسمه في القرار
نقوله تحشم على وجهك . هذا لو عندك ذره حشم وياسر من التلخبيط الزايد اللي كنت ادير فيه انت وامثالك من سراق حقوق الغير
واالله لو حولوني اني شخصيا وقالولي انت لا تنطبق عليك لائحة الايفاد , نقوللهم الرازق ربي ونروح على طوووول رغم اني عارف روحي زين اني مش ملخبط, وتنطبق عليا اللائحه 100%, مش هكي وبس إنزيدكم من الشعر بيت, راهو اني رايح عليا قرار ايفاد ايامات النظام السابق وقالولي اسمك سقط سهوا , لكن الحمد لله ربي رزقني بقرار تاني
لكن يا خوي ناصر انت ما تلاحظش معاي انهم عطلوا , والله تبي الحق,,,,,,,,,,,,,,,,,,,, والله عطلوا اكثر من اللازم بالتوفيق للجميع

Science Stu
عضو إداره
عضو إداره

مشرف منتدى الإحتجاج والنقد البناء


الأوسمة:
  • وسام الإدارة



ذكر عدد المساهمات : 987
نقاط : 14575
نقاط السٌّمعَة : 211
تاريخ التسجيل : 22/12/2010

الرجوع الى أعلى الصفحة اذهب الى الأسفل

رد: بخصوص د. طاهر بن طاهر والإيفاد

مُساهمة من طرف محمد لاصيبعي في الخميس 29 مارس 2012, 7:53 pm

mohamed sadeik

معاك قلبا و قالبا في الجزء الاول من الي قلته, فيه هلبا ناس طالعين و هما مش اهل للايفاد هذا, و الناس هدي اعطت صوره مش كويسه على الطالب الليبي الي بدي اسمه مربوط بالكسل و الخمول و اللامبالاه,,, لكن بخصوص جمع الدولارات.. هدي امور شخصيه تخص الموفد بس, الي بيصرف فلوسه كلها هذا شي يرجعله و اللي بيقتصد اكثرها برضوا هدي فلوسه و هو حر فيها...

محمد لاصيبعي
موفد رائع
موفد رائع

ذكر عدد المساهمات : 1073
نقاط : 12636
نقاط السٌّمعَة : 202
تاريخ التسجيل : 09/10/2011

الرجوع الى أعلى الصفحة اذهب الى الأسفل

رد: بخصوص د. طاهر بن طاهر والإيفاد

مُساهمة من طرف Science Stu في الخميس 29 مارس 2012, 8:01 pm

انت متلخبط يا خوي محمد الاصيبعي
اني ما تكلمتش علي الدولارات
اني كلامي واضح جدا مكتوب بجنب اسمي اللي مشترك بيه
معناها مفروض ما تجمعش بيني وبين كلام خوي ناصر في رساله وحده بدون التمييز
كان من المفروض كتبت علي سبيل المتال
خوي ناصر ................................................................................
خوي اكرم..................................................................................
بيش خوتي المشتركين يفهمو من اللي كتب هكي ومني اللي كتب هكي
انشاء الله غير وصلت المعلومه بالشكل الصحيح
وبالتوفيق

_______________________________

ذُو العَقْلِ يَشْقَى فِي النّعِيمِ بِعَقْلِهِ ... وَأخُو الجَهَالَةِ فِي الشّقَاوَةِ يَنْعَمُ

Science Stu
عضو إداره
عضو إداره

مشرف منتدى الإحتجاج والنقد البناء


الأوسمة:
  • وسام الإدارة



ذكر عدد المساهمات : 987
نقاط : 14575
نقاط السٌّمعَة : 211
تاريخ التسجيل : 22/12/2010

الرجوع الى أعلى الصفحة اذهب الى الأسفل

رد: بخصوص د. طاهر بن طاهر والإيفاد

مُساهمة من طرف محمد لاصيبعي في الخميس 29 مارس 2012, 8:07 pm

سامحني خوي اكرم,, ما نعرفش كيف جبته الاسم محمد صادق.. كلامي كان رد على الاخ ناصر.. تقبل اعتذاري اخي الكريم

محمد لاصيبعي
موفد رائع
موفد رائع

ذكر عدد المساهمات : 1073
نقاط : 12636
نقاط السٌّمعَة : 202
تاريخ التسجيل : 09/10/2011

الرجوع الى أعلى الصفحة اذهب الى الأسفل

رد: بخصوص د. طاهر بن طاهر والإيفاد

مُساهمة من طرف عبد الناصر في الخميس 29 مارس 2012, 8:14 pm

أخوتي الأعزاء" خاصة الاخ اكرم": أحب توضيح مايلي بخصوص الايفاد , وبالتحديد وضع شروط للايفاد حرصا على مصلحة الموفد وسمعة الدولة ككل:
أولا: أن يكون الموفد متحصل على تقدير جيد مرتفع( وليس جيد فقط) وأن يتم خروج المتفوقين فقط ممن تحصلوا على جيد مرتفع فما فوق( كمعدل تراكمي) في كل جامعة ومعهد عالي.
ثانيا: أن يكون الموفد متمتع بلغةانجليزية على مستوى جيد حتى لايتخبط في دراسته في الخارج خاصة في التخصصات العلمية والطبية . وهذا يتطلب وضع اختبار لغة انجليزية من جهة أجنبية مختصة.
ثالثا: أن يتم اجراء مقابلة شخصية لتحديد مدى كفاءة الموفد العلمية , حيث ان الدرجات وحدها قد لاتكون مقياس دقيق وواقعي وقد يدخل فيها المجاملات.
رابعا: أن يتمتع الموفد بالمظهر المناسب واللائق واللباقة لتشريف سمعة بلاده في الخارج." خاصة أن هناك عرض لمشاريع الابحاث العلمية الخاصة بالدكتوراه والماجستير أمام لجان علمية مختصة في الجامعات العربية والاجنبية والموفد هنا لابد ان يتمتع باللباقة والمظهر الجيد"

هذه هي في رأيي أهم الشروط حتى لاتتحول عملية الايفاد إلى نقمة على الدولة والموفد ... علما بأن تنظيم عملية الايفاد يعني أن الموفد يحصل على حقه سريعا بخصوص الاجراءات من ناحية بسبب تقليل اعداد الموفدين, وينجح في حياته العلمية خارج الدولة ... وهذا ان طبق يضمن مستقبل جيد للموفد مع اضفاء سمعة جيدة للدولة في الخارج. وشكرا لكم جدا وعندنا المزيد ان شاء الله

عبد الناصر
عضو إداره
عضو إداره

مشرف المنتدى العام و سوق المنتدى


الأوسمة:
  • وسام الإدارة


ذكر عدد المساهمات : 3401
نقاط : 50261
نقاط السٌّمعَة : 191
تاريخ التسجيل : 05/03/2012

الرجوع الى أعلى الصفحة اذهب الى الأسفل

رد: بخصوص د. طاهر بن طاهر والإيفاد

مُساهمة من طرف Science Stu في الخميس 29 مارس 2012, 8:23 pm

مقبول اعتذارك خوي محمد الاصيبعي
وان دل على شئ , يدل على وعيك وحسن أخلاقك
لكن اني مفهمتش شن تقصد ب (ما نعرفش كيف جبته الاسم محمد الصادق)

Science Stu
عضو إداره
عضو إداره

مشرف منتدى الإحتجاج والنقد البناء


الأوسمة:
  • وسام الإدارة



ذكر عدد المساهمات : 987
نقاط : 14575
نقاط السٌّمعَة : 211
تاريخ التسجيل : 22/12/2010

الرجوع الى أعلى الصفحة اذهب الى الأسفل

رد: بخصوص د. طاهر بن طاهر والإيفاد

مُساهمة من طرف DoctorAhmed في الخميس 29 مارس 2012, 9:36 pm

أخي عبد الناصر اتفق معك مئة بالمئة، وأزيدك على الشعر بيتا أن هناك الكثير من الموظفين في سلك البعثات ممن يحتاجون إلى تنقيح وإعادة هيكلة. المشكلة القاصمة في ليبيا_ كما أقول دائما_ تكمن في الهرم الاداري المهترئ الذي ينخر أساسات البلاد مما أثر على سلوك الموظفين وإنعكاس ذلك على المواطن المطحون. خذ على سبيل المثال القضية السرمدية الا وهي القرار 65 و 66, إلى هذه اللحظة لم يجرؤ لا السيد الطاهر بن طاهر ولا وزير التعليم أن يخرج علينا بلقاء صريح يخبرنا فيه بما آلت اليه اجتماعاتهم ومستجداتهم حول صيرورته من عدمه! كفانا وعودا هلامية عن تنفيذ هذه القرارات في القريب العاجل وما إلى ذلك..ألم يتم اعتماد الميزانية؟ ألم يتم التصديق على مخصصات الوزارات؟ فيا ليت شعري علام هذا التلكؤ والمماطلة؟ إذا كان السبب وراء ذلك تمحيص القوائم وتقنينها من الذين لا يستحقون الإيفاد فليقولوها صراحة حتى لا ينطفئ بصيص الأمل لدى مئات الشباب؛
ثم هناك امر اخر، ألم يقل السيد المدير أن هناك زيادة في المنحة؟ ما أخبار هذه الزيادة بعد إعتماد الميزانية؟ هل كانت من كلام الليل الذي يمحوه النهار أم ماذا؟ أرجوكم يا مجلس إدارة البعثات الموقر لا تتحفونا بوعودكم إن كنتم لا تستطيعون إجابة السائلين عنها _ فضلاً عن تحقيقها!!! ولك الله يا ليبيا

DoctorAhmed
موفد فعال
موفد فعال

ذكر عدد المساهمات : 138
نقاط : 5301
نقاط السٌّمعَة : 32
تاريخ التسجيل : 29/01/2011

الرجوع الى أعلى الصفحة اذهب الى الأسفل

رد: بخصوص د. طاهر بن طاهر والإيفاد

مُساهمة من طرف محمد لاصيبعي في الخميس 29 مارس 2012, 10:29 pm

اعتقد ان المنحه الي تعطى للطلبه الليبين في كل الساحات اكثر من كافية.. الزيادة هدي مش لازمة .. فيه ناس قريب مش لاقيه ما تاكل في ليبيا و هي احوج للزيادات هذي... ما شفتش الحق اي شخص يعطى في منحه و عنده مشاكل مالية.. لو الزيادات تصرف مثلا على الطلبه الدارسين على حسابهم الخاص او توفر حتى يستفاد منها طلبه جدد يكون افضل....

محمد لاصيبعي
موفد رائع
موفد رائع

ذكر عدد المساهمات : 1073
نقاط : 12636
نقاط السٌّمعَة : 202
تاريخ التسجيل : 09/10/2011

الرجوع الى أعلى الصفحة اذهب الى الأسفل

رد: بخصوص د. طاهر بن طاهر والإيفاد

مُساهمة من طرف DoctorAhmed في الخميس 29 مارس 2012, 10:39 pm

لا والله يا أخي الكريم، في بعض الدول ليست كافية وبريطانيا_ التي أنت منها _ كثيرا ما يشكو الطلاب فيها من عدم كفاية المنحة خصوصا المتزوجون. على العموم الشاهد هنا ليس المنحة أو غيرها، وانما الوعود والقرارات التي تجري خبط عشواء نتيجة السياسات العقيمة والاستهتار الاداري الذي بلغ حدا لا يطاق..وما موضوع المنحة الا مثال على ذلك..ولكِ الله يا ليبيا

DoctorAhmed
موفد فعال
موفد فعال

ذكر عدد المساهمات : 138
نقاط : 5301
نقاط السٌّمعَة : 32
تاريخ التسجيل : 29/01/2011

الرجوع الى أعلى الصفحة اذهب الى الأسفل

رد: بخصوص د. طاهر بن طاهر والإيفاد

مُساهمة من طرف محمد لاصيبعي في الخميس 29 مارس 2012, 10:46 pm

الناس الي تقول المنحه مش كافية يا اما يبي يقتصد يأما ماشي يقرا في مكان مفروض ما يكونش فيه.. زي مثلا شخص عنده 5 صغار و ماشي للندن يقرا.. اكيد هذا بتنقص عليه لانه ما عرفش كيف يتصرف و هو شخصيا يتحمل مسؤولية الخطا متاعه..

محمد لاصيبعي
موفد رائع
موفد رائع

ذكر عدد المساهمات : 1073
نقاط : 12636
نقاط السٌّمعَة : 202
تاريخ التسجيل : 09/10/2011

الرجوع الى أعلى الصفحة اذهب الى الأسفل

صفحة 1 من اصل 2 1, 2  الصفحة التالية

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى