وطن للبيع.....!!!!

وطن للبيع من يشتري؟السعر بعد التقدير!
وطن ف حالة جيدة يوجد به نفط و غاز مساحة كبيرة يطل علي البحر المتوسط فاتشه 2000 كيلو متر علي البحر فقط يحتاج لصيانة ف البنية التحتيةو فيه مشكلة بسيطة بس يبي جيش و شرطة و شحط ف الامن ما تاخدش منك هلبا و يبي حكومة عندناحكومة مستوردة حاجة كويسة قاعدة سفار و عندك شوية مشاكل قبلية مش ديمة حاجة بسيطة مرة مرةف شوية قبائل ممكن يتقاتلو ممكن تعديلها او الغائها و للامانة يقولو ف تنظيم القاعدة طالع ف شرق البلاد لاكن مادورش شوية باسطة و صيانة بسيطة يتعدل و عندك حاجة بسيطة فساد مالي حوالي 30مليار يتعوضوا و عندك الحق الصحة مافيش لاكن ف صحة تركية و تونسية نمشو بيها ف الامور مؤقتا الوطن الفترة اللي فاتت ديرناله صيانة و غيرنا النظام كله لاكن فيه شوية ازلام عالقين ف الصقف تبي خراطة و مسح اللحمة الوطنية مية مية كيف ذابحين شوية شخصيات وطنية اصلية بس عندك شووووية ينادو بالفيدرالية و يبو يقسمو للبلاد علي ثلاثة طروف لاكن محلولة ما يهمكف شي يبو سيرفيس بسيط ممكن تجيب دكتاتور يعدلهم و يتفاهم معاهم بصفة عامة الوطن ممتاز و مستقر و ف حالة جيدة بس ينقصه شوية صبر موصين عليه بس قاعد ف الميناء و الامور مية مية وطن حاجة نظيفة و سعر كزيوني حتي اسمه مميز ينقرا من جيهتين(ليبيا)
للاستفسار ممكن الاتصال بي:مواطن فد من فية الوطن و اللي فيه
الرقم : خارج نطاق التغطية



للأمانة منقول.......

والله ما يشريه واحد ,,على هالحاله,

اخر عرض يقولك اشتري بلدين بسعر بلد واحد (ليبيا +الصومال)

حب الذات و اجندات فرض النفوذ لبعض المدن و الاشخاص هي وراء المشاكل التي تمر بها ليبيا.. و لكن انا كلي تفائل فما يحدث الان سيعطي هؤلاء الاوغاد الذي كانوا يدعون الانتساب الى الثوار و نراهم اليوم يعثون في الارض فسادا سرقه و نهب و قتل و تهجير للامنين درسا و سيصلوا الى نتائج اولها ان "سياسة المدينه و الشخص و الفكر الواحد ولت و لن نرضى لها بأن تعود".. اللعنه عليهم

محمد لاصيبعي كتب:حب الذات و اجندات فرض النفوذ لبعض المدن و الاشخاص هي وراء المشاكل التي تمر بها ليبيا.. و لكن انا كلي تفائل فما يحدث الان سيعطي هؤلاء الاوغاد الذي كانوا يدعون الانتساب الى الثوار و نراهم اليوم يعثون في الارض فسادا سرقه و نهب و قتل و تهجير للامنين درسا و سيصلوا الى نتائج اولها ان "سياسة المدينه و الشخص و الفكر الواحد ولت و لن نرضى لها بأن تعود".. اللعنه عليهم

كلام جميل و يحاكي واقع الأزمة.....

محمد المسماري كتب:والله ما يشريه واحد ,,على هالحاله,

و الله يا خوي محمد نعرف ناس من جريها وراء الفلوس و مايعرفش خوه في المادة كان يلقو يبيعوها البلاد حتى بالدين..........و هما الي للاسف خاربين البلاد توا.

فاهم كتب:
اخر عرض يقولك اشتري بلدين بسعر بلد واحد (ليبيا +الصومال)

بالنسبة للصومال حصلو فيها بيعة من زمان.......

ما اسرع ما قعدت للبيع... عمرها ماتنباع.... والصبر طيب

والاخ محمد رغم اعجابي بك الا اني نختلف معاك اظنك تعني المدينة اللي اسودها لما سيبوا المطار شفنا الضباع كيف خشتلتها وعندها بس خش الخراب.... وبالنسبة للجلاء للقبائل المعتدية والغير مأمونة الجانب من يوم يومهم العرب في التاريخ معروفة سياسة الجلاء ... وهذي حقن للدماء ومش زي ماتقول فرص للنهب والسيطرة وكلنا نعرف الزناتة لما جا بوشفشفوة يحسابهم ينشروا بالمال ، يبي يطعن الجبل الغربي بيهم رفضوا...وبعيد السو عليهم من اللغنات

بل ربي يهدي النفوس ويفتح بين قلوبهم بالحق وهو خير الفاتحين

الله اكبر

المنتصربالله كتب:ما اسرع ما قعدت للبيع... عمرها ماتنباع.... والصبر طيب

والاخ محمد رغم اعجابي بك الا اني نختلف معاك اظنك تعني المدينة اللي اسودها لما سيبوا المطار شفنا الضباع كيف خشتلتها وعندها بس خش الخراب.... وبالنسبة للجلاء للقبائل المعتدية والغير مأمونة الجانب من يوم يومهم العرب في التاريخ معروفة سياسة الجلاء ... وهذي حقن للدماء ومش زي ماتقول فرص للنهب والسيطرة وكلنا نعرف الزناتة لما جا بوشفشفوة يحسابهم ينشروا بالمال ، يبي يطعن الجبل الغربي بيهم رفضوا...وبعيد السو عليهم من اللغنات

بل ربي يهدي النفوس ويفتح بين قلوبهم بالحق وهو خير الفاتحين

اخي الكريم انا لا اقصد اي مدينه بذاتها ,, انا اتكلم على الجميع , فمن يحاولون اليوم تأسيس دكتاتوريه جديده اليوم كثر...

المنتصربالله كتب:ما اسرع ما قعدت للبيع... عمرها ماتنباع.... والصبر طيب

والاخ محمد رغم اعجابي بك الا اني نختلف معاك اظنك تعني المدينة اللي اسودها لما سيبوا المطار شفنا الضباع كيف خشتلتها وعندها بس خش الخراب.... وبالنسبة للجلاء للقبائل المعتدية والغير مأمونة الجانب من يوم يومهم العرب في التاريخ معروفة سياسة الجلاء ... وهذي حقن للدماء ومش زي ماتقول فرص للنهب والسيطرة وكلنا نعرف الزناتة لما جا بوشفشفوة يحسابهم ينشروا بالمال ، يبي يطعن الجبل الغربي بيهم رفضوا...وبعيد السو عليهم من اللغنات

بل ربي يهدي النفوس ويفتح بين قلوبهم بالحق وهو خير الفاتحين

أخي....العنوان وطن للبيع......ليس تشائم و لكنه استعارة و تشبيه للوضع الحالي و للتنبيه بأنه هناك فعلا شريحة من عباد المال و طلاب السلطة لا يهمهم سوى ملذاتهم الشخصية و ان كان عرض الوطن في مزاد علني لبيعه سيوصلهم لأهدافهم لفعلوها...!!....

انا قبلت
الله اكبر عليك ياليبيا... الله اكبر على ناسها الااحرار اللي ثاروا ضد المقبور
باذن الله حيتصلح الحال
هذي رواسب 40 عام من الفساد والجهل و خصوصا نسبة المؤيدين كبيرة

و الله البلاد شبر واحد مش حتقدمه مادام استمرينا في مصطلح مؤيد و معارض و ثائر و ازلام.. اي شخص اذنب لازم يعاقب و اي شخص لم يقترف اي فعل يعاقب عليه القانون يجب ان يعامل معاملة مثل التي يتلاقاها ما يسمونهم بالثوار.... على الثوار الحقيقيون ان يقدموا تنازلات حقيقيه من اجل التوافق و من ان اجل ان يقتنع من يسمونهم بالمؤيدين بثورة 17 فبراير,, عندما نصل الى هذه اللحظه عندها سنتكلم على غد افضل لليبيا,, و لكن في وجود حالة الانفلات الامني و محاولة فرض نفوذ بعض المدن و بعدم حل مشاكل المدن التي تم تهجيرها ليبيا تتجه الى المجهول هذه هي الحقيقه المره...

كلام محمد الاصيبعي صح 100%

محمد لاصيبعي كتب:و الله البلاد شبر واحد مش حتقدمه مادام استمرينا في مصطلح مؤيد و معارض و ثائر و ازلام.. اي شخص اذنب لازم يعاقب و اي شخص لم يقترف اي فعل يعاقب عليه القانون يجب ان يعامل معاملة مثل التي يتلاقاها ما يسمونهم بالثوار.... على الثوار الحقيقيون ان يقدموا تنازلات حقيقيه من اجل التوافق و من ان اجل ان يقتنع من يسمونهم بالمؤيدين بثورة 17 فبراير,, عندما نصل الى هذه اللحظه عندها سنتكلم على غد افضل لليبيا,, و لكن في وجود حالة الانفلات الامني و محاولة فرض نفوذ بعض المدن و بعدم حل مشاكل المدن التي تم تهجيرها ليبيا تتجه الى المجهول هذه هي الحقيقه المره...

محمد الاصبيعي انا نريد نسميك محلل المنتدي ,مشاءالله عليك
كل موضوع تعطي فيه حقاته من الرد,,
بارك الله فيك,

ليبيا ليبيا ليبيا
اللهم الف بين قلوب الليبين كما الفت بين الاوس والخزرج
اللهم اجعل ليبيا بلدا امنا مستقرا ومزدهرا
اللهم من اراد بليبيا شرا ان تجعل كيده في نحره وتدبيره تدميره
اللهم اهدي شباب ليبيا الي مافيه الخير يارب العالمين امين امين امين

لا تتشائمو يا شباب .. سيستغرق الوضع وقت ليس بالقصير حتى تعود الامور الى افضل مما كانت عليه ... لا تتوقعو الكثير فى زمن قصير ... نحتاج الى الصبر والعمل وعزم الرجال حتى نبني دولة القانون والمؤسسات ... أبشروا... فديننا يأمرنا بالتفاؤل ...لا بالتشاؤم.

اللهم احفظ ليبيا من الليبيين؟؟ههههههههههههههه

عبد الناصر كتب:اللهم احفظ ليبيا من الليبيين؟؟ههههههههههههههه