تجهيزات السفر

شكله مافيه حد سافر ياريت اللي عنده معلومة ايجاوب

عندي صديقتي في امريكا نصحتني نرفع معاي الكسكاس والطنجرة وبكارج قهوة وبراد وقالتلي جيبي معاك تمر لانه التمر غالي وتوه قريب رمضان ونعناع يابس وخبزة مرحية وتوابل لان توابلهم مش حلوة و قهوة عربية واهم حاجة المصحف والصلاية وبوصلة
واللي يعرف حاجات تانية مهمة ايقولنا عليها .

ياريت نقدر انساعدك ...اني قاعدة ماحددتش الساحة .... ربي يوفقك في دراستك

حتى اني عندي استفسار على عدد الشنط مرة يقولوا شنطتين مرات ايقولوا شنطة معاد عرفنا كيف وين موفدين الساحة الامريكية ياريت ايردوا علينا خلي الواحد يعرف ايلم شناطيه

بالنسبة لافضل الخطوط الخطوط التركية هي الافضل من ناحية الاسعار ومن ناحية الراحة لان اغلب رحلاتها الي امريكا لا تستغرق سوى 32 ساعة بينما الخطوط الاخرى تصل الي 52 ساعة بالنسبة للشناطي هناك رحلات تسمح لك بحمل 23 كيلو مجانآ وهناك رحلات تفرض في ضرائب على كل كيلو ويختلف سعر التذكرة من تذكرة بدون ضرائب وتذكرة بها ضرائب قبل ماتشروا التذكرة اكدوا على تفاصيلها

ليس لدى علم بنوع الطيران الجيد والمريح واتنمى احصل علي معلومه مملموسه في هذا الوقت خلي ناخذ التذاكر ويصير الخير باذن الله..بالنسبة للشنط كل خط ونوع الوزن ولكن لكل شخص ثلاث حقائب تقريبا ....صديقة سافرت لكندا كل شيء رفعاته....ولا اعرف ماهو المهم...انا جهزت الطنجة الكسكاس اللبيبي والشربة رمضان النعناع وربي يبلغنا رمضان بصحه وراحة البال ....القهوة العربية والبكرج والتوابل كلها اهم شي الفلفل المريحي... انا من النوع انغمس في الدراسة وانشاء الله ولد الناس معايا يقتله الشر....ربك يستر عليا لو اعرف شيء جديد اخبر الجميع للفائدة.....لا تنسوا الاخبار الحلوة

اما خطوط 3 شناطي اختي البتول اني قريبي سافر لكندا على الخطوط النمساوية شنطة واحدة للشخص 23 كيلو لدرجة فكرنا انغيروا التدكرة من سياحية للبزنس والا ندفعوا على الوزن الاضافي
اختي البتول خيرك انسيتي التمر قالوا غالي في امريكا ربي ايسهل علينا
هما احسن خطوط يشكروا في الالمانية ان شاء الله التداكر خدموهم على الخطوط الالمانية

خلي ناخذوا ورقة الابراق ونشدها في يدي وبعدين نفكر في التذاكر الي دارت مسمار في الراس وانشا الله التاخير خير يارب

بالتوفيق لكل المسافرين

خلي نصيروا في قائمة المسافرين احنا قاعدين نحرثوا في مكانا وربك يستر علينا عامين انتظر السفر وصرت نكته العيلة الكل يسافر وانا مكاني يراوح عامين كرهت كل شيء

بالنسبة لمستلزمات السفر دائما يقولولي ما تكثرش دبش اني عزابي طبعا
اما الشناطي و موالهن انصح ان الواحد يدير شنطة يد يحط فيها الاشياء الثقيلة و الثمينة بما فيها بعض الاكل الجاف لانه في المطارات الاكل نااااااااااااااااار غالي جدا و السوائل ممنوعة طبعا بما فيها الروائح و نحط في الشنطة اليدوية الاب توب و بعض الملابس الخفيفة و ادوات زينة النساء لانه مرات الشحن يتأخر بيش تقدر تمشي امورك.
و للاخت بتول الحال من بعضه اني كرهت نمشي للمستشفى لانهم رح يقولو كلمتهم المعتادة مازال ما سافرت؟؟؟؟؟؟؟؟؟؟؟؟؟؟؟

اخي mabualawafy دير من تقل معاك الشنط وتطبخلك في رمضان وتهدرز عليك الغربه صعبه بلا رفيقه......ماشي لامريكا ام اوستراليا

مابعدي حتى انا بنسافر عزابي

وانا عزابي ههههههههههههههههههههههههههههههههههههههههههه ياجوووووووووووو

السلام عليكم
انا خلاص سافرت ادعولي
وانصح الجميع بالخطوط البريطانية
لكم التحية

لاتنسانا من دعاء السفر .....ارجوك انا البتول محمد