رد: رحلتي مع يوم المقابلة لغرض الحصول على التأشيرة البريطانية

من طرف hanaashibany في الإثنين 08 أكتوبر 2012, 8:10 pm

ألف مبروك حصولك على التأشيرة وانشاء الله ربي يسهلك وتكمل باقي الأجراءات بنفس السرعة وعقبال لجميع الموفدين

من طرف polat are في الإثنين 08 أكتوبر 2012, 8:48 pm

الحمد الله وبارك الله فيكم شعور لا يوصف يا جماعة الخير عندما تأخذ تاشيره

من طرف mayar salem في الإثنين 08 أكتوبر 2012, 10:04 pm

اخى polat are مبروك والله فرحناك كتيرا وخصوصا لما شفت انك يوجد خطا فى اسمك وموفق و ياربى عقبالنا
زمن قياسى ماشاء الله حظك يضرب فى العالى يخزى العين

من طرف polat are في الأربعاء 10 أكتوبر 2012, 10:21 pm

شكرا بارك فيكم جمعيا وعقبال الذي لم يتحصل عليها وعلى العموم تأشيره كل يوم تنقص وانشاءالله عن قريب اقل من 14 ان استقرت البلد انشاءالله

من طرف rahaf في الأحد 30 ديسمبر 2012, 11:53 pm

الأطفال الذين أعمارهم سنتين و 3 سنوات هل ضروري إصطحابهم معنا إلى السفارة البريطانية للمقابلة أم لا؟

وكذلك هل من الضروري تصويرهم بصورة ذات خلفية بيضاء أم لا؟. أفيدونا أفادكم الله.

من طرف Abu Mohamed في الإثنين 31 ديسمبر 2012, 4:39 am

لا مش ضروري اصطحابهم بس ضروري تصويرهم كيف الكبار
شوفي الموضوع هذا
http://www.almofad.com/t9975-topic

من طرف othmanzway في الأحد 10 مارس 2013, 9:16 pm

صحيتي نفس الموضوع صار معاي بس انا كنت معبية الابلكيشين مرتين و مالغيتش منهن لما جيت للموعد تخزرطت مع بعض المحاولات عطوني رقم و دخلت الي المقابلة و مشوني بالرقم الاخير
ردوا بالكم اذا عبيتوا اكثر من مرة تلغي الاول فالاول

من طرف الهام محمد في الأربعاء 01 مايو 2013, 12:39 am

السلام عليكم
امس قدمت التأشيرة وانشالله خير بس لاحظت ملاحظة نبي نقوللكم عليها ان المواعيد مش زي ما مكتوب يعني لما انت تجي يعطوك ورقة فيها رقم وتدخ داخل وتقعمز تستنى الدور امتى ينادو على الرقم متاعك ويطلع عالشاشة الصغيرة قدامك مثلا احني كان موعدنا 10.30 ولان صار معانا ظرف ومع زحمة الطريق ما وصلناش الا الساعة 10.40وكنا خايفين يقولنا ماصارش لاكن الباين ان عادي لان دخلنا ولقينا الدور مزال قدمنا 16 رقم فالي يوصل ياخد رقم وخلاص وماقدمناش لحد الساعة 1وانشالله خير1

من طرف كوكي في الأربعاء 01 مايو 2013, 4:48 am

بالتوفيق أخت
الهام محمد
ممكن نعرفوا نوع الفيزا الي قدمتي عليه ... يعني طالب زائر أو تاير 4؟
وأيضا ممكن نعرفوا كم قدمتي نسخة مع النسخة الأصلية لأوراقك؟
وهل المرافق يقدم حتي هو نسخة مملؤه باليد أو لا؟
والله يسهلها لك

من طرف Abu Mohamed في الأربعاء 01 مايو 2013, 7:29 am

الموعد اللي خذيتوه هو نفسها الموعد اللي تدخلوا بيه للقاعة ولكن مرات لو فيهى شوية تاخير عادي بس هذا مش معناه أنكم حتقدموا على طول لما تدخلوا لأن مرات يصير تعطيل في الداخل وتضطروا تستنوا زي ماصاررلكم

من طرف الهام محمد في الخميس 02 مايو 2013, 1:03 pm

نوع الفيزا الي قدمت عليه طالب زائر ولكل ورقة اصلية ومترجمة نسخة وبالنسبة لورقة الدعم المالي صورناها 8 نسخ وحطينا في كل ملف نسختين وماعبيناش ورقة باليد مجرد التوقيع كان باليد ه

من طرف كوكي في الخميس 02 مايو 2013, 2:49 pm

شكرا علي المعلومات أختي
الهام محمد
وبالقبول ..... بأذن الله قريبا أنباركولكم علي حصولكم علي الفيزا

من طرف Inception في الخميس 02 مايو 2013, 3:33 pm

يعني نسحة واحدة مش نسختين من كل ورقة اصلية!

من طرف الاصيله في السبت 25 مايو 2013, 1:11 pm

نعم لكل ورقة اصلية نسخة واحدة...
وحتى الاصل يرجعوه ليك بعدين بعد التاشيرة ان شاء الله

من طرف بلال في الأحد 26 مايو 2013, 6:34 pm

بسم الله الرحمن الرحيم
هل يوجد مقابلة فى حالة التقديم على التاشيرة البريطانية يعنى زى السفارة الامريكية مقابلة او قصة ولا شنى

من طرف Libya Libya في الأحد 26 مايو 2013, 6:56 pm

تسلم اوراقك وجوازك وتعدي ترجى الرد بعد اسبوعين او ثلاثه

من طرف بلال في الأحد 26 مايو 2013, 7:16 pm

يعنى ياخى مافيش مقابلة حتى مكتب ايتكفل بالموضوع عادى

من طرف Libya Libya في الأحد 26 مايو 2013, 7:31 pm

لا لازم الحضور الشخصي لانك راح تصور وتوقع على الاوراق ما هيش مقابله لكن التوقيع والصوره والبصمه باليد لازم ياخذوها على الجهاز الموضوع كله ياخذ نص ساعه

من طرف the_bright_star في الأحد 26 مايو 2013, 8:08 pm

لحد الان التاشيرة الانجليزية قاعدة اهون من برامج التاشيرة الامريكية ونفخها برايي الشخصي

من طرف Libya Libya في الأحد 26 مايو 2013, 8:38 pm

تريد الحق هن الاثنين بزنس ياخذوا رسوم التاشيره ويعاطوا الطالب رفض عادي ويقدم من جديد

من طرف بلال في الأحد 26 مايو 2013, 8:49 pm

باهى المرافقين ضرورى يحضروا للسفارة ؟ وشكرا على الردود

من طرف Libya Libya في الأحد 26 مايو 2013, 9:03 pm

لازم من حضور كل شخص مقدم على التاشيره

من طرف بلال في الأحد 26 مايو 2013, 10:14 pm

بارك الله فيك

من طرف Abu Mohamed في الأحد 26 مايو 2013, 11:39 pm

بلال كتب:بسم الله الرحمن الرحيم
هل يوجد مقابلة فى حالة التقديم على التاشيرة البريطانية يعنى زى السفارة الامريكية مقابلة او قصة ولا شنى

شوف الموضوع هذا فيه الإجابة بالتفصيل
http://www.almofad.com/t9975-topic

من طرف emadegbaitha في السبت 01 يونيو 2013, 9:43 pm

الـــــــــــــســــــــــــــلا م عـــــــــلـــــــــكــــــيــم

اريد سؤال عندي خط في نموذج تاشير بعد مراجع ملاحظ في عداد ايام في قبول للغة الاخط تاني كان في شهر نهاية فترت لكورس للغة هل هده يكون ماشكل لي او هده عادي ان موعد قريب الان فس شهر 6 بالله عليك جوب شنولحل لهد

رحلتي مع يوم المقابلة لغرض الحصول على التأشيرة البريطانية