دخول



ملتقى الطلاب الليبيين للدراسة في الخارج، اخر قرارات الإيفاد، التفويضات، إدارة البعثات

descriptionهل المنحة تكفي مش انك توفر منها ؟؟ Emptyهل المنحة تكفي مش انك توفر منها ؟؟

more_horiz


بسم الله الرحمن الرحيم..

نهني كل الاخوة الموفدين والموفدات والمضمومين والمضمومات
ونقوللهم

عيدكم مبارك..بازين ولحم يتعارك..

لاحظت هلبا جماعة نلقي فيهم يكنزوا في القرش ويدسوا فيه لن يولد..

ولما تسأله يقولك ندفي فيهم من الصقع..

وتلقاه قانط علي روحه...يشم في طرف الجبنة وينتش في الخبزة

مش يوفر..

قصدي سؤال؟؟

هل المنحة تكفي مش انك توفر منها ؟؟

هل الطالب لما ابتعث من اجل الدراسة ولا من اجل التوفير.؟؟

وشكرا.



مافيش اخبار عالضم هل المنحة تكفي مش انك توفر منها ؟؟ 32364


_______________________________

نظرت الي جدي وهو متكئ تحت عرف الزيتون... هل المنحة تكفي مش انك توفر منها ؟؟ 32364 وتتساقط قطرات العرق من جبينه الاسمر afro

فقلت له ياجدي انني انتظر الضم... study

قال لي يا بني انتظر ولكن ابحث لك عن قبر يضمك خير من انك تراجي affraid

descriptionهل المنحة تكفي مش انك توفر منها ؟؟ Emptyرد: هل المنحة تكفي مش انك توفر منها ؟؟

more_horiz
كل سنة وانت طيب يامتنحدب وانشاء الله تزهر معاك وتبدا ليبي مبحبح بدل ليبي متنحدب
وجهة نظري القصة كالتالي: على افتراض شخص عنده ماجستير ويدرس في جامعة ليبية مرتبه حيكون 1800د.ل ممكن يوفر منه 1000د.ل في الشهر يلقاه مرات يمرض حد يبي تونس مرات يدير حادث صاحبه يغرمه هدا من غير لو ماعنداش سكن يقعد يدس 6سنين على الاقل باش يدير حوش
لما يسافر مرتبه بيوقف في ليبيا وبيقعد برا خمس سنوات لما يروح وماعنداش شئ منو بيه وقتها وكيف يدير يشحت لدلك لازم يقتصد لكي يلقى علاش يولي
المفروض الدولة تدير ايفاد في الصح او بلاش لانه المفروض مرتبه في ليبيا يقعد زي ماهوا ينزل نفس باقي القطاعات لكي يقري بره وهو مرتاح ويتفرغ للعلم والابحاث .......
لكن نتيجة سياسة ربع المرتب العرض في الجامعات واضح

descriptionهل المنحة تكفي مش انك توفر منها ؟؟ Emptyرد: هل المنحة تكفي مش انك توفر منها ؟؟

more_horiz
المنحة تكمل قبل نهاية الشهر .......مش انت بس متحندب كلنا الحمدلله afro

descriptionهل المنحة تكفي مش انك توفر منها ؟؟ Emptyرد: هل المنحة تكفي مش انك توفر منها ؟؟

more_horiz
منحة جبر خواطر..وهي تكفي الاساسيات فقط دون التفكير في الكماليات..والحياة عبارة عن اساسيات وكماليات...ولكن رغم ذلك هذه المنحة تعتبر كافية جدا لبعض الاشخاص الي متعودوش على الصرف او لايحبوا الصرف ..يعني على سبيل المثال منحتنا في ايطاليا عام 2000 اثناء الماجستير "منحة اعزب 1425 دولار"......كان التوفير منها صعب جدا ...ولكن بالنسبة لبعض الاشخاص كانوا يصرفوا النصف بس ويشيلوا النصف..وممكن اكثر من النصف.... المهم كل واحد وصرفه......ولنا في مصر خير مثال..ممكن رب اسرة يكون مرتبه الف جنيه مصري فقط وتلقاه يصرف شهر كامل منهم على 7 اشخاص..كيف؟؟؟ متعرفش!!

descriptionهل المنحة تكفي مش انك توفر منها ؟؟ Emptyرد: هل المنحة تكفي مش انك توفر منها ؟؟

more_horiz
والله مايتحشموا كان مازدوا المنحة المشكلة الناس تشوفلك تاخد في 2000 دولار مايقولوش يدفعوا في 1200 دولار بين الايجار والفواتير تي هو قريب حتى الهواء بالفلوس ولا لما اتروح لي ليبيا ايقولولك شن عقبت مفروض روحت بحق حوش والا ارض لاتقول يحسابوا الواحد لاياكل ولايشرب ولاوراءه التزمات ويقارنوا فيها بزمان لما كان الدولار با 3 دينار ويقارنوك باللي صدرلهم ايفاد زمان وعقبوا على عمرهم ربي يهدي الناس ويهدي الحكومة وهما يتجملوا بيه الايفاد لاتقول من جيبوهم اقل شي احني خير منهم نقروا ونطالبوا بابسط حقوقنا مش هما ايغبوا في جيوبهم ومايفكروش في مصلحة الشعب اللي يسمع ايقول مطلعين 100 الف طالب ايفاد

_______________________________

هل المنحة تكفي مش انك توفر منها ؟؟ Images3sh

descriptionهل المنحة تكفي مش انك توفر منها ؟؟ Emptyرد: هل المنحة تكفي مش انك توفر منها ؟؟

more_horiz
As a deprived Libyan all my life, I say pay the tuition fees for me, and will take care of my living expenses... More than 10 years chasing the illusive dream of getting sponsored like the rest of the Libyan students... never happened.. I guess I am not Libyan...

descriptionهل المنحة تكفي مش انك توفر منها ؟؟ Emptyرد: هل المنحة تكفي مش انك توفر منها ؟؟

more_horiz

ما اظنش حد يحب يعيش بتقشف يا ريت مايستقطعو شي من مرتبنا عشان الواحد معاش يقعد يخمم عالتوفير والله اازمة، باهي ليش بالله وين الدولة الغنية بالنفط اللي يقولو بيها ما شفنا شي بعدين اللي يكون عندها ايفاد وزوجها بيمشي معاها وبيسيب مصدر رزقه وعمله الحكومي اللي اكيد بيلزوه وبعدين بعد هذا كله يوروحو ماعتدهم شي والله انا هادي التقطة اللي تخلي فيا نتردد وناجل في الايفاد نخاف روحو ونطوطحو بايديتا بالله مافيش حد واصل يقوللهم عالاقل يقطعو النصف بعدين زي اعضاء هيئة التدريس هم الفئة الوحيدة اللي مازادوناش المفروض يكون مرتبنا الاساسي عالاقل 2000 ليش الاجتبي يعطوه 4000 او 6000 والا احني مش بشر متعرفش ليش ساكتين مفروض نتفقو كلنا ونديرو اضرااااااااااااااااااااااااااااااااااااااااااااااااااااااااااااااااااااااااااااااااااااااااب بالله ناقشوني ولو غالطة صلجولي

descriptionهل المنحة تكفي مش انك توفر منها ؟؟ Emptyرد: هل المنحة تكفي مش انك توفر منها ؟؟

more_horiz
ممكن ربع جني سلف

descriptionهل المنحة تكفي مش انك توفر منها ؟؟ Emptyرد: هل المنحة تكفي مش انك توفر منها ؟؟

more_horiz
نظرت الي جدي وهو متكئ تحت عرف الزيتون... وتتساقط قطرات العرق من جبينه الاسمر

فقلت له ياجدي انني انتظر الضم...

قال لي يا بني انتظر ولكن ابحث لك عن قبر يضمك خير من انك تراجي


بالله عليك جدك عارف قصتك وقصة الايفاد و مرتباتنا ومازال حي؟؟؟؟؟

_______________________________


ولي وطن ليس العشق يكفيه***ولا قصائد بني قوم تكافئه
يسكن هواه بصدري واخفيه***لعلمي ان الحب فعل ينقصه

كم مرة بالانكار والعجز نرميه***ويمد يديه بالاحسان ونخذله

يا وطن يندب حظه وينعيه***ويرجوا الخلاص فنشكوه ونلعنه

descriptionهل المنحة تكفي مش انك توفر منها ؟؟ Emptyرد: هل المنحة تكفي مش انك توفر منها ؟؟

more_horiz
السلام عليكم ورحمة الله وبركاته



تقبل الله منكم ماضحيتم اسئل الله ان يعيد علينا هذه الايام بالخير واليمن والبركات



اخي الكريم


سؤالك له اجابتان...فنية ومعنوية..او لنقل ايمانية

اما الفنية منها فتتعلق بحسن التصرف ومعرفة انفاق المال الذي استودعه الله عندنا بما يرضيه سبحانه.. فنعرف كيفية التسوق..ومن اين نشترى لوازم بيتنا وكيف ندبر اموره وهو امر يتعلق بمعرفة الاسواق التى تتنافس فيما بينها على تقديم افضل الاسعار في بلد تنافسي همه الاول والاخير ارضاء الزبون وكسب ثقته....



يجب ان يعرف الموفد كيفية اختيار البيت الصحيح الذي لايثقل كاهله في مصاريف التدفئة ونحوها...وايضا كيف يدبر امور بيته

ولااقصد بالتدبير...التقتير...او البخل...فهذا نتائجه عكسية...وهذا يقودنا الى الاجابة الثانية....الايمانية...وهي الاهم...والانفع....والاولي بالاءتباع



قال عليه السلام:

ما من يوم يطلع الا وينزل فيه ملكان احدهما يقول: اللهم اعط منفقا خلفا....ويقول الاخر: اللهم اعط ممسكا تلفا



وقال الاءمام علي كرم الله وجهه: عجبت للبخيل, يعيش في الدنيا عيش الفقراء ويحاسب في الاخرة حساب الاغنياء, فلا هو ادرك الغني الذي اياه طلب, ولا نجي من الفقر الذي منه هرب

ولكن؟

كيف نعرف ان كان انفاقنا يرضى الله سبحانه وتعالى..وكيف ننفق ولا نخشي الفقر...

الاجابة بسيطة...ومتعددة...ولها اوجه نعرفها جميعا

انها الصدقة

فقد كان السلف حين تضيق اموالهم يتصدقون...ويكثرون من الصدقة...فتعود عليهم اضعافا مضاعفة

وكيف لا وقد قال عليه السلام: مانقص مال من صدقة...



خلاصة القول: ان ضيقت ضيق الله عليك....وان اوسعت وسع الله عليك...فالكلمة السحرية تبداء بحرف الباء

بركة...ووالله الذي لا اله الا هو..يمينا اسئل عليه امام الله..وانا شاب متزوج ولي من العيال ثلاثة..ولا املك بيتا في ليبيا...انني عشت كل هذه المعاني في غربتي..وضاق عليا الحال هنا في بريطانيا احيانا لدرجة لايعلمها الا الله..وانني كلما ضاق الحال اكثرت من الضدقة باءغلب ما تبقي في يدي من مال...موقنا تمام اليقين ان الله صادق في وعده..وكلما تصدقت اكثر انفرج همي..واتسع رزقي..وامتلاء جيبي بالمال بعد ان كاد يخوي ..



لاتخافوا من ضيق الرزق...ولا من قلة المال...فرزقنا مقسوم قبل ان نولد..

فقط...فقط؟؟؟علينا الا نكون من المسرفين...ولا من المقترين...فهما صنفان من الناس يكرههما رب العزة

فقد قال عليه عز من قائل:

ولا تجعل يدك مغلولة الى عنقك ولا تبسطها كل البسط فتقعد ملوما محسورا

اخيرا...وبالليبي



والله المنحة كفتني لشراء اللحم بالسقيطة..والفاكهة اشكال والوان..والجبنة باءنواعها...والتن والزيتون...والعصائر والمشاريب..والحلويات للاطفال...والشاهي نشرب فيه بالكاكاوية واللوز...والملابس الجديدة لاءطفالي...

ووالله فوق كل هذا نوفر منها في مائتين باوند او اكثر..وانا عايش قريب من لندن



والله على ماقول شهيد

فلا تخاااااااااااااااااااافو...فالله لايخلق خلقا ويتركه بلا رزق..ان توكلنا عليه..وانفقنا بما يرضيه



اسف للاطالة...فقط احسست ان اغلب الموفدين يقلق في غلاء المعيشة اكثر من قلقة من صعوبة الدراسة



كل عام وانتم بخير

وعن اذنكم...ام العيال مدايرة قلاية ناشطة..بعد ماجبت الضحية قبل شوية من عند الجزار الهندي



تفضلووووووووووووووووووووا معانا.

عدل سابقا من قبل Abu Mohammed في السبت 27 أكتوبر 2012, 11:19 pm عدل 2 مرات

_______________________________

هل المنحة تكفي مش انك توفر منها ؟؟ 08jy7

descriptionهل المنحة تكفي مش انك توفر منها ؟؟ Emptyرد: هل المنحة تكفي مش انك توفر منها ؟؟

more_horiz
بارك الله فيك أخي أبو محمد وكل عام أنت والأسرة الكريمة بخير وصحة وسلامة ..... وهنيئاً لك بهذه القناعة فهي كنز لايفنى ... صحة ع القلايا والله معندي الروح معاها لدرجة أمي شادة حراسات بجنب الطنجرة Very Happy ....... المهم دعواتكم معنا أخي أبو محمد لأني قريباً رح إنآنسكم .....

descriptionهل المنحة تكفي مش انك توفر منها ؟؟ Emptyرد: هل المنحة تكفي مش انك توفر منها ؟؟

more_horiz
السلام عليكم ورحمة الله وبركاته



صحتين على قلبك ياخوي الحسين...ربي يبارك لك في الحاجة ويمتعك بصحبتها...عندها الحق تشد حراسات على الطنجرة...فوالله كسرة خبز من يديات الام الغالية الذ...واطيب...واشهى من كل موائد العالم....فما بالك بقلاية من يدياتهاا الطيبات



ربي يونسكم ببعض...تمتع بكل دقيقة معها قبل ان تتغرب فوالله ان لحظة مع الوالدين هي عمر باءكمله



ربي يسهل لك ياخوي الحسين ولكل الموفدين وتجي لبريطانيا عماا قريب..وتتوفق في قرايتك



ولو نقدروا نقدموا لك اي خدمة فتفضل ياخوي...وربي يقدرنا مانقصروش معاك ولا مع اي اخ ليبي



كل سنة وانت طيب وكل اهلك الكرام

والسلام عليكم ورحمة الله وبركاته

_______________________________

هل المنحة تكفي مش انك توفر منها ؟؟ 08jy7

descriptionهل المنحة تكفي مش انك توفر منها ؟؟ Emptyرد: هل المنحة تكفي مش انك توفر منها ؟؟

more_horiz
انا نشوف ان المنحه كافيه و بزياده,, و الله اعرف عايلات بثلاث اصغار و عندهم اكثر من 10 الاف باوند مقتصدينهم من المنحة..

descriptionهل المنحة تكفي مش انك توفر منها ؟؟ Emptyرد: هل المنحة تكفي مش انك توفر منها ؟؟

more_horiz
صدقت اخي محمد الاصيبعي

المنحة كافيه وزيادة مع حسن التصرف



اما حجم المبلغ الذي يريد ان يوفره الاءنسان فيعتمد على انفاقه وعلى ظروفه والهدف من التوفير... شرط الا يكون تقتيرا على النفس وحرمانا للاطفال



فقد حدد عليه السلام عن افضل وجوه انفاق المال...وحدد ان افضلها درهم تنفقه على عيالك وجعله في مرتبة اعلى من درهم تنفقه في سبيل الله

_______________________________

هل المنحة تكفي مش انك توفر منها ؟؟ 08jy7

descriptionهل المنحة تكفي مش انك توفر منها ؟؟ Emptyرد: هل المنحة تكفي مش انك توفر منها ؟؟

more_horiz
تقبل الله طاعتكم وكل عام وأنتم بخير
وصدقت أبو محمد وكلام محمد الأصيبيعي صح 100%

_______________________________

قل إنّ صلاتي ونسكي ومحياي ومماتي لله رب العالمين

شروط الكتابة في منتدى  المملكة المتحدة وآيرلندا
https://www.almofad.com/t9385-topic

تنبيه هام لكل الأعضاء في المنتدى
https://www.almofad.com/t19008-topic#146383


مشروع خيري

https://www.almofad.com/t29454-topic

descriptionهل المنحة تكفي مش انك توفر منها ؟؟ Emptyرد: هل المنحة تكفي مش انك توفر منها ؟؟

more_horiz
وتقبل الله طاعتك اخي ابو محمد وكل عام وانت بخير

_______________________________

هل المنحة تكفي مش انك توفر منها ؟؟ 08jy7

descriptionهل المنحة تكفي مش انك توفر منها ؟؟ Emptyرد: هل المنحة تكفي مش انك توفر منها ؟؟

more_horiz
كل عام وأنتم بخير أخي وبعثتلك برسالة على الخاص.

_______________________________

قل إنّ صلاتي ونسكي ومحياي ومماتي لله رب العالمين

شروط الكتابة في منتدى  المملكة المتحدة وآيرلندا
https://www.almofad.com/t9385-topic

تنبيه هام لكل الأعضاء في المنتدى
https://www.almofad.com/t19008-topic#146383


مشروع خيري

https://www.almofad.com/t29454-topic
صلاحيات هذا المنتدى:
لاتستطيع الرد على المواضيع في هذا المنتدى