دخول



ملتقى الطلاب الليبيين للدراسة في الخارج، اخر قرارات الإيفاد، التفويضات، إدارة البعثات

descriptionكــيـــــــف درتـــــ يا موفد؟    " يا ريت الكل يشاركو" Emptyكــيـــــــف درتـــــ يا موفد؟ " يا ريت الكل يشاركو"

more_horiz


السلام عليكم ورحمه الله وبركاته

كيف مانعرفو إن الأيام الأولي للموفد في بلد الـدراسة بتكون صـعبـة نوعا ما لأنه في الفترة الأولـي يـكـون كـــل شي

غريبا من جو البلد إلي التنقل في البلد إلي الإقامة إلـي الخطوات اللي يقوم بها لفتح مــلــف وشن الأوراق المطلوبة لدلك

في اللي أول مايوصـل يسكن في فندق أو مع صديق وفي اللي مرتب أمــوره وحاجز بيــت أو عائلة قبل ما يوصـل

وغيره ,, موضوعنا نبو نعرفو كل طالب كيف تخطى كل هده العقبات من أول ماغادر أرض الوطن الي الوصل لبلد

الدراسة وفتح ملف في المكتب الشعبي وبدء دراسته مثلا أنا لتو ماسافرتش لكن نبي نعرف كل شي راح يواجهني مـن

كيفية التحرك في المطــار مدة الترانزيت لو فـي ترانزيت مـدة الرحلة كـــم نرفع معاي فلوس" تقريبا" كم المــدة اللـي

يأخذها فتح ملف في بلد الدراسة هل نستأجر بيت قبل مانسافر أو لين نوصل ونشوف بعيني , شن الأشياء المهمة اللي

نرفعها معاي داخــل الطائرة واللي قد نحتاجها في الـمــطــار لما نوصل زى الأوراق مثلا وأي شي يخطر على بالـكـم

ونكون أغفلته , مرات تقولو في بعض الأمور معروفة , لكن حتى تكون الفائدة كبيرة ونستفيدو ياريت كل طالب يذكر

تجربته من مغادرة المطار وأرض الوطن إلي وصوله بالسلامة و فتح ملفه الدراسي وبدء دراسته ,.,.,

شــــــــــــــــكــــــــــــــــــراً

ياريت كل الاعضاء يتفاعلو مع الموضوع حتى تعم الفائدة



descriptionكــيـــــــف درتـــــ يا موفد؟    " يا ريت الكل يشاركو" Emptyرد: كــيـــــــف درتـــــ يا موفد؟ " يا ريت الكل يشاركو"

more_horiz
بالنسبة للسكن انا راسلت صاحب الشقة عن طريق الانترنت قبل ما نسافر عن طريق موقع متخصص بالاجارات ودرت معاه موعد في اليوم اللي سافرت فيه بس ما تفهمتش معاه في القيمة لانه ما كان واضح بس تقدر تعمل نفس الطريقة او تسكن باليوم في غرف مخصص لهذا الغرظ تسمى بانسيو لغاية ما تحصل سكن مناسب

تحياتي

_______________________________

الرّأيُ قَبلَ شَــجاعةِ الشّـجْـعانِ ......... هُوَ أوّلٌ وَهيَ المَـحَلُّ الثّاني
فإذا همَا اجْــتَمَعَا لنَفْـسٍ حُــرّةٍ ......... بَلَغَتْ مِـنَ العَلْياءِ كــلّ مـكانِ
وَلَـرُبّما طَـعَنَ الفَـتى أقْــرَانَهُ ......... بالرّأيِ قَبْـلَ تَطَاعُـــنِ الأقـرانِ

هاكابيري فين

descriptionكــيـــــــف درتـــــ يا موفد؟    " يا ريت الكل يشاركو" Emptyرد: كــيـــــــف درتـــــ يا موفد؟ " يا ريت الكل يشاركو"

more_horiz
اخي germay2 توقعت انك راح تكون اول موفد راح نستفيدو منه

بارك الله فيك وان شاء الله ربي يوفقك


بالنسبة لمواقع الاجارات أعتقد انها تاخد في نسبة يعني أغلى من الاسعار الحقيقية للسكن

بنسألك عن المدة اللي خداها فتح الملف في المكتب الشعبي ؟

شكرا

descriptionكــيـــــــف درتـــــ يا موفد؟    " يا ريت الكل يشاركو" Emptyرد: كــيـــــــف درتـــــ يا موفد؟ " يا ريت الكل يشاركو"

more_horiz
الموقع مجانية لان اي واحد عنده سكن يقدر يعرضه وبعكس اللي يبي سكن يقدر يلقى اعتقد مجاني لانه يعطيك عنوان صاحب السكن بس بدون مقابل ممكن ياخذ مقابل بسيط من صاحب السكن عند وضع الاعلان فقط , بالنسبة للمكتب الشعبي انا أسف ما عندي معلومة لاني لا ادرس على حساب المجتمع

تحياتي

_______________________________

الرّأيُ قَبلَ شَــجاعةِ الشّـجْـعانِ ......... هُوَ أوّلٌ وَهيَ المَـحَلُّ الثّاني
فإذا همَا اجْــتَمَعَا لنَفْـسٍ حُــرّةٍ ......... بَلَغَتْ مِـنَ العَلْياءِ كــلّ مـكانِ
وَلَـرُبّما طَـعَنَ الفَـتى أقْــرَانَهُ ......... بالرّأيِ قَبْـلَ تَطَاعُـــنِ الأقـرانِ

هاكابيري فين

descriptionكــيـــــــف درتـــــ يا موفد؟    " يا ريت الكل يشاركو" Emptyرد: كــيـــــــف درتـــــ يا موفد؟ " يا ريت الكل يشاركو"

more_horiz

ان شاء الله ربي يوفقك وتحصل ضم

مية مية الاعلان يحطه المالك وهكي تبدا المعاملة مع صاحب السكن طول ,,. أسعار السكن من كم تبدا مثلا لشقة غرفة او غرفتين في منطقة كويسة ؟



descriptionكــيـــــــف درتـــــ يا موفد؟    " يا ريت الكل يشاركو" Emptyرد: كــيـــــــف درتـــــ يا موفد؟ " يا ريت الكل يشاركو"

more_horiz
على حسب الدولة والمدينة انت اي دولة ستسافر انشء الله

descriptionكــيـــــــف درتـــــ يا موفد؟    " يا ريت الكل يشاركو" Emptyرد: كــيـــــــف درتـــــ يا موفد؟ " يا ريت الكل يشاركو"

more_horiz

كان سخر ربي بنسافر لايرلندا , قدمت ع التأشيرة , عندي معلومات كويسة عن البلاد زي اسعار العائلات في دبلن في حدود 700 يورو للشهر والاجراءات زي بريطانيا ماتاخدش وقت طويل في فتح الملف 3 ايام ولا 4 , المعيشة معقولة

أخي germay2 شكرا لك لرحابة صدرك

descriptionكــيـــــــف درتـــــ يا موفد؟    " يا ريت الكل يشاركو" Emptyرد: كــيـــــــف درتـــــ يا موفد؟ " يا ريت الكل يشاركو"

more_horiz
come ooooon
ما فيش ياراجل .. سن درت انا!!!
ربي يوفقك انشاء الله

على فكرة اتصل بالمكتب الشعبي وسال على المستندات والاجرات اللي درتها مرات في اجراء معين لازم اتديره ما تسافرش الا وكل شي على ما يرام اجراءت ايرلندا في لندن اسال وتاكد على العنوان الموقع التالي قبل لازم تبعث ايميل واشرح كل اللي درته اعتقد برقية المالية اهم شي

http://culturalaffairs.libyanembassy.org.uk/lca08/1/


تحياتي

descriptionكــيـــــــف درتـــــ يا موفد؟    " يا ريت الكل يشاركو" Emptyرد: كــيـــــــف درتـــــ يا موفد؟ " يا ريت الكل يشاركو"

more_horiz


مزبوط الاجراءات كلها تتم عن طريق مكتب لندن لان مافيش سفارة ليبية في ايرلندا والاوراق ترسل بالايميل والاخوة في دبلن متعاونين زي رئيس اتحاد الطلبة ,, ان شاء الله تمشي الامور تمام

وين باقي الأعضاء ؟؟

كـــــامل احترامي


صلاحيات هذا المنتدى:
لاتستطيع الرد على المواضيع في هذا المنتدى