نكتة واللي عنده نكته هنا

مش عادية

قالك في واحد داير روحه من الناس الهبى سألوه قالوله وين تقرا ؟ قال في كورنتيا

واحد طايحه كل سنونه ألا الأنياب قدم على وظيفه عينوووه خرامه

في واحد فتح شيل جنب حوشهم قال إمليح الواحد إيعبي بنزينة علي رجليه

السلام عليكم
قالك شاب سمروس"سحنون" خش للجيش بعد اسبوع اتوفت امه، جماعة الادارة بيخبروه وفي التمام الليلي نادوا اسمه وقالوله البقية في حياتك امك ماتت، خونا اغمى عليه وخدا فيها شهر في المستشفى ، اول مارجع للمعسكر توفى بوه، جماعة الادارة ماعرفوش كيف ايقولوله ، واحد منهم قاللهم انا عندي فكرة، وفي التمام الليلي وقفوا الكل وطلع امتع الادارة قال اللي بوه ميت يوقف على اليمين واللي امه ميتا يوقف على الايسار، خونا طلع بيوقف مع اللي امهاتهم ميتات، امتع الادارة قاله :لا انت خليك في الوسط مع اللي بوهم وامهم متوفيين.

قووية

مره فيه سارق زقب في حوش وكانت المرا صاحبة الحوش تخنسله خلاته يخش وتنط عليه هو كان رقيق ضعيف هلبه , والمرا سمينه وتنط علي بطنه وبدت تنادي علي راجلها ياحمد ياحمد مسكين السراق معاش يتحمل روحه بتطلع حتي هو بدي ينادي والنبي يا حمددددددددددد خف روحك

مره فيه تنيتن يهدرزو واحد نشد التاني قاله ولدك مسعود وين يقرا توا ,,, التاني قاله مسعود توا في السمستر التالت , الاول بيدير روحه فالح قاله في السمستر التالت غاددددددي !

واحد قالو له واحد بالانقليزي شنو؟ قال: ون
قالو له باهي عشرة شنو قال: عشر ونات
قالو له مية شنو قال ونين
قالو له مليون شنو قال :ونين للمليون

قووووية

هذه هدية لكي أخيتى طالب علم

قالك في واحد كندرته اتمزقت اشوي خيطها ,,بعد اسبوع شافها تحسنت اشوى نحه الخيط

- الأول : كيف تقول لشخص أجنبي تعالي هنا بالإنجليزي ؟ ... الثاني :
نقول له "كم هير" .. الأول : وكيف تقول له برة غادي بالإنجليزي ؟ .. الثاني :
نمشي غادي ونقول له "كم هير".

بارك الله فيك اخت سوما على المشاركة ولكن المشاركة مكررة وحدة ثانية ولك جزيل الشكر
تحياتي

قالك مرة فيه شيباني اعمي عازمينة علي العشاء في مناسبة
المهم قال لود بنته باش تمشي معاي وقالة اول ما يبدوا الجماعة في الماكلة اهمزني في جنبدي ومعادش تدورني
مشوا للعزومة قعمزوا وبدوا الناس يجيبوا في الصواني ويجهزوا جت قدام الشيباني صونية والناس كلها تستني شوي يللي بجنب الشيباني من الجهة الثانية وقف يساعد في الجماعة شوي وهو يوقف ناش الشيباني برجلة مشي الشيباني يسحابة ولد بنته قالة ابدا ويشد الصونية يللي قدامة ويبدا ياكل والناس كلها تستني مازال مابدا حد في الماكلة
المهم ولد بنته تحشم الناس كلهم يشوفوا وبدا يهمز في جدة من تحت و يقولة لا مازال يا جدي والشيباني اوذانة ثقال يسحابة يقولة زيد ويزيد الشيباني مشي زاد همزة ثاني ويزيد الشيباني الهمزة الثالثة قام الصونية الفوق وقال بالشوي ياجماعة خلونا معاكم ما ناكلوا !!!!

قالك مرة فيه واحد ليبيى وواحد مصري ماشين وتاهوا في الصحراء ومعاش عرفوا يروحو مشو وعيوا من المشى مش اقترحوا اقتراح كل واحد يركب التانى على ظهره ويغنى اغنية ولما اتم ينزل ويبدل عليه المهم المصري بيدير روحه فالح وركب على ظهر اللييبي وغنى اغنية لام كلتوم على اساس طويلة ولما تمت ركب الليبيى وبدي يغنى {{ وين حوش بوسعدية .. مازال القدام شوية}} لين وصلو

حلوة وفيها حتىقوة و شدة

قبل النكتة في معلومة ممكن مش معروفة للكل وهي ان جماعة بنغازي يحبوا الساحة الخضرة في طرابلس واجد "على فكرة انا من بنغازي" يعني مهوسين بهذه الساحة ولما يمشوا لطرابلس لازم يزوروها , عموما صاحبنا طلعله ايفاد مشى للبعثات قالو لو اختار ساحة قبل !
قال للهم : انا نبي الساحة الخضرة

حلوة
وين حوش بوسعدية مازال القدام شوية